Hebrǔ 4:11 - Kawyaw New Testament

¹¹ Pa phiphu dǒ꤮ awǐnu tokhlǒnu, a ganǎ̤dekû̌ Cǒmara ayô̤̌ tô̤̌ akhû̌akhî, a nṳ̌bǎ kû̌ kòyò dǒ Cǒmara lǎ̤ô̌kǔ agûlǎ̤nu tô̤̌. Pô̤̌khô pa gǔ gû̌kè̌lû̌mò̌mṳ kû̌ paphipaphu tôpwǎ̤ tǎ̤mǎ̤, htokhôtô̤̌ pô̤̌khô pa nṳ̌bǎ gû̌ kòyò dǒ lǎ̤ô̌kǔ agûlǎ̤ ayanu, pa tôpwa̤ kû̌ tôpwa̤ gǔ jî̌pwǐ̤wô̌ gutṳ̌ wô̤̌wô̤̌ lû̌û tǎ꤮.

Kawyaw RC

¹¹ Pa phiphu dě꤮ wǐ toǒnu, a gana̤dekû̌ Cǒmara ayo̤ tò̤ akhû̌akhî, a nṳjò kû̌kò dě Cǒmara la̤ǒkǔ agûla̤ htǒonu tò̤. Ma̤pûhǐ pa gûkè̌mò̌mṳ kû̌ pû paphipaphu dǐpwǎ̤꤮ tò̤, htohǒtò̤ ma̤pûhǐ pa nṳbǎ kû̌kò dě la̤ǒkǔ agûla̤ htǒo ayanu, pa tapwa̤ ta tapwa̤ jipwi̤ sělěplǒwǒnû̌û hò̌꤮.

Hebrǔ 4:11 Iomraidhean Croise

Matěo 11:12

Sahtò̌ bǎ jushi Khûyṳ̂ha ahtukha tǒ̤khònò̤̌nu, kòyò tokhlǒ nṳ̌ shějî̌shějû̌ mǒkhû̌ shilǎ̤gǎkû. Kòyòkhu kòyòhe tokhlǒ jî̌pwǐ̤ nṳ̌phǐsigwǐ mǒkhû̌ shilǎ̤gǎkû.

Matěo 7:13

“Cû̌nṳ̌ lô̌khô dǒ takha î̌nî̌ nutûkû, ma̤titè̌hî̌dě we̤takhalè̤̌ tûkûnu kû̌ klè̌lè̤̌ tôbônu a sûcû̌ kòyò dǒ ta̤si tûjû̌pwa̤ agûlǎ̤ dě kòyò cû̌nṳ̌ dû̌wî̤ yǎ.

Lǔka 13:24

“Jî̌pwî̤̌ cû̌kè̌lǎnṳ̌ lô̌khô dǒ takha î̌nî̌ nutûkû, ma̤titè̌hî̌dě, kòyò tokhlǒ jî̌pwî̤̌ cû̌nṳ̌ jûgrû bǎbǎkǎlè anṳ̌bò̌ lô̌khô̌ tô̤̌.

Lǔka 16:16

“Khûmṳ̂shě ta̤sû̌ta̤tòwò kû̌ piwi̤pèshè a ta̤wě̤nǎ tokhlǒnu, kòyò shôbǐǐlṳ̌ tǒ̤htû̌ pwa̤jushi Khûyṳ̂ha a htukha nuhǒ. Dǒnô̌kò, he shôbǐǐlṳ̌ bǎ kòyò kû̌ Cǒmara shilǎ̤gǎkû ta̤sǎlě̤we̤kè awe̤akè dě kòyò jî̌pwî̤̌ nṳ̌sigwǐ bò lû̌û pṳ̂̌꤮ tôpwa̤.

Jowǎ̤ni̤ 6:27

Jî̌pwǐ̤ ma̤pû shǎǎ lǎ̤ǎlǎ̤ô dǒ a nuso jò nutokhlǒ aya tǎ̤mǎ̤. Jî̌pwǐ̤ ma̤pû shǎǎshǎô dǒ a gǔ ǐ sî yôla htûpwa̤ tûjû̌pwa̤ tokhlǒ ayanu. Kòyòphû̌khû nî̌, a gǔ ǐ kòyò shǎǎ pô̤̌nu tokhlǒ pě, ma̤titèhî̌dě pha Cǒmara dǔlè̌lṳ̌ hto kû̌ a sǎphlǒô̌ lû̌û hǒ.”

Pwa̤nophû̌ 26:19

“Pô̤̌nu akhû̌khî, khwǐdû̌ Akrǐpa꤮, he gû̌ma̤ pwǎ kû̌ pô̤̌ he ta̤kè̌shǐlṳ̌ dǒ a ô̌ dǒ mǒkhû̌ hè nupwǎ.

Ěphěsu 2:2

Bǎnuakha, sî gû̌ma̤ hǎkhû̌ a ta̤phû̌mò̤̌shǐhtô tokhlǒ. Sî ganǎ̤de jûlě̤phî̌yô̤̌ gû̌ pwǎ hǎkhû̌tana dǒ a pǒǐ khînǎkhîno dǒ mǒlǎ̤ tokhlǒ ayô̤̌. Hǎkhû̌tananu, a pǒǐ pe kòyò dǒ a ganǎ̤de gû̌ kòyò Cǒmara ayô̤̌ tô̤̌ nutokhlǒ.

Ěphěsu 5:6

No tili̤talô̌ǐ tǎ̤ sînǎ̤ kû̌ kòyò dǒ a hî̌bǎlòhô dě yô̤̌mûyô̤̌sǎ ô̌tô̤̌ tokhlǒnu tǎ̤mǎ̤ nî̌꤮. Kòyò dǒ a ma̤ ta̤phû̌mò̤̌shǐhtô pô̤̌nu tokhlǒ, dě a ganǎ̤de kû̌ kòyò Cǒmara ayô̤̌ tô̤̌ tokhlǒnu, Cǒmara gǔ sǎphlǒdû̌ asî pě dě a gǔ cî̌htò̌ asî pě.

Phǐlǐpǐ 2:12

Pô̤̌nudě, sû̌khô sî bǎ he ô̌plǒ kû̌ sî akhanu, sî ganǎ̤de he yô̤̌, khònò̤̌ he ô̌yî̤ kû̌ sî akhû̌akhî, sî tôbǎ ganǎ̤de khlo pe heyô̤̌. Pô̤̌khô sî ma̤lǒhtò̌behtò̌ ta̤ma̤hǎplǎge sî ayanu, jî̌pwǐ̤ ma̤ lô̌khô ta̤ dǒ ta̤bè̌dubè̌nǎ̤ Cǒmara akû, dě ma̤ kû̌ ǐsha gònò̤̌gòglè anu nî̌꤮.

Kòlòtè̌ 3:6

Kòyò dǒ a ma̤ phû̌mò̤̌shî̌htô ta̤pô̤̌nu tokhlǒnu, a tṳ̌bǎ kû̌ Cǒmara a ta̤sǎphlǒdû̌ pě.

Tǐtǔ 1:16

Asî hî̌ kû̌ a sî̌ganǎ̤ Cǒmara bǎbǎkǎlè ta̤ma̤ dǒ asî ma̤ tokhlǒnu a ô̌lṳ̌htò̌ kû̌ asî sî̌ganǎ̤ Cǒmara tîkî̌꤮ tô̤̌. Asî nutokhlǒmî̌ lǎ̤ma̤yǒ̤sǐpi̤wô̤̌, htodě kòyò dǒ a ganǎ̤de kû̌ kòyò ayô̤̌ tô̤̌ tokhlǒ, asî glè̌ ma̤ta̤ awô̌ tocǒcǒnu a ma̤bò̌ kû̌ kòyò tô̤̌.

Tǐtǔ 3:3

Ma̤titèhî̌dě dǒ awǐkha pa tokhlǒ mî̌ kòyò nòdû̌pwǎ kòyò jûlě̤phî̌yô̤̌ tô̤̌ tokhlǒ. Pa mî̌ kòyò dǒ a gû̌ sǔ kû̌ kòyò lòhô tokhlǒ akò. Pa htû kòyò dǒ a sǎlě̤sǎyṳ ma̤mô̤ ǐtû̌ anǎ̤ tokhlǒ ajû̌ hǒ. Pa ô̌htûpwa̤ ma̤bòkè shěkhǎ kû̌ pa ma̤ ta̤phû̌mò̤̌shǐhtô kû̌ ta̤sǎkhěkhû̌khwè kòyò tokhlǒ hǒ. Kǎtô̤̌ kòyò sǎkhě pa dě pa sǎkhěshǔ kòyò.

Hebrǔ 3:12

He pṳ̌wè̤̌ sî꤮, sè̌rè̌ tûû̌ lô̌khô sînǎ̤ nî̌꤮. Bè̌ phû̌mò̤̌ lô̌khô tǎ̤ sî sǎphlǒ tǎ̤mǎ̤, sî bè̌ sî sǎphlǒ kû̌ sî yṳ̌ǎ kû̌ kòyò Cǒmara dǒ a htûpwa̤ nutôpwa̤ tô̤̌, sî cû̌ tephekè tûû̌ sîya pô̤̌nu tokhlǒnu ma̤tǎ̤ lô̌khô tôpwǎ̤꤮ tǎ̤mǎ̤ nî̌꤮.

Hebrǔ 3:18

Bǎ Cǒmara hî̌lò̤ asî kû̌, shigǎ dǒ he ǐ asî kû̌ a lǎ̤ô̌kǔ aya nutôkû mî̌ a nṳ̌ bǎ petô̤̌ a hî̌ lû̌ nutokhlǒ mî̌ mò̌pè? Ahî̌lò̤ yô̤̌ numî̌, a hî̌ kòyò dǒ a ganǎ̤de lû̌yô̤̌ tô̤̌ nutokhlǒ hǒ.

Hebrǔ 4:6

Kòyò dǒ a nṳ̌bǎpe dǒ Cǒmara a lǎ̤ô̌kǔnu, a ô̌kèpe tokhlǒkhlǒ. Bǎbǎkǎlè kòyò dǒnukha tokhlǒ dǒ a ganǎ̤de hto ta̤sǎlě̤we̤kè tokhlǒnu, a ganǎ̤de lô̌khô Cǒmara ayô̤̌ tô̤̌ akhû̌akhî, a nǐ̤bǎ gû̌pe kòyò lǎ̤ô̌kǔnu tô̤̌ hǒ.

Hebrǔ 6:11

Pa ta̤sǎyṳ mî̌ pô̤̌o: pô̤̌khô ta̤wô̌ dǒ sî sǎphlǒhtû ô̌pǒ̤kè̌shěshu tokhlǒ gǔ lǒhtò̌behtò̌ bǎ sî ayanu, pa sǎyṳ dǒ sî pṳ̂̌꤮ tôpwa̤ gǔ sǎphlǒshû̌ ma̤ lô̌khô tǒ̤dǒ agutṳ̌ pô̤̌ sî ma̤htonu.

Petru ginǐ̤bǎ tabǎ 2:6

Cǒmara cî̌htò̌ Wî̤̌sadû kû̌ Wî̤̌gamûra, dě a nolò̤tě̤gè̌ pî̌kèbò kû̌ mî̌. A ma̤htûhtò̌ bǎ kòyò dǒ nô̌kò tokhlǒ dǒ a bè̌dubè̌nǎ̤ kû̌ kòyò Cǒmara tô̤̌ tokhlǒ alǎ̤kè̌lû̌mò̌mṳ aya pwǎ.