Hebrǔ 4:10 - Kawyaw New Testament

¹⁰ Ma̤titèhî̌dě, pô̤̌ Cǒmara ô̌kǔ dǒ ata̤ma̤ akûnu, kòyò dǒ a nṳ̌bǎ dǒ lǎ̤ô̌kǔ dǒ Cǒmara olò̤ tokhlǒnu, a ô̌kǔ lô̌khô dǒ ata̤ma̤ pě.

Kawyaw RC

¹⁰ Ma̤tè̤hî̌dě, pwǐ Cǒmara ǒkǔ dě ata̤ma̤ akûnu, kòyò htě a nṳjò dě la̤ǒkǔ ta Cǒmara olò̤ htǒotoǒnu, a ǒkǔ lǒkho ata̤ma̤ pě.

Hebrǔ 4:10 Iomraidhean Croise

Mǒhtûlû̌hǎhtûsa 2:2

Cǒmaradû̌ ma̤htobò ata̤bô̌lò̤ tokhlǒ hǒ dě bǎ mṳ̌ni̤ susô̌tôni̤ nutôni̤nu, a ô̌kǔ dě a ma̤ pe ta̤ma̤ tôcǒ꤮ tô̤̌.

Jowǎ̤ni̤ 19:30

Bǎ Běcǎ Yeshǔ lî̌kè̌bǎ akhanu, a hî̌ kû̌, “A htohǒ.” Dě a û̌lò̤kè ikǒ, htodě a ǐlò̤kè ata̤htûpwa̤ dǒ Cǒmara a cǔdekû.

Hebrǔ 1:3

Kòyò gǔ kè̌shǐ tutṳ̌ Cǒmara a ta̤bwǐdû̌sîrîhtû dǒ akû pě. A mî̌ a sô̌sô̌ bòmǔtegle kû̌ Cǒmara. Pô̤̌khô hǎkhû̌ kû̌ mǒkhû̌ kû̌mî̌ ta̤bô̌lò̤ lǒ̤꤮ bò tokhlǒ gǔ ô̌ gutṳ̌ hènè pô̤̌ pěnu, a pṳ̂̌mějè̌ kû̌ ta̤bô̌lò̤ lǒ̤bònu kû̌ ayô̤̌ dǒ apô̤phǎ shû̌sho nutokhlǒ. Bǎ a ma̤phlǔma̤hto ta̤plûkè kòyòhǎkhû̌phû̌ ata̤sǔ sîtokhlǒ akhanu, a gehtò̌ dǒ mǒkhû̌ dě a htò̌hǎnòò̌ bǎ Cǒmara dǒ apô̤aphǎ adû̌htû gutṳ̌ nutôpwa̤ acǔde cǔtômû tôkhô pě.

Hebrǔ 10:12

Bǎbǎkǎlè Khrǐ lṳhtò̌ bǎ pa ta̤sǔ aya tokhlǒnu, a lṳhtò̌ tôplǎnô̤̌pwǎ dě a hto phlǔbò tûjû̌pwa̤ hǒ. Dě a ge hǎnòò̌ô̌ dǒ Cǒmara a cǔtômû tôkhô hǒ.

Hebrǔ 4:9

Pô̤̌nudě, asô̌sô̌kû̌ Cǒmara ma̤hto ata̤ma̤ ni̤susô̌ dě a ô̌kǔ dǒ lṳmṳ̌ni̤ susô̌tôni̤ nutôni̤ nuhǒ, Cǒmara a kòyò tokhlǒ genṳ̌ ô̌kǔ kû̌ Cǒmara pě.

Ta̤dǔlè̌nǎ 14:13

Htodě he ganǎ̤de ta̤lě̤pwe̤htò̌ dǒ mǒkhû̌ dě a hî̌ kû̌, “Wě̤mǎnǎyǎ, sahtò̌ khònò̤̌ hènènu, kòyò dǒ a si dǒ Cǒmara a ta̤phǐta̤ma̤ akû tokhlǒnu, a gǔ nǐ̤bǎ ta̤ǐshowî̤.” Yôla Plò̌shǐ Běcǎ hî̌ kû̌, “A mè̤̌mî̌ca ma̤titèhî̌dě asî gǔ ô̌kǔbǎ lô̌khô dǒ a ta̤phǐta̤ma̤ tokhlǒ akû kû̌ a ta̤jî̌ta̤jû̌ tokhlǒ akû hǒ. Htokhôtô̤̌ asî ata̤phǐta̤ma̤ dǒ abwǐsîrî ô̌ tokhlǒnu, a gǔ gû̌kû̌ asîkò pě.”

Ta̤dǔlè̌nǎ 6:11

Kòyò ǐ asî jejûbû pṳ̂̌tôpwa̤, htodě kòyò hî̌ asî kû̌ asî gǔ ô̌kǔ pô̤̌ tashò̌phû̌nô̤̌. Dě asî gǔ ô̌kǔ tǒ̤dǒ kòyò ma̤si bò asî khô jû̌ tokhlǒ kû̌ apṳ̌wè̤̌ dǒ a yṳ̌nǐ̤nǎ̤nǐ̤ tokhlǒ pô̤̌ kòyò ma̤sihto asî nupě.