Hebrǔ 4:1 - Kawyaw New Testament

¹ Cǒmara olò̤ pe pa tǒ̤lò̤khònò̤̌ kû̌ pa nṳ̌bǎ dǒ lǎ̤ô̌kǔ agûlǎ̤nu pě. Pô̤̌khô sî pṳ̂̌꤮ tôpwa̤ gǔ nṳ̌bǎ dǒ lǎ̤ô̌kǔ dǒ Cǒmara olò̤ ayanu, pa bè̌sè̌rè̌ lô̌khô panǎ̤.

Kawyaw RC

¹ Cǒmara olò̤ sadape pa tǒ̤lò̤khònò̤ ta pa nṳjò dě la̤ǒkǔ agûla̤ htǒonu pě. Ma̤pûhǐ sî pṳ̂̌꤮ tapwa̤ nṳjò dě la̤ǒkǔ ta Cǒmara olò̤ htǒo ayanu, pa bǎsè̌rè̌ǐ pana̤.

Hebrǔ 4:1 Iomraidhean Croise

Matěo 24:48

Bǎbǎkǎlè hî̌kûmṳ̂̌ kû̌ jû̌ dǒ ajî̌ tôpwa̤nu, a kè̌ gènè̤ kû̌, ‘heběcǎ getîkhî lǎphwè khôtô̤̌,’ a gènè̤ dě,

Pwa̤nophû̌ 3:19

Pô̤̌khô Cǒmara gǔ plûkè sî ta̤sǔnu dě, yò̤lǎ̤plǎdî̌ lô̌khô sîsǎphlǒ dě htû̌lè̌ getîkhî sô̌ lô̌khô dǒ Cǒmara a ô̌. Sî kè̌ ma̤pô̤̌nu hî̌dě htǔ꤮ shěkhǎtô shěkhǎbǎ pěnu, Běcǎ Cǒmara gǔ ǐ sî ta̤khû̌ǎ pě.

Rṳ̂̌me̤ 11:20

Sî hî̌ numî̌ amè̤̌pwǎ. Bǎbǎkǎlè dǒ asî yṳ̌ǎ Khrǐ tô̤̌ akhû̌akhî, Cǒmara yǒgǎkè sǒphò dǒ a mî̌ Yǔdaphû̌nu pwǎ. Dǒ sî ta̤yṳ̌ta̤nǎ̤ akhû̌akhîdě, Cǒmara tû̌htu icu sî kû̌ sǒmṳ̌nu pwǎ. Pô̤̌nudě gènè̤dû̌ ǐtûû̌ tǎ̤ lô̌khô sînǎ̤ tǎ̤mǎ̤.

Rṳ̂̌me̤ 3:23

Ma̤titè̌hî̌dě kòyò pṳ̂̌꤮ tôpwa̤ ma̤ ta̤sǔta̤plě. Dě a htò̌tǒ̤bò̌ pe dǒ Cǒmara a ta̤bwǐdû̌sîrîhtûnu tôpwǎ̤꤮ tô̤̌.

Kôritu awǐlǒ tôbǎ 10:12

Pô̤̌nudě na kè̌ gènè̤ tûû̌ nanǎ̤ kû̌ he ta̤yṳ̌ta̤nǎ̤ shû̌sho hǒ kè̌hî̌dě, ô̌sè̌rè̌ tûû̌ nanǎ̤ nî̌, hî̌pě na ma̤ta̤sǔ hè̌.

Kôritu ginǐ̤bǎ tôbǎ 6:1

Pa mî̌ pwa̤ma̤wô̤̌wô̤̌ta̤ kû̌ Cǒmara tokhlǒ akhû̌akhî, pa shò̌gû̌ sî kû̌ sî gǔ ô̌htûpwa̤ pô̤̌ Cǒmara sǎyṳ no ô̌htûpwa̤ sînu. Sî mî̌ kòyò dǒ a nǐ̤bǎ hto Cǒmara abwǐsîrî tokhlǒ hǒ akhû̌akhî, sî bǎ ô̌htûpwa̤ lô̌khô pô̤̌nu.

Galatǐ 5:4

Dǒ sîkla tokhlǒkhlǒnu, a gènè̤sǔ lô̌khô kû̌ asî kè̌ gû̌ma̤ ta̤sû̌ta̤tòwò numî̌ Cǒmara bè̌cǒbè̌tè̤ lû̌û pě, pô̤̌nu. Sî kè̌ gènè̤ lô̌khô pô̤̌nu hî̌dě sî bǒsû̌khǎkhô pe sînǎ̤ kû̌ Khrǐ tô̤̌. Sî bè̌tephekè sînǎ̤ kû̌ Cǒmara abwǐsîrî nuhǒ.

Tîmôte ginǐ̤bǎ tôbǎ 2:13

Pa kè̌ cǒ kû̌ a tô̤̌ bǎbǎkǎlè acǒ tûû̌ pa pě, ma̤titèhî̌dě a htè̌bǐ hè jò anǎ̤tô̤̌.” Ta̤hî̌bǎ hǒtokhlǒ mî̌ acǒatè̤ pwǎ.

Hebrǔ 12:15

Pô̤̌khô sî pṳ̂̌꤮ tôpwa̤ gǔ nǐ̤bǎ lô̌khô Cǒmara abwǐsîrî nudě, sè̌rè̌ lô̌khô sînǎ̤ nî̌꤮. Nohtûhtò̌ tǎ̤ lô̌khô sînǎ̤ pô̤̌ sǒmṳ̌ dǒ awè̤̌htòô̌ dě kòyò ǎ a dě a sijò kòyò nutokhlǒ tôpwǎ̤ tǎ̤mǎ̤ nî̌꤮. Kòyò dǒ asô̌sô̌kû̌ sǒmṳ̌ dǒ a ma̤ sijò kòyò tokhlǒnu a gǔ dô̌htò̌ dǒ sîkla dě a ma̤pò̤̌ma̤sha dû̌wî̤ kòyò kû̌ a ta̤wè̤̌ta̤htò si nupě.

Hebrǔ 12:25

Pô̤̌nudě, pô̤̌khô sî gǔ htû kòyò dǒ a ganǎ̤de Cǒmara alě̤pwe̤htò̌ dě a htè̌shěshu Cǒmara nutokhlǒ tô̤̌nu, ô̌sè̌rè̌ lô̌khô sînǎ̤ nî̌꤮. Bǎ Isôrělaphû̌ tokhlǒ ganǎ̤de ta̤dǐsè̌rè̌ asî dǒ hǎkhû̌nu akhanu, asî ganǎ̤de lô̌khô lû̌ûyô̤̌ tô̤̌. Pô̤̌nudě a khlè̌ hǎplǎbò̌ lô̌khô kû̌ ta̤cî̌htò̌ tô̤̌. Kè̌ ma̤pô̤̌nudě kè̌ pa htè̌shěshu dǒ mǒkhû̌ nutôpwa̤ dǔlè̌lṳ̌ panu kè̌hî̌dě, gènè̤kè̌mò̌, sî khlè̌ hǎplǎ bò̌jò pe kû̌ Cǒmara a ta̤cî̌htò̌ tîkî̌꤮ nô̌tô̤̌hǒ.

Hebrǔ 13:7

Gènè̤htò̌sô̌ lô̌khô kòyò dǒ a htû sî ikǒlǒkòdû̌ dě a shôbǐǐ bǎ hto sî kû̌ Cǒmara alě̤ayô̤̌ nutokhlǒ nî̌꤮. Gènè̤kè̌kè̌ lô̌khô asî ata̤ô̌htûpwa̤ dǒ awô̌ nutokhlǒ, dě gû̌kè̌lû̌mò̌mṳ lô̌khô asî ta̤yṳ̌nu tokhlǒ nî̌꤮.

Hebrǔ 3:11

Pô̤̌nudě he sǎphlǒdû̌ asî dě he hî̌lò̤ asî ayô̤̌ tômû kû̌, ‘shigǎ dǒ he olò̤ kû̌ he gǔ ǐ kû̌ asî lǎ̤ô̌kǔ nutôkûnu, asî nṳ̌bǎ petô̤̌ hǒ,’ he ǐsho lò̤kè asî pô̤̌nu.”

Hebrǔ 4:11

Pa phiphu dǒ꤮ awǐnu tokhlǒnu, a ganǎ̤dekû̌ Cǒmara ayô̤̌ tô̤̌ akhû̌akhî, a nṳ̌bǎ kû̌ kòyò dǒ Cǒmara lǎ̤ô̌kǔ agûlǎ̤nu tô̤̌. Pô̤̌khô pa gǔ gû̌kè̌lû̌mò̌mṳ kû̌ paphipaphu tôpwǎ̤ tǎ̤mǎ̤, htokhôtô̤̌ pô̤̌khô pa nṳ̌bǎ gû̌ kòyò dǒ lǎ̤ô̌kǔ agûlǎ̤ ayanu, pa tôpwa̤ kû̌ tôpwa̤ gǔ jî̌pwǐ̤wô̌ gutṳ̌ wô̤̌wô̤̌ lû̌û tǎ꤮.

Hebrǔ 4:9

Pô̤̌nudě, asô̌sô̌kû̌ Cǒmara ma̤hto ata̤ma̤ ni̤susô̌ dě a ô̌kǔ dǒ lṳmṳ̌ni̤ susô̌tôni̤ nutôni̤ nuhǒ, Cǒmara a kòyò tokhlǒ genṳ̌ ô̌kǔ kû̌ Cǒmara pě.