Hebrǔ 3:7 - Kawyaw New Testament

⁷ Pô̤̌nudě Yôla Plò̌shǐ Běcǎ hî̌ kû̌, “Khò̌tini̤, sî kè̌ ganǎ̤de Cǒmara alě̤pwe̤htò̌ hî̌dě,

Kawyaw RC

⁷ Hǐnudě Běcǎ sǎcahtǐ hî̌, “Khò̌ti̤ni̤, sî dè gana̤de Cǒmara ayo̤po̤ hî̌dě,

Hebrǔ 3:7 Iomraidhean Croise

Htû̌sò̌htò̌ 81:11

“Bǎbǎkǎlè he kòyò ganǎ̤de heyô̤̌ tô̤̌. “Isôrělaphû̌ jûǎ he yô̤̌ tô̤̌.

Htû̌sò̌htò̌ 81:13

“He kòyò tokhlǒ, he sǎyṳ no ganǎ̤de tǒ̤ heyô̤̌ nô̤̌. “Isôrělaphû̌ tokhlǒ, he sǎyṳ no gû̌ tǒ̤꤮ heklè̌heklò nô̤̌.

Matěo 17:5

Bǎ a hî̌bǎ pepwǎ akhanu, poǒlṳ̌ kakha tôbě lò̤plû̌ bǐkè asî dě alě̤pwe̤htò̌ tômû dǒ poǒlṳ̌ akû kû̌, “Hǒomî̌ hephû̌ dǒ he mô̤ǐ yǎ dě he sǎphlǒô̌ yǎ tôpwa̤, ganǎ̤de lô̌khô ayô̤̌ nî̌꤮.”

Matěo 22:43

Dě a hî̌ asî kû̌, “Kè̌ ma̤pô̤̌nudě ma̤titèdě Yôla Plò̌shǐ Běcǎ htû̌sò̌bǎ Khûdawi̤ dě a cû̌no kaǎtǒ̤ Khrǐnu kû̌, ‘Běcǎ’ ma̤titè? Ma̤titèhî̌dě a cû̌hî̌ tǒ̤ kû̌,

Mǎ̤riko 12:36

Ma̤titèhî̌dě Khwǐdawi̤ anǎ̤sanǎ̤ nî̌ Yôla Plò̌shǐ Běcǎ htû̌bǎ asǎphlǒ dě a nohî̌ lû̌û kû̌, ‘Běcǎ Cǒmara hî̌ he Běcǎ Me̤shǐya kû̌, “Hǎnòò̌ dǒ he cǔtômû nutôkhô, hǎnòò̌ tǒ̤dǒ he ma̤pè̤̌ bò hto lǒ̤꤮ bò pwa̤sǎkhwè̌ he hè olò̤wǎ̤lò̤ bòkè dǒ na ô̌ pě nu nî̌꤮.”’

Jowǎ̤ni̤ 10:16

He sû̌phû̌ dǒ ashǔshawa̤ dǒ a ô̌ bǎ apô̤kû tô̤̌nu a ô̌pe tokhlǒ. He bǎ kaǎge asî pě. Asî gǔ ganǎ̤de heyô̤̌ pě, dě asî gǔ ge htûbò sû̌phû̌ tômṳ̌ pě, pwa̤kè̌sû̌phû̌ a Běcǎ tôpwa̤ nô̤̌ pě.

Jowǎ̤ni̤ 10:27

He sû̌phû̌ tokhlǒ numî̌ a ganǎ̤de heyô̤̌. He sî̌ganǎ̤ asî, dě asî gû̌ hekò.

Jowǎ̤ni̤ 10:3

Pwa̤ô̌pǒ̤ takhakû tôpwa̤nu, a gǔ bǔmôshěshu bǎ pwa̤kè̌sû̌phû̌ nutôpwa̤ takhade pě. Sû̌phû̌ tokhlǒ ganǎ̤de sî̌ganǎ̤ lû̌ûyô̤̌. Dě a kaǎhtò̌ ǐtûû̌ asû̌phû̌ sî tôdo ami̤ tocǒ, tôdo ami̤ tocǒ dǒ apô̤khlo dě asû̌phû̌ tokhlǒ gû̌bò lû̌ûkò.

Jowǎ̤ni̤ 5:25

He hî̌cǒcǒ sî, shěkhǎ dǒ kòyòsi tokhlǒ gǔ ganǎ̤de Cǒmara aphû̌khû ayô̤̌, dě kòyò dǒ a ganǎ̤de nutokhlǒ gǔ htûpwa̤ pěnu, a gǔ hètǒ̤ pě. A hètǒ̤ hto khònò̤̌ hǒ.

Pwa̤nophû̌ 1:16

Dě Khûpetarǔ ihtǒ hî̌ kû̌, “Pṳ̌wè̤̌ sî꤮, lî̤plò̌shǐ hî̌nǎ hto kû̌ Khûyǔda dǒ a yṳ̂̌ bǎ kòyò klè̌ dě a nopṳ̂̌ kòyò kû̌ Yeshǔ awe̤akènu. Dě Yôla Plò̌shǐ Běcǎ nohî̌bǎ Khwǐdawi̤ kû̌ hǒo tokhlǒ awe̤akè numî̌ a tôbǎ lǒhtò̌behtò̌ nòpwǎ.

Pwa̤nophû̌ 28:25

Bǎ asî sǎphlǒ lûkhô̌ kè lû̌û dě asî hǎhtò̌cû̌kè akhanu, Khûpò̌lǔ hî̌bǎ ayô̤̌ dǒnô̌kòlǒ tômû kû̌, “Yôla Plò̌shǐ Běcǎ hî̌bǎ tutṳ̌ kû̌ piwi̤pèshè Khûyashǎya dě a shôbǐǐ pa mǒ̤phaphiphu dǒ꤮ awǐnu tokhlǒ numî̌ a tôtǐ pwǎ.

Pwa̤nophû̌ 8:29

Yôla Plò̌shǐ Běcǎ shôbǐǐ Khûphǐlǐpǔ kû̌, “Cû̌ dǒ a tîsî̌lô̤ kòshî̌nu.”

Hebrǔ 10:15

Pa sî̌ganǎ̤ kû̌ ta̤hî̌bǎ ayô̤̌ hǒtômû atô pwǎ. Ma̤titèhî̌dě, dǒ lî̤plò̌shǐ akûnu, Yôla Plò̌shǐ Běcǎ hî̌ sô̌sô̌ pô̤̌nu, dě a hî̌ kû̌,

Hebrǔ 3:13

Mè̤mè̤̌tôkhôdě, khònò̤̌ ta̤ma̤hǎplǎge dǒ Cǒmara ǐ panu pô̤̌khô ta̤sǔ gǔ lô̌ǐplò̤ǐ tǎ̤ sî tôpwǎ̤꤮ tǎ̤mǎ̤, pô̤̌khô sî gǔ ikǒpwǐ̤ lô̌khô tôpwǎ̤ tô̤̌ ayanu, pṳ̂̌꤮ ni̤ni̤ ǐkhû̌ǐǎ ma̤jè̌ kè̌khîlû̌ tôpwa̤ kû̌ tôpwa̤ nî̌꤮.

Hebrǔ 3:15

Htodě lî̤plò̌shǐkû hî̌ kû̌, “Sî kè̌ ganǎ̤de Cǒmara alě̤pwe̤htò̌ khò̌tini̤ hî̌nu, ikǒpwǐ̤ tǎ̤ lô̌khô pô̤̌ sîphisîphu ikǒpwǐ̤ dě htè̌shěshu Cǒmara dě ganǎ̤de lû̌ûyô̤̌ tô̤̌ nutokhlǒ ma̤nu tǎ̤mǎ̤ nî̌꤮,” a hî̌ pô̤̌nu.

Hebrǔ 4:7

Pô̤̌nudě lṳmṳ̌ni̤ shěkhǎ dǒ kòyò gǔ nṳ̌ dǒ Cǒmara lǎ̤ô̌kǔnu, a bè̌khô̌tû̌ lṳmṳ̌ni̤ dǒ ashǔshawa̤ tôni̤. A bè̌khô̌pe lṳmṳ̌ni̤ dǒ ashǔshawa̤ tôni̤ numî̌ khò̌tini̤ hǒ. Dǒ nô̌kò něyî̤layî̤nu, Cǒmara shôbǐǐlṳ̌ tutṳ̌ bǎ ayô̤̌ tômû kû̌ Khûdawi̤ pô̤̌ he wě̤ htonu dě a hî̌ kû̌, “Khò̌tini̤ sî kè̌ ganǎ̤de Cǒmara alě̤pwe̤htò̌ hî̌dě ikǒpwǐ̤ lô̌khô tǎ̤mǎ̤ nî̌꤮.” a hî̌ pô̤̌nu.

Hebrǔ 9:8

Dǒ ta̤nu akhû̌akhî, Yôla Plò̌shǐ Běcǎ dǔlè̌lṳ̌ bǎ pa kû̌, kè̌ kòyò noǎ ǐtûû̌ hǐphû̌dû̌ plò̌shǐ ali̤ hǒtômè hî̌dě klè̌lǎ̤nṳ̌ dǒ hǐphû̌ mè̤̌mî̌ca nutômè akûnu, a lûmô khôtô̤̌.

Petru ginǐ̤bǎ tabǎ 1:21

Ma̤titèhî̌dě, piwi̤pèshè a ta̤shôbǐǐlṳ̌ tokhlǒ numî̌, a hè pô̤̌ kòyò sǎyṳ nohî̌nu mè̤̌tô̤̌. Asî shôbǐǐlṳ̌ bǎ kòyò ta̤we̤ta̤kè numî̌ a shôbǐǐlṳ̌ bǎ kòyò pô̤̌ Yôla Plò̌shǐ Běcǎ shôbǐǐ bǎ asî nupwǎ, dě ta̤we̤ta̤kè numî̌ a ô̌ dǒ Cǒmara a ô̌ hè.

Ta̤dǔlè̌nǎ 3:20

Ganǎ̤de lô̌khô he ihtǒ ô̌bǎ takha lô̤mô̤̌ dě he tôglô̌ takhanu. Kòyò tôpwa̤pwa̤ kè̌ ganǎ̤de he tôglô̌ takha kè̌hî̌ dě bǔmôshěshu yǎ, he gǔ hènṳ̌ ǎcuôcu kû̌ yǎ dě a ǎcuôcu kû̌ he pě.