Hebrǔ 3:6 - Kawyaw New Testament

⁶ Bǎbǎkǎlè, Khrǐ nî̌ asô̌sô̌kû̌ Khûmṳ̂shě dǒ a htû pwa̤ma̤ta̤phû̌ dǒ Cǒmara ahǐkû nutôpwa̤ mè̤̌tô̤̌. A mî̌ Cǒmara aphû̌khû tôpwa̤. A mî̌ acǒ kû̌ ata̤ma̤ dě a kè̌khwè̌ǐ apha Cǒmara a hǐphû̌phòphû̌ tokhlǒ. Pa kè̌ gû̌ khukhuhehe hè sělě kû̌ Khrǐ tǒ̤dǒ agutṳ̌ htokhôtô̤̌ ta̤ dǒ Cǒmara gǔ ǐ panu, pa kè̌ kè̌shuǐ hènè tǒ̤dǒ agutṳ̌ numî̌, pa mî̌ Cǒmara ahǐphû̌phòphû̌ hǒ.

Kawyaw RC

⁶ Pwǎ̤tadě, Khrî̌stu htǒonumî̌ alò̤ta Mǒ̤jè htě a htû pwa̤ma̤ta̤ dě Cǒmara ahǐkûnu tapwa̤ mè̤tò̤. A mî̌ Cǒmara aphû̌khû tapwa̤. A mî̌ acǒatè̤ ta ata̤ma̤ dě a kè̌ǐkhwè̌ǐ apha Cǒmara ahǐphû̌phòphû̌ toǒ. Pa dè gû khukhuhaha hèsělě Khrî̌stu to̤htû̌ agutṳ htohǒtò̤ ta̤ htě Cǒmara glè ǐ pa htǒonu, pa dè kè̌shuǐ hèsělě to̤htû̌ agutṳ hî̌mò̌nu, pa mî̌ Cǒmara ahǐphû̌phòphû̌ hǒ.

Hebrǔ 3:6 Iomraidhean Croise

Htû̌sò̌htò̌ 2:12

Dô̌gînî̤lò̤ dǒ phû̌phû lô̤mô̤̌ nu. Hî̌pě asǎphlǒdû̌ dě bǎ sîcû̌ dǒ klè̌lô̤ akhanu, dǒ ta̤gènè̤ tǒ̤tô̤̌ akû sîsikè hè̌. Tashò̌phû̌ akûnô̤̌nu asǎphlǒdû̌ htò̌phwè pě. Kòyò hèô̌tûdû anǎ̤ dǒ a ô̌nu a nǐ̤bǎ ta̤ǐshôwî̤.

Matěo 10:22

Dǒ hekhû̌khî dě, kòyò pṳ̂̌꤮ tôpwa̤ sǎkhě bò sî pě. Bǎbǎkǎlè kòyò dǒ a ihtǒ tònò ô̌měô̌gle dǒ a ta̤yṳ̌ta̤nǎ̤ akû tǒ̤dǒ agutṳ̌ tokhlǒnu Cǒmara ma̤hǎplǎge asî pě.”

Matěo 16:18

Dě he hî̌ na, nami̤ kû̌ Khûpetarǔ Dě he shǒlò̤ he ta̤dòkû dǒ lǒ̤ hǒo alô̤ pě. Ta̤si ashû̌asho lò̤jû̌ bò alǎ̤ pě.

Matěo 24:13

Bǎbǎkǎlè kòyò dǒ a ihtǒ ô̌měô̌gle dǒ a ta̤yṳ̌ta̤nǎ̤ akû tǒ̤dǒ agutṳ̌ tokhlǒnu Cǒmara gǔ ma̤hǎplǎge asî pě.

Rṳ̂̌me̤ 11:22

Pô̤̌nudě gènè̤ tě̤tě̤mè̤̌mè̤̌ lô̌khô. Cǒmaranu, tôkhômî̌ a gwèbǎǐ a kòyò, tôkhônu a cî̌htò̌ shosho ǐtûû̌ a kòyò. A cî̌htò̌ ǐtûû̌ a kòyò Yǔdaphû̌ dǒ a cû̌ tephekè lû̌û tokhlǒnu bǎbǎkǎlè a sǎyṳgwèbǎǐ ǐtûû̌ sî dǒ a mî̌ Yǔdaphû̌ mè̤̌tô̤̌ nutokhlǒ. Bǎbǎkǎlè sî tô bè̌dubè̌nǎ̤ hènè lô̌khô a ta̤sǎyṳ ǐtûû̌ sînu. Kè̌mè̤̌tô̤̌dě a pè̤̌tṳ̌kè sî pě.

Rṳ̂̌me̤ 12:12

Sî ta̤kè̌shuǐ dǒ Cǒmara tîwî̌tòwò bǎ sîya hǒtokhlǒnu, sǎlě̤sǎlò̤ lô̌khô nî̌꤮. Bǎ ta̤pò̤̌ta̤sha hèbǎ sî akhanu, khòsǎdô lô̌khô, kwicaba lô̌khô pṳ̂̌꤮ tôplǎ nî̌꤮.

Rṳ̂̌me̤ 15:13

Bǎ sî yṳ̌ǎnṳ̌ Cǒmara dǒ a ma̤jè̌ sî akhanu, a mî̌ Cǒmara tôpwa̤ dǒ pa lǎ̤kè̌shuǐ a kòshî̌gutṳ̌ akhû̌akhî, a gǔ ma̤lǒbe bǎtûû̌ sî sǎlě̤sǎlò̤ kû̌ sî sǎphlǒ a ta̤gûjû̌kabǎ nî̌꤮. Htokhôtô̤̌ pô̤̌khô sî ta̤kè̌shuǐ gǔ shû̌htò̌shohtò̌ sělě pô̤̌ dǒ alô̤mô̤̌ kû̌ Yôla Plò̌shǐ Běcǎ a ta̤pô̤ta̤phǎ akhû̌akhî, pwǎ nudě he kwicaba bǎ sîya hǒ.

Rṳ̂̌me̤ 5:2

Dǒ pa yṳ̌ǎ Běcǎ Yeshǔ Khrǐ akhû̌akhîdě, a no ô̌htûpwa̤ pa dǒ Cǒmara abwǐsîrî akû hǒ. Khònò̤̌ pa ô̌htûpwa̤ dǒ abwǐsîrî akû hǒ. Dě pa sǎlě̤ kè̌shumò̤̌mô̤ǐ Cǒmara a ta̤bwǐdû̌sîrîhtûnu hǒ.

Kôritu awǐlǒ tôbǎ 3:16

Sî mî̌ Cǒmara a ta̤lṳhtò̌hô dě Cǒmara a Yôla Plò̌shǐ dǒ a ô̌ dǒ Cǒmara a ô̌ tôpwa̤ hènṳ̌ ô̌htûpwa̤ bǎ sîkû numî̌ sî sî̌ganǎ̤ bǎtô̤̌ ya?

Kôritu awǐlǒ tôbǎ 6:19

Sî nǎ̤glǒ numî̌ Yôla Plò̌shǐ Běcǎ dǒ Cǒmara ǐlò̤ bǎ sî tôpwa̤ alǎ̤ô̌ a ta̤lṳhtò̌hô numî̌ sî sî̌ganǎ̤ tô̤̌ ya? Ma̤titèhî̌dě Cǒmara pwî̤ lě̤dû̌pwî̤htû hto sî akhû̌akhî, sî nǎ̤glǒnu sî ta mè̤̌ pe tô̤̌ hǒ. A htûhtò̌ Cǒmara ata hǒ. Pô̤̌nudě noǎ lô̌khô sî nǎ̤glǒnu dǒ Cǒmara ta̤bwǐdû̌sîrîhtû ayanu nî̌꤮.

Kôritu ginǐ̤bǎ tôbǎ 6:16

Cǒmara a ta̤lṳhtò̌hônu a ô̌plǒjò kû̌ ta̤yô̤ta̤gî̌ ya. Pô̤̌nudě, pa tokhlǒ numî̌ Cǒmara dǒ a htûpwa̤ tôpwa̤ a ta̤lṳhtò̌hô. Cǒmara hî̌ kû̌, “He gǔ hèô̌ dǒ hekòyò tokhlǒ a sǎphlǒkû pě dě he gǔ cû̌ kû̌ asî pě. Dě he gǔ htû asî Cǒmara pě, dě asî gǔ htû hekòyò tokhlǒ pě.”

Galatǐ 6:10

Pô̤̌nu akhû̌akhî bǎkhò̌tè꤮ bǎbǎ, bǎ pa nǐ̤bǎ ta̤shěta̤khǎ wô̌ akhanu, pa bǎ ma̤wô̌ bǎ kòyò pṳ̂̌꤮ tôpwa̤. Bǎbǎkǎlè sî ma̤ta̤ awô̌nu kè̌dû̌shǐ pû ta̤dòkûphû̌ nutokhlǒ nî̌.

Galatǐ 6:9

Ma̤ta̤ wô̌nu nî̌ sǎphlǒpî̌ lô̌khô tǎ̤mǎ̤ nî̌꤮. Pa kè̌ sǎphlǒpî̌ tô̤̌ hî̌dě, htû̌꤮ shěkhǎ bǎ pěnu, pa gǔ kǎbǎ sô̌ ta̤sǎta̤phô pě.

Ěphěsu 3:12

Dǒ pa yṳ̌ǎ Khrǐ, htodě dǒ pa htûhtò̌kè ta̤tôcǒ꤮ nô̤̌ kû̌ Khrǐ akhû̌akhî, khònò̤̌ pa gǔ hènṳ̌ dǒ Cǒmara a ô̌ kû̌ ta̤yṳ̌ǎ tûû̌ anǎ̤ kû̌ ta̤khuta̤he numî̌ anǐ̤ hǒ.

Kòlòtè̌ 1:23

Pô̤̌khô sîmǐ̤sǎ gǔ ô̌ dǒ Cǒmara a lô̤mô̤̌ nudě, tûlû̌ yṳ̌ǎ hèpô̤̌ lô̌khô pô̤̌nu. Yṳ̌ǎshû̌ yṳ̌ǎsho lô̌khô, dě ô̌měô̌gle lô̌khô dǒ sî ta̤yṳ̌ akû nî̌꤮. Bǎ sî ganǎ̤de ta̤sǎlě̤we̤kè akhanu, sî nǐ̤bǎ hto ta̤kè̌shuǐ hǒ. Dě sǎphlǒ lûhtôlûlò̤ tǎ̤ lô̌khô dǒ sî ta̤kè̌shuǐ akûnu tǎ̤mǎ̤ nî̌꤮. Ta̤sǎlě̤we̤kè dǒ Cǒmara ma̤wô̌ getîkhî sô̌ kòyò tokhlǒ kû̌ anǎ̤nu, kòyò shôbǐǐ cû̌ lû̌û dǒ kòyò pṳ̂̌꤮ tôpwa̤ a ô̌, kû̌ dǒ hǎkhû̌ tabǎ a ô̌ hǒ. He mî̌ Khûpò̌lǔ, he shôbǐǐ ta̤sǎlě̤we̤kè nuhǒhǒ.

Tîsalònǐ awǐlǒ tôbǎ 5:16

Sǎlě̤sǎlò̤ lô̌khô pṳ̂̌꤮ plǎ.

Tîsalònǐ ginǐ̤bǎ tôbǎ 2:16

Papha Cǒmara abwǐsîrî akhû̌akhî dě a ǐlò̤ pa a ta̤ǐkhû̌ǐǎ tûjû̌pwa̤ kû̌ ta̤kè̌shuǐ dǒ acǒatè̤ tokhlǒnu hǒ. Pa Běcǎ Yeshǔ Khrǐ kû̌ papha Cǒmara dǒ a mô̤ǐ pa nutôpwa̤ ǐkhû̌ǐǎ pû sî nî̌꤮. Kǎtô̤̌ pô̤̌khô lǒ̤꤮ bò sî ta̤phǐta̤ma̤ nutokhlǒ kû̌ lǒ̤꤮ bò sî ta̤hî̌bǎ tokhlǒ gǔ wô̌ ayanu, a gǔ ǐshû̌ǐshohtò̌ pû sî sǎphlǒ nî̌꤮.

Tîmôte awǐlǒ tôbǎ 3:15

Bǎbǎkǎlè he kè̌ hè pò̤̌yǎ̤ hî̌dě pa tô ô̌htûpwa̤ dǒ Cǒmara a hǐphû̌phòphû̌ aya hî̌tènu, he lî̤ gǔ dǐsî̌ganǎ̤ na pě. Hǐ nî̌ Cǒmara dǒ a htûpwa̤ tôpwa̤ a ta̤dòkû nuhǒ. Ta̤dòkû numî̌ a dǐ shû̌htò̌ ta̤tě̤ta̤mè̤̌ ata̤sû̌ǐ tokhlǒ dǒ asô̌sô̌kû̌ hǐhtǔ kû̌ nò̌dò̌ dǒ a tûhtû̌ mě hǐ tômè nuhǒ.

Hebrǔ 1:2

Bǎbǎkǎlè lṳmṳ̌ni̤ gutṳ̌kò tokhlǒnu, a hî̌bǎlò̤ tutṳ̌ kû̌ a phû̌pwa̤khû. Cǒmara nobô̌lò̤ tutṳ̌ aphû̌khû kû̌ hǎkhû̌ mǒkhû̌ kû̌ ta̤lǒ̤꤮ bò. Dǒ gutṳ̌kò pěnu, lǒ̤꤮ bò ta̤nutokhlǒ pô̤̌khô a gǔ htûbò ata pě nudě Cǒmara rû̌htò̌ yǎ hǒ.

Hebrǔ 10:19

Pô̤̌nudě, he pṳ̌wè̤̌ sî꤮. Dǒ Yeshǔ asǐ akhû̌akhî, pa hènṳ̌ kû̌ ta̤sǎphlǒ khuhe dǒ ta̤lǎ̤ plò̌shǐ gutṳ̌ hǒtôplǎ mî̌ anǐ̤ hǒ.

Hebrǔ 10:21

Pwa̤shû̌gǎ ikǒdû̌ dǒ adû̌khlo kò dě a kè̌khwè̌nǐ̤ Cǒmara ahǐ hǒtôpwa̤nu, pa nǐ̤bǎ a hǒ.

Hebrǔ 10:23

Pa gǔ pṳ̂̌mě wô̌bǎ pa ta̤kè̌shuǐ dǒ pa hî̌ bǎ hto kòyò nutokhlǒ tǎ, ma̤titèhî̌dě pa sî̌ganǎ̤ kû̌ Cǒmaranu acǒ kû̌ a ta̤olò̤ dě a ma̤pô̤̌ a hî̌nu pṳ̂̌taplǎ.

Hebrǔ 10:35

Pô̤̌nudě bè̌shû̌ lô̌khô sî sǎphlǒ. Sî nǐ̤bǎ ta̤ma̤nǐ̤khû̌kǎ dǒ adû̌ayô̤̌ tokhlǒ pě.

Hebrǔ 11:1

Ta̤yṳ̌ta̤nǎ̤ yô̤̌mûyô̤̌sǎ mî̌ ta̤ dǒ pa kè̌shuǐ lû̌û tokhlǒ, pa yṳ̌ǎ měgle kû̌ pa gǔ nǐ̤bǎ hǒ. Htokhôtô̤̌ ta̤yṳ̌ta̤nǎ̤ yô̤̌mûyô̤̌sǎ mî̌ ta̤dǒ pa kè̌shǐjò khôtô̤̌ tokhlǒnu, pa yṳ̌ǎ měgle gutṳ̌ pe kû̌ pa gǔ nǐ̤bǎ pěnuhǒ.

Hebrǔ 3:14

Ma̤titèhî̌dě, pa ta̤yṳ̌ǎ Cǒmara dǒ asakhû̌lû̌khanu, pa kè̌ pṳ̂̌měwô̌bǎ a tǒ̤dǒ agutṳ̌ hî̌dě, pa htûhto pwa̤ma̤plǒta̤ kû̌ Khrǐ hǒ.

Hebrǔ 4:11

Pa phiphu dǒ꤮ awǐnu tokhlǒnu, a ganǎ̤dekû̌ Cǒmara ayô̤̌ tô̤̌ akhû̌akhî, a nṳ̌bǎ kû̌ kòyò dǒ Cǒmara lǎ̤ô̌kǔ agûlǎ̤nu tô̤̌. Pô̤̌khô pa gǔ gû̌kè̌lû̌mò̌mṳ kû̌ paphipaphu tôpwǎ̤ tǎ̤mǎ̤, htokhôtô̤̌ pô̤̌khô pa nṳ̌bǎ gû̌ kòyò dǒ lǎ̤ô̌kǔ agûlǎ̤ ayanu, pa tôpwa̤ kû̌ tôpwa̤ gǔ jî̌pwǐ̤wô̌ gutṳ̌ wô̤̌wô̤̌ lû̌û tǎ꤮.

Hebrǔ 4:14

Pô̤̌nudě, pa pṳ̂̌mě̤tegle wô̌ lô̌khô pa ta̤yṳ̌ta̤nǎ̤ dǒ pa olò̤ bǎnu tǎ꤮, ma̤titèhî̌dě, pa ô̌ ǐtûû̌ kû̌ pa pwa̤shû̌gǎ ikǒdû̌lǒ nutôpwa̤, dě a cû̌nṳ̌ hto paya dǒ mǒkhû̌ hǒ. A mî̌ Cǒmara a phû̌pwa̤khû Yeshǔ nuhǒ.

Hebrǔ 4:16

Pô̤̌nudě, pa lṳ̂bǎ ta̤ bǎkhò̌tè bǎbǎnu, pa tô hènṳ̌ khukhu dǒ pa Cǒmara dǒ a gwèbǎǐ kòyò nutôpwa̤ a lǎ̤hǎnòò̌ alô̤mô̤̌nu. Dě pa nǐ̤bǎ a ta̤sǎyṳgwèbǎǐ pě, dě pa kè̌shǐbǎ abwǐdû̌asîrîhtû dǒ a ma̤jè̌ pa nupě.

Hebrǔ 6:11

Pa ta̤sǎyṳ mî̌ pô̤̌o: pô̤̌khô ta̤wô̌ dǒ sî sǎphlǒhtû ô̌pǒ̤kè̌shěshu tokhlǒ gǔ lǒhtò̌behtò̌ bǎ sî ayanu, pa sǎyṳ dǒ sî pṳ̂̌꤮ tôpwa̤ gǔ sǎphlǒshû̌ ma̤ lô̌khô tǒ̤dǒ agutṳ̌ pô̤̌ sî ma̤htonu.

Hebrǔ 6:18

Pô̤̌nudě Cǒmara ǐ bòkè pa a ta̤olò̤ kû̌ a ta̤wṳ̂̌dòlò̤ ayô̤̌ ginǐ̤cǒbò hǒ. Cǒmara lòhôjòtô̤̌ akhû̌akhî, ginǐ̤cǒnu a htû̌lè̌ tèplè̌ khô̌jò tô̤̌tô̤̌. Pa dǒ a khlè̌ tûdûbǐ dǒ Cǒmara a ô̌ tokhlǒnu, dǒ Cǒmara htû̌lè̌ tèplè̌ khô̌jò pe a ta̤olò̤ tô̤̌ akhû̌akhî, pa sǎphlǒmô̤ sǎphlǒshû̌htò̌ mî̌ca. Dǒ pa sǎphlǒmô̤ sǎphlǒshû̌ akhû̌akhî, ta̤kè̌shuǐ dǒ Cǒmara ǐ panu, pa pṳ̂̌mě hènè sělě dǒ agutṳ̌ hǒ.

Hebrǔ 7:19

Khûmṳ̂shě a ta̤sû̌ta̤tòwònu a ma̤cǒma̤tè̤ jò kòyò tôpwǎ̤꤮ tô̤̌. Bǎbǎkǎlè khònò̤̌ pa ta̤kè̌shuǐ klè̌ asa tôbô dǒ awô̌khlo pe kû̌ ta̤sû̌ta̤tòwònu a ô̌ hǒ. Dě pa hènṳ̌phǔ dǒ Cǒmara a ô̌ kû̌ klè̌ asa nutôbô mî̌ anǐ̤ hǒ.

Petru awǐlǒ tabǎ 1:8

Sî kè̌shǐbǎ a tô̤̌ bǎbǎkǎlè sî mô̤ǐ yǎ. Sî kè̌shǐ a khònò̤̌ tô̤̌ bǎbǎkǎlè sî yṳ̌ǎ yǎ. Pô̤̌nu akhû̌akhî, sî sǎlě̤sǎlò̤ mè̤̌mî̌ca dě sî sǎlě̤ pwǐ꤮ tènu hî̌jò pě tô̤̌.

Petru awǐlǒ tabǎ 2:5

Sî hǒtokhlǒnu a sô̌sô̌ kû̌ lǒ̤htûpwa̤ tokhlǒ hǒ. Cǒmara noǎ lǒ̤ dǒ a amè̤̌kû̌ sî dě a gǔ ma̤htò̌ hǐ dǒsû̌dǒsò̌ tômè. Sî ma̤ta̤ dǒ hǐkûnu sô̌sô̌kû̌ pwa̤shû̌gǎ aplò̌shǐ tokhlǒnu pě. Htokhôtô̤̌ sî lṳhtò̌ ta̤lṳ dǒ Cǒmara a ô̌ dǒsû̌dǒsò̌ tôkhô tokhlǒ pě. Dǒ Yeshǔ Khrǐ akhû̌akhîdě, Cǒmara phî̌shǐshu sî ta̤lṳ nutokhlǒ pě.

Petru awǐlǒ tabǎ 4:17

Ma̤titè̌hî̌dě, ta̤shěta̤khǎ hètǒ̤hǒ dǒ Cǒmara gǔ sahtò̌ cî̌htò̌ wǐlǒtû̌ a kòyò hǒ. Kè̌ a sahtò̌ cî̌htò̌ wǐlǒ ǐtû̌ pa pě kè̌hî̌dě kòyò dǒ a ganǎ̤de kû̌ Cǒmara a ta̤sǎlě̤we̤kè tô̤̌ tokhlǒnu a pò̤̌yǎ̤pò̤̌sha jî̌jû̌ pwǐ꤮ tè pě.

Ta̤dǔlè̌nǎ 2:18

“Wě̤cû̌ lî̤nu dǒ Shatǐra ta̤dòkû a tanaphû̌ aô̌nu,” a hî̌ he pô̤̌odě a hî̌ kû̌, “Ta̤we̤ta̤kè numî̌ a hè dǒ Cǒmara aphû̌khû a ô̌. A mǐ̤sǎphlǒ nî̌ a gè̌plô̤̌htò̌ sô̌sô̌kû̌ mî̌nu, akhò̌lôpô̤̌ nî̌ a shěkakha sô̌sô̌kû̌ tilibò dǒ kòyò htǔplîsîlî̌ anu.

Ta̤dǔlè̌nǎ 2:25

Bǎbǎkǎlè pṳ̂̌měǐ wô̌ lô̌khô ta̤ dǒ a ô̌ kû̌ sî nutokhlǒ tǒ̤dǒ he hèlò̤ sô̌ pě tôplǎ nunî̌꤮.

Ta̤dǔlè̌nǎ 2:26

“Mòpèpè̌ bǎbǎ dǒ a ma̤pè̤̌ta̤ dě a kè̌ ma̤ sělě tǒ̤dǒ agutṳ̌ pô̤̌ he ta̤sǎyṳ ô̌numî̌, he gǔ ǐ yǎ ta̤siwi̤sòwò̤ dǒ asô̌sô̌kû̌ he nǐ̤bǎ dǒ hepha a ô̌ nutokhlǒ pě. ‘He gǔ ǐ yǎ ta̤siwi̤sòwò̤ dǒ a gǔ pǒ shigǎ tokhlǒ kû̌ khî̌po̤ tě̤htò̌ pě, dě a gǔ demǔ bò asî pô̤̌ kòyò demǔ gopo̤hǎkhû̌ nupě.’

Ta̤dǔlè̌nǎ 3:11

“Ayî̤pebǎtô̤̌ he gǔ hè pě. Pô̤̌khô kòyò gǔ phǐtephekè na khû̌glû̌hta tô̤̌nu, pṳ̂̌měǐ wô̌ ta̤ dǒ sî nǐ̤bǎ htonu, ta̤sû̌ǐtòwòǐ dǒ atôabǎnu tokhlǒ nî̌꤮.