Hebrǔ 3:5 - Kawyaw New Testament

⁵ Khûmṳ̂shě nî̌ acǒ kû̌ ata̤ma̤ dǒ Cǒmara a hǐphû̌phòphû̌ tokhlǒ aya, pô̤̌ pwa̤ma̤ta̤phû̌ tôpwa̤ nuhǒ. Dě Khûmûshě ta̤ma̤ tokhlǒnu, a dǔlè̌lṳ̌ ô̌nǎwǐ kè̌lû̌mò̌mṳ yǎ̤yô̤yǎ̤gî̌ ta̤tě̤ta̤mè̤̌ tokhlǒ dǒ Cǒmara gǔ dǔlè̌lṳ̌ kòyò dǒ nô̌kòpě tokhlǒ aya pě.

Kawyaw RC

⁵ Mǒ̤jè htǒonu acǒatè̤ ta ata̤ma̤ ta Cǒmara ahǐphû̌phòphû̌ toǒ aya pwǐ pwa̤ma̤ta̤ tapwa̤nu hǒ. Dě Mǒ̤jè ta̤ma̤ toǒnu, a dǔlṳnǎwǐ la̤kè̌mò̌mṳ ta̤te̤ta̤mǎ ayo̤ toǒ htě Cǒmara dǔlṳ kò htû̌꤮ anǒkò toǒ aya pě.

Hebrǔ 3:5 Iomraidhean Croise

Htû̌sò̌htò̌ 105:26

A sûhè apwa̤ma̤ta̤phû̌ KhûMûshě kû̌ Pha Arṳ̂ dǒ a rû̌htò̌ nusò̌ginǐ̤.

Matěo 24:45

“Jû̌ dǒ acǒ dě a sî̌jò̌ tôpwa̤mî̌ ama̤hî̌tè? Jû̌ dǒ acǒ tôpwa̤ mî̌ ama̤pô̤̌ aběcǎ ǐlò̤ lû̌û ta̤ma̤ dǒ a bǎ kè̌ǐ dǐǎdǐô jû̌ dǒ ashǔshawa̤ tokhlǒ dǒ acǔdekû dě a dǐǎ tôshětôkhǎ asî tôpwa̤nu hǒ.

Matěo 25:21

“Aběcǎ hî̌shěshu lû̌û kû̌, ‘o, awô̌ jî̌lî. Na mî̌ jû̌ dǒ awô̌ dě acǒ kû̌ he, na cǒ kû̌ he ǐ na ta̤pî̌tî̌phû̌ tokhlǒ akhû̌akhî, he gǔ ǐ dû̌htò̌ khlopô̤̌ na ta̤ma̤ dǒ na gǔ pǒǐ dû̌wî̤khlo pô̤̌ kû̌ hǒnu pě. Hè sǎlě̤sǎlò̤ wô̤̌wô̤̌ mò̌ pû kû̌ he.’

Lǔka 12:42

Běcǎ hî̌shěshu lû̌û kû̌, “Pô̤̌nudě, a htû jû̌ ikǒdû̌ dǒ ata̤hî̌bǎ měgle dě a ô̌ kû̌ ta̤sî̌ta̤jò̌ tôpwa̤mî̌ mò̌pè? Jû̌ ikǒdû̌ dǒ ata̤hî̌bǎ měgle tôpwa̤ numî̌ kòyò tôpwa̤ dǒ aběcǎ gǔ ǐlò̤ bò jû̌ ashǔshawa̤ dǒ a cǔdekû dě a gǔ nokè̌ǐ lû̌û kû̌ asî, dě a gǔ dǐǎtôdǐôbǎ kòyò ashěakhǎ tôplǎ kû̌ tôplǎ nutôpwa̤ mè̤̌tô̤̌ ya?

Lǔka 24:27

Htodě Yeshǔ shôbǐǐlṳ̌ bǎ asî kû̌ lî̤plò̌shǐ hî̌ nǎ hto a awe̤akè sahtò̌ dǒ Khûmṳ̂shě wě̤nǎ lî̤ nutôbǎ kû̌ lǒ̤꤮ bò piwi̤pèshè wě̤ nǎ nutokhlǒ.

Lǔka 24:44

Htodě a hî̌ asî kû̌, “Bǎ he ô̌gû̌pe kû̌ sî akhanu, lǒ̤꤮ bò kòyò wě̤ô̌ htohǒ hewe̤hekè dǒ Khûmṳ̂shě alî̤kû nutokhlǒ bǎbǎ, piwi̤pèshè wě̤ô̌nǎ nutokhlǒ bǎbǎ, dǒ htû̌sò̌htò̌ akû nutokhlǒ bǎbǎ, a bǎ lǒbehtò̌ lǒ̤bò pṳ̂̌꤮ tocǒ pěnu, he shôbǐǐlṳ̌ bǎ htobòhǒ sî hǒ.”

Jowǎ̤ni̤ 5:39

Sî kè̌lǎ lô̌khô lî̤plò̌shǐ tokhlǒ, ma̤titèhî̌dě sî gènè̤ kû̌ sî gǔ kè̌shǐ yôla htûpwa̤ tûjû̌pwa̤ bǎ lî̤ nutokhlǒ akû pě. Lî̤plò̌shǐ hǒtokhlǒ numî̌ a khòlṳ̌ kû̌ hewe̤hekè pwǎ.

Pwa̤nophû̌ 28:23

Pô̤̌nudě asî hî̌ lû̌û alṳmṳ̌ni̤ dǒ a gǔ kè̌shǐ shěshu sô̌ kû̌ Khûpò̌lǔ dě bǎ asî hî̌ lû̌û nutini̤nu, Yǔdaphû̌ tokhlǒ hè lô̌khô bǎ Khûpò̌lǔ ô̌ tûû̌ hǐ nutômè akû, dě asî hè dû̌khlo kû̌ dǒ awǐkha nutôplǎ dě Khûpò̌lǔ sahtò̌ shôbǐǐlṳ̌ bǎ asî kû̌ Cǒmara ashiagǎ awe̤akè dě a khòlṳ̌ anǎ̤ dǒ lṳmṳ̌lî tǒ̤dǒ lṳmṳ̌khǐ pô̤̌khô asî gǔ yṳ̌ǎ Yeshǔ awe̤akè ayanudě, a jî̌pwǐ̤ shôbǐǐphlô bǎ asî kû̌ Khûmṳ̂shě a ta̤sû̌ta̤tòwò nutokhlǒ kû̌ piwi̤pèshè hî̌nǎ nutokhlǒ.

Pwa̤nophû̌ 7:37

“Khûmṳ̂shě mî̌ kòyò dǒ a shôbǐǐlṳ̌ bǎ Isôrěla akhlialè tokhlǒ kû̌, ‘Cǒmara gǔ nohèlò̤ piwi̤pèshè dǒ sîô̌ pô̤̌ a nohè he nu pě, dě a mî̌ sî kòyò khlilèphû̌ tûû̌ pwǎ.’

Rṳ̂̌me̤ 3:21

Bǎbǎkǎlè khònò̤̌nu, pô̤̌khô̌ kòyòhǎkhû̌phû̌ gǔ htûhtò̌ kòyòcǒ kòyòtè̤ dǒ Cǒmara a lô̤mô̤̌nu, a ma̤ khô̌tû̌ klè̌ dǒ ashǔshawa̤ tôbô kû̌ anǎ̤. Cǒmara aklè̌ numî̌ dǒ pa ganǎ̤de yṳ̌ǎ ta̤sû̌ta̤tòwò akhû̌akhî numè̤̌tô̤̌. Khûmṳ̂shě kû̌ piwi̤pèshè tokhlǒ wě̤nǎ hto dǒ lî̤plò̌shǐkû dǒ nukha pe hǒ.

Kôritu awǐlǒ tôbǎ 4:2

Kòyò dǒ kò ǐlò̤ lû̌û ta̤ma̤ tokhlǒnu, a tôbǎ cǒ kû̌ ata̤ma̤.

Tîmôte awǐlǒ tôbǎ 1:12

Pa Běcǎ Yeshǔ Khrǐ ǐ hto he ta̤khû̌ta̤ǎ dǒ he gǔ ma̤ ata̤ma̤ aya akhû̌akhî, he hî̌bwǐhî̌sîrî yǎ. Htokhôtô̤̌ a bè̌ he pô̤̌ kòyò dǒ acǒ kû̌ ayô̤̌ tôpwa̤ dě a rû̌htò̌ he dǒ he bǎ ma̤ ata̤ma̤ akhû̌akhî, he hî̌bwǐhî̌sîrî yǎ.

Hebrǔ 1:1

Cǒmara hî̌bǎlò̤ sǎla̤la̤ paphipaphu dǒwǐdǒnô̌ akha tokhlǒ kû̌ dǒ klè̌ abô̌꤮ bô. Dě a nohî̌bǎ tutṳ̌ kû̌ piwi̤pèshè tokhlǒ.

Hebrǔ 3:2

Pô̤̌ Khûmṳ̂shě cǒ kû̌ ata̤ma̤ dǒ Cǒmara a hǐphû̌phòphû̌ tokhlǒ ayanu, Běcǎ Yeshǔnu, acǒ kû̌ Cǒmara dǒ a bè̌htò̌ lû̌û dě a noma̤ lû̌û kû̌ ata̤ma̤ nutôpwa̤.

Hebrǔ 3:4

Hǐ pṳ̂̌꤮ tèmènu kòyò pwa̤ma̤htò̌ yǎ, a ô̌nò tôpwa̤pwa̤nu amè̤̌kǎ. Bǎbǎkǎlè pwa̤ dǒ a bô̌htò̌ ta̤pṳ̂̌꤮ tocǒ numî̌ Cǒmara pwǎ.

Hebrǔ 8:5

Hǐphû̌dû̌ plò̌shǐ dǒ pwa̤shû̌gǎta̤ tokhlǒ nṳ̌ma̤ ǐ lû̌û dǒ hǎkhû̌ tômè numî̌, a kè̌lû̌mò̌mṳ yǎ̤yô̤yǎ̤gî̌ Cǒmara a ta̤lṳhtò̌hô mè̤̌mî̌ca dǒ mǒkhû̌ nutômè pwǎ. Hǐphû̌dû̌ tômènu a mè̤̌mî̌ca mè̤̌tô̤̌, mè̤̌pwǎ dǒ mǒkhû̌ a mè̤̌mî̌ca nutômè a yômǔyôla pwǎ. Ma̤titèhî̌dě, bǎ Cǒmara noma̤htò̌ Khûmṳ̂shě hǐphû̌dû̌ dǒ hǎkhû̌ akhanu, a hî̌ lû̌û kû̌, “Gû̌ma̤ kè̌lû̌mò̌mṳ tě̤mè̤̌wô̌bǎ sô̌sô̌bò pô̤̌ na kè̌shǐ hto mǒkhû̌ ta̤lṳhtò̌hô ata̤yô̤ dǒ khôlôkhû̌ nunî̌,” Cǒmara hî̌ lû̌û pô̤̌nu.

Hebrǔ 9:24

Ma̤titèhî̌dě hǐphû̌dû̌ plò̌shǐ dǒ kòyò ma̤ kû̌ kòyò cǔde dě kòyò kè̌lû̌mò̌mṳ gû̌ma̤ pwǎ amǒ̤glǒ mè̤̌mî̌ca tômè akûnu, Khrǐ cû̌nṳ̌ bǎnu mè̤̌tô̤̌. A cû̌nṳ̌ tûû̌ dǒ mǒkhû̌ dě khònò̤̌ a kwisǎyṳ bǎ pa dǒ Cǒmara alô̤mô̤̌.

Ta̤dǔlè̌nǎ 15:3

Dě asî sǎwǐ htò̌ lô̌khô Cǒmara jû̌ Khûmṳ̂shě a ta̤sǎwǐ kû̌ sû̌phû̌ a ta̤sǎwǐnu dě a hî̌ kû̌, “Jò̌ ta̤lǒ̤bò a Běcǎ Cǒmara na ta̤ma̤ tokhlǒnu adû̌ayô̤̌ dě a cô̌klǐcô̌sè gutṳ̌glǎ. Na mî̌ shiphû̌gǎphû̌ tokhlǒ akhwǐ, naklè̌naklò sî tokhlǒ numî̌ atôabǎ acǒatè̤ mè̤̌mî̌ca.