Hebrǔ 3:3 - Kawyaw New Testament

³ Kòyò dǒ a ma̤htò̌ hǐ tômè tôpwa̤nu, kòyò bè̌dû̌bè̌htûkhlo a kû̌ hǐnu tômè. Pô̤̌nudě Yeshǔ nî̌ kòyò tô bè̌dû̌bè̌htûkhlo a kû̌ Khûmṳ̂shě.

Kawyaw RC

³ Kòyò htě a ma̤ hǐ htǒotama tapwa̤nu, kò bè̌dû̌bè̌htûkhlo yǎta hǐhtǒo tama. Hǐnuakho Ye̤shǔnu kò to bè̌dû̌bè̌htûkhlo yǎta Mǒ̤jè.

Hebrǔ 3:3 Iomraidhean Croise

Matěo 16:18

Dě he hî̌ na, nami̤ kû̌ Khûpetarǔ Dě he shǒlò̤ he ta̤dòkû dǒ lǒ̤ hǒo alô̤ pě. Ta̤si ashû̌asho lò̤jû̌ bò alǎ̤ pě.

Kôritu awǐlǒ tôbǎ 3:9

Pa mî̌ pwa̤ma̤plǒcuta̤ dǒ Cǒmara aya tokhlǒ pwǎ. Sî mî̌ asô̌sô̌kû̌ Cǒmara a we̤ tôwe̤ dǒ pa lǎ̤ma̤ǎ agûlǎ̤. Htokhôtô̤̌ sî mî̌ asô̌sô̌kû̌ hǐ dǒ Cǒmara bô̌htò̌ a nutômè pwǎ.

Kôritu ginǐ̤bǎ tôbǎ 3:7

Dǒ awǐkha bǎ Cǒmara wě̤ ta̤mǎlò̤ hǒtokhlǒ dǒ lǒ̤belô̤ dě a ǐlò̤ kû̌ Khûmṳ̂shě akhanu, Cǒmara a ta̤bwǐdû̌sîrîhtûnu a lîtîklî̌ htò̌lṳ̌. Dě ta̤lîkakha lò̤tě̤ dǒ Khûmṳ̂shě amǐ̤sǎlô̤nu, a kakhashû̌ bǎ mî̌ca dǒ Isôrělaphû̌ tokhlǒ aya akhû̌akhî, asî kè̌bǔ lû̌ mi̤sǎ tô̤̌. Bǎbǎkǎlè ta̤kakhanu a lîtûû̌ tô̤̌, a hǎmǎ nô̌kò pwǎ.

Kòlòtè̌ 1:18

Lǒ̤bò kòyò dǒ a yṳ̌ǎ Khrǐ tokhlǒnu, Khrǐ pǒǐ asî dě a nè̌klè̌nè̌klò asî sô̌sô̌kû̌ ikǒ nè̌klè̌nè̌klò ǐ nǎ̤glǒnu, dě kòyò dǒ a yṳ̌ǎ lû̌û tokhlǒnu asô̌sô̌kû̌ nǎ̤glǒ nuhǒ. Htokhôtô̤̌ a mî̌ a ǐ pwa̤ dǒ a yṳ̌ǎnǎ̤ǎta̤ tokhlǒ a ta̤htûpwa̤ tôpwa̤ hǒ. Htodě pô̤̌khô a htûhtò̌ ta̤lǒ̤꤮ bò a ikǒ ayanu, Cǒmara ma̤ ihtǒhtûpwa̤ getîkhî wǐlǒ a hǒ.

Hebrǔ 2:9

Bǎbǎkǎlè, ta̤we̤ta̤kè dǒ pa sî̌ganǎ̤ mè̤̌mî̌ca numî̌ amè̤̌ Yeshǔ nuhǒ. Bǎ a hèlò̤ dǒ hǎkhû̌ akhanu, a nǐ̤bǎ ta̤siwi̤sòwò̤ dǒ ajǎkhlo kû̌ mǒkhû̌ tanaphû̌ tokhlǒ tashò̌phû̌nô̤̌, ma̤titèhî̌dě, dǒ Cǒmara abwǐsîrî akhû̌akhî, Yeshǔ bǎ tṳ̌sikhòsi bǎ pa lǒ̤꤮ bò aya. Dǒ Yeshǔ tṳ̌sikhòsi akhû̌akhî, khònò̤̌ pa sî̌ganǎ̤ kû̌ Cǒmara no ta̤bwǐdû̌sîrîhtû, bè̌dû̌bè̌htû kòyò kû̌ Yeshǔ hǒ.

Hebrǔ 3:4

Hǐ pṳ̂̌꤮ tèmènu kòyò pwa̤ma̤htò̌ yǎ, a ô̌nò tôpwa̤pwa̤nu amè̤̌kǎ. Bǎbǎkǎlè pwa̤ dǒ a bô̌htò̌ ta̤pṳ̂̌꤮ tocǒ numî̌ Cǒmara pwǎ.

Hebrǔ 3:6

Bǎbǎkǎlè, Khrǐ nî̌ asô̌sô̌kû̌ Khûmṳ̂shě dǒ a htû pwa̤ma̤ta̤phû̌ dǒ Cǒmara ahǐkû nutôpwa̤ mè̤̌tô̤̌. A mî̌ Cǒmara aphû̌khû tôpwa̤. A mî̌ acǒ kû̌ ata̤ma̤ dě a kè̌khwè̌ǐ apha Cǒmara a hǐphû̌phòphû̌ tokhlǒ. Pa kè̌ gû̌ khukhuhehe hè sělě kû̌ Khrǐ tǒ̤dǒ agutṳ̌ htokhôtô̤̌ ta̤ dǒ Cǒmara gǔ ǐ panu, pa kè̌ kè̌shuǐ hènè tǒ̤dǒ agutṳ̌ numî̌, pa mî̌ Cǒmara ahǐphû̌phòphû̌ hǒ.