Hebrǔ 3:2 - Kawyaw New Testament

² Pô̤̌ Khûmṳ̂shě cǒ kû̌ ata̤ma̤ dǒ Cǒmara a hǐphû̌phòphû̌ tokhlǒ ayanu, Běcǎ Yeshǔnu, acǒ kû̌ Cǒmara dǒ a bè̌htò̌ lû̌û dě a noma̤ lû̌û kû̌ ata̤ma̤ nutôpwa̤.

Kawyaw RC

² Pwǐ Mǒ̤jè cǒtè̤ ta ata̤ma̤ ta Cǒmara ahǐphû̌phòphû̌ toǒ ayanu, Běcǎ Ye̤shǔ htǒo, acǒatè̤ ta Cǒmara dě a bè̌htò̌ nû̌û a noma̤ nû̌û ta ata̤ma̤ htǒonu tapwa̤.

Hebrǔ 3:2 Iomraidhean Croise

Jowǎ̤ni̤ 15:10

Sî kè̌ ganǎ̤de jûlě̤phî̌ he ta̤mǎlò̤ tokhlǒ numî̌ sî ô̌měô̌gle dǒ he ta̤mô̤nṳ̌ akû hǒ. Sî kè̌ ma̤ pô̤̌o numî̌ a sô̌sô̌ kû̌ he ganǎ̤de hepha ayô̤̌ dě he ô̌měô̌gle dǒ a ta̤mô̤nṳ̌ akû nuhǒ.

Jowǎ̤ni̤ 17:4

He ma̤ bǎ htobò na ta̤ma̤ dǒ na noma̤ he nutokhlǒ akhû̌akhî, he ǐlò̤ htona ta̤bwǐdû̌sîrîhtû dǒ hǎkhû̌nu hǒ.

Jowǎ̤ni̤ 7:18

Kòyò dǒ a hî̌bǎ tû̌ kû̌ a ta̤siwi̤sòwò̤ tôpwa̤pwa̤nu, a sǎyṳ nohtû̌sò̌htò̌ kòyò kû̌ anǎ̤ pwǎ. Bǎbǎkǎlè kòyò dǒ a sǎyṳ nohtû̌sò̌ǐ anǎ̤ kòyò nukû̌ kòyò dǒ a nohè lû̌û tôpwa̤pwa̤nu, a hî̌bǎcǒ pwǎ, a lòhǎlòhô kòyò bǎtô̤̌.

Jowǎ̤ni̤ 8:29

Htodě kòyò dǒ a nohè he tôpwa̤nu, a ô̌cu kû̌ he. He ma̤tô asǎphlǒ pṳ̂̌꤮ taplǎ akhû̌akhî, a wîkè he tô̤̌.”

Ěphěsu 2:22

Dǒ sî kû̌ Khrǐ htûhtò̌ lû̌û ta̤tôcǒ꤮ nô̤̌ akhû̌akhî, Khrǐ bè̌plǒ sî kû̌ Yǔda Khrǐphû̌ tokhlǒ hǒ. Htodě dǒ Yôla Plò̌shǐ Běcǎ a ta̤pô̤ta̤phǎ akhû̌akhî, sî dǒ a htû Yǔdaphû̌ mè̤̌tô̤̌ tokhlǒnu, kòyò bô̌htò̌ sî kû̌ Yǔdaphû̌ dǒ Cǒmara ahǐkû nuhǒ.

Tîmôte awǐlǒ tôbǎ 1:12

Pa Běcǎ Yeshǔ Khrǐ ǐ hto he ta̤khû̌ta̤ǎ dǒ he gǔ ma̤ ata̤ma̤ aya akhû̌akhî, he hî̌bwǐhî̌sîrî yǎ. Htokhôtô̤̌ a bè̌ he pô̤̌ kòyò dǒ acǒ kû̌ ayô̤̌ tôpwa̤ dě a rû̌htò̌ he dǒ he bǎ ma̤ ata̤ma̤ akhû̌akhî, he hî̌bwǐhî̌sîrî yǎ.

Tîmôte awǐlǒ tôbǎ 3:15

Bǎbǎkǎlè he kè̌ hè pò̤̌yǎ̤ hî̌dě pa tô ô̌htûpwa̤ dǒ Cǒmara a hǐphû̌phòphû̌ aya hî̌tènu, he lî̤ gǔ dǐsî̌ganǎ̤ na pě. Hǐ nî̌ Cǒmara dǒ a htûpwa̤ tôpwa̤ a ta̤dòkû nuhǒ. Ta̤dòkû numî̌ a dǐ shû̌htò̌ ta̤tě̤ta̤mè̤̌ ata̤sû̌ǐ tokhlǒ dǒ asô̌sô̌kû̌ hǐhtǔ kû̌ nò̌dò̌ dǒ a tûhtû̌ mě hǐ tômè nuhǒ.

Hebrǔ 2:17

Pô̤̌nu akhû̌akhî, pô̤̌khô Běcǎ Yeshǔ htûdû̌ pwa̤ dǒ a ma̤ Cǒmara a ta̤phǐta̤ma̤ pô̤̌ pwa̤shû̌gǎ ikǒdû̌lǒ dǒ acǒ kû̌ ayô̤̌ dě a sǎyṳgwèbǎǐjò kòyò tôpwa̤, htokhôtô̤̌ pô̤̌khô a tṳ̌sikhòsibǎ dǒ kòyò tokhlǒ a ta̤ma̤sǔ tokhlǒ plûkè ayanu, a hèlò̤ phî̌ kòyòhǎkhû̌phû̌ alǎ̤klô sô̌sô̌kû̌ apṳ̌awè̤̌ nutokhlǒ hǒ.