Hebrǔ 3:12 - Kawyaw New Testament

¹² He pṳ̌wè̤̌ sî꤮, sè̌rè̌ tûû̌ lô̌khô sînǎ̤ nî̌꤮. Bè̌ phû̌mò̤̌ lô̌khô tǎ̤ sî sǎphlǒ tǎ̤mǎ̤, sî bè̌ sî sǎphlǒ kû̌ sî yṳ̌ǎ kû̌ kòyò Cǒmara dǒ a htûpwa̤ nutôpwa̤ tô̤̌, sî cû̌ tephekè tûû̌ sîya pô̤̌nu tokhlǒnu ma̤tǎ̤ lô̌khô tôpwǎ̤꤮ tǎ̤mǎ̤ nî̌꤮.

Kawyaw RC

¹² He pṳwè̤ sî꤮, sè̌rè̌ ǐtû̌ lǒkho sîna̤ nî̌꤮. Bè̌ phû̌mò̤shî̌hto lǒkho pûma̤ sî sò̌phlǒ ma̤, sî bè̌ sî sò̌phlǒ ta sî yṳǎ kû̌kò Cǒmara htě a htûpwa̤ htǒotapwa̤ tò̤, sî cû̌tephekè tû̌ sîya hǐnu toǒnu ma̤ lǒkho pûma̤ dǐpwǎ̤꤮ ma̤ nî̌꤮.

Hebrǔ 3:12 Iomraidhean Croise

Mǒhtûlû̌hǎhtûsa 8:21

Cǒmara tûjû̌pwa̤ nṳbǎ ta̤lṳtòhtò̌ ata̤nṳmû̌ akhǔnu dě mô̤sû̌mô̤sò̌ mî̌ca lû̌sǎphlǒ. Dě a bè̌lò̤ asǎphlǒ dě a hî̌ kû̌, “Htû̌nô̌khîkò pěnu mî̌ he sî̌ganǎ̤ kû̌ kòyòhǎkhû̌phû̌ tokhlǒ gènè̤ ta̤phû̌mò̤̌shǐhtô tokhlǒ dǒ aphijǎkha penu bǎbǎ, dǒ asî ta̤sǔ akhû̌akhî he ǐso pe hǎkhû̌ tô̤̌. Pô̤̌ he ma̤ hto khònò̤̌nu, htû̌nô̌kòpěnu mî̌ he ma̤simè̤mè̤̌ pe lǒ̤bò ta̤bô̌lò̤ dǒ ata̤htûpwa̤ ô̌ nutokhlǒ tô̤̌ hǒ.

Htû̌sò̌htò̌ 18:21

He jûǎ Cǒmara tûjû̌pwa̤ ata̤sû̌ta̤tòwò, he cû̌tephe khatilî̤ klè̌ kû̌ he Cǒmaradû̌ aklè̌ tô̤̌ akhû̌akhî, a ǐshowî̤ he.

Matěo 16:16

Khûshǐmû Petarǔ hî̌shěshu lû̌û kû̌, “Na mî̌ Khrǐ dǒ a ma̤hǎplǎge kòyò tôpwa̤ hǒ. Na mî̌ Cǒmara dǒ a htûpwa̤ tôpwa̤ aphû̌khû.”

Matěo 24:4

Běcǎ hî̌shěshu asî kû̌, “Ô̌sè̌rè̌ lô̌khô sînǎ̤ nî̌꤮, nolô̌ǐ cû̌nṳ̌ tǎ̤ kòyò kû̌ sînǎ̤ tǎ̤mǎ̤ nî̌꤮.

Mǎ̤riko 13:23

Ô̌sè̌rè̌ lô̌khô sînǎ̤ nî̌꤮. Bǎ ta̤tokhlǒ htûhtò̌ khôtô̤̌nu, he shôbǐǐ nǎ wǐ bǎ bò hto sî pṳ̂̌꤮ tocǒ hǒ,” Yeshǔ hî̌ pô̤̌nu.

Mǎ̤riko 13:33

Ô̌sè̌rè̌ lô̌khô sînǎ̤, sòklò caba ô̌pǒ̤ lô̌khô sînǎ̤ nî̌꤮, ma̤titè̌hî̌dě a gǔ htûhtò̌ pě bǎkhò̌tè nu sî sî̌ya tô̤̌.

Mǎ̤riko 13:9

“Sî bǎ sè̌rè̌ lô̌khô sînǎ̤. Dǒ hekhû̌khî dě kòyò gǔ pṳ̂̌ sî pě, dě kòyò gǔ sûhtò̌ sî dǒ pwa̤cî̌htò̌ ikǒlǒkòdû̌ tokhlǒ a lô̤mô̤̌ pě. Kòyò glè̌po̤ sî dǒ ta̤cabahǐkû pě. Sî bǎ ihtǒô̌ dǒ pwa̤pǒǐ tokhlǒ kû̌ côphǎ tokhlǒ alômô̤̌ pě dě a gǔ cî̌htò̌ sî pě dě sî gǔ shôbǐǐlṳ̌ nǐ̤ asî kû̌ ta̤sǎlě̤we̤kè pě.

Lǔka 21:8

Yeshǔ hî̌shěshu asî kû̌, “Pô̤̌khô kòyò glè̌ lô̌ǐplò̤ǐlòhô cû̌nṳ̌ tǎ̤ sî tǎ̤mǎ̤nu, ô̌sèrèsòklò lô̌khô sînǎ̤ nî̤̌꤮. Kòyò dǒ a glè̌ hè dǒkôǐ lòhô lô̌khô anǎ̤ kû̌ hemi̤ pěnu a ô̌ wô̤̌lî pě, dě a glè̌ dǒkôǐ lòhôlò̤ ǐtû̌ lô̌khô anǎ̤ kû̌, ‘he mî̌ Khrǐ hǒ,’ dě ‘shěkhǎ phǔtǒ̤ hǒ,’ pô̤̌nu pě bǎbǎkǎlè gû̌kû̌ tǎ̤ lôkhô asîkò tǎ̤mǎ̤ nî̤̌꤮.

Rṳ̂̌me̤ 11:21

Cǒmara kè̌ sǎleǐ tûû̌ a sǒphòli̤ dǒ a mî̌ Yǔdaphû̌ sî tokhlǒ tô̤̌ kè̌hî̌dě sî mî̌ a sǎleǐ nô̌ tô̤̌tô̤̌.

Kôritu awǐlǒ tôbǎ 10:12

Pô̤̌nudě na kè̌ gènè̤ tûû̌ nanǎ̤ kû̌ he ta̤yṳ̌ta̤nǎ̤ shû̌sho hǒ kè̌hî̌dě, ô̌sè̌rè̌ tûû̌ nanǎ̤ nî̌, hî̌pě na ma̤ta̤sǔ hè̌.

Kòlòtè̌ 2:8

Ô̌sè̌rè̌ lô̌khô sînǎ̤ nî̌꤮. Nolô̌ǐplò̤ǐ tǎ̤ sînǎ̤ kû̌ kòyò dǒ a sû̌ǐtòwòǐsǔ ta̤nutokhlǒ tôpwa̤ tǎ̤mǎ̤ nî̌꤮. Ta̤nutokhlǒ mî̌ a nòdû̌ pwǎ. Ta̤sû̌ǐtòwòǐ pô̤̌nu tokhlǒmî̌ mè̤̌pwǎ kòyò hǎkhû̌phû̌ alǎ̤klô ǐlò̤ tutṳ̌ kè̌khîlû̌û tôhtu hto tôhtu nutokhlǒ pwǎ. Dě hǒnu tokhlǒ mî̌ a hè dǒ khînǎkhîno phû̌mò̤̌ dǒ a pǒ hǎkhû̌běkhû̌ nutokhlǒ a ô̌ pwǎ. Ta̤sû̌ǐ pô̤̌nu tokhlǒmî̌ a hè dǒ Yeshǔ Khrǐ a ô̌ mè̤̌tô̤̌.

Tîsalònǐ awǐlǒ tôbǎ 1:9

Bǎ pa hè ô̌lè kû̌ sî akhanu, sî kaǎmô̤shǔ lô̌khô pa hî̌tènu, lǒ̤bò kòyò ô̌ bǎnu tokhlǒ shôbǐǐ bǎ bò pa hǒ. A shôbǐǐ bǎ pa kû̌ pô̤̌khô sî gǔ ma̤ Cǒmara dǒ a htûpwa̤ dě acǒatè̤ mè̤̌mî̌ca nutôpwa̤ a ta̤ma̤nu, sî wîkèbò sî ta̤caba ta̤yô̤ta̤gî̌ tokhlǒ.

Hebrǔ 10:31

Kòyò dǒ a lò̤tě̤tô dǒ Cǒmara a htûpwa̤ nutôpwa̤ ta̤cî̌htò̌ akla tôpwa̤pwa̤nu, a sǎgònò̤̌ ǐsha jî̌le.

Hebrǔ 10:38

He kòyòcǒkòyòtè̤ sî tokhlǒnu, dǒ a yṳ̌nǐ̤nǎ̤nǐ̤ he akhû̌akhî, a gǔ htûpwa̤ lô̌khô pě. Bǎbǎkǎlè kòyò dǒ a cû̌ tephekhô̌kè kû̌ he tokhlǒnu, atô he sǎphlǒ tô̤̌,” lî̤plò̌shǐkû hî̌ pô̤̌nu.

Hebrǔ 12:15

Pô̤̌khô sî pṳ̂̌꤮ tôpwa̤ gǔ nǐ̤bǎ lô̌khô Cǒmara abwǐsîrî nudě, sè̌rè̌ lô̌khô sînǎ̤ nî̌꤮. Nohtûhtò̌ tǎ̤ lô̌khô sînǎ̤ pô̤̌ sǒmṳ̌ dǒ awè̤̌htòô̌ dě kòyò ǎ a dě a sijò kòyò nutokhlǒ tôpwǎ̤ tǎ̤mǎ̤ nî̌꤮. Kòyò dǒ asô̌sô̌kû̌ sǒmṳ̌ dǒ a ma̤ sijò kòyò tokhlǒnu a gǔ dô̌htò̌ dǒ sîkla dě a ma̤pò̤̌ma̤sha dû̌wî̤ kòyò kû̌ a ta̤wè̤̌ta̤htò si nupě.

Hebrǔ 12:22

Bǎbǎkǎlè, sî dě sî hètǒ̤ dǒ Sǐûkhôlôhǒ. Khôlô hǒtômè numî̌ amè̤̌ Cǒmara dǒ a htûpwa̤ nutôpwa̤ awî̤̌ tôwî̤̌ dǒ kòyò kaǎ kû̌ Wî̤̌yarǔshôle dǒ mǒkhû̌nu tôwî̤̌ hǒ. Cǒmara amǒkhû̌ tanaphû̌ dǒ a ô̌ dǒ asî̌ kû̌ asî̌kû tokhlǒ hè̌ô̌plǒ sǎlě̤ wô̤̌wô̤̌ kû̌ bò lû̌û bǎnu. Dě sî hè ô̌plǒ kû̌ amǒkhû̌ tanaphû̌ nutokhlǒ hǒ.

Hebrǔ 12:25

Pô̤̌nudě, pô̤̌khô sî gǔ htû kòyò dǒ a ganǎ̤de Cǒmara alě̤pwe̤htò̌ dě a htè̌shěshu Cǒmara nutokhlǒ tô̤̌nu, ô̌sè̌rè̌ lô̌khô sînǎ̤ nî̌꤮. Bǎ Isôrělaphû̌ tokhlǒ ganǎ̤de ta̤dǐsè̌rè̌ asî dǒ hǎkhû̌nu akhanu, asî ganǎ̤de lô̌khô lû̌ûyô̤̌ tô̤̌. Pô̤̌nudě a khlè̌ hǎplǎbò̌ lô̌khô kû̌ ta̤cî̌htò̌ tô̤̌. Kè̌ ma̤pô̤̌nudě kè̌ pa htè̌shěshu dǒ mǒkhû̌ nutôpwa̤ dǔlè̌lṳ̌ panu kè̌hî̌dě, gènè̤kè̌mò̌, sî khlè̌ hǎplǎ bò̌jò pe kû̌ Cǒmara a ta̤cî̌htò̌ tîkî̌꤮ nô̌tô̤̌hǒ.

Hebrǔ 3:1

Pô̤̌nu akhû̌akhî, pṳ̌wè̤̌ khrǐphû̌ dǒ Cǒmara kaǎ sî nutokhlǒ gènè̤ kè̌mò̌ lô̌khô Yeshǔ dǒ Cǒmara nohè htû yǎ kû̌ pwa̤shôbǐǐ Cǒmara alě̤ayô̤̌ kû̌ pwa̤shû̌gǎ ikǒdû̌lǒ tôpwa̤nu.

Hebrǔ 3:10

Pô̤̌nudě he sǎphlǒdû̌ asî dě he hî̌ asî kû̌, ‘asî mî̌ kòyò dǒ asǎphlǒcǒ lô̌khô kû̌ he tô̤̌ tokhlǒ. Asî sî̌yaphlô lô̌khô ta̤ dǒ he noma̤ asî nutokhlǒ tô̤̌,’ he hî̌ asî pô̤̌nu.

Hebrǔ 3:19

Pô̤̌nudě dǒ asî yṳ̌tô̤̌ akhû̌akhî, asî nṳ̌jò pe gǎ nutôgǎ tô̤̌ numî̌ pa sî̌yaphlôbò tûû̌ hǒ.

Hebrǔ 9:14

Pô̤̌nudě, gènè̤ kè̌mò̌ lô̌khô Khrǐ asǐnu, a ma̤ mṳ̂̌plî bûsǔlǔkhlo pa kû̌ ta̤nutokhlǒ pě dǒ Yôla Plò̌shǐ Běcǎ ô̌htûpwa̤ tûjû̌pwa̤ akhû̌akhî, Khrǐ lṳhtò̌hto anǎ̤glǒ dǒ ata̤sǔ ô̌ tôcǒ꤮ tô̤̌ dǒ Cǒmara a ô̌ hǒ. Pô̤̌khô pa gǔ ma̤ bǎ Cǒmara dǒ a htûpwa̤ tôpwa̤ ata̤ma̤ ayanu, Khrǐ cǔbò pa sǎphlǒ nutokhlǒ kû̌ pa ta̤ma̤ dǒ abwǐsîrî ô̌kû̌ kòyò tô̤̌ nutokhlǒ kû̌ asǐ pě.