Hebrǔ 3:10 - Kawyaw New Testament

¹⁰ Pô̤̌nudě he sǎphlǒdû̌ asî dě he hî̌ asî kû̌, ‘asî mî̌ kòyò dǒ asǎphlǒcǒ lô̌khô kû̌ he tô̤̌ tokhlǒ. Asî sî̌yaphlô lô̌khô ta̤ dǒ he noma̤ asî nutokhlǒ tô̤̌,’ he hî̌ asî pô̤̌nu.

Kawyaw RC

¹⁰ Hǐnudě he sò̌phlǒdû̌ asî dě he hî̌ asî, ‘Asî mî̌ kòyò htě asò̌phlǒ cǒtè̤ lǒkho ta he tò̤ toǒ. Asî sî̌yaphlo lǒkho ta̤ htě he noma̤ asînu toǒ tò̤,’ he hî̌ asî hǐnu.

Hebrǔ 3:10 Iomraidhean Croise

Mǒhtûlû̌hǎhtûsa 6:6

Dǒ Cǒmara tûjû̌pwa̤ bô̌lò̤nṳ̌ kòyòhǎkhû̌phû̌ bǎ hǎkhû̌nu akhû̌akhî, a gènè̤mô̤ ǐtû̌ tîkî̌ tô̤̌ dě a shèwè̤ jî̌ lû̌sǎphlǒ.

Htû̌sò̌htò̌ 147:20

A ma̤ bǎ khlilèphû̌ shǔshawa̤ tokhlǒ pô̤̌o tô̤̌. Khlilèphû̌ shǔshawa̤ sî̌ganǎ̤ lô̌khô ata̤mǎlò̤ tô̤̌tô̤̌. Htû̌sò̌htò̌ Cǒmara tûjû̌pwa̤.

Htû̌sò̌htò̌ 67:2

Dě kòyò ô̌ dǒ hǎkhû̌ glè̌ sî̌ganǎ̤ ta̤ dǒ na ma̤hto nutokhlǒ. Lǒ̤bò kòyò tokhlǒ glè̌ sî̌ganǎ̤ bò na ma̤hǎplǎkè kòyò kû̌ na ta̤sîrîpô̤phǎ.

Htû̌sò̌htò̌ 78:40

Asî ma̤ tukutakǎ sala̤la̤ Cǒmara dǒ gǎshashigǎkhû̌. Asî ma̤ sǎplǎ̤nǎ̤bǎ sala̤la̤ lû̌û dǒ gǎshashigǎ lǒ̤sîmî̌khû̌.

Htû̌sò̌htò̌ 78:8

Htodě asî gǔ sô̌sô̌ pe nǒ asîphiphu dǒwǐkha tokhlǒ tô̤̌. Asî aphiphu mî̌ aikǒpwǐ, a htè̌shǔma̤shǔ Cǒmara. Asîsǎphlǒ cǒtè̤ kû̌ nǒ Cǒmara tô̤̌. Asî ayô̤̌ cǒtè̤ kû̌ lû̌û tô̤̌tô̤̌.

Htû̌sò̌htò̌ 95:10

“Pô̤̌nudě hema̤yǒ̤ asî aně lǐ̤shi. “He hî̌ kû̌, ‘asî mî̌ kòyò dǒ acǒ kû̌ he tô̤̌. “‘Kòyò dǒ a ganǎ̤de heta̤mǎlò̤ tô̤̌nu,’ he hî̌nǎ pô̤̌nu.

Matěo 20:24

Bǎ akhôphijǎ dǒ a ô̌kè pwa̤shǐ tokhlǒ ganǎ̤de a gwè̌ pô̤̌o akhanu, asî sǎphlǒdû̌ bò pṳ̌wè̤̌nu sò̌ginǐ̤.

Mǎ̤riko 3:5

A bǎsha jî̌ Yeshǔ asǎphlǒ, ma̤titè̌hî̌dě asî nò̌kudu bò pṳ̂̌dǐpṳ̂̌pwa̤, ta̤sǎyṳgwèbǎǐ kòyònu a ô̌ jò tîkî̌ tô̤̌ akhû̌akhî, Yeshǔ kè̌ asî dě a sǎphlǒdû̌ tûlû̌shû̌lě dě a hî̌ kòyò cǔgô̌si tôkhô nutôpwa̤ kû̌, “Yṳ̂̌htò̌ na cǔgô̌nu,” dě a yṳ̂̌htò̌ acǔgô̌, dě acǔgô̌ wô̌tîkhî bò sô̌.

Jowǎ̤ni̤ 8:45

Ma̤titèhî̌dě he hî̌bǎ bǎ sî ta̤tě̤ta̤mè̤̌ akhû̌akhî, sî yṳ̌ǎ tô̤̌.

Rṳ̂̌me̤ 1:28

Htokhôtô̤̌ asî sî̌ganǎ̤ hto Cǒmara awe̤akè bǎbǎkǎlè, a phî̌shǐshu lô̌khô tô̤̌, a dò̌tûklû̌ akhû̌akhî, Cǒmara nopǒkè asî kû̌ asî a ta̤gènè̤ phû̌mò̤̌shǐhtô tokhlǒ dě a dǐma̤ lô̌khô asî kû̌ ta̤ dǒ a gwǎ ma̤tô̤̌ nutokhlǒ hǒ.

Rṳ̂̌me̤ 3:7

Kòyò tokhlǒkhlǒ glè̌ htè̌shǔ kû̌, “He ma̤ta̤tě̤ta̤mè̤̌ tô̤̌ tokhlǒnu, a dǔlè̌lṳ̌htò̌ Cǒmara a ta̤tě̤ta̤mè̤̌, htotô̤̌ a gǔ ma ô̌dû̌htò̌pô̤̌ Cǒmara a ta̤bwǐdû̌sîrîhtû kè̌hǐdě, ma̤mitèhî̌dě a cû̌ cî̌htò̌tǒ̤ pwa̤ma̤sǔphû̌, pô̤̌ henu ma̤titè̤?”

Ěphěsu 4:30

Ma̤sǎplǎ̤ tǎ̤ Cǒmara a Yôla Plò̌shǐ tǎ̤mǎ̤. Cǒmara ǐ sî Yôla Plò̌shǐ Běcǎ numî̌, a sô̌sô̌ kû̌ ta̤ma̤mǎnǎ tôcǒ dǒ sî mî̌ Cǒmara ata hǒ. Yôla Plò̌shǐ Běcǎnu, a gǔ ô̌plǒ kû̌ sî tǒ̤dǒ Cǒmara hè ma̤hǎplǎge sî nutôni̤ pě.

Hebrǔ 3:12

He pṳ̌wè̤̌ sî꤮, sè̌rè̌ tûû̌ lô̌khô sînǎ̤ nî̌꤮. Bè̌ phû̌mò̤̌ lô̌khô tǎ̤ sî sǎphlǒ tǎ̤mǎ̤, sî bè̌ sî sǎphlǒ kû̌ sî yṳ̌ǎ kû̌ kòyò Cǒmara dǒ a htûpwa̤ nutôpwa̤ tô̤̌, sî cû̌ tephekè tûû̌ sîya pô̤̌nu tokhlǒnu ma̤tǎ̤ lô̌khô tôpwǎ̤꤮ tǎ̤mǎ̤ nî̌꤮.