Hebrǔ 3:1 - Kawyaw New Testament1 Pô̤̌nu akhû̌akhî, pṳ̌wè̤̌ khrǐphû̌ dǒ Cǒmara kaǎ sî nutokhlǒ gènè̤ kè̌mò̌ lô̌khô Yeshǔ dǒ Cǒmara nohè htû yǎ kû̌ pwa̤shôbǐǐ Cǒmara alě̤ayô̤̌ kû̌ pwa̤shû̌gǎ ikǒdû̌lǒ tôpwa̤nu. Faic an caibideilKawyaw RC1 Hǐnu akhû̌akhî, pṳwè̤ Khrî̌stuphû̌ htě Cǒmara kaǎ sî htǒotoǒ gènè̤kè̌ lǒkhomò̌ Ye̤shǔ htě Cǒmara nohè htû yǎta pwa̤dǒhtû̌ǐ Cǒmara ale̤ayo̤ ta pwa̤tòlûhtò̌ hǐkǒdû̌gutṳ̌ htǒotapwa̤nu. Faic an caibideil |
Hebrǔ 3:1
63 Iomraidhean Croise
Yǔdaphû̌ tokhlǒ numî̌ asô̌sô̌kû̌ kòyò cû̌ yǒgǎkè òlǐba do aphò dě kòyò shǒlò̤ lû̌û dǒ we̤kûnu tokhlǒ dě kòyò cû̌ yǒgǎkè kû̌ òlî̌ba mi̤ aphò dǒ mi̤kla nutokhlǒ dě kòyò ge pṳ̂̌htu iculû̌û. Sî Yǔdaphû̌ mè̤̌tô̤̌ tokhlǒ numî̌, asô̌sô̌kû̌ òlǐbami̤ nuhǒ. Khònò̤̌ sî nǐ̤bǎ ta̤ǐshowî̤ dǒ Cǒmara ishowî̤kè Yǔdaphû̌ phiphu dǒ awǐkha tokhlǒ hǒ. Sî nǐ̤bǎ sô̌sô̌kû̌ sǒphò tokhlǒ cî̌ô nǐ̤khû̌nǐ̤ǎ sǒcòshi dǒ a ô̌ dǒ akhò̌wǐ̤kû dě a hè tokhlǒ nuhǒ.
Asî sǎphlǒshû̌ ma̤lṳ jî̌le. Kè̌ hî̌mè̤̌mî̌mò̌ dě, asî bǎ ma̤jè̌ Yǔdaphû̌ dǒ a yṳ̌ǎ ge nutokhlǒ hǒ. Asô̌sô̌kû̌ asî noshû̌ ô̌dû̌wî̤ Yǔdaphû̌ tokhlǒ hǒ. Ma̤titèhî̌dě Yǔdaphû̌ tokhlǒnu a dǐǎ pa tutṳ̌ Yǔdaphû̌ mè̤̌tô̤̌ tokhlǒ ta̤ǐshowî̤ dǒsû̌dǒsò̌ tokhlǒ hǒ. Pô̤̌nudě Yǔdaphû̌ mè̤̌tô̤̌ tokhlǒ shû̌ô̌ Yǔdaphû̌ tokhlǒ kû̌ a gǔ bǎ yṳ̂̌ǎ getîkhî sô̌ asî kû̌ ta̤ǐshowî̤ amè̤̌kû̌ ruhta kû̌ timî̌titè tokhlǒ hǒ.
Pa wě̤cû̌ bǎ lî̤nu dǒ Cǒmara ta̤dòkû ô̌ dǒ Wî̤̌kôritu akû tokhlǒ a ô̌, kû̌ lǒ̤꤮ bò kòyò dǒ a cabahtò̌ Běcǎ Yeshǔ Khrǐ dě a ô̌ lô̌khô dǒ gûlǎ̤ pṳ̂̌ tôkû nutokhlǒ a ô̌. Yeshǔ nî̌ pa Běcǎ mî̌ amè̤̌, asî Běcǎ mî̌ amè̤̌. Dǒ Yeshǔ Khrǐ akhû̌akhî, Cǒmara ma̤plò̌shǐ sî dě a kaǎ sî dǒ sî gǔ ô̌htûpwa̤ plò̌shǐ dû̌htò̌ pô̤̌ aya hǒ.
Sî ta̤ma̤jè̌nu a khòlṳ̌ kû̌ sî yṳ̌ǎ mè̤̌mî̌ca Běcǎ Yeshǔ hǒ. Dǒ sî yṳ̌ǎ ma̤gû̌ pô̤̌ Khrǐ a ta̤sǎlě̤we̤kè hî̌nu akhû̌akhî kòyò gǔ htû̌sò̌htò̌ dû̌wî̤ Cǒmara pě. Ma̤titèhî̌dě dǒ sî sǎphlǒshû̌ ma̤jè̌ bǎ asî kû̌ kòyò pṳ̂̌tôpwa̤ akhû̌akhî, kòyò saprṳ̂ gǔ htû̌sò̌htò̌ lô̌khô Cǒmara pô̤̌nu pě.
Cǒmara a ta̤cǒta̤yô̤̌ dǒ kòyò sî̌yahtò̌ tô̤̌ numî̌ amè̤̌pwǎ Cǒmara ǐlò̤bǎ Yǔdaphû̌ ta̤ǐshowî̤ nuhǒ. Dě ta̤ǐshowî̤ tokhlǒnu, sî Yǔdaphû̌ mè̤̌tô̤̌ tokhlǒ nǐ̤bǎ wô̤̌ sô̌sô̌ kû̌ asî nuhǒ. Yǔdaphû̌ mè̤̌tô̤̌ tokhlǒ kû̌ Yǔdaphû̌ tokhlǒnu, a htû lû̌û nǎ̤ tôpwa̤ nô̤̌hǒ. Lǒ̤bò Cǒmara olò̤kè a kòyò tokhlǒnu, sî Yǔdaphû̌ mè̤̌tô̤̌ tokhlǒ gǔ nǐ̤bǎ wô̤̌wô̤̌ kû̌ asî hǒ. Dǒ sî yṳ̌ǎ ta̤sǎlě̤we̤kè dě sî htûhtò̌kè kû̌ Yeshǔ Khrǐ tôcǒ nô̤̌ akhû̌akhî, sî nǐ̤bǎ bòkè ta̤ǐshowî̤ nutokhlǒ hǒ.
Bǎbǎkǎlè khònò̤̌, Khrǐ hè sanǎ̤ hè tṳ̌sikhòsi anǎ̤ akhû̌akhî, Cǒmara ma̤kla getîkhîsô̌ sî kû̌ anǎ̤glǒ tû̌hǒ. Dǒ Cǒmara a lô̤mô̤̌ pěnu, pô̤̌khô sî aplò̌shǐ dě sî gǔ hǎplǎ kû̌ ta̤sǔ, htokhôtô̤̌ kòyò gǔ bè̌jò pe ta̤sǔ dǒ sîlô̤ tôpwa̤ tô̤̌nu, Cǒmara ma̤kla getîkhî sô̌ sî pô̤̌nu hǒ.
Pô̤̌nudě pô̤̌khô Cǒmara gǔ ma̤jè̌ sî dě sî gǔ ô̌htûpwa̤ tôbǎ kû̌ ata̤kaǎ sî ayanu, pa kwicaba bǎ dǒ sîya pṳ̂̌꤮ taplǎ. Pa kwicaba bǎ pô̤̌ dǒ sîya kû̌ Cǒmara gǔ ma̤lǒbe bǎ sî, lǒ̤bò sî ta̤ma̤wô̌ dǒ sî sǎyṳma̤ nutokhlǒ, kû̌ ta̤ma̤ dǒ sî ma̤ kû̌ ta̤yṳ̌ta̤nǎ̤ nutokhlǒ. Dě Cǒmara ma̤ bǎ sî kû̌ a ta̤pô̤ta̤phǎ pě.
Jû̌ dǒ a ô̌ kû̌ aběcǎ dǒ a yṳ̌nǐ̤nǎ̤nǐ̤ hto Khrǐ tokhlǒnu, he běcǎ mî̌ ta̤dòkûphû̌ pwǎ gènè̤ dě tô ma̤tukutakǎ aběcǎ tô̤̌. Mè̤mè̤̌tôkhônu, a bǎ ma̤wô̌ khlo ta̤ kû̌ anu, ma̤titèhî̌dě aběcǎ dǒ asî ma̤wô̌ khlobǎ lû̌û a ta̤phǐta̤ma̤ tôpwa̤ numî̌ kòyò dǒ a yṳ̌nǐ̤nǎ̤nǐ̤ Yeshǔ Khrǐ dě jû̌ tokhlǒ mô̤ǐ lû̌û akhû̌akhî, asî tôbǎ ma̤wô̌ khlo. Sî bǎ sû̌ǐ asî dě noshû̌ asî dǒ a gǔ ma̤ pô̤̌nu.
Pô̤̌khô pa glè̌ htûhtò̌ Cǒmara a pwa̤plò̌shǐphû̌ tokhlǒ ayanudě, a ma̤hǎplǎge pa hǒ, dě a kaǎ pa hǒ, dǒ pa ma̤hto ta̤phǐta̤ma̤ nutokhlǒ akhû̌akhîdě, a kaǎ pa mè̤̌bǎtô̤̌. Hǒomî̌ a ta̤yè̤lò̤nǎ kû̌ abwǐasîrî pwǎ. Bǎ a bô̌lò̤ hǎkhû̌ nò̌khôtô̤̌nu, a ǐlò̤ pa ta̤bwǐta̤sîrînu dǒ Yeshǔ Khrǐ akû nuhǒ.
Pô̤̌nu akhû̌akhî, pô̤̌khô Běcǎ Yeshǔ htûdû̌ pwa̤ dǒ a ma̤ Cǒmara a ta̤phǐta̤ma̤ pô̤̌ pwa̤shû̌gǎ ikǒdû̌lǒ dǒ acǒ kû̌ ayô̤̌ dě a sǎyṳgwèbǎǐjò kòyò tôpwa̤, htokhôtô̤̌ pô̤̌khô a tṳ̌sikhòsibǎ dǒ kòyò tokhlǒ a ta̤ma̤sǔ tokhlǒ plûkè ayanu, a hèlò̤ phî̌ kòyòhǎkhû̌phû̌ alǎ̤klô sô̌sô̌kû̌ apṳ̌awè̤̌ nutokhlǒ hǒ.
Pwa̤shû̌gǎ tokhlǒnu, a ta̤sǔta̤plě ô̌ pwǎ lô̌khô bǎbǎkǎlè ta̤sû̌ta̤tòwò ô̌ akhû̌akhî, kòyò bǎ bè̌htò̌ asî pwǎ. Bǎbǎkǎlè bǎ Cǒmara ǐlò̤hto ta̤sû̌ta̤tòwònu dǒ nô̌kò ayî̤kèhǒnu, a olò̤ khô̌tîkhîpô̤̌ tômû dě a wṳ̂̌dòlò̤ padô̌ ayô̤̌ bǎnu. A wṳ̂̌dòlò̤ ayô̤̌ kû̌ a bè̌htò̌ a phû̌pwa̤khû dǒ ata̤sǔ ô̌tô̤̌, a lǒbe nutôpwa̤ kû̌ a gǔ htûhtò̌ pwa̤shû̌gǎ ikǒdû̌lǒ tûjû̌pwa̤ hǒ.
Bǎbǎkǎlè khònò̤̌ Khrǐ hè htûhto pô̤̌ pwa̤shû̌gǎ ikǒdû̌ dǒ adû̌lǒkhlo kòyò tôpwa̤ nuhǒ. A phî̌hènṳ̌ bǎ pa ta̤wî̤ta̤wô̌ dǒ a ô̌ kû̌ pa khònò̤̌ tokhlǒ hǒ. A cû̌nṳ̌ hto dǒ hǐphû̌dû̌ dǒ adû̌khlo, a lǒbebò kû̌ kòyò ma̤nu tômè akûhǒ. Hǐphû̌dû̌ plò̌shǐnu, kòyò ma̤htò̌ǐ kû̌ acǔde tôpwǎ̤꤮ tô̤̌, kòyò bô̌lò̤ lû̌û mè̤̌tô̤̌tô̤̌, a ô̌ dǒ hǎkhû̌nu mè̤̌tô̤̌tô̤̌.
Dǒ ta̤we̤ta̤kènu akhû̌akhî, ta̤ǐshowî̤ tûjû̌pwa̤ dǒ Cǒmara olò̤kè bǎ hto kòyò dǒ a kaǎ lû̌û tokhlǒ gǔ nǐ̤bǎ ayanu, Khrǐ phî̌hèǐ bǎ Cǒmara a kòyò tokhlǒ ta̤olò̤ asa nutôcǒ dǒ Cǒmara a ô̌ hǒ. Pô̤̌khô Khrǐ gǔ ma̤hǎplǎge dě plûhǎhtò̌ pili̤ cû̌kè kòyò ô̌ dǒ ta̤olò̤ ali̤ alǎ̤ nutokhlǒ ayanu, a bǎ khòlṳ̌kè asǎphlǒ. Dǒ a khòlṳ̌ asǎphlǒ akhû̌akhî, asî nǐ̤bǎ bò̌ û̌tě̤û̌ca, a ta̤ǐshowî̤ tûjû̌pwa̤ dǒ Cǒmara olò̤ hto nutokhlǒnu hǒ.
Bǎbǎkǎlè sî mî̌ khlilèphû̌ tôcǒ dǒ Cǒmara rû̌htò̌ yǎ, pwa̤shû̌gǎ dǒ asô̌sô̌kû̌ khwǐ tokhlǒ, kòyò khlilèphû̌ dǒ aplò̌shǐ, kǎtô̤̌ Cǒmara a kòyò tokhlǒ hǒ. Pô̤̌khô sî gǔ shôbǐǐlṳ̌ Cǒmara a ta̤ma̤wô̌ khô̌tû̌ tokhlǒ ayanu, Cǒmara rû̌htò̌ sî hǒ. Cǒmara kaǎhtò̌ge sî dǒ ta̤khǐsiwi̤ alǎ̤ dě a sûnṳ̌ sî dǒ a ta̤lîta̤kakha mô̤ akû hǒ.
He mî̌ ta̤dòkû mǒ̤pwǎ̤ ikǒdû̌ tôpwa̤, htodě he mî̌ pwa̤khòlṳ̌ bǎ Khrǐ a ta̤khò̌jî̌jû̌ awe̤akè tôpwa̤. Htokhôtô̤̌ htû̌꤮ Cǒmara dǔlè̌lṳ̌ hǒ kòyò kû̌ a ta̤bwǐdû̌sîrîhtû akhapěnu, he bǎbǎ, he ô̌plǒ kû̌ a ta̤sîrîdû̌sîrîhtû nupě. Khònò̤̌dě he kwisǎyṳ sî ta̤dòkû mǒ̤khumǒ̤pwǎ̤ dǒ a htû ikǒlǒkòdû̌ tokhlǒ kû̌,
Asî gǔ shěpě̤ sû̌phû̌ nutôdo pě, bǎbǎkǎlè sû̌phû̌ nutôdo gǔ shěpě̤pè̤̌kè asî pě, ma̤titèhî̌dě sû̌phû̌ numî̌ Běcǎ tokhlǒ a Běcǎ, khwǐ tokhlǒ akhwǐ, dě kòyò dǒ a ô̌plǒ kû̌ a nutokhlǒ mî̌ amè̤̌ kòyò dǒ Cǒmara kaǎ asî, htokhôtô̤̌ Cǒmara rû̌htò̌ nò asî, htodě asî mî̌ kòyò dǒ acǒ kû̌ ayô̤̌ tokhlǒ.
Sanasan