Hebrǔ 2:8 - Kawyaw New Testament

⁸ Na no pǒǐ bò̌꤮ bò asî,” a hî̌ pô̤̌nu. Bǎ Cǒmara nopǒ ta̤lǒ̤꤮ bò kû̌ asî akhapěnu, ta̤dǒ a pǒtǒ̤ta̤tô̤̌nu a ô̌ pe tôcǒ tô̤̌ hǒ. Bǎbǎkǎlè khònò̤̌ khanu pa kè̌shǐ kòyò hǎkhû̌phû̌ pǒbò ta̤lǒ̤꤮ bò khôtô̤̌.

Kawyaw RC

⁸ Na nopǒǐbò asî,” a hî̌ hǐnu. Bǎ Cǒmara nopǒǐ ta̤lǒ̤꤮ bò ta asî akhapěnu, ta̤htě a pǒǐtò̤nu aǒkèpe dǐcǎ꤮ tò̤. Pwǎ̤tadě khònò̤kha htǒonu pa kè̌shǐ kòyòhǎkhû̌phû̌ pǒǐbò ta̤lǒ̤꤮ bò hǒtò̤.

Hebrǔ 2:8 Iomraidhean Croise

Htû̌sò̌htò̌ 2:6

A hî̌ kû̌, “Khwǐ dǒ he rû̌htò̌ a nu, he no htò̌ pǒ a dǒ Sǐû khôlô, he khôlô plò̌shǐkhû̌.”

Htû̌sò̌htò̌ 8:6

Na nopǒǐ bò a kû̌ lǒ̤bò na bô̌lò̤ nutokhlǒ. Na dò̌lò̤ bò ta̤pṳ̂̌ tôcǒ dǒ akhò̌lôpô̤̌lǎ̤.

Matěo 28:18

Dě Běcǎ Yeshǔ hè dǒ asî ô̌ dě a hî̌ asî kû̌, “Ta̤siwi̤sòwò̤ dǒ mǒkhû̌ bǎbǎ, dǒ hǎkhû̌nu bǎbǎ, kòyò ǐ bòkè kû̌ he hǒ.

Jowǎ̤ni̤ 13:3

Běcǎ Yeshǔ sî̌ganǎ̤ kû̌ apha ǐlò̤ htobò lû̌û ta̤pô̤phǎ shû̌sho dǒ ta̤lǒ̤bò akhû̌ hǒ. A sî̌ganǎ̤ kû̌ a ô̌ dǒ Cǒmara hè ô̌ dě a gǔ getîkhî sô̌ dǒ Cǒmara a ô̌ pě.

Jowǎ̤ni̤ 3:35

Pha Cǒmara mô̤ǐ aphû̌khû dě a ǐbò lû̌ ta̤pṳ̂̌tocǒ dǒ a cǔdekû hǒ.

Kôritu awǐlǒ tôbǎ 15:27

“Cǒmara gǔ bè̌lò̤ bò ta̤pṳ̂̌꤮ tocǒ dǒ akhò̌lôpô̤̌lǎ̤ pě,” Lî̤plò̌shǐkû ahî̌pô̤̌nu. Bǎbǎkǎlè ayô̤̌ hǒtômû mî̌, a sǎyṳ hî̌ kû̌ Cǒmara ô̌ dǒ Khrǐ a ta̤pô̤ta̤pwǎ̤ shû̌sho alǎ̤ pô̤̌nu mè̤̌tô̤̌, ma̤titèhî̌dě, pwa̤ dǒ a nopǒ Yeshǔ Khrǐ mî̌ Cǒmara pwǎ.

Hebrǔ 1:13

“Hǎnòò̌ô̌ dǒ he cǔde cǔtômû nutôkhô, dě hǎnòò̌ tǒ̤dǒ he nopǒ na kû̌ pwa̤dǔdǎ na nutokhlǒ hè cabahtò̌ na dǒ na khò̌lôpô̤̌ kòshî̌ pě,” Cǒmara hî̌bǎnǒ amǒkhû̌ tanaphû̌ tokhlǒ pô̤̌onu tômṳ̂̌꤮ tô̤̌.

Hebrǔ 1:2

Bǎbǎkǎlè lṳmṳ̌ni̤ gutṳ̌kò tokhlǒnu, a hî̌bǎlò̤ tutṳ̌ kû̌ a phû̌pwa̤khû. Cǒmara nobô̌lò̤ tutṳ̌ aphû̌khû kû̌ hǎkhû̌ mǒkhû̌ kû̌ ta̤lǒ̤꤮ bò. Dǒ gutṳ̌kò pěnu, lǒ̤꤮ bò ta̤nutokhlǒ pô̤̌khô a gǔ htûbò ata pě nudě Cǒmara rû̌htò̌ yǎ hǒ.

Hebrǔ 2:5

Pa hî̌ bǎ sî kû̌ hǎkhû̌sa ô̌htò̌ dǒ nô̌kòpě awe̤akè numî̌, Cǒmara rû̌htò̌ mǒkhû̌ tanaphû̌ tokhlǒ dǒ a glè̌ bǎ pǒǐ ta̤ayanu mè̤̌bǎtô̤̌.

Petru awǐlǒ tabǎ 3:22

Yeshǔ Khrǐ ge ihtǒ dǒ mǒkhû̌ dě a ge hǎnòò̌ô̌ dǒ Cǒmara acǔde cǔtômû tôkhô hǒ. Dě a pǒǐ lǒ̤bò tanaphû̌ tokhlǒ kû̌ ta̤shû̌ta̤sho tokhlǒ, kû̌ ta̤pô̤ta̤phǎ tokhlǒ hǒ.

Ta̤dǔlè̌nǎ 1:18

He mî̌ kòyò dǒ a htûpwa̤ tôpwa̤. He si htohǒ bǎbǎkǎlè khònò̤̌ he htûpwa̤ tûjû̌pwa̤ talakhǎ hǒ. He ô̌ kû̌ ta̤siwi̤sòwò̤ kû̌ ta̤pô̤ta̤phǎ dě he pǒbò ta̤si kû̌ lṳ̌gǎnǎdo tokhlǒ.

Ta̤dǔlè̌nǎ 1:5

Sî nǐ̤bǎ pô̤̌ pû Yeshǔ Khrǐ dǒ a khòlṳ̌ cǒcǒtè̤tè̤ nutôpwa̤ abwǐsîrî kû̌ a ta̤gûjû̌kabǎ nî̌꤮. Kòyòsi dě a htûpwa̤ getîkhî aklanu, a mî̌ pwa̤ dǒ a htûpwa̤ wǐlǒ tôpwa̤ hǒ. A mî̌ pwa̤ dǒ a pǒ hǎkhû̌ akhwǐ tokhlǒ nutôpwa̤. A mî̌ a mô̤ǐ pa kǎtô̤̌ dǒ a si akhû̌akhî a ma̤hǎplǎge pa dǒ ta̤sǔta̤plě akû hǒ.