Hebrǔ 2:6 - Kawyaw New Testament

⁶ A rû̌htò̌ tèplè̌ khô̌ dǒ kòyòphû̌khû tôkhôhǒ, ma̤titèhî̌dě ta̤hî̌bǎ ô̌dǒ lî̤plò̌shǐkû tôtô̤̌ dě a hî̌ kû̌, “Ǒ꤮ Cǒmara, na cû̌ shôpe̤nǎpè̤̌pe kòyòhǎkhû̌phû̌ tokhlǒ tô̤̌ hî̌dě, asî mî̌ kòyò hî̌tè tokhlǒ ya? Asî mî̌ kòyò dǒ alě̤apwî̤ ô̌ kû̌ kòyò tô̤̌ tokhlǒpwǎ dě na cû̌ kè̌khwè̌ǐ tûû̌ asî pwǐ꤮ numî̌ ama̤mî̌titè?

Kawyaw RC

⁶ A wû̌lǎ tèplè̌khǒlè̌ kòyòhǎkhû̌phû̌ tokhohǒ, ma̤tè̤hî̌dě ta̤hî̌bǎ ǒ lî̤cahtǐkû to̤to̤ dě a hî̌, “Kǒ꤮ Cǒmara, na cû̌ shope̤nǎpè̤pe kòyòhǎkhû̌phû̌ toǒtò̤ děmî̌, asî mî̌ kòyò hî̌tè toǒ tètè? Asî mî̌pwǎ kòyò htě ale̤apwî̤ ǒkû̌kò tò̤ toǒ dě na cû̌ kè̌ǐkhwè̌ǐ asî pwî̌꤮ htǒo ma̤tè?

Hebrǔ 2:6 Iomraidhean Croise

Mǒhtûlû̌hǎhtûsa 50:24

Htodě a hî̌ apṳ̌wè̤̌ tokhlǒ kû̌, “He ô̌htûpwa̤ yî̤ petô̤̌, Cǒmaradû̌ glè̌ hèlò̤ ma̤jè̌ mè̤̌mǐca sî pě dě a glè̌ kaǎhtò̌kè sî kû̌ gǎ bǒo tôgǎ dě a glè̌ sûge sî gǎ dǒ a olò̤ hto ayô̤̌ kû̌ PhaAbraha, PhaIsè̌, Phaya̤kò nutôgǎ pě.”

Htû̌sò̌htò̌ 144:3

Ǒ Cǒmara tûjû̌pwa̤, na cû̌ kè̌khwè̌ǐ tǒ̤ pa kòyòhǎkhû̌phû̌ tokhlǒ mî̌ ma̤titè? Na cû̌ gènè̤ tǒ̤ pakòyò tokhlǒ awe̤akè mî̌ ma̤titè?

Lǔka 1:68

“Pa htû̌sò̌htò̌ wô̤̌wô̤̌ lû̌û Isôrěla a Běcǎ Cǒmara tǎ꤮. Ma̤titèhî̌dě a hè dǒ a kòyò tokhlǒ a ô̌ dě a hè ma̤hǎplǎge a kòyò hǒ.

Lǔka 1:78

Ma̤titèhî̌dě pa Cǒmara nu, a gwèbǎǐ mî̌ca kòyò dě a khòsǎdô. A nohèlò̤ kòyò ô̌ dǒ mǒkhû̌ tôpwa̤ gǔ hè ma̤hǎplǎge pa, pwa̤ma̤hǎplǎge pa hǒtôpwa̤ nî̌, a sô̌sô̌ kû̌ lṳmṳ̌lîhtò̌wô̌ dě aô̌dǒ mǒkhû̌ hè dǒ pa ô̌ pě.

Lǔka 7:16

Kòyò saprṳ̂ tokhlǒ ǒò̌ kiti̤kaa bò dě htû̌sò̌htò̌ lô̌khô Cǒmara dě a hî̌ lô̌khô kû̌, “Pwa̤pô̤ dû̌ ô̌lṳ̌htò̌ dǒ pakla tôpwa̤ hǒ” dě “Cǒmara hèlò̤ ma̤jè̌ akòyò hǒ.”

Tîsalònǐ awǐlǒ tôbǎ 4:6

Sî tôbǎ ma̤sǔ sî pṳ̌wè̤̌ Khrǐphû̌ tokhlǒ kû̌ ta̤ pô̤̌nu tokhlǒ tôpwǎ̤꤮ tô̤̌. Sî tôbǎ lô̌ǎ tikhlǐkhû̌ tikhlǐkò dǒ sî pṳ̌wè̤̌ Khrǐphû̌ tokhlǒ akhû̌ tôpwǎ̤꤮ tô̤̌. Kòyò dǒ a ma̤pô̤̌nu tokhlǒnu, Běcǎ gǔ cî̌htò̌ asî pě. Pô̤̌o tokhlǒnu pa shôbǐǐlṳ̌ bǎ htobò sî hǒ, pa dǐsè̌rè̌ htobò sî hǒ.

Hebrǔ 4:4

Ma̤titèhî̌dě susô̌tôni̤ nutôni̤ awe̤akè numî̌ lî̤plò̌shǐkû hî̌ tôtô̤̌ kû̌, “Ni̤susô̌ akûnu Cǒmara ma̤htobò ata̤ma̤ dě bǎ susô̌tôni̤ nutôni̤ nî̌ a ô̌kǔ,” a hî̌ pô̤̌nu.

Hebrǔ 5:6

Cǒmara hî̌ dǒ ashǔshawa̤ tômû kû̌, “Na htû pwa̤shû̌gǎ tûjû̌pwa̤ dǒ asô̌sô̌kû̌ pwa̤shû̌gǎ Malakhǐsedè̌ dǒ awǐkha tôpwa̤,” a hî̌ pô̤̌ lû̌û pô̤̌nu.

Petru awǐlǒ tabǎ 1:11

Khrǐ a Yôla Plò̌shǐ ô̌ dǒ piwi̤pèshè tokhlǒ a sǎphlǒkû dě a hî̌pô̤̌nǎ wǐ Khrǐ awe̤akè kû̌ a khòbǎwǐ ta̤jî̌ta̤jû̌ tokhlǒ pě. Htodě ta̤bwǐdû̌sîrîhtû tokhlǒ gǔ hè dǒ nô̌kò pě, asî kè̌lǎ sî̌ganǎ̤ lô̌khô kû̌ ashěakhǎ gǔ bǎ bǎkhò̌tè pě, htodě a gǔ ma̤ anǎ̤ hî̌tè pě pô̤̌nu.