Hebrǔ 2:3 - Kawyaw New Testament

³ Pô̤̌nudě, khònò̤̌ pa kè̌ bè̤̌dubè̌nǎ̤ kû̌ kòyò ta̤ma̤hǎplǎge adû̌ayô̤̌nu tô̤̌ hî̌dě Cǒmara gǔ cî̌htò̌ mè̤̌mî̌ca pa pě. Cǒmara a ta̤ma̤hǎplǎge aklè̌aklònu, Běcǎ anǎ̤glǒ shôbǐǐlṳ̌ wǐ bǎ kòyò hǒ. Dě kòyò dǒ a ganǎ̤de lû̌û hî̌nu tokhlǒnu a shôbǐǐlṳ̌pô̤̌ bǎ tutṳ̌ pa kû̌ ta̤ma̤hǎplǎge ta̤we̤ta̤kè tokhlǒ numî̌ a mè̤̌mî̌ca pô̤̌nu.

Kawyaw RC

³ Hǐnudě, khònò̤htǒo pa dè bè̌dubè̌na̤ kû̌kò ta̤ma̤lû̌htò̌ge adû̌ayǒ htǒo tò̤ hî̌mò̌nu Cǒmara cèrò mè̤mè̤̌ pa pě. Cǒmara a ta̤ma̤lû̌htò̌ge aklè̌aklò htǒonu, Běcǎ sana̤ dǒhtû̌ǐlṳ wǐgutṳ̌ bǎ kò hǒ. Dě kòyò htě a gana̤de nû̌û hî̌htǒo toǒnu a pwe̤ǐlṳphlo tṳtṳ bǎ pa ta ta̤ma̤lû̌htò̌ge ta̤wi̤ta̤kè̌ htǒotoǒ numî̌ a mè̤mè̤̌ hǐnu.

Hebrǔ 2:3 Iomraidhean Croise

Matěo 23:33

“Wṳ̂̌phǔmò̤̌ sî, wṳ̂̌sa aphû̌ali̤ sî, Cǒmara glè̌ cî̌htò̌ sî dǒ larakû pěnu, sî cû̌ hǎplǎbò̌ jò hî̌tè?

Matěo 4:17

Hènè bǎnudě Yeshǔ sahtò̌ shôbǐǐlṳ̌ bǎ kòyò kû̌, “Yò̤lǎ̤plǎdî̌ lô̌khô sîsǎphlǒ, ma̤titè̌hî̌dě mǒkhû̌ ashiagǎ phǔhtò̌hǒ.”

Mǎ̤riko 1:14

Bǎ kòyò pṳ̂̌ dǒlò̤tě̤ Khûyṳ̂ha dǒ apô̤kû akhanu, Yeshǔ cû̌ dǒ Galilè̤̌gǎ dě a shôbǐǐlṳ̌ bǎ kòyò kû̌ Cǒmara a ta̤sǎlě̤we̤kè bǎnu.

Lǔka 1:2

Asî gû̌wě̤ pwǎ pô̤̌ kòyò dǒ a kè̌shǐ kû̌ anǎ̤ dǒ asakhû̌lû̌nukha dě a shôbǐǐlṳ̌ bǎ kòyò kû̌ ta̤we̤ta̤kè nutokhlǒ dě a shôbǐǐ tutṳ̌ bǎ pa nutokhlǒ pwǎ.

Lǔka 1:69

Dǒ Cǒmara a pwa̤ma̤ta̤phû̌ Khûdawi̤ akhlialè akûnu, Cǒmara dǐô̌htûhtò̌ bǎ hto pa pwa̤ma̤hǎplǎge Běcǎ dǒ a ô̌ kû̌ a ta̤shû̌ta̤sho nutôpwa̤ hǒ.

Lǔka 24:19

Dě Yeshǔ gwè̌ lû̌û kû̌, “Kòyò ma̤kwè̌꤮ titèya?” Dě asî hî̌shěshu lû̌û kû̌, “Wî̤̌ Na̤sôrè̤̌phû̌ Yeshǔ awe̤akè nu nî̌. A mî̌ piwi̤pèshè tôpwa̤. A ta̤hî̌buhî̌bǎ kû̌ a ta̤phî̌ta̤ma̤ dǒ Cǒmara kû̌ kòyòhǎkhû̌phû̌ lǒ̤bò alô̤mô̤̌, a ô̌ kû̌ ta̤pô̤ta̤phǎ hǒ.

Jowǎ̤ni̤ 15:27

Sî ô̌plǒ kû̌ he dǒ akòshî̌kha pe akhû̌akhî, sî shôbǐǐ padô̌ kòyò kû̌ hewe̤hekè nî̌꤮.”

Pwa̤nophû̌ 2:22

Dě Khûpetarǔ hî̌ pô̤̌ kû̌, “Hekhô Isôrělaphû̌ sî, ganǎ̤de lô̌khô he ta̤hî̌bǎhǒo! Bǎ Wî̤̌na̤sôrè̤̌phû̌ Yeshǔ ô̌plǒ kû̌ sî akhanu, a dǔlè̌lṳ̌ dû̌wî̤ bǎ sî ta̤ma̤ cô̌klǐcô̌sè tokhlǒ kû̌ ta̤ma̤ ǒò̌ kiti̤kaa tokhlǒ kû̌ ta̤ma̤ cô̌klǐcô̌sè a ta̤ma̤mǎnǎ dǒ Cǒmara ǐpo̤ǐphǎ lû̌û nutokhlǒ hǒ. Hǒonumî̌ a dǔlè̌lṳ̌hto kû̌ Yeshǔ mî̌ a ô̌ dǒ Cǒmara a hèô̌ pô̤̌nu hǒ. A ma̤ bǎ htobò ta̤ma̤ hǒtokhlǒ numî̌ sî sî̌ganǎ̤ htotû̌hǒ.

Pwa̤nophû̌ 4:12

Kòyò dǒ a ma̤hǎplǎge jò pa mî̌ tǒ̤pwǎ Yeshǔ tôpwa̤ nô̤̌ pwǎ. Kòyò ashǔshawa̤ dǒ Cǒmara ǐ asî kû̌ a gǔ ma̤hǎplǎge pa ayanu, dǒ hǎkhû̌ tôbǎbò nu a ô̌ tôpwǎ̤꤮ tô̤̌.”

Rṳ̂̌me̤ 11:14

Pô̤̌ Cǒmara ma̤wô̌ hto sî Yǔdaphû̌ mè̤̌tô̤̌ tokhlǒ ayanu, he kè̌shuǐ kû̌ pô̤̌khô he gǔ ma̤ sǎkhwè̌ǐ gû̌ hekhô Yǔdaphû̌ tûû̌ tokhlǒ aya, htokhôtô̤̌ pô̤̌khô he gǔ tili̤genṳ̌ asî tokhlǒkhlǒ kû̌ a gǔ nǐ̤bǎ gû̌ kòyò ta̤ma̤hǎplǎge ayanudě, he gènè̤dû̌ ǐtûû̌ mî̌ca ta̤ma̤ dǒ Cǒmara ǐ henu.

Rṳ̂̌me̤ 2:3

Bǎbǎkǎlè khôsî꤮, kòyò ma̤ ta̤sǔ pô̤̌nu tokhlǒnu, na cû̌ pîjî̌ǐshoǐ kòyò ma̤titè? Na nǎ̤běcǎ tûû̌ dě na ma̤ ta̤sǔ sô̌sô̌kû̌ asî nupwǎ. Pô̤̌nudě, na gènè̤ ǐtûû̌ nanǎ̤ kû̌ na gǔ hǎplǎ kû̌ Cǒmara a ta̤cî̌htò̌ pě pô̤̌nu ya?

Kôritu awǐlǒ tôbǎ 1:21

Cǒmara a ta̤sî̌ta̤jò̌ mî̌ adû̌ayô̤̌ mè̤̌mî̌ca. Pô̤̌nudě kòyòhǎkhû̌phû̌ tokhlǒ gǔ kè̌lǎsî̌yabò̌ Cǒmara kû̌ asî ta̤sî̌ta̤jò̌ tokhlǒnu, a bò̌ tôkhò̌ tô̤̌. Ma̤titèhî̌dě, Cǒmara sǎphlǒô̌ dǒ a gǔ ma̤hǎplǎge kòyò dǒ a yṳ̌ǎ Khrǐ a ta̤sǎlě̤we̤kè dǒ pa shôbǐǐlṳ̌ bǎ kòyònu tokhlǒ pě. Bǎbǎkǎlè kòyò dǒ a yṳ̌ǎ ta̤sǎlě̤we̤kè tô̤̌ tokhlǒnu, a gènè̤sǔ lô̌khô kû̌ ta̤shôbǐǐlṳ̌ hǒtokhlǒ numî̌ a ô̌lǒô̌khlo pwǎ, a gènè̤ lô̌khô pô̤̌nu.

Tîsalònǐ awǐlǒ tôbǎ 5:3

Bǎ kòyò hî̌ kû̌, “Gǎ gûjû̌kabǎ hǒ, ta̤ bǎgû̌bǎgè̌ ô̌ pe tô̤̌” kòyò hî̌ pô̤̌o akhapěnu, ta̤pî̌ta̤lṳ̂̌ gǔ hètǒ̤sumṳ̌ bǎ asî sô̌sô̌kû̌ pwa̤mǒ̤ phû̌ô̌ hǐphusha nupě dě asî hǎplǎbò̌ tôpwǎ̤꤮ tô̤̌ pě.

Tîmôte awǐlǒ tôbǎ 1:15

Pô̤̌khô Yeshǔ Khrǐ gǔ hè ma̤hǎplǎge kòyò ta̤sǔphû̌ tokhlǒ dě, a hèlò̤ dǒ hǎkhû̌ nuhǒ. Ta̤hî̌bǎ numî̌ acǒatè̤ dě kòyò lǒ̤bò tôbǎ phî̌shǐshu lǒ̤sǔlǒ̤sò̌ yǎ. Pwa̤ma̤sǔphû̌ lǒ̤bò aklanu he mî̌ kòyò dǒ a ma̤sǔ dû̌lǒkhlo kòyò tôpwa̤ hǒ.

Tǐtǔ 2:11

Ma̤titèhî̌dě pô̤̌khô Cǒmara gǔ ma̤hǎplǎge kòyòhǎkhû̌phû̌ lǒ̤꤮ bò ayanu, a dǔlè̌lṳ̌hto abwǐsîrî hǒ.

Hebrǔ 1:1

Cǒmara hî̌bǎlò̤ sǎla̤la̤ paphipaphu dǒwǐdǒnô̌ akha tokhlǒ kû̌ dǒ klè̌ abô̌꤮ bô. Dě a nohî̌bǎ tutṳ̌ kû̌ piwi̤pèshè tokhlǒ.

Hebrǔ 1:14

Kè̌hî̌pô̤̌nudě, mǒkhû̌ tanaphû̌ tokhlǒ mî̌ mò̌pè? Asî mî̌ yôla htûpwa̤ dǒ a ma̤ bǎ Cǒmara ata̤ma̤ tokhlǒ. Cǒmara noma̤jè̌ bǎ asî kû̌ kòyò dǒ a nǐ̤bǎ ta̤ma̤hǎplǎge pě tokhlǒ aya pwǎ.

Hebrǔ 1:2

Bǎbǎkǎlè lṳmṳ̌ni̤ gutṳ̌kò tokhlǒnu, a hî̌bǎlò̤ tutṳ̌ kû̌ a phû̌pwa̤khû. Cǒmara nobô̌lò̤ tutṳ̌ aphû̌khû kû̌ hǎkhû̌ mǒkhû̌ kû̌ ta̤lǒ̤꤮ bò. Dǒ gutṳ̌kò pěnu, lǒ̤꤮ bò ta̤nutokhlǒ pô̤̌khô a gǔ htûbò ata pě nudě Cǒmara rû̌htò̌ yǎ hǒ.

Hebrǔ 12:25

Pô̤̌nudě, pô̤̌khô sî gǔ htû kòyò dǒ a ganǎ̤de Cǒmara alě̤pwe̤htò̌ dě a htè̌shěshu Cǒmara nutokhlǒ tô̤̌nu, ô̌sè̌rè̌ lô̌khô sînǎ̤ nî̌꤮. Bǎ Isôrělaphû̌ tokhlǒ ganǎ̤de ta̤dǐsè̌rè̌ asî dǒ hǎkhû̌nu akhanu, asî ganǎ̤de lô̌khô lû̌ûyô̤̌ tô̤̌. Pô̤̌nudě a khlè̌ hǎplǎbò̌ lô̌khô kû̌ ta̤cî̌htò̌ tô̤̌. Kè̌ ma̤pô̤̌nudě kè̌ pa htè̌shěshu dǒ mǒkhû̌ nutôpwa̤ dǔlè̌lṳ̌ panu kè̌hî̌dě, gènè̤kè̌mò̌, sî khlè̌ hǎplǎ bò̌jò pe kû̌ Cǒmara a ta̤cî̌htò̌ tîkî̌꤮ nô̌tô̤̌hǒ.

Hebrǔ 4:1

Cǒmara olò̤ pe pa tǒ̤lò̤khònò̤̌ kû̌ pa nṳ̌bǎ dǒ lǎ̤ô̌kǔ agûlǎ̤nu pě. Pô̤̌khô sî pṳ̂̌꤮ tôpwa̤ gǔ nṳ̌bǎ dǒ lǎ̤ô̌kǔ dǒ Cǒmara olò̤ ayanu, pa bè̌sè̌rè̌ lô̌khô panǎ̤.

Hebrǔ 4:11

Pa phiphu dǒ꤮ awǐnu tokhlǒnu, a ganǎ̤dekû̌ Cǒmara ayô̤̌ tô̤̌ akhû̌akhî, a nṳ̌bǎ kû̌ kòyò dǒ Cǒmara lǎ̤ô̌kǔ agûlǎ̤nu tô̤̌. Pô̤̌khô pa gǔ gû̌kè̌lû̌mò̌mṳ kû̌ paphipaphu tôpwǎ̤ tǎ̤mǎ̤, htokhôtô̤̌ pô̤̌khô pa nṳ̌bǎ gû̌ kòyò dǒ lǎ̤ô̌kǔ agûlǎ̤ ayanu, pa tôpwa̤ kû̌ tôpwa̤ gǔ jî̌pwǐ̤wô̌ gutṳ̌ wô̤̌wô̤̌ lû̌û tǎ꤮.

Hebrǔ 5:9

Bǎ Khrǐ ganǎ̤de htobò Cǒmara ayô̤̌ pṳ̂̌꤮ tocǒ akhanu, a htûhtò̌ bǎbò kòyò dǒ a ganǎ̤de lû̌yô̤̌ nutokhlǒ a ta̤ma̤hǎplǎge ajû̌jû̌ apwa̤pwa̤ a kòshî̌gutṳ̌ hǒ.

Hebrǔ 9:28

Pô̤̌nudě pô̤̌khô Khrǐ phî̌cû̌ tephekè bò kòyò saprṳ̂ ata̤sǔ tokhlǒnu dě a khòlṳ̌ pwǎ tôplǎ pwǎ. A hè sô̌ pě bǎbǎkǎlè a hè phî̌cû̌ tephekè bǎ pa ta̤sǔ pěnu mè̤̌tô̤̌. A hè ma̤hǎplǎge kòyò dǒ a ô̌pǒ̤kè̌shǔ lû̌û nutokhlǒ pě pwǎ.

Yṳ̂ha awǐlǒ tôbǎ 1:1

Pa wě̤ cû̌ bǎ sî Yeshǔ awe̤akè, a mî̌ lě̤yô̤̌ dǒ a ǐ kòyò sǎphlǒhtûpwa̤ tôpwa̤. Anu a ô̌nǎ htohǒ dǒ hǎkhû̌ htûhtò̌ khôtô̤̌ akha pe. Pa ganǎ̤de htohǒ dě pa kè̌shǐ htotû̌ kû̌ pamǐ̤sǎ tû̌hǒ. Pa kè̌shǐ a dě pa pṳ̂̌bǎ htohǒ lû̌kû̌ pa cǔde hǒ.

Yṳ̌da 1:17

Bǎbǎkǎlè he khô sî, gènè̤bǎ to̤ǐbǎ sô̌ lô̌khô pa Běcǎ Yeshǔ Khrǐ a pwa̤nophû̌ tokhlǒ shôbǐǐlṳ̌ nǎ hto sî nutokhlǒ nî̌.

Ta̤dǔlè̌nǎ 7:10

Asî jî̌pwǐ̤ kaǎgǔ dě a hî̌ kû̌, “Tǒ̤pwǎ pa Cǒmara dǒ a hǎnòò̌ô̌ dǒ khwǐ tòcòhta alô̤nu tôpwa̤ kû̌ sû̌phû̌ nutôdo ma̤hǎplǎge pa pwǎ.”