Hebrǔ 2:2 - Kawyaw New Testament

² Cǒmara ǐlò̤ paphipaphu dǒ awǐkha tokhlǒ ta̤we̤ta̤kè tôcǒ. Dě a hî̌bǎlò̤ tutṳ̌ kû̌ mǒkhû̌ tanaphû̌ tokhlǒ. Dě kòyò dǒ a ganǎ̤de ta̤we̤ta̤kè hǒtokhlǒnu, a bǎ ganǎ̤de gû̌ma̤ yǎ. Kòyò dǒ a ganǎ̤de gû̌ma̤ kû̌ kòyò tô̤̌ tokhlǒnu, Cǒmara cî̌htò̌ hto asî pô̤̌ a gwǎ kû̌ asî nuhǒ.

Kawyaw RC

² Cǒmara ǐlò̤ paphipaphu dě nukha toǒ ta̤wi̤ta̤kè̌ tacǎ. Dě a nohî̌bǎlò̤ tṳtṳ nû̌ûta mǒkhû̌tanaphû̌ toǒ. Dě kòyò htě a gana̤de ta̤wi̤ta̤kè̌ htǒotoǒnu, a bǎ gana̤de gûma̤ yǎ. Kòyò htě a gana̤de gûma̤ kû̌kò tò̤ toǒnu, Cǒmara cèròhtokè asî pwǐ a gwa ta asînu hǒ.

Hebrǔ 2:2 Iomraidhean Croise

Htû̌sò̌htò̌ 68:17

Cǒmaradû̌ alô̤ lǎ̤htò̌shě ta̤shěnu a ô̌ dǒ asò̌ kû̌ asò̌, asî̌ kû̌ asî̌kû. Běcǎdû̌ ô̌ dǒ Sǐnǎ khôlôkhû̌ dě a hèlò̤, a hènṳ̌ dǒ agûlǎ̤ aplò̌shǐ akû.

Pwa̤nophû̌ 7:53

Sî nǐ̤bǎhto Khûmṳ̂shě a ta̤sû̌ta̤tòwò dǒ Cǒmara ǐlò̤ tutṳ̌ kû̌ mǒkhû̌ tanaphû̌ nutokhlǒ bǎbǎkǎlè sî ganǎ̤de lû̌û yô̤̌ tô̤̌,” Khûsôtibe hî̌ pô̤̌nu.

Galatǐ 3:19

Cǒmara cû̌ǐlò̤ tǒ̤ pa ta̤sû̌ta̤tòwò ma̤titè? Kòyò ma̤ta̤sǔ akhû̌akhî, a ǐlò̤ pa pwǎ. Ta̤sû̌ta̤tòwònu, a ô̌měô̌gle yî̤ tǒ̤dǒ PhaAbraha akhlialè hètǒ̤nu. PhaAbraha akhlialè dǒ Cǒmara olò̤ nutôpwa̤ mî̌ Yeshǔ Khrǐ nuhǒ. Cǒmara ǐlò̤ ta̤sû̌ta̤tòwò dǒ mǒkhû̌ tanaphû̌ a cǔdekû. Dě mǒkhû̌ tanaphû̌ ǐlò̤ tutṳ̌ dǒ Khûmṳ̂shě dě Khûmṳ̂shě ǐlò̤ tutṳ̌ dǒ kòyò a ô̌. Khûmṳ̂shě mî̌ pwa̤ma̤ta̤ dǒ aklǎmakû tôpwa̤ pwǎ.

Hebrǔ 1:1

Cǒmara hî̌bǎlò̤ sǎla̤la̤ paphipaphu dǒwǐdǒnô̌ akha tokhlǒ kû̌ dǒ klè̌ abô̌꤮ bô. Dě a nohî̌bǎ tutṳ̌ kû̌ piwi̤pèshè tokhlǒ.

Hebrǔ 10:28

Bǎ nukha nî̌ kòyò dǒ a ma̤si Khûmṳ̂shě a ta̤sû̌ta̤tòwò tôpwa̤pwa̤nu, kòyò sò̌ginǐ̤ kè̌mè̤̌tô̤̌dě sò̌su kè̌ yṳ̂̌lṳ̌bò̌ mè̤̌mî̌ca lû̌û ta̤sǔ hî̌nu, kòyò bǎ ma̤ sikè lû̌û, dě kòyò bǎ sǎyṳgwèbǎǐ lû̌û tôpwǎ̤꤮ tô̤̌.

Hebrǔ 10:35

Pô̤̌nudě bè̌shû̌ lô̌khô sî sǎphlǒ. Sî nǐ̤bǎ ta̤ma̤nǐ̤khû̌kǎ dǒ adû̌ayô̤̌ tokhlǒ pě.

Hebrǔ 11:26

Khûmṳ̂shě bè̌lò̤ hǒ asǎphlǒ kû̌, khòbǎ ta̤pîjî̌ǐsho dǒ Khrǐ ayanu, alě̤dû̌pwî̤htû khlope kû̌ Ijî̌gǎ a ta̤dû̌yò̤̌htò̌sa tokhlǒ ma̤titèhî̌dě a ô̌pǒ̤kè̌shǔ kû̌ Cǒmara gǔ ǐlû̌ a ta̤ma̤nǐ̤khû̌kǎ htû̌꤮ nô̌kòpě.

Hebrǔ 11:6

Ta̤yṳ̌ kè̌ ô̌tô̤̌nu, tôpwa̤꤮ mî̌ kòyò ma̤tôbǎ Cǒmara asǎphlǒ tô̤̌, ma̤titèhî̌dě, kòyò lǒ̤bò dǒ a hè dǒ Cǒmara a ô̌ tokhlǒnu, a bǎ yṳ̌ǎ kû̌ Cǒmaranu a ô̌htûpwa̤ dě kòyò dǒ a sǎphlǒshû̌ kè̌lǎ lû̌û tokhlǒnu, a bǎ yṳ̌ǎ kû̌ Cǒmara ǐ asî ta̤ma̤nǐ̤khû̌kǎ pě pô̤̌nu.

Hebrǔ 12:25

Pô̤̌nudě, pô̤̌khô sî gǔ htû kòyò dǒ a ganǎ̤de Cǒmara alě̤pwe̤htò̌ dě a htè̌shěshu Cǒmara nutokhlǒ tô̤̌nu, ô̌sè̌rè̌ lô̌khô sînǎ̤ nî̌꤮. Bǎ Isôrělaphû̌ tokhlǒ ganǎ̤de ta̤dǐsè̌rè̌ asî dǒ hǎkhû̌nu akhanu, asî ganǎ̤de lô̌khô lû̌ûyô̤̌ tô̤̌. Pô̤̌nudě a khlè̌ hǎplǎbò̌ lô̌khô kû̌ ta̤cî̌htò̌ tô̤̌. Kè̌ ma̤pô̤̌nudě kè̌ pa htè̌shěshu dǒ mǒkhû̌ nutôpwa̤ dǔlè̌lṳ̌ panu kè̌hî̌dě, gènè̤kè̌mò̌, sî khlè̌ hǎplǎ bò̌jò pe kû̌ Cǒmara a ta̤cî̌htò̌ tîkî̌꤮ nô̌tô̤̌hǒ.

Petru ginǐ̤bǎ tabǎ 1:19

Pô̤̌nudě piwi̤pèshè tokhlǒ shôbǐǐkè ta̤we̤ta̤kè tokhlǒnu, a tě̤mè̤̌ lǒpô̤̌ dǒ paya. Sî tô bè̌sû̌bè̌sǎ wô̌ ta̤we̤ta̤kè dǒ asô̌sô̌kû̌ mî̌tè̌ko lîhtò̌ dǒ ta̤khǐkla dě ata̤lî tǒ̤dǒ lṳ̌mṳ̌lîbû tômènu dě lṳ̌mṳ̌lîbû hè hǒ akhanu, shǎto̤wô̤ nutômè htò̌ dǒ sî sǎphlǒkû pě.

Yṳ̌da 1:5

Sî sî̌ganǎ̤ htobò ta̤hǒo lǒ̤bò hǒ bǎbǎkǎlè he sǎyṳ dǐ gènè̤bǎ pô̤̌sô̌ sî kû̌ tôplǎnu Běcǎ ma̤hǎplǎ hǎhtò̌gehto Isèrèlaphû̌ dǒ Ijî̌gǎ bǎbǎkǎlè dǒ nô̌kònu a ma̤si bòkèsô̌ kòyò lǒ̤bò dǒ a yṳ̌ǎ lû̌û tô̤̌ nutokhlǒ.