Hebrǔ 2:18 - Kawyaw New Testament

¹⁸ Dě khònò̤̌, anǎ̤ Běcǎ tûû̌ kè̌shǐsanǎ̤ hè bǎ hto ta̤khòjî̌jû̌ tokhlǒ, ta̤tili̤tôlô̌ tokhlǒ akhû̌akhî, kòyò dǒ a kè̌shǐtṳ̌bǎ ta̤jî̌jû̌ kû̌ ta̤tili̤tôlô̌ tokhlǒnu a ma̤jè̌bò̌ kòyò pwǎ.

Kawyaw RC

¹⁸ Dě khònò̤htǒo, ana̤ sana̤ kè̌shǐ shěto̤bǎ hèhto ta̤khòjîkhòjû toǒ, ta̤lǒǎplò̤ǎ toǒ akhû̌akhî, kòyò htě a kè̌shǐ shěto̤bǎ ta ta̤lǒǎplò̤ǎ toǒnu a ma̤jèbò̌pwǎ kò.

Hebrǔ 2:18 Iomraidhean Croise

Lǔka 22:28

Bǎ he khòbǎ ta̤pò̤̌ta̤sha akhanu, sî ô̌gû̌ kû̌ he pṳ̂̌꤮ taplǎ.

Lǔka 22:53

He ô̌gû̌ kû̌ sî dǒ ta̤lṳhtò̌hôkûnu pṳ̂̌꤮ tôni̤ dě sî pṳ̂̌ he tô̤̌tô̤̌, bǎbǎkǎlè bǎ khînǎkhîno ikǒ a sîrîshû̌sho pǒta̤ akha, ashěkhǎ bǎhǒ dǒ sî bǎ ma̤nu sî ma̤ pô̤̌nu hǒ.”

Jowǎ̤ni̤ 10:29

Hepha nu adû̌khlo kû̌ kòyò pṳ̂̌꤮ tôpwa̤. Sû̌phû̌ tokhlǒ numî̌ a ǐ he dě kòyò hè cî̌htò̌kè jò pe asî dǒ hepha a cǔdekû tôpwǎ̤꤮ tô̤̌.

Kôritu awǐlǒ tôbǎ 10:13

Lǒ̤bò ta̤tili̤tôlô̌ dǒ na kè̌shǐ tṳ̌bǎ tokhlǒ numî̌ a sô̌sô̌ pwǎ kû̌ kòyò hǎkhû̌phû̌ dǒ ashǔshawa̤ tokhlǒ kè̌shǐ tṳ̌bǎ nutokhlǒ pwǎ. Bǎbǎkǎlè Cǒmaranu acǒ kû̌ ayô̤̌, ma̤titèhî̌dě ta̤tili̤tôlô̌ dǒ ashû̌asho dǒ na khòbò̌ yǎ tô̤̌ tokhlǒnu, a nokhòbǎ na tô̤̌. Bǎ ta̤ma̤kè̌kè̌ lò̤bǎ na akhanu, pô̤̌khô na gǔ khòsǎphlǒhtûbò̌ yǎ, htokhôtô̤̌ pô̤̌khô na gǔ hǎplǎbò̌ kû̌ ta̤tili̤tôlô̌ ayanu, Cǒmara bǔmô bǎnǎ na klè̌ pě.

Phǐlǐpǐ 3:21

Yeshǔkhrǐ gǔ htû̌lè̌tèplè̌ panǎ̤glǒ dǒ a khû̌shiǎjǎ dě a sijònu kû̌ a ta̤pô̤ta̤phǎ pě, dě a ma̤htûhtò̌sô̌ panǎ̤glǒnu pô̤̌ anǎ̤glǒ dǒ a ô̌ kû̌ a ta̤bwǐdû̌sîrîhtû nupě. A pô̤phǎshû̌sho dǒ a ma̤jè̌ lû̌û dǒ a gǔ pǒbò̌bò ta̤lǒ̤bònu, a htû̌lè̌ tèplè̌kèbò panǎ̤glǒ nutokhlǒ pě.

Tîmôte ginǐ̤bǎ tôbǎ 1:12

Ma̤pô̤̌nudě dǒ ta̤hǒo tokhlǒ akhû̌akhî, he khòbǎhto ta̤hǒo tokhlǒ hǒ. Bǎbǎkǎlè he sòwò̤̌ tô̤̌, ma̤titèhî̌dě, he sî̌yahto pwa̤ dǒ he yṳ̌nǐ̤nǎ̤nǐ̤ a tôpwa̤ hǒ, htodě he yṳ̌ǎhto kû̌ ta̤ dǒ a ǐlò̤ dǒ he cǔdekû tokhlǒnu, a gǔ ô̌pǒ̤ǐ tǒ̤dǒ lṳmṳ̌ni̤ gutṳ̌ nutôni̤ pě.

Hebrǔ 5:2

Asî htûpwǎ kòyòhǎkhû̌phû̌ akhû̌akhî, a ma̤sǔma̤plě lô̌khô pwǎ. Pô̤̌nudě kòyò dǒ a sî̌ganǎ̤ tě̤mè̤̌ gû̌ kòyò ta̤tě̤ta̤mè̤̌ tô̤̌ dě a ma̤sǔma̤plě ta̤ tokhlǒ ayanu, asî gènè̤ gwèbǎǐjò kû̌ kò tô̤̌.

Petru ginǐ̤bǎ tabǎ 2:9

Pô̤̌nudě Běcǎ Cǒmara ma̤hǎplǎge kòyò dǒ a ma̤tô lû̌sǎphlǒ dě a ô̌ dǒ ta̤jî̌ta̤jû̌ akû nutokhlǒ hî̌tè pěnu a sî̌ganǎ̤ pwǎ. Htokhôtô̤̌ a pṳ̂̌měǐ kòyòkhu hǒtokhlǒ dě a cî̌htò̌ sělě asî tǒ̤dǒ ta̤cî̌htò̌ alṳmṳ̌ni̤ nutôni̤ pě.

Yṳ̌da 1:24

Pa htû̌sò̌htò̌ wô̤̌wô̤̌ lû̌û Cǒmara tǎ! Pô̤̌khô sî gǔ lò̤khǔpo̤ tǎ̤mǎ̤ ayanu, Cǒmara gǔ kè̌khwè̌ǐ ma̤jè̌ tûû̌ sî nî̌. Htokhôtô̤̌ a gǔ kaǎge bò̌ tûû̌ sî dǒ a lô̤mô̤̌ pě dě sî ta̤sǔ gǔ ô̌ pe tô̤̌, dě sî sǎlě̤sǎlò̤ mè̤̌mî̌ca tûû̌ pû nî̌.

Ta̤dǔlè̌nǎ 3:10

He ta̤mǎlò̤ dǒ na gǔ sǎphlǒhtû ayanu, na to̤ǐ phǐmě akhû̌akhî, ta̤pò̤̌ta̤sha dǒ a glè̌ hè dǒ hǎkhû̌nu dě a gǔ ma̤kè̌kè̌bò kòyò ô̌dǒ hǎkhû̌ nutôbě bò̌bòpě akhanu, he gǔ tugǔtaka ǐ na pě.