Hebrǔ 2:11 - Kawyaw New Testament

¹¹ Yeshǔ ma̤ mṳ̂̌plîge kòyòhǎkhû̌phû̌ tokhlǒ a ta̤ma̤sǔ tokhlǒ. Kòyòhǎkhû̌phû̌ dǒ Yeshǔ ma̤ mṳ̂̌plîkè asî ta̤sǔ nutokhlǒ kû̌ Yeshǔ numî̌, apha jû lû̌û tôpwa̤ nupwǎ akhû̌akhî, Yeshǔ kaǎ asî kû̌ pṳ̌wè̤̌nu a sòwò̤̌ tô̤̌.

Kawyaw RC

¹¹ Ye̤shǔ ma̤ mṳ̂plîge kòyòhǎkhû̌phû̌ a ta̤ma̤sǔ toǒ. Kòyòhǎkhû̌phû̌ htě Ye̤shǔ ma̤ mṳ̂plîge asîta̤sǔnu toǒ ta Ye̤shǔ htǒonumî̌, apha jûnû̌û tapwǎ̤pa pwǎ akhû̌akhî, Ye̤shǔ kaǎ asî ta pṳwè̤nu a sòwò̤ tò̤.

Hebrǔ 2:11 Iomraidhean Croise

Matěo 25:40

“Khwǐ nutôpwa̤ gǔ hî̌shěshu asî kû̌, ‘he hî̌mî̌ca sî, dǒ he pṳ̌wè̤̌ tokhlǒ akla, sî ma̤jè̌ kòyò dǒ kò gènè̤ pî̌tî̌ yǎ tôpwa̤ numî̌ amè̤̌kû̌ sî ma̤jè̌ he hǒ.’

Matěo 28:10

Htodě Běcǎ hî̌ asî kû̌, “Ǐsha tǎ̤ lô̌khô tǎ̤mǎ̤. Geshôbǐǐ bǎ lô̌khô hepṳ̌hewè̤̌ kû̌, cû̌ lô̌khô dǒ Galilè̤̌gǎnu, sî gǔ cû̌kè̌shǐ he bǎnu pě, shôbǐǐbǎ asî pô̤̌nu nî̌꤮.”

Mǎ̤riko 3:34

A kè̌ te̤we̤bò kòyò hǎnòò̌plǒ te̤we̤ lû̌ nutokhlǒ dě a hî̌ kû̌, “Hǒo, kòyò dǒ a ô̌ bǒo tokhlǒ numî̌ hemǒ̤ kû̌ he pṳ̌pwa̤khû tokhlǒ amè̤̌ hǒ.

Mǎ̤riko 8:38

Htukha dǒ a ma̤shû̌pwǎtǒ̤ ta̤sǔta̤plě khònò̤̌htukhanu, kòyò dǒ a gû̌ma̤ tô Cǒmara asǎphlǒ ô̌pe tô̤̌ hǒtôhtu akûnu, kòyò tôpwa̤pwa̤ dǒ a sòwò̤̌ he htokhôtô̤̌ a sòwò̤̌ he kû̌ helě̤heyô̤̌ tokhlǒ tôpwa̤pwa̤ nu, htû̌ Kòyòphû̌khû mî̌ he hè kû̌ hepha a ta̤bwǐdû̌sîrîhtû pě, dě he hè kû̌ mǒkhû̌ tanaphû̌ plò̌shǐ tokhlǒ pěhǒ akhanu, he gǔ sòwò̤̌ a pě.”

Lǔka 9:26

Kòyò tôpwa̤pwa̤ dǒ a sòwò̤̌ he kû̌ helě̤heyô̤̌ tôpwa̤pwa̤ nu, htû̌꤮ Kòyòphû̌khû mî̌ he gǔ hè kû̌ ta̤bwǐdû̌sîrîhtû kû̌mî̌ apha a ta̤bwǐdû̌sîrîhtû kû̌ mǒkhû̌ tanaphû̌ plò̌shǐ tokhlǒ a ta̤bwǐdû̌sîrîhtû pě akhanu, he gǔ sòwò̤̌ tûû̌ yǎ pě.

Jowǎ̤ni̤ 17:19

Pô̤̌khô asî gǔ bè̌mṳ̂̌plî lô̌khô kû̌ nalě̤nayô̤̌ a ta̤tě̤ta̤mè̤̌nu dě, he ǐlò̤ bò mǔtegle hto he ta̤htûpwa̤ dǒ asî agûlǎ̤ hǒ.”

Jowǎ̤ni̤ 17:21

Ǒ꤮ pha, pô̤̌ na kû̌ he htû tôcǒnô̤̌, dě he kû̌ na htû tôcǒnô̤̌nu, pô̤̌khô asî lǒ̤꤮ bò gǔ htûhtò̌ ta̤tôcǒnô̤̌ dě, he kwisǎyṳ cabahtò̌ na hǒ. Htokhôtô̤̌ pô̤̌khô kòyò hǎkhû̌phû̌ tokhlǒ gǔ yṳ̌ǎ kû̌ na nohèlò̤ he nudě, he kwicaba kû̌ asî gǔ htû kû̌ pa tôcǒnô̤̌ nî̌.

Jowǎ̤ni̤ 20:17

Dě Běcǎ Yeshǔ hî̌ lû̌û kû̌, “Pṳ̂̌bǎ tǎ̤ he mǎ̤, ma̤titèhî̌dě he ge dǒ hepha ô̌ nò̌khôtô̤̌. Cû̌ dǒ he pṳ̌wè̤̌ nutokhlǒ a ô̌ dě cû̌hî̌ bǎ asî kû̌, ‘he gǔ gehtò̌ dǒ hepha ô̌mî̌ amè̤̌, asî pha mî̌ amè̤̌mè̤̌, he Cǒmara mî̌ amè̤̌mè̤̌, asî Cǒmara mî̌ amè̤̌mè̤̌ nutôpwa̤ a ô̌pě’” A hî̌ lû̌û pô̤̌nu.

Pwa̤nophû̌ 17:26

Cǒmara bô̌lò̤ kòyò tôpwa̤ pwǎ dě a noô̌htûhtò̌ kòyòhǎkhû̌phû̌ pṳ̂̌mi̤pṳ̂̌cǒ dě a noô̌bò kòyò dǒ hǎkhû̌běkhû̌ akû. Anǎ̤běcǎ sanǎ̤ tîwî̌tòwò nǎ tě̤tě̤ ta̤shěta̤khǎ kû̌ ta̤gûlǎ̤gûbò̌ dǒ kòyòhǎkhû̌phû̌ gǔô̌ aya.

Pwa̤nophû̌ 17:28

Pô̤̌ kòyò tôpwa̤ hî̌hto kû̌, ‘dǒ Cǒmara akhû̌akhîdě pa ô̌htûpwa̤bò̌, dě pa cû̌bò̌khabò̌ wô̌bǎ,’ a hî̌ pô̤̌nu. Pô̤̌ sî pwa̤wě̤lî̤sǎwǐ tokhlǒ hî̌nu, ‘pa mî̌ aphû̌ali̤ tokhlǒ,’ a wě̤ pô̤̌nu.

Rṳ̂̌me̤ 8:29

Ma̤titèhî̌dě, kòyò dǒ a glè̌ yṳ̌ǎ Cǒmara tokhlǒnu a sî̌ganǎ̤ nǎ wǐhǒ. Htokhôtô̤̌ a bè̌lò̤nǎ hto asǎphlǒ dǒwǐkha kû̌ a nohtûhtò̌ sô̌sô̌kû̌ asî kû̌ aphû̌khûnu pě hǒ. Pô̤̌nudě aphû̌khûhǒo htûhtò̌kè phû̌wè̤̌pwǎ̤ tôpwa̤ dǒ apṳ̌wè̤̌ tûprṳ̂taphǎ akla tokhlǒ hǒ.

Galatǐ 4:4

Bǎbǎkǎlè bǎ shěkǎtô shěkhǎbǎ hètǒ̤hǒ akhanu, Cǒmara nohèlò̤ aphû̌khû dě a hè ô̌phijǎlò̤ dǒ pwa̤mǒ̤ tôpwa̤ a ô̌, dě a hè ô̌phijǎlò̤ dǒ Yǔda a ta̤sû̌ta̤tòwò alǎ̤.

Hebrǔ 10:10

Yeshǔ Khrǐ ma̤ bǎ pô̤̌ Cǒmara a ta̤sǎyṳ ô̌nu, htokhôtô̤̌ dǒ a lṳhtò̌ anǎ̤glǒ tôplǎnô̤̌pwǎ dě a htophlǔ bòhǒ akhû̌akhî, a ma̤ plò̌shǐ pa hǒ.

Hebrǔ 10:14

Dǒ Khrǐ lṳhtò̌ pwǎ anǎ̤ tôplǎ akhû̌akhî, kòyò dǒ a ma̤mṳ̂̌plîhto asî ta̤sǔ tokhlǒnu, a ma̤cǒma̤tè̤ asî tûjû̌pwa̤ hǒ.

Hebrǔ 11:16

Bǎbǎkǎlè asî kè̌shuǐ nǎsǔ jî̌ mǒkhû̌ shigǎ dǒ a mô̤khlo nutôbǎ. Pô̤̌nudě asî kaǎ Cǒmara kû̌ asî Cǒmaranu, Cǒmara sòwò̤̌tô̤̌. Dǒ Cǒmara tîwî̌tòwò nǎ hto asî wî̤̌nu akhû̌akhî, a dǔlè̌lṳ̌ hto kû̌ asî tokhlǒ gǔ kaǎ Cǒmara kû̌ asî Cǒmaranu a sòwò̤̌ lô̌khô tô̤̌.

Hebrǔ 13:12

Pô̤̌nudě pô̤̌khô Yeshǔ gǔ ma̤ plò̌shǐ kòyò hǎkhû̌phû̌ tokhlǒ kû̌ sǐ ayanu a bǎcû̌ tṳ̌sikhòsi anǎ̤ dǒ wî̤̌khlo tôkû.

Hebrǔ 2:14

Phû̌mǒ̤phû̌khû a kaǎ lû̌û tokhlǒnu, a ô̌ kû̌ anǎ̤glǒ sǐshi dǒ a sijònu akhû̌akhî, Běcǎ Yeshǔ hèlò̤ phî̌nṳ̌ kû̌ kòyò hǎkhû̌phû̌ anǎ̤glǒ dǒ a sô̌sô̌kû̌ kû̌ asînu. A htûhtò̌ sô̌sô̌kû̌ kòyòhǎkhû̌phû̌ akhû̌akhî, a si jò. Pô̤̌khô Yeshǔ gǔ ma̤pî̌kè hǎkhû̌tana dǒ kòyò kaǎ kû̌ Sehtô dǒ a ô̌ kû̌ a ta̤pô̤ta̤phǎ shû̌sho dǒ a pǒǐ ta̤si nutôdo ayanu, a tṳ̌sikhòsikè anǎ̤ hǒ.

Hebrǔ 3:1

Pô̤̌nu akhû̌akhî, pṳ̌wè̤̌ khrǐphû̌ dǒ Cǒmara kaǎ sî nutokhlǒ gènè̤ kè̌mò̌ lô̌khô Yeshǔ dǒ Cǒmara nohè htû yǎ kû̌ pwa̤shôbǐǐ Cǒmara alě̤ayô̤̌ kû̌ pwa̤shû̌gǎ ikǒdû̌lǒ tôpwa̤nu.