Na tô ma̤si padô̌ pwa̤cǒpwa̤tè̤ nutokhlǒ kû̌ pwa̤phû̌mò̤̌shǐhtô nutokhlǒ tô̤̌. Na kè̌ ma̤ pô̤̌o mî̌, na cî̌htò̌ sô̌sô̌kè pwa̤cǒpwa̤tè̤ nutokhlǒ kû̌ pwa̤phû̌mò̤̌shǐhtô nutokhlǒ hǒ, nama̤ pô̤̌nu tôkhò̌꤮ tô̤̌. Na mî̌ pwa̤ dǒ a cî̌htò̌cǒ cî̌htò̌tè̤ ta̤ dǒ hǎkhû̌ tôbǎ bò akhû̌akhî, na bǎ ma̤tôma̤bǎ pwǎ.”
Hebrǔ 2:10 - Kawyaw New Testament10 Lǒ̤꤮ bò ta̤nutokhlǒ mî̌ Cǒmara aya lǒ̤꤮ bò pwǎ dě a bô̌lò̤ ǐ bò ta̤ pṳ̂̌꤮ tôcǒ hǒ. Pô̤̌khô Cǒmara gǔ ǐ padô̌ kòyò saprṳ̂ kû̌ a ta̤bwǐdû̌sîrîhtû tokhlǒ ayanudě, a ma̤lǒhtò̌behtò̌ Běcǎ Yeshǔ kû̌ a no khòjî̌khòjû̌ lû̌û nuhǒ. Cǒmara ma̤ ta̤ pô̤̌o numî̌ atô pwǎ. Dě Běcǎ Yeshǔ htû bǎ pa pwa̤sû klè̌ dǒ a ma̤hǎplǎge pa tôpwa̤ pě. Faic an caibideilKawyaw RC10 Ta̤ lǒ̤꤮ bò toǒ numî̌ Cǒmara ayabò pwǎ dě a bǒlò̤bò ta̤ pṳ̂̌꤮ tacǎ hǒ. Ma̤pûhǐ Cǒmara ǐ pa̤dǒ kòyò saprṳ̂ ta a ta̤sîrîdû̌sîrîhtû toǒ ayanudě, a ma̤lǒma̤behtò̌ Běcǎ Ye̤shǔ ta a nokhòjîkhòjû nû̌û htǒonu hǒ. Cǒmara ma̤ ta̤ pwǐhè̌o numî̌ ato pwǎ. Dě Běcǎ Ye̤shǔ htû bǎ pa pwa̤sû klè̌ htě a ma̤lû̌htò̌ge pa tapwa̤ pě. Faic an caibideil |
Hebrǔ 2:10
46 Iomraidhean Croise
Khònò̤̌ ta̤ dǒ a hǔ tě̤tṳ bǎ lǒ̤bò pa dǒ a yṳ̌ǎ Yeshǔ hǒtokhlǒ amǐ̤sǎnu a ô̌ pe tôcǒ꤮ tô̤̌. Pô̤̌nudě, khònò̤̌ pa kè̌shǐ sělě lû̌ hǒ Běcǎ a ta̤bwǐdû̌sîrîhtû dě pa htûhtò̌ sô̌sô̌kû̌ mě̤dǔ dǒ a lîshěkakha getîkhî Běcǎ a ta̤bwǐdû̌sîrîhtû tokhlǒnu hǒ. Pa kè̌shǐ sělě lû̌ hǒ Běcǎ ata̤bwǐdû̌sîrîhtû, dě Yôla Plò̌shǐ Běcǎ ma̤ bǎ hǒ pa dǒ pa gǔ sô̌sô̌hè kû̌ sô̌sô̌hè, sô̌sô̌ kû̌ pa Běcǎ dǒ a ta̤bwǐdû̌sîrîhtû hǒtôpwa̤nu hǒ.
Ma̤titèhî̌dě ta̤pò̤̌ta̤sha dǒ pa khòbǎ a bǎ hǎkhû̌ hǒtokhlǒ numî̌ tòshò̌phû̌ pwǎ. Pa kè̌ tûlû̌kè kû̌ ta̤tôta̤wô̌ dǒ pa gǔ nǐ̤bǎ a htǔ nô̌kòpě tôhtu pě tokhlǒ hǒnumî̌, amè̤̌ kû̌ tôcǒ hǐ tô̤̌. Bǎ hǎkhû̌nu pa khòbǎ ta̤pò̤̌ta̤sha hǒtokhlǒ bǎbǎkǎlè dǒ mǒkhû̌ pěnu ta̤bwǐdû̌sîrîhtû tûjû̌pwa̤ dǒ awî̤awô̌ khlo, dě alò̤htǒ lǒkhlo kû̌ ta̤pò̤̌ta̤sha dǒ pa khòbǎ dǒ hǎkhû̌nu, pa gǔ nǐ̤bǎ pě.
Khònò̤̌dě pô̤̌khô pwa̤pǒta̤ dǒ mǒkhû̌ kû̌ mǒkhû̌ a ta̤siwi̤sòwò̤ tokhlǒ gǔ kè̌shǐ sî̌ganǎ̤ Cǒmara ô̌ kû̌ a ta̤sǐta̤jò̌ pwǐ꤮ tè, dě a dǔlè̌lṳ̌ bǎ asî kû̌ a ma̤htûhtò̌ ijò kû̌ Yǔdaphû̌ dǒ a htû Khrǐphû̌ tokhlǒ kû̌ Yǔdaphû̌ mè̤̌tô̤̌ dě a htû Khrǐphû̌ tokhlǒnu, a ma̤htû lû̌û tômṳ̌꤮ nô̤̌ pô̤̌ a ta̤dòkû tômṳ̌nô̤̌ nuhǒ.
Asô̌sô̌kû̌ kòyò khlè̌ tokhlǒ kè̌tôtǐ hètô pwǎ ta̤ma̤pè̤̌ bò̌htò̌htǔ nuhǒ, pô̤̌nudě pa kè̌hè tôtǐ pwǎtǒ̤ Yeshǔ nô̤̌ tǎ꤮. Ma̤titèhî̌dě a mî̌ pa ta̤yṳ̌ta̤nǎ̤ a kòshî̌gutṳ̌ tôpwa̤. Htokhôtô̤̌, a mî̌ pwa̤ dǒ a ma̤lǒma̤be bǎ pa ta̤yṳ̌ta̤nǎ̤ tôpwa̤. A khòsi htopědě, a sî̌ganǎ̤ nǎ hto kû̌ a gǔ nǐ̤bǎ ta̤sǎlě̤sǎlò̤ pě akhû̌akhî, a tôbǎ khòsi dǒ nò̌dò̌htǔlô̤ bǎbǎkǎlè a sòwò̤̌ tôcǒ꤮ tô̤̌. Khònò̤̌dě a hǎnòò̌ dǒ Cǒmara a lǎ̤hǎnòò̌ htò̌yô̤̌ dǒ cǔtômû nutôkhô hǒ.
Pwa̤shû̌gǎ tokhlǒnu, a ta̤sǔta̤plě ô̌ pwǎ lô̌khô bǎbǎkǎlè ta̤sû̌ta̤tòwò ô̌ akhû̌akhî, kòyò bǎ bè̌htò̌ asî pwǎ. Bǎbǎkǎlè bǎ Cǒmara ǐlò̤hto ta̤sû̌ta̤tòwònu dǒ nô̌kò ayî̤kèhǒnu, a olò̤ khô̌tîkhîpô̤̌ tômû dě a wṳ̂̌dòlò̤ padô̌ ayô̤̌ bǎnu. A wṳ̂̌dòlò̤ ayô̤̌ kû̌ a bè̌htò̌ a phû̌pwa̤khû dǒ ata̤sǔ ô̌tô̤̌, a lǒbe nutôpwa̤ kû̌ a gǔ htûhtò̌ pwa̤shû̌gǎ ikǒdû̌lǒ tûjû̌pwa̤ hǒ.
Dě Cǒmara dǔlè̌lṳ̌ bǎ piwi̤pèshè nutokhlǒ kû̌ asî ma̤ta̤ tokhlǒ numî̌ asîya tûû̌ mè̤̌tô̤̌. Hî̌mè̤̌mè̤mî̌ sîya pwǎ. Khònò̤̌ ta̤ hǒtokhlǒnu a hî̌ bǎ sî dě sî ganǎ̤de hǒ. Dǒ Cǒmara nohè Yôla Plò̌shǐ Běcǎ a ta̤pô̤ta̤phǎ dǒ a ô̌ dǒ mǒkhû̌ hèdě, a hè ma̤ta̤nu akhû̌akhî, asî hè shôbǐǐ bǎ sî kû̌ ta̤sǎlě̤we̤kènu hǒ. Mǒkhû̌tanaphû̌ tokhlǒnu a sǎyṳ kè̌shǐsî̌ya tě̤mè̤̌ mî̌ca ta̤we̤ta̤kè hǒtokhlǒ.
He mî̌ ta̤dòkû mǒ̤pwǎ̤ ikǒdû̌ tôpwa̤, htodě he mî̌ pwa̤khòlṳ̌ bǎ Khrǐ a ta̤khò̌jî̌jû̌ awe̤akè tôpwa̤. Htokhôtô̤̌ htû̌꤮ Cǒmara dǔlè̌lṳ̌ hǒ kòyò kû̌ a ta̤bwǐdû̌sîrîhtû akhapěnu, he bǎbǎ, he ô̌plǒ kû̌ a ta̤sîrîdû̌sîrîhtû nupě. Khònò̤̌dě he kwisǎyṳ sî ta̤dòkû mǒ̤khumǒ̤pwǎ̤ dǒ a htû ikǒlǒkòdû̌ tokhlǒ kû̌,
Ta̤ma̤anǎ̤ pô̤̌o htodě he kè̌shǐ kòyò ô̌prṳ̂ô̌phǎ tôprṳ̂ dě kòyò dô̌ bǎpè̤̌ asî tôpwǎ̤꤮ tô̤̌. Asî ô̌ kû̌ kòyò khlilèphû̌ pṳ̂̌tomṳ̌, khliplô̤̌ pṳ̂̌tôplô̤̌, kòyò pṳ̂̌tocǒ, kû̌ ayô̤̌ pṳ̂̌tocǒ hè dě asî hèihtǒô̌ dǒ sû̌phû̌ kû̌ akhwǐ tòcòhta alô̤mô̤̌. Htodě asî kûsô̌htò̌nṳ̌ jejûbû dě pṳ̂̌měǐ lô̌khô golotṳmṳ̌ sǒphò sî tokhlǒ.
Sanasan