Hebrǔ 13:9 - Kawyaw New Testament

⁹ No tili̤tôlô̌ cû̌sǔnṳ̌plěnṳ̌ tǎ̤ sî kû̌ lǒ̤bò ta̤sû̌ǐtòwòǐ dǒ a khô̌ nutokhlǒ tǎ̤mǎ̤ nî̌꤮. Gû̌ cû̌ kû̌ tǎ̤mǎ̤ nî̌꤮. Sî sǎphlǒ nî̌, a tô nǐ̤khû̌nǐ̤ǎ kû̌ Cǒmara abwǐsîrî akhû̌akhî pwǎ. Dǒ sî ganǎ̤de gû̌ma̤ shǎǎshǎô a ta̤sû̌ta̤tòwò tokhlǒ akhû̌khî dě sî sǎphlǒ khû̌ǎhtò̌ tô̤̌ pô̤̌nu mè̤̌tô̤̌. Sî ganǎ̤de gû̌ma̤ kû̌ ta̤sû̌ta̤tòwò akhû̌khînu, a nǐ̤bwǐnǐ̤sîrî dǒ sîya tôcǒ꤮ tô̤̌.

Kawyaw RC

⁹ Nolǒǎplò̤ǎ cû̌sǔ pûma̤ sî ta ta̤sû̌ǐtòwòǐ lǒ̤bò htě a kî̌yanu toǒ ma̤ nî̌꤮. Gûcû̌kû̌ pûma̤ nî̌꤮. Sî sò̌phlǒ htǒonu, a to khû̌ǎshû̌shohtò̌ ta Cǒmara abwǐasîrî akhû̌akhî pwǎ. Sî gana̤de gûma̤kû̌ shǎǎshǎo a ta̤sû̌ta̤tòwò toǒ akhû̌akhî, sî sò̌phlǒ khû̌ǎshû̌shohtò̌ tǒ̤ hǐnu mè̤tò̤. Sî gana̤de gûma̤kû̌ ta̤sû̌ta̤tòwò akhû̌akhî htǒonu, a nî̤bwǐnî̤sîrî sîya dǐcǎ꤮ tò̤.

Hebrǔ 13:9 Iomraidhean Croise

Htû̌sò̌htò̌ 112:8

A sǎphlǒshû̌ sǎphlǒsho mî̌ca dě a ǐsha tôcǒtô̤̌. Dǒ anô̌kò gutṳ̌ pě dě, a kè̌shǐ Cǒmara ma̤pî̌kè a pwa̤sǎkhě nutokhlǒ pě.

Matěo 24:24

Ma̤titèhî̌dě pwa̤jî̌ lòhô pô̤̌ khrǐnu kû̌ pwa̤jî̌ lòhô pô̤̌ piwi̤pèshè sî tokhlǒnu a gǔ ô̌htò̌ dû̌wî̤ pě. Asî gǔ ma̤lṳ̌ jò bǎ kòyò ta̤ dǒ a ǒò̌ kiti̤kaa kòyò nutokhlǒ kû̌ ta̤cô̌klǐcô̌sè tokhlǒ pě. A kè̌ ma̤jò hǒnumî̌ a sǎyṳ lô̌ǐplò̤ǐ kòyò dǒ Cǒmara kaǎ rû̌htò̌ nutokhlǒ hǒ.

Matěo 24:4

Běcǎ hî̌shěshu asî kû̌, “Ô̌sè̌rè̌ lô̌khô sînǎ̤ nî̌꤮, nolô̌ǐ cû̌nṳ̌ tǎ̤ kòyò kû̌ sînǎ̤ tǎ̤mǎ̤ nî̌꤮.

Lǔka 5:38

Kòyò tôbǎ tènṳ̌ pwǎ shisî̌yô̤̌ sa dǒ shiôkoběsa akû pwǎ.

Pwa̤nophû̌ 20:30

Dě dǒ sîklanu kòyò gǔ ô̌lṳ̌htò̌ tokhlǒkhlǒ pě. Dě pô̤̌khô asî gǔ tili̤tôlô̌ cû̌ ta̤dòkûphû̌ tokhlǒ aya nudě, a tili̤tôlô̌ cû̌ asî pě.

Pwa̤nophû̌ 20:32

“Khònò̤̌nu, he ǐlò̤hto sî dǒ Cǒmara a ta̤kè̌ǐ akû kû̌ abwǐsîrî a ta̤sǎlě̤we̤kè akûnu hǒ. A ta̤sǎlě̤we̤kè nî̌ sǔ sǔ ama̤dû̌htò̌ jò sî dě a gǔ ǐ sî û̌tě̤û̌ca dǒ a bè̌dû̌ nǎ bǎ kû̌ a kòyò plò̌shǐ lǒ̤bò nutokhlǒ aya nupě.

Rṳ̂̌me̤ 14:17

Ma̤titèhî̌dě, Cǒmara ashiagǎkûnu, shǎǎshǎô mî̌ ta̤ dǒ a lûdû̌lǒ mè̤̌tô̤̌. Ta̤ dǒ a lṳ̂dû̌lǒ mî̌, ta̤tě̤ta̤mè̤̌, ta̤ô̌mô̤ô̌bǎ, kû̌ sǎlě̤sǎlò̤ dǒ Yôla Plò̌shǐ Běcǎ ǐ pa tokhlǒ nupwǎ.

Rṳ̂̌me̤ 14:2

Kòyò tokhlǒkhlǒnu a yṳ̌ǎ kû̌ ǎ titè̌꤮ mî̌ anǐ̤ pwǎ a hî̌ bǎbǎkǎlè kòyò dǒ ata̤yṳ̌ ô̌ pî̌tî̌pe tôpwa̤nu a ǎ pwǎtǒ̤ sǒdogotǒ̤ nô̤̌ pwǎ.

Rṳ̂̌me̤ 14:6

Kòyò dǒ a gènè̤ kû̌ lṳmṳ̌ni̤ tokhlǒkhlǒnu, kòyò tôbǎ bè̌plò̌shǐ khô̌tû̌ yǎ, a kè̌ gènè̤ hî̌dě, bè̌plò̌shǐ lṳmṳ̌ni̤nu dǒ ta̤bè̌dû̌bè̌htû Běcǎ ayanu. Kòyò dǒ a ǎ ta̤pṳ̂̌꤮ tocǒ tokhlǒnu, ǎ dǒ ta̤bè̌dû̌bè̌htû Běcǎ ayanu, ma̤titèhî̌dě a hî̌bwǐhî̌sîrî hto Cǒmara dě a ǎ ta̤ akhû̌akhî, a ta̤bè̌dû̌bè̌htû Cǒmara hǒ. Pô̤̌nudě kòyò dǒ a dǔǎshǎ tokhlǒnu, a hî̌bwǐhî̌sîrî Cǒmara dě a ta̤bè̌dû̌bè̌htû htò̌ Cǒmara ami̤ akhû̌akhî a sô̌sô̌lû̌û pwǎ.

Kôritu awǐlǒ tôbǎ 6:13

“Shǎǎ mî̌ hǐphukû aya, hǐphukû mî̌ shǎǎ aya,” Kòyò tokhlǒkhlǒ gǔ hî̌ pô̤̌nu. Amè̤̌kǎ, bǎbǎkǎlè hǒo ginǐ̤cǒnu Cǒmara gǔ ma̤pî̌kèbò pě. Nǎ̤glǒ mî̌ lǎ̤noǎ kû̌ ta̤patupatǎ aya mè̤̌tô̤̌. Mî̌ lǎ̤noǎ kû̌ Běcǎ a ta̤sǎyṳ noma̤ pa tokhlǒ aya pwǎ. Dǒ Běcǎ akhû̌akhîdě, htû̌ nô̌kòpě a gǔ ma̤ ihtǒgesô̌ pa nǎ̤glǒnu pě.

Kôritu awǐlǒ tôbǎ 8:8

Shǎǎshǎô nî̌ a ma̤wô̌htò̌ pa ta̤bǒsû̌khǎkhô kû̌ Cǒmara tîkî̌ tô̤̌. Pa ǎ bǎbǎ, pa ǎ tô̤̌ bǎbǎ, a lǎ̤htûbwǐ htûsîrî pô̤̌ paya tôcǒ꤮ tô̤̌.

Kôritu ginǐ̤bǎ tôbǎ 1:21

Pwa̤ dǒ a ma̤měma̤gle tònò bǎ wô̌ pa ta̤yṳ̌ǎ Khrǐ numî̌ amè̤̌hǒ Cǒmara anǎ̤běcǎ tûû̌ nuhǒ. Pô̤̌khô pa gǔ htûhtò̌ a kòyò ayanu, a rû̌htò̌ pa hǒ.

Galatǐ 6:1

Pṳ̌wè̤̌ sî, sî kè̌ kè̌shǐ kòyò tôpwa̤pwa̤ dǒ a ma̤sǔ ta̤ tôcǒcǒ hî̌nu, sî dǒ a ô̌htûpwa̤ pô̤̌ Yôla Plò̌shǐ Běcǎ nè̌klè̌nè̌klòǐ sînu tokhlǒnu, sî lǎ̤lṳ̂ cû̌ sû̌ǐtòwòǐ getîkhî yǎ. Sî bǎ ma̤lè sǎdôhôbî̌ a htodě pô̤̌khô sî gǔ gû̌cû̌ dǒ ta̤tili̤tôlô̌ akû tô̤̌nu, sè̌rè̌ lô̌khô sînǎ̤ nî̌꤮.

Ěphěsu 4:14

Pô̤̌nudě pa mî̌ asô̌sô̌kû̌ phijǎphû̌ dǒ a ûnû̌pe nutokhlǒ mè̤petô̤̌ hǒ. Kòyòkě dǒ a sû̌ǐ lòhô ta̤ tokhlǒnu, a lô̌ǐplò̤ǐ jò pe pa tô̤̌, dě pa yṳ̌ǎsǔ jò pe asî ata̤sû̌ǐtòwòǐ tô̤̌. Pa sô̌sô̌pe kû̌ sǒkhli dǒ gili̤sǎdû̌ dě a plǎ̤ lûhtôlûlò̤ yǎ tôbǎnu mè̤̌petô̤̌.

Ěphěsu 5:6

No tili̤talô̌ǐ tǎ̤ sînǎ̤ kû̌ kòyò dǒ a hî̌bǎlòhô dě yô̤̌mûyô̤̌sǎ ô̌tô̤̌ tokhlǒnu tǎ̤mǎ̤ nî̌꤮. Kòyò dǒ a ma̤ ta̤phû̌mò̤̌shǐhtô pô̤̌nu tokhlǒ, dě a ganǎ̤de kû̌ kòyò Cǒmara ayô̤̌ tô̤̌ tokhlǒnu, Cǒmara gǔ sǎphlǒdû̌ asî pě dě a gǔ cî̌htò̌ asî pě.

Kòlòtè̌ 2:4

Pô̤̌khô kòyò gǔ lô̌ǐplò̤ǐ cû̌ sî kû̌ kòyò ta̤sû̌ǐtòwòǐ dǒ asǔ nutokhlǒ tǎ̤mǎ̤ nudě, he hî̌ sî pô̤̌o nupwǎ. Ta̤sû̌ǐtòwòǐ tokhlǒnu, a sô̌sô̌ kû̌ atô bǎbǎ, yṳ̌ǎ tǎ̤mǎ̤ nî̌꤮.

Tîsalònǐ ginǐ̤bǎ tôbǎ 2:2

Kòyò tôpwa̤pwa̤ kè̌ hî̌ sî kû̌ Běcǎ alṳmṳ̌ni̤ hètǒ̤ hto numî̌ pa kwisǎyṳ sî, yṳ̌ǎ yokǎkwe lô̌khô tǎ̤mǎ̤ nî̌꤮, ǐshǔǐsha lô̌khô tǎ̤mǎ̤ nî̌꤮. A kè̌ hî̌ bǎ sî kû̌, Cǒmara no hî̌pô̤nǎ he kè̌mè̤̌tô̤̌dě kòyò shôbǐǐ sî̌yalṳ̌ bǎ he pô̤̌nu a hî̌cǒ bǎbǎ, kè̌mè̤̌tô̤̌dě a kè̌ hî̌ lô̌khô kû̌ lî̤ hètǒ̤ dǒ pa ô̌ tôbǎ, a kè̌ hî̌cǒ pô̤̌nu bǎbǎ yṳ̌ǎ lô̌khô tǎ̤mǎ̤ nî̌꤮.

Tîmôte awǐlǒ tôbǎ 6:20

Khûtîmôte꤮ pṳ̂̌mě dě takabǐ wô̌ ta̤ dǒ Cǒmara yṳ̌ǎnṳ̌ na dǒ na kè̌ǐ wô̌ ta̤nutokhlǒ nî̌꤮. Cû̌bò̌ khatephe kòyò dǒ a bè̌dubè̌nǎ̤ gû̌ kòyò Cǒmara tô̤̌ nutokhlǒ a ta̤shôbǐǐ kû̌ a ta̤gègo nòdû̌ dǒ kòyò tokhlǒkhlǒ gènè̤sǔ jò kû̌ “Ta̤sî̌ya” nutokhlǒ nî̌꤮.

Yṳ̂ha awǐlǒ tôbǎ 4:1

He khômô̤ sî꤮, lǒ̤bò kòyò dǒ a hî̌ kû̌ pa ô̌ kû̌ Yôla Plò̌shǐ Běcǎ hǒ tokhlǒnu, yṳ̌ǎ phô̌phô̌ lô̌khô tǎ̤mǎ̤. Pô̤̌khô sî gǔ sî̌ganǎ̤ kû̌ sǎphlǒ numî̌ a hè mè̤̌mî̌ca dǒ Cǒmara a ô̌ ya, mî̌ a hè mè̤̌tô̤̌ yanu kè̌kè̌ wǐ lô̌khô asî nî̌, ma̤titèhî̌dě dǒ hǎkhû̌nu, piwi̤pèshè lòhô ô̌lṳ̌htò̌ jûgrû hǒ.

Yṳ̌da 1:12

Bǎ sî bǒsû̌khǎkhô ǎwô̤̌wô̤̌ ôwô̤̌wô̤̌ shǎǎ akhanu, kòyò hǒtokhlǒ hènṳ̌ ma̤wǐma̤phû̌mò̤̌ kû̌ sî pě. Asî hǒtokhlǒ numî̌ asô̌sô̌pwǎ kû̌ pwa̤kè̌sû̌phû̌ tokhlǒ dǒ a bè̌dû̌ pwǎtǒ̤ a lǎ̤ǎbǎôbǎ ayapwǎ dě a lǎ̤sòwò̤̌nu a ô̌ kû̌ lô̌khô kòyò tôcǒ tô̤̌. Asî numî̌ asô̌sô̌kû̌ poǒlṳ̌ tokhlǒ dǒ a cû̌kè dě a julò̤ bǎ kòyò tô̤̌ nutokhlǒ pwǎ. Asî hǒtokhlǒnu asô̌sô̌kû̌ sǒmṳ̌ dǒ asǎaphô hǎhtò̌ gû̌ kòyò kû̌ ashěakhǎ tô̤̌ tokhlǒ, dě kòyò htěhtò̌sada akhò̌wǐ̤ dě a sibòkènu.

Yṳ̌da 1:3

He sû̌khômô̤ sî, ta̤ma̤hǎplǎge dǒ pa lǒ̤bò nǐ̤bǎ wô̤̌wô̤̌ lû̌û awe̤akènu, he sǎyṳ wě̤cû̌ bǎ jî̌ sî bǎbǎkǎlè khònò̤̌ he kè̌shǐ kû̌ he bǎ wě̤cû̌khô̌ tèplè̌ bǎ sî dǒ ashǔshawa̤ tôcǒ. Dě he sǎyṳ ǐkhû̌ǐǎ sî kû̌ ta̤sǎlě̤we̤kè dǒ Cǒmara ǐlò̤ htophlǔ bò tôplǎ nô̤̌ kû̌ kòyò lǒ̤bò dǒ a yṳ̌ǎ tokhlǒnu, sî jî̌pwǐ̤ ô̌ tònòshû̌sho wô̤̌wô̤̌ pû a nî̌꤮.