Hebrǔ 13:5 - Kawyaw New Testament

⁵ Ô̌tephe lô̌khô kû̌ ta̤mô̤ǐ ru tokhlǒ nî̌꤮. Sǎphlǒtô sǎphlǒbǎ lô̌khô kû̌ ta̤ dǒ a ô̌ kû̌ nanu tokhlǒ, ma̤titèhî̌dě Cǒmara hî̌ kû̌, “He bè̌kè nô̌ na tîkî̌꤮ tô̤̌, he wîkè nô̌ na tôkhò̌꤮ tô̤̌,” a hî̌ pô̤̌nu.

Kawyaw RC

⁵ Ǒtephe lǒkho ta ta̤mo̤ǐ wû toǒ nî̌꤮. Sò̌phlǒtobǎ lǒkho ta ta̤ htě a ǒ ta nanu toǒ, ma̤tè̤hî̌dě Cǒmara hî̌, “He bè̌kè nǒ na dî̌kî̌꤮ tò̤, he wîkè na dǐkhò̌꤮ tò̤,” a hî̌ hǐnu.

Hebrǔ 13:5 Iomraidhean Croise

Mǒhtûlû̌hǎhtûsa 28:15

Dě nacû̌ bǎtè tôkû bǎbǎ, he ô̌cu kû̌ na pě, he tugǔtaka tû̌ na pě. He gǔ kaǎ gesô̌ na bǎ gǎnu tôgǎ pě. Pô̤̌ he olò̤ hto nanu, a kè̌ lǒbehtò̌ khô tô̤̌ mî̌, he wîkè nô̌ na tô̤̌,” Cǒmaradû̌ hî̌ Khûya̤kò pô̤̌nu.

Mǒhtûlû̌hǎhtûsa 30:31

“He tôbǎ ǐkwè̌꤮ na mǐtitè?” Phalaba gwè̌ lû̌û pô̤̌nu. Dě Phaya̤kò hî̌shěshu sô̌ lû̌û kû̌, “Na lṳ̂bǎ ǐ nô̌ he ta̤ tôcǒ tô̤̌, bǎbǎkǎlè na gǔ ma̤ bǎ heya ta̤nṳ tôcǒ kè̌hî̌dě, he gǔ kè̌ǐ bǎ nata̤phû̌ta̤wè̤ tokhlǒ dě he gǔ tukutakaǐ bǎ nata̤phû̌ta̤wè̤ tokhlǒ pě.

Mǒhtûlû̌hǎhtûsa 31:5

Dě Phaya̤kò hî̌ asî kû̌, “He sî̌ganǎ̤ kû̌ sîpha Phalaba ata̤bǒsû̌khǎkhô kû̌ henu asô̌sô̌ pe kû̌ dǒ awǐkhanu tô̤̌ hǒ, bǎbǎkǎlè hepha a Cǒmaradû̌ nî̌ a ô̌ kû̌ he.

Htû̌sò̌htò̌ 10:3

Asî hî̌bǎ htò̌mǒhtò̌phô lô̌khô dǒ a sǎyṳ ma̤ phû̌mò̌ kòyò ashǔshawa̤. Kòyò dǒ ǎkǒôbe tûû̌ aya tokhlǒnu a ǐshoǐbě dě awîkè Cǒmara tûjû̌pwa̤.

Htû̌sò̌htò̌ 119:36

Na ta̤hî̌bǎnu, no mô̤ǐ khlo he kû̌ he sǎyṳsǎbǎ ruhtanu.

Htû̌sò̌htò̌ 37:25

Dǒ he phijǎkha tǒ̤htû̌ he mǒ̤pwǎ̤ khònò̤̌, kòyò sǎphlǒwô̌ tokhlǒ bǎbǎ, aphû̌ali̤ tokhlǒ bǎbǎ, Cǒmara tûjû̌pwa̤ wîkè asî dě a cû̌kwiǎ kòshǎnu, he kè̌shǐ nô̌ tôkhò̌ tô̤̌.

Htû̌sò̌htò̌ 37:28

Cǒmara tûjû̌pwa̤ mô̤nǐ̤ ta̤ma̤tôma̤bǎ, a wîkè nô̌ akòyòcǒkòyòtè̤ tô̤̌. A tugutakaǐ asî tûjû̌pwa̤. Kòyòkhu phû̌mò̤̌ aphû̌ali̤ tokhlǒ khû̌dayadě kòyò gǔ wṳ̂̌hǎhtò̌cû̌ tapheyî̤ kè asî.

Matěo 6:19

“Ta̤dû̌yò̤̌htò̌sa dǒ hǎkhû̌nu, bè̌plǒ tǎ̤ dǒ sîya tǎ̤mǎ̤, ma̤titè̌hî̌dě ta̤ hǒtokhlǒ numî̌ akrû̌ agwǎ ǎ jò, a htǎǐ htǎkrô̌ bǎjò, pwa̤ǎhǔ ǎhǔ jò pwǎ.

Matěo 6:25

“Ma̤pô̤̌nudě he hî̌ sî, bǎgû̌bǎgè̌ tǎ̤ dǒ sî ta̤ô̌htûpwa̤ ayanu tǎ̤mǎ̤. Sî lǎ̤ǎlǎ̤ô aya bǎbǎ, sî lǎ̤kûlǎ̤sô̌bǐ kû̌ sî nǎ̤glǒ aya bǎbǎ, bǎgû̌bǎgè̌ tǎ̤ lô̌khô tǎ̤mǎ̤ nî̌. Pa ta̤ô̌htûpwa̤ nî̌ a lṳ̂dû̌khlo pe kû̌ lǎ̤ǎlǎ̤ô mè̤̌tô̤̌ ya? Pa nǎ̤glǒ nî̌ a lṳ̂dû̌khlo pe kû̌ lǎ̤kûlǎ̤sô̌ mè̤̌tô̤̌ ya?

Matěo 6:34

Ma̤pô̤̌nudě, pewô̤pě ayanu gû̌gè̌ tǎ̤ lô̌khô tǎ̤mǎ̤ nî̌꤮, ma̤titè̌hî̌dě, pewô̤pě ayanu, a ta̤gû̌ta̤gè̌ ô̌khô̌ tûû̌ pě. Tôni̤ kû̌ tôni̤ a ta̤gû̌ta̤gè̌nu a shû tûû̌ aya hǒ.”

Mǎ̤riko 7:22

Ta̤sǎyṳsǎbǎ tûlû̌ ta̤, ta̤sǎkhěkhû̌khwè kòyò, tili̤tôlô̌ kòyò, ma̤ putupatǎ pǔlǔpǐlî anǎ̤, sǎkhwè̌nǐ̤kòyòta̤, pîjî̌shǐcô̌ kòyò, ta̤bè̌dû̌bè̌pwǎ̤nǎ̤, ta̤gènè̤ shapwǎ̤ tô̤̌dě ma̤ phô̌phô̌.

Lǔka 3:14

Kliphû̌ tokhlǒ gwèpô̤̌ lû̌û kû̌, “Palè? Pa tôbǎ ma̤hî̌tè?” Dě a hî̌shěshu asî kû̌, “Bǎ ǎbî̌ma̤nò kòyòru kòyòhta tô̤̌. Kè̌bî̌kè̌phô̌phô̌ tǎ̤ kòyò tôpwǎ̤꤮ tǎ̤mǎ̤. Sǎphlǒtô lô̌khô kû̌ khû̌kǎ dǒ sî nǐ̤bǎ nutokhlǒ.”

Lǔka 8:14

Ta̤khli̤ lò̤tě̤tô dǒ ta̤shî̌shô̌pò̤kla amûasǎ numî̌ kòyò dǒ a ganǎ̤de Cǒmara alě̤ayô̤̌ nu hǒ. Bǎbǎkǎlè, bǎ a ô̌htûpwa̤ pe akhanu, ta̤sû̌gû̌sò̌gè̌ sî, ta̤dû̌yò̤̌htò̌sa sî kû̌ asî mô̤nǐ̤ ta̤sǎyṳsǎbǎ hǒtôhtu sî khè̌bî̌bò asî pô̤̌ shǐshô̌shǐpò̤ khè̌bî̌ nu akhû̌akhî asǎpwǎ̤ beko pe tôphlǒ tô̤̌.

Rṳ̂̌me̤ 1:29

Asî ta̤ô̌htûpwa̤nu a lǒbe jî̌ kû̌ ta̤tě̤ta̤mè̤̌ tô̤̌, ta̤phû̌mò̤̌shǐhtô, ta̤sǎyṳsǎbǎ phî̌sigwǐyǒsaphǎ tûû̌ aya, htodě a lǒbe kû̌ ta̤sǎkhwè̌ kòyò, ma̤si kòyò, po̤kòyò, lòhǎlòhôǎ kòyò, sǎkhěkhû̌khwè kòyò, dô̌mi̤dô̌yô̤ kòyò.

Kôritu awǐlǒ tôbǎ 5:11

He sǎyṳ hî̌ pô̤̌hî̌tèhî̌dě kòyò dǒ a hî̌lò̤ ǐtûû̌ lô̌khô anǎ̤ kû̌ ta̤dòkûphû̌ tokhlǒ bǎbǎkǎlè a kè̌ cû̌sǔnṳ̌plěnṳ̌ pwa̤mǒ̤pwa̤khû, a kè̌lǎ sǎyṳ̌ tû̌ aya, a caba ta̤yô̤ta̤gî̌, dô̌mi̤dô̌yô̤ kòyò, ǎmuômu mè̤̌tô̤̌dě ǎhǔǎhî̌sî tokhlǒnu bǒsû̌ tǎ̤ asî tǎ̤mǎ̤. Ǎcuôcu pwǎ kû̌ kòyò pô̤̌nu tokhlǒ pwǎ nu ǎcuôcu tǎ̤mǎ̤ mǎ̤.

Kôritu awǐlǒ tôbǎ 6:10

Htokhôtô̤̌ kòyò ǎhǔǎhî̌ sî, a kè̌lǎ sǎyṳǎbe tûû̌ sî, kòyò ǎmuômu sî, a dô̌mi̤dô̌yô̤ sî, kû̌ a lòhôǎ kòyò ru sînu a htûjò Cǒmara a shiphû̌gǎphû̌ dǒ ashiagǎkû tô̤̌.

Kôritu ginǐ̤bǎ tôbǎ 4:9

Kòyò ma̤jî̌ma̤jû̌ pa bǎbǎkǎlè Cǒmara wîkè pa tô̤̌ lè. Asî ma̤lò̤khǔpo̤ pa bǎbǎkǎlè pa ihtǒ sô̌ dě pa ma̤ sělě gutṳ̌pe pwǎ ta̤ma̤ ya.

Ěphěsu 5:3

Sî htûhto Cǒmara a kòyò aplò̌shǐ tokhlǒ akhû̌akhî, ta̤cû̌sǔ pwa̤mǒ̤pwa̤khû, ta̤ma̤ sòwò̤̌ ǐ tûû̌ anǎ̤ kû̌ sǐshiphěyî̌ a ta̤sǎyṳ phû̌mò̤̌ pṳ̂̌tocǒ, tô̤̌mî̌ ǎtṳ̌ǎbǐ kò khû̌ tokhlǒnu, a tôbǎ ô̌ dǒ sîkla tîkî̌꤮ tô̤̌.

Ěphěsu 5:5

Sî sî̌ganǎ̤ mè̤̌mî̌cahto kû̌ kòyò dǒ a cû̌sǔnṳ̌plěnṳ̌ pwa̤mǒ̤pwa̤khû, kòyò dǒ a ma̤sòwò̤̌ tûû̌ anǎ̤ kû̌ sǐshiphěyî̌ a ta̤sǎyṳ phû̌mò̤̌ tokhlǒ, kû̌ ǎkǒôbe tûû̌ aya tokhlǒnu, a nǐ̤bǎjò kû̌ kò û̌tě̤û̌ca dǒ Khrǐ kû̌ Cǒmara ashiagǎkûnu tôpwǎ̤꤮ tô̤̌. Kòyò dǒ a ǎkǒôbe tûû̌ aya tokhlǒ numî̌ asô̌sô̌kû̌ cabahtò̌ ta̤yô̤ta̤gî̌ nuhǒ.

Kòlòtè̌ 3:5

Pô̤̌nu akhû̌akhî, wîkè sî ta̤ô̌htûpwa̤ li̤ a ta̤sǎyṳsǎbǎ dǒ amè̤̌, ta̤cû̌sǔ pwa̤mǒ̤pwa̤khû, ta̤ô̌htûpwa̤ dǒ a mṳ̂̌plî tô̤̌ tokhlǒ, sǎphlǒ putupatǎ, ta̤sǎyṳsǎbǎ phû̌mò̤̌, kû̌ sǎyṳ nǐ̤bǎ dû̌htò̌ pô̤̌ ta̤dû̌yò̤̌htò̌sa tokhlǒ. Ta̤sǎyṳ̌nǐ̤bǎ dû̌wî̤pô̤̌ ta̤dû̌yò̤̌htò̌sa mî̌ asô̌sô̌kû̌ caba ta̤yô̤ta̤gî̌ hǒ.

Tîmôte awǐlǒ tôbǎ 3:3

Htodě a tôbǎ ǎmuômu tô̤̌, a tôbǎ sǎphlǒphǔtǔ tô̤̌, mè̤mè̤̌tôkhônu a tôbǎ mè̤̌ kòyò dǒ a sǎdôhôbî̌, kòyò dǒ atô̤̌klǐ tô̤̌, a bǎmô̤ǐ ruhta tô̤̌.

Petru ginǐ̤bǎ tabǎ 2:14

Asî kè̌ pwa̤mǒ̤ tôpwa̤pwa̤ hî̌dě a sǎyṳ hǎmôô̌ kû̌ lû̌ còcè̌pwǎ. Asî ma̤ta̤sǔnu a ô̌kǔ pe tô̤̌ hǒ. Asî lô̌ǐ pî̌jò kòyò dǒ ata̤yṳ̌ sho khôtô̤̌ tokhlǒ gû̌ ma̤kû̌ ta̤sǔta̤phû̌mò̤̌ tokhlǒ. Dě asî sû̌ǐlò̤ nṳ̌wô̌ ǐ lô̌khô anǎ̤ kû̌ ta̤phǐsîgwǐ ǎnṳ̌tû̌aya. Asî ô̌ lô̌khô dǒ Cǒmara a ta̤ǐsho alǎ̤ hǒ.

Petru ginǐ̤bǎ tabǎ 2:3

Sara jî̌lòhô anǎ̤ tokhlǒnu, dǒ a ta̤kè̌lǎ pṳ̂̌sôgwǐ yǒsaphǎ ǎtûû̌ aya kû̌ a dô̌kènè lòhô bǎ sî ta̤dô̌kènè dǒ kòyò sî̌jò̌dô̌jò nutokhlǒ akhû̌akhî, dě a kè̌lǎ ma̤ǎshǎ dǒ sîkhû̌ pě. Pwa̤ dǒ a gǔ cî̌htò̌ asînu a ô̌tîwî̌tòwònǎ anǎ̤ yi̤hǒ, htodě dǒ a gǔ ma̤pî̌kè asî ayanu a hǎmôô̌ shepě̤ tô̤̌.

Yṳ̌da 1:11

Cǒmara gǔ cî̌htò̌ mè̤̌mî̌ca asî pě, ma̤titèhî̌dě asî gû̌ma̤ pô̤̌ Khûkayi ma̤nu hǒ. Dǒ asî bè̌dû̌ ruhta akhû̌akhîdě, a sǎphlǒshû̌ gû̌ma̤ pô̤̌ Khûbala ma̤sǔ nuhǒ. Asî ma̤shěshu kòyò htû ikǒlǒkòdû̌ tokhlǒ sô̌sô̌kû̌ Khûkû̌ri ma̤hto nuhǒ. Kòyò ma̤pî̌kè asî pô̤̌ kòyò ma̤pî̌kè Khûkû̌ri nupě.