Hebrǔ 13:4 - Kawyaw New Testament

⁴ Lǒ̤꤮ bò kòyò dǒ a ô̌hǐô̌phò dě, dǒ a ô̌ kû̌ aphû̌amanu akhû̌akhî, a bǎ bè̌dubè̌nǎ̤ ǐ lô̌khô a ô̌ kû̌ hǐkû̌phònu. Ma kû̌ wṳ̂ nî̌ bǎ cǒ lû̌û tôpwa̤ kû̌ tôpwa̤. Kòyò dǒ asǎphlǒ patǎ phû̌mò̤̌ nutokhlǒ kû̌ kòyò dǒ a cû̌sǔnṳ̌plěnṳ̌ kòyòphû̌kòyòma tokhlǒnu Cǒmara cî̌htò̌ asî pě.

Kawyaw RC

⁴ Kòyò lǒ̤bò htě a ǒ ta hǐtaphò toǒ ayalè̌ dě, a ǒ ta aphû̌ama htǒo akhû̌akhî, a bǎ bè̌dubè̌na̤ lǒkho a ǒ ta hǐtaphò htǒonu. Ma ta wṳ̂nu bǎ ma̤bò̌ nû̌ûkhû̌ tò̤, bǎ cǒtè̤ nû̌ûkhû̌ tapwa̤ ta tapwa̤. Kòyò htě asò̌phlǒ patǎ phû̌mò̤nu toǒ ta kòyò htě a cû̌sǔnṳ kòphû̌kòma toǒnu Cǒmara cèrò asî pě.

Hebrǔ 13:4 Iomraidhean Croise

Mǒhtûlû̌hǎhtûsa 2:21

Htodě Běcǎ Cǒmara tûjû̌pwa̤ no hǎmôô̌ shôpe̤ pwa̤khû dě bǎ a hǎmôô̌ shôpe̤kè akhanu, a běhtò̌ lû̌û wě̤khwǐ tôbǎ dě bǎ a běhtò̌ agûlǎ̤nu a ma̤bǐ getîkhî bǎ lû̌û kû̌ ayî̌.

Mǒhtûlû̌hǎhtûsa 2:24

Dǒ ta̤we̤ta̤kènu akhû̌akhî, pwa̤khû bè̌kè amǒ̤apha dě a cû̌ô̌ kû̌ ama, dě kòyò sò̌ginǐ̤nu a htûhtò̌kè tôpwa̤ nô̤̌.

Kôritu awǐlǒ tôbǎ 6:18

Cû̌ tephekè lô̌khô kû̌ ta̤cû̌sǔnṳ̌ pwa̤mǒ̤pwa̤khû nutokhlǒ nî̌꤮. Ta̤sǔ dǒ ashǔshawa̤ titètè̌ bǎbǎnu a ma̤ bǎsha kû̌ kòyò anǎ̤glǒ pô̤̌ cû̌sǔnṳ̌plěnṳ̌ pwa̤mǒ̤pwa̤khû ata̤sǔnu tô̤̌. Kòyò dǒ a cû̌sǔnṳ̌plěnṳ̌ pwa̤mǒ̤pwa̤khû tokhlǒnu a ma̤sǔ lò̤tû̌ anǎ̤glǒ hǒ.

Kôritu awǐlǒ tôbǎ 6:9

Kòyòkhu kòyòhe, kòyò phû̌mò̤̌ tokhlǒnu a htûjò kû̌ kòyò Cǒmara a shiphû̌gǎphû̌ dǒ ashiagǎkû tô̤̌ pě numî̌ sî sî̌ganǎ̤ tô̤̌ ya? Pô̤̌khô sî gǔ ma̤sǔ lô̌khô tô̤̌nu, gènè̤ tě̤tě̤ lô̌khô he hî̌ sînu. Kòyò dǒ a gû̌ma̤ ta̤sǎyṳ putupatǎ sî, a caba ta̤yô̤ta̤gî̌ sî, a cû̌sǔnṳ̌plěnṳ̌ kòyòphû̌kòyòma sî, pwa̤khû kû̌ pwa̤khû cû̌sǔnṳ̌plěnṳ̌ kè̌khî lû̌û nutokhlǒ,

Kôritu awǐlǒ tôbǎ 7:38

Pô̤̌nu akhû̌akhî, pwa̤khû dǒ a phî̌ amanu awô̌ jî̌lî, bǎbǎkǎlè pwa̤khû dǒ a phî̌ ama tô̤̌nu awô̌ khlo pe.

Kôritu awǐlǒ tôbǎ 9:5

He phî̌ hema dǒ a yṳ̌ǎ Khrǐ dě he kaǎcû̌ǐ a kû̌ klè̌ pô̤̌ pwa̤nophû̌ dǒ ashǔshawa̤ tokhlǒ ma̤nu bǎbǎ, pô̤̌ Běcǎ a pṳ̌pwa̤khû sî nutokhlǒ ma̤nu bǎbǎ, pô̤̌ Khûpetarǔ ma̤ nu bǎbǎ, he ma̤ pô̤̌nu mî̌ anǐ̤ bǎ tô̤̌ ya?

Kôritu ginǐ̤bǎ tôbǎ 5:10

Ma̤titèhî̌dě, dǒ nô̌kòpěmî̌ pa pṳ̂̌꤮ tôpwa̤ bǎhè ô̌bò dǒ Khrǐ lǎ̤cî̌htò̌ tòcòhta alô̤mô̤̌ pě. Bǎ pa ô̌ dǒ hǎkhû̌ akhanu, lǒ̤bò pa ma̤hto ta̤ dǒ awô̌ tokhlǒnu bǎbǎ, ta̤ dǒ asǔ tokhlǒnu bǎbǎ, pa gǔ nǐ̤bǎ tîkhîsô̌ ta̤ma̤nǐ̤khû̌kǎ pě ya, mî̌ pa nǐ̤bǎ tô̤̌ yanu, a gǔ ma̤kè̌kè̌ bò pa pṳ̂̌꤮ tôpwa̤ pě.

Galatǐ 5:19

Sǐshiphěyî̌ ata̤ma̤ nutokhlǒmî̌ a ô̌lṳ̌lîtîklî̌ hî̌tè numî̌ a cû̌sǔnṳ̌plěnṳ̌ pwa̤mǒ̤pwa̤khû, a ô̌htûpwa̤ phû̌mò̤̌shǐhtô, asǎphlǒ putupatǎ,

Galatǐ 5:21

Kè̌lǎma̤ǎ kòyòkhû̌, ta̤ǎmuômu, ma̤pwèma̤lû dǒ aphû̌mò̤̌ kû̌ ta̤ma̤ ashǔshawa̤ dǒ asô̌sô̌kû̌ hǒtokhlǒ. Pô̤̌ he dǐsè̌rè̌ hto sî dǒ awǐkhanu hǒ, he dǐsè̌rè̌ pô̤̌ sô̌ sî khònò̤̌. Kòyò dǒ a ô̌htûpwa̤ pô̤̌o tokhlǒnu, a nǐ̤bǎ gû̌ kòyò Cǒmara shilǎ̤gǎkû a ta̤ǐshowî̤ tô̤̌.

Ěphěsu 5:5

Sî sî̌ganǎ̤ mè̤̌mî̌cahto kû̌ kòyò dǒ a cû̌sǔnṳ̌plěnṳ̌ pwa̤mǒ̤pwa̤khû, kòyò dǒ a ma̤sòwò̤̌ tûû̌ anǎ̤ kû̌ sǐshiphěyî̌ a ta̤sǎyṳ phû̌mò̤̌ tokhlǒ, kû̌ ǎkǒôbe tûû̌ aya tokhlǒnu, a nǐ̤bǎjò kû̌ kò û̌tě̤û̌ca dǒ Khrǐ kû̌ Cǒmara ashiagǎkûnu tôpwǎ̤꤮ tô̤̌. Kòyò dǒ a ǎkǒôbe tûû̌ aya tokhlǒ numî̌ asô̌sô̌kû̌ cabahtò̌ ta̤yô̤ta̤gî̌ nuhǒ.

Tîsalònǐ awǐlǒ tôbǎ 4:6

Sî tôbǎ ma̤sǔ sî pṳ̌wè̤̌ Khrǐphû̌ tokhlǒ kû̌ ta̤ pô̤̌nu tokhlǒ tôpwǎ̤꤮ tô̤̌. Sî tôbǎ lô̌ǎ tikhlǐkhû̌ tikhlǐkò dǒ sî pṳ̌wè̤̌ Khrǐphû̌ tokhlǒ akhû̌ tôpwǎ̤꤮ tô̤̌. Kòyò dǒ a ma̤pô̤̌nu tokhlǒnu, Běcǎ gǔ cî̌htò̌ asî pě. Pô̤̌o tokhlǒnu pa shôbǐǐlṳ̌ bǎ htobò sî hǒ, pa dǐsè̌rè̌ htobò sî hǒ.

Tîmôte awǐlǒ tôbǎ 3:12

Pwa̤ma̤jè̌ ta̤dòkû tôpwa̤ nî̌ ama bǎ ô̌pwǎ tôpwa̤ nô̤̌, a tôbǎ pǒǐjò wô̌ a hǐphû̌phòphû̌.

Tîmôte awǐlǒ tôbǎ 3:2

Kòyò dǒ a htû ta̤dòkû ikǒlǒkòdû̌ tôpwa̤nu, kòyò bè̌ ta̤sǔ dǒ alô̤nu a bǎ ô̌ tô̤̌, a ma bǎ ô̌pwǎ tôpwa̤ nô̤̌, a bǎ ma̤ surǔsara anǎ̤, a bǎ pǒǐlò̤jò anǎ̤, a tôbǎ ihtǒhǎnòò̌ tě̤bǎtě̤tô wô̌, a tô kaǎmô̤shǔ shǐpwǎ̤shǐmè̤ dǒ ahǐ, a tô sû̌ǐtòwòǐjò ta̤.

Tîmôte awǐlǒ tôbǎ 3:4

A bǎ mè̤̌ kòyò dǒ a pǒjòwô̌bǎ a hǐphû̌phòphû̌ sî htodě a tôbǎ bǔdû̌ sû̌ǐdû̌htò̌ aphû̌ sî dǒ a gǔ ganǎ̤de lû̌û ayô̤̌ dě a gǔ bè̌dubè̌nǎ̤ lû̌û dǒ ta̤lǒ̤꤮ bò akû.

Tîmôte awǐlǒ tôbǎ 4:3

Asî sû̌ǐsǔ kòyò kû̌ nophî̌ kòyòmakòyòwṳ̂ tô̤̌, htodě shǎǎshǎô tokhlǒkhlǒnu a no dǔǎdǔô kòyò. Bǎbǎkǎlè Cǒmara bô̌lò̤ bǎ shǎǎ nutokhlǒ dǒ pwa̤yṳ̌nǐ̤nǎ̤nǐ̤ tokhlǒ aya. Kòyò dǒ a yṳ̌nǐ̤nǎ̤nǐ̤ta̤ tokhlǒ kû̌ kòyò dǒ a sî̌ganǎ̤ ta̤tě̤ta̤mè̤̌ tokhlǒ ayanu, a kè̌ hî̌bwǐhî̌sîrîhtò̌ Cǒmara dě a phî̌ǎ shǎǎ dǒ Cǒmara bô̌lò̤ nutokhlǒ mî̌ anǐ̤ pwǎ.

Tîmôte awǐlǒ tôbǎ 5:14

Pô̤̌nudě he sǎyṳ kû̌ pwa̤mǒ̤khwè̌ dǒ anějǎpe tokhlǒ gǔ phî̌ lô̌khô awṳ̂. Htodě phû̌ô̌li̤ô̌ lô̌khô, dě kè̌ǐ lô̌khô hǐphònu htodě kòyò dǒ a kè̌lǎ pa ta̤sǔ dǒ a gǔ hî̌phû̌mò̤̌shǐhtô pa tokhlǒnu, a kè̌shǐ nô̌ alǎ̤hî̌ pa tokhlǒ tô̤̌ hǒ.

Tǐtǔ 1:6

Ta̤dòkû ikǒlǒkòdû̌ tokhlǒ numî̌ asî bǎ mè̤̌ kòyò dǒ kòyò lǎ̤bè̌ ta̤sǔ dǒ asîlô̤nu a tôbǎ ô̌ tô̤̌. Ama bǎ ô̌pwǎ tôpwa̤꤮ nô̤̌, aphû̌ tokhlǒ numî̌ a bǎ htû pwa̤yṳ̌ǎta̤phû̌ dě asî mi̤ bǎ lṳ̌dǒ awî̤awô̌, mè̤̌tô̤̌mî̌ a bǎ nò̌kudu tô̤̌, htodě a bǎ mè̤̌ kòyò dǒ a ganǎ̤de yô̤̌ tokhlǒ.

Hebrǔ 12:16

Nohtûhtò̌ tǎ̤ lô̌khô sî nǎ̤glǒnu kû̌ kòyò dǒ a cû̌sǔnṳ̌plěnṳ̌ pwa̤mǒ̤pwa̤khû nutokhlǒ tǎ̤mǎ̤ nî̌꤮. Htûhtò̌ sô̌sô̌ lô̌khô tǎ̤ pô̤̌ Khûětò̌ dǒ a bè̌dû̌ kû̌ kòyò Cǒmara ayô̤̌ tô̤̌ dě a shaǎ ǐ sô̌ phû̌wè̤̌pwǎ̤ û̌tě̤û̌ca kû̌ hǎsǐ tôbè nutôpwa̤ tǎ̤mǎ̤ nî̌꤮.

Ta̤dǔlè̌nǎ 22:15

Kòyò sô̌sô̌kû̌ akhô tô̤̌nu bǎhtû shǐ tokhlǒ, pwa̤běkhû̌ sî, kòyò cû̌sǔnṳ̌plěnṳ̌ pwa̤mǒ̤pwa̤khû sî, pwa̤ ma̤si kòyò sî, kòyò caba ta̤yô̤ta̤gî̌ sî, kòyò lǒ̤bò dǒ a mô̤ǐ tûû̌ ta̤lòhô dě a ô̌htûpwa̤ gû̌ma̤ pô̤̌nu pṳ̂̌꤮ taplǎ tokhlǒnu a gǔ ô̌ lô̌khô dǒ wî̤̌khlo pě.