Hebrǔ 13:3 - Kawyaw New Testament

³ Sî̌ya ma̤jè̌ pû kòyò lò̤tě̤ apô̤kû tokhlǒ dě bè̌ na sǎphlǒ pô̤̌ na lò̤tě̤ kû̌ asî dǒ apô̤kû pô̤̌nu nî̌꤮. Sî̌ya ma̤jè̌ pû kòyò dǒ a khòjî̌khòjû̌ ta̤ tokhlǒ dě bè̌ na sǎphlǒ pô̤̌ na khòbǎ ta̤ kû̌ asî pô̤̌nu nî̌꤮.

Kawyaw RC

³ Sî̌ya ma̤jèkû̌dǒ kòyò lòte̤ apo̤kû toǒ dě bè̌ na sò̌phlǒ pwǐ na lòte̤kû̌dǒ ta asî apo̤kû hǐnu nî̌꤮. Gènè̤ ma̤jèkû̌dǒ kòyò htě a khòjîkhòjû ta̤ toǒ dě bè̌ na sò̌phlǒ pwǐ na khòbǎkû̌dǒ ta̤ ta asî hǐnu nî̌꤮.

Hebrǔ 13:3 Iomraidhean Croise

Mǒhtûlû̌hǎhtûsa 40:23

Bǎbǎkǎlè pwa̤ dǒ khwǐ yṳ̌ǎǐ lû̌û dě a ôkè̌bǎ Khwǐ asîpî̌shisî̌yô̤̌ aikǒlǒkò nutôpwa̤ dě a sî̌yahtò̌bǎ pe Khûyṳ̂tǎ tô̤̌. A shôpe̤kè lû̌û.

Matěo 25:36

Bǎ he ô̌koyo lǎ̤kûlǎ̤sô̌ akha, sî dǐkûdǐsô̌ he, bǎ heshǐhesha akha, sîkè̌ ǐ he. Bǎ kòyò dǒtě̤ he dǒ apô̤kû akhanu, sî hè ô̌lè he.’

Matěo 25:43

Bǎ he htû shǐtèmè̤ akha, sî kaǎshǔ he tô̤̌. Bǎ he ô̌koyo lǎ̤kûlǎ̤sô̌ akha, sî dǐkûdǐsô̌ he tô̤̌. Bǎ heshǐhesha akha, htokhôtô̤̌ bǎ kòyò dǒô̌ he dǒ apô̤kû akha, sî hèkè̌ǐpǒ̤ǐ he tô̤̌.’

Pwa̤nophû̌ 24:23

Dě a hî̌lò̤ ayô̤̌ dǒ kli tôya ikǒdû̌ nutôpwa̤ a ô̌ kû̌, ô̌pǒ̤wô̌ Khûpò̌lǔnu nî̌, bǎbǎkǎlè plû cû̌htôcû̌lò̤ bǎ shû̌lě tûû̌ a jû̌꤮ asǎphlǒ sǎyṳma̤nu tokhlǒkhlǒ nî̌꤮. Asû̌akhô tokhlǒ gǔ hèkè̌hèǐ lû̌û ta̤ dǒ a lǎ̤lṳ̂ tokhlǒ kè̌hî̌dě plû bǎ yǎ nî̌꤮.

Pwa̤nophû̌ 27:3

Nô̌kò tôni̤nu, pa cû̌ dǒ Wî̤̌shǐdṳ̂ pě. Khûjuliyashô gwèbǎǐ Khûpò̌lǔ. Dě pô̤̌khô a khô tokhlǒ gǔ ǐpè̤̌ lû̌û ta̤ dǒ a lǎ̤lṳ̂ tokhlǒnu dě a plûcû̌ ô̌lè kû̌ lû̌û dǒ a khô tokhlǒ a ô̌.

Rṳ̂̌me̤ 12:15

Sǎlě̤sǎlò̤ wô̤̌wô̤̌gû̌ kû̌ kòyò dǒ a sǎlě̤sǎlò̤ nutokhlǒ nî̌꤮. Sǎplǎ̤ wô̤̌wô̤̌gû̌ kòyò dǒ a sǎplǎ̤ nutokhlǒ nî̌꤮.

Kôritu awǐlǒ tôbǎ 12:26

Ayô̤agî̌ tôcǒ kè̌ khòbǎ ta̤pò̤̌ta̤sha hî̌dě ayô̤agî̌ lǒ̤bò gǔ khòbǎ kû̌ lû̌û. Kòyò kè̌ htû̌sò̌htò̌ ayô̤agî̌ tôcǒ hî̌dě, ayô̤agî̌ lǒ̤bò gǔ sǎlě̤ wô̤̌wô̤̌bò lû̌û.

Ěphěsu 4:1

Pô̤̌nu akhû̌akhî, he kwisǎyṳǐ sî sô̌sô̌kû̌ kòyò dǒlò̤tě̤ kò dǒ apô̤kû dǒ Běcǎ aya tôpwa̤nu. Cǒmara kaǎ sî dǒ sî htûhtò̌ ta̤dòkûphû̌ tokhlǒ akhû̌akhî, he kwisǎyṳ sî kû̌ sî ô̌htûpwa̤ bè̌wô̌ sî sǎphlǒ pô̤̌ ta̤dòkûphû̌ tokhlǒ tô ô̌htûpwa̤nu.

Kòlòtè̌ 4:18

He mî̌ Khûpò̌lǔ dě ta̤hî̌mô̤hî̌wô̌ numî̌, he wě̤cû̌bǎ sî kû̌ he cǔde pwǎ. He ô̌ dǒ a pô̤kûnu akhû̌akhî, shepě̤ tǎ̤ he tǎ̤mǎ̤ nî̌꤮. Cǒmara abwǐsîrî ô̌cu pû kû̌ sî nî̌꤮.

Hebrǔ 10:34

Sî gwèbǎǐ kòyò dǒ kòyò dǒlò̤tě̤ lû̌û dǒ apô̤kû nutokhlǒ. Kòyò pè̤̌ǎpè̤̌ô phî̌ cû̌kè bò sî timǐtitè bǎbǎkǎlè, sî bè̌ sǎlě̤ lô̌khô pwǎ sî sǎphlǒ, ma̤titèhî̌dě sî sî̌ganǎ̤ kû̌ sî timǐtitè dǒ awô̌khlo dě a ô̌měô̌gle tûjû̌pwa̤nu a ô̌ dû̌wî̤pe dǒ mǒkhû̌ akhû̌akhî, sî sǎlě̤sǎlò̤ lô̌khô pwǎ.

Hebrǔ 11:37

Tokhlǒkhlǒnu kòyò tě̤si asî kû̌ lǒ̤, kòyò dǔtṳ̌ asî kû̌ tě̤htò̌lǎ̤bǔtṳ̌, kòyò shusi asî kû̌ nò̌she sòbò. Asî cû̌lè lô̌khô dě a kûsô̌ lô̌khô pwǎ sû̌phû̌bě, pè̤̌bě tokhlǒ, asî hǎwǐ̤shèwè̤ jî̌jî̌, kòyò ma̤jî̌ma̤jû̌ asî. Kòyò pè̤̌ǎpè̤̌ô bò asî tokhlǒ.

Petru awǐlǒ tabǎ 3:8

He sǎyṳ hî̌ pô̤̌ sî dǒgutṳ̌kòlǒ kû̌, sî pṳ̂̌꤮ tôpwa̤ tôbǎ ô̌ lû̌û kû̌ ta̤gènè̤ tôcǒ꤮ nô̤̌, ta̤bè̌sû̌bè̌sǎ tôcǒ꤮ nô̤̌ nî̌꤮. Mô̤ǐ kè̌khî pû lû̌û tôpwa̤ kû̌ tôpwa̤ pô̤̌ pṳ̌wè̤̌nu nî̌꤮. Sǎyṳgwèbǎǐ pû lû̌û tôpwa̤ kû̌ tôpwa̤ dě shò̌lò̤ pû lô̌khô sî sǎphlǒ tôpwa̤ kû̌ tôpwa̤ nî̌꤮.