Hebrǔ 13:22 - Kawyaw New Testament

²² He sû̌khô sî, lî̤ dǒ he wě̤ ǐkhû̌ǐǎ sînu a htû bǎtô̤̌. Htodě he kwisǎyṳ sî dǒ sî gǔ sǎphlǒhtû dě ganǎ̤de he ta̤ǐkhû̌ǐǎ sînu nî̌꤮.

Kawyaw RC

²² He khobǒsû̌ sî, lî̤ htě he khwè̌ ǐkhû̌ǐǎ sî htǒonu a htû nǒtò̤. Htodě he kwigwèbǎǐ sî ta sî khòsò̌do gana̤de he ta̤ǐkhû̌ǐǎ sî htǒonu nî̌꤮.

Hebrǔ 13:22 Iomraidhean Croise

Pwa̤nophû̌ 13:15

Bǎ kòyò dô̌htò̌ Khûmṳ̂shě alî̤ ta̤sû̌ta̤tòwò kû̌ lî̤ dǒ piwi̤pèshè wě̤ nǎ nutokhlǒ akhanu, ta̤cabahǐ ikǒdû̌ tokhlǒ nocû̌gwè̌ kòyò tôpwa̤ kû̌ asî dě a hî̌ asî kû̌, “Pṳ̌wè̤̌ sî, sî lǎ̤ǐkhû̌ǐǎ kòyò saprṳ̂ tokhlǒ kè̌ ô̌ tômṳ̂mṳ̂ hî̌dě, pa sǎyṳ no dǐ ǐkhû̌ǐǎ sî.”

Kôritu ginǐ̤bǎ tôbǎ 10:1

Tokhlǒkhlǒ nî̌ a hî̌ lô̌khô he kû̌ bǎ he hî̌bǎshěshu kû̌ sî akha, he ǐsha pwǎ bǎbǎkǎlè bǎ he wě̤ kû̌ lî̤ akhanu, he hî̌bǎsho hî̌bǎshû̌ mî̌ca, a hî̌ lô̌khô he pô̤̌nu. Bǎbǎkǎlè he kwisǎyṳ kudǔdǔ sî pô̤̌ khrǐ ô̌ kû̌ ta̤sǎdôhôbî̌, ta̤khòsǎdô nu.

Kôritu ginǐ̤bǎ tôbǎ 5:20

Pô̤̌nudě, khònò̤̌ pa htû bǎ pwa̤hî̌bǎta̤ dǒ Khrǐ agûlǎ̤. Cǒmara běcǎ sanǎ̤ nokwigwèbǎǐ tutṳ̌ pa kû̌ sî dǒ sî gǔ ganǎ̤de pa ta̤shôbǐǐlṳ̌ sî hǒo. Dǒ Khrǐ agûlǎ̤nu pa kwi sǎyṳ sî, noma̤ lô̌khô Khrǐ kû̌ a gǔ ma̤htûhtò̌ bǎ tîkhî sô̌ sî kû̌ Cǒmara akhô nu nî̌꤮.

Kôritu ginǐ̤bǎ tôbǎ 6:1

Pa mî̌ pwa̤ma̤wô̤̌wô̤̌ta̤ kû̌ Cǒmara tokhlǒ akhû̌akhî, pa shò̌gû̌ sî kû̌ sî gǔ ô̌htûpwa̤ pô̤̌ Cǒmara sǎyṳ no ô̌htûpwa̤ sînu. Sî mî̌ kòyò dǒ a nǐ̤bǎ hto Cǒmara abwǐsîrî tokhlǒ hǒ akhû̌akhî, sî bǎ ô̌htûpwa̤ lô̌khô pô̤̌nu.

Galatǐ 6:11

Khònò̤̌, kè̌ lô̌khô mò̌! lî̤phlǒdû̌ tokhlǒ numî̌ he wě̤ kû̌ henǎ̤ pwǎ.

Ěphěsu 3:3

Cǒmara dǔlè̌lṳ̌ bǎ he kû̌ ta̤adû̌ayô̤̌ dǒ kòyò sî̌yahtò̌ yǎ tô̤̌nu, he wě̤lṳ̌ sî̌ganǎ̤cû̌ bǎ hto sî dǒ lî̤nu tôbǎ akûnu tukutîkî̌phû̌ hǒ.

Hebrǔ 12:5

Cǒmara ǐkhû̌ǐǎ sî pô̤̌ aphû̌ kû̌ anǎ̤ numî̌ sî shôpe̤kè hǒ ya? A hî̌ sî kû̌, “Ǒ hephû̌ sî꤮ bǎ Běcǎ tṳ̂mṳ̂̌ sû̌ǐtòwòǐ wô̌kè sî akhanu, bè̤̌dubè̌nǎ̤ a tṳ̂mṳ̂̌ sû̌ǐwô̌ sînu nî̌꤮. Bǎ a tṳ̂mṳ̂̌ sî akhanu, sǎphlǒpî̌ tǎ̤ lô̌khô tǎ̤mǎ̤ nî̌꤮.

Hebrǔ 13:19

Dě sî kwicaba akhanu, he kwisǎyṳ sî kû̌ pô̤̌khô Cǒmara gǔ sûgetîkhî sô̌ he dǒ sîô̌ nudě, kwi cabashû̌shû̌ bǎ pô̤̌ lô̌khô dǒ heya nî̌꤮.

Hebrǔ 2:1

Dǒ pa sî̌yahto kû̌ Cǒmara aphû̌khû mî̌ adû̌ayô̤̌ pô̤̌nu akhû̌akhî, pô̤̌khô pa gǔ cû̌tephekè ta̤tě̤ta̤mè̤̌ dǒ pa ganǎ̤de hto nutô̤̌ ayanu, pa bǎ bè̌dubè̌nǎ̤khlo yǎ.

Hebrǔ 3:1

Pô̤̌nu akhû̌akhî, pṳ̌wè̤̌ khrǐphû̌ dǒ Cǒmara kaǎ sî nutokhlǒ gènè̤ kè̌mò̌ lô̌khô Yeshǔ dǒ Cǒmara nohè htû yǎ kû̌ pwa̤shôbǐǐ Cǒmara alě̤ayô̤̌ kû̌ pwa̤shû̌gǎ ikǒdû̌lǒ tôpwa̤nu.

Hebrǔ 4:1

Cǒmara olò̤ pe pa tǒ̤lò̤khònò̤̌ kû̌ pa nṳ̌bǎ dǒ lǎ̤ô̌kǔ agûlǎ̤nu pě. Pô̤̌khô sî pṳ̂̌꤮ tôpwa̤ gǔ nṳ̌bǎ dǒ lǎ̤ô̌kǔ dǒ Cǒmara olò̤ ayanu, pa bè̌sè̌rè̌ lô̌khô panǎ̤.

Hebrǔ 4:11

Pa phiphu dǒ꤮ awǐnu tokhlǒnu, a ganǎ̤dekû̌ Cǒmara ayô̤̌ tô̤̌ akhû̌akhî, a nṳ̌bǎ kû̌ kòyò dǒ Cǒmara lǎ̤ô̌kǔ agûlǎ̤nu tô̤̌. Pô̤̌khô pa gǔ gû̌kè̌lû̌mò̌mṳ kû̌ paphipaphu tôpwǎ̤ tǎ̤mǎ̤, htokhôtô̤̌ pô̤̌khô pa nṳ̌bǎ gû̌ kòyò dǒ lǎ̤ô̌kǔ agûlǎ̤ ayanu, pa tôpwa̤ kû̌ tôpwa̤ gǔ jî̌pwǐ̤wô̌ gutṳ̌ wô̤̌wô̤̌ lû̌û tǎ꤮.

Petru awǐlǒ tabǎ 5:12

He wě̤pǔtǔ bǎ pwǎ sî lî̤nu pwǎ. He ǐkhû̌ǐǎ sî, htodě he khòlṳ̌ hesǎphlǒ kû̌ ta̤numî̌ Cǒmara abwǐsîrî mè̤̌mî̌ca. Ô̌měô̌gle lô̌khô dǒ ta̤nu akû nî̌꤮. Khûshǐla dǒ he bè̌ a pô̤̌ he pṳ̌wè̤̌ dǒ acǒ kû̌ ayô̤̌ tôpwa̤nu, a wě̤jè̌ padô̌ he lî̤hǒtôbǎ.