Hebrǔ 13:18 - Kawyaw New Testament

¹⁸ Kwicaba bǎ pô̤̌ lô̌khô dǒ paya. Pa sî̌ganǎ̤ tě̤tě̤mè̤̌mè̤̌ kû̌ dǒ pa sǎphlǒkûnu mô̤mô̤̌꤮ a mô̤ pwǎ, a bè̌ pa ta̤sǔ tôcǒ꤮ tô̤̌. Htodě pa ma̤ta̤ titètè̌ bǎbǎ, pa sǎyṳ ma̤shěshupwǎ ta̤ dǒ atô tokhlǒ pṳ̂̌꤮ tôplǎ.

Kawyaw RC

¹⁸ Kwisabapo̤ bǎ lǒkho paya. Pa sî̌ya te̤mǎ ta dě pa sò̌phlǒkû htǒonu mo̤mo̤ a mo̤pwǎ, a bè̌ pa ta̤sǔ dǐcǎ꤮ tò̤. Htodě pa ma̤ta̤ titètè̌꤮ bǎbǎ, pa sò̌yṳ ma̤còcè̌pwǎ ta̤ htě ato toǒ pṳ̂̌꤮ taplǎ.

Hebrǔ 13:18 Iomraidhean Croise

Pwa̤nophû̌ 23:1

Khûpò̌lǔ kè̌cû̌tô Yǔdaphû̌ dǒ a htûdû̌htûpwǎ̤ nutokhlǒ dě a hî̌ asî kû̌, “He pṳ̌wè̤̌ sî꤮, dǒ he sǎphlǒkûnu a dǔlè̌lṳ̌ he kû̌ he ta̤ô̌htûpwa̤ dǒ Cǒmara alômô̤̌ tǒ̤lò̤ khònò̤̌nu, amṳ̂̌aplî lǒbe bò pwǎ.”

Pwa̤nophû̌ 24:16

Pô̤̌khô he sǎphlǒ a ta̤gènè̤ nî̌ a gǔ mṳ̂̌plî dǒ Cǒmara kû̌ kòyòhǎkhû̌phû̌ alô̤mô̤̌nu, he jî̌pwǐ̤ ma̤ta̤ awô̌ gutṳ̌nu pṳ̂̌꤮ plǎplǎ.

Rṳ̂̌me̤ 12:17

Kòyò dǒ a ma̤jî̌ nanu, ma̤jî̌ geshěshu tǎ̤ asî tǎ̤mǎ̤ nî̌꤮. Ta̤ma̤ dǒ kòyò pṳ̂̌tôpwa̤ gènè̤ kû̌ awô̌ tokhlǒnu, jî̌pwǐ̤ ma̤ lô̌khô ta̤ma̤ pô̤̌nu tokhlǒ nî̌꤮.

Rṳ̂̌me̤ 13:13

Hǒtôplǎdě, pa ô̌htûpwa̤ ǎ ô shapwǎ̤ gû̌ kòyò pô̤̌ kòyò dǒ a ô̌htûpwa̤ dǒ lṳmṳ̌sha nutokhlǒ tǎ꤮. Ma̤ pwe̤rupwe̤tè̌ pwèlû bǎbǎ, ǎmuômu bǎbǎ, sǐshi a ta̤sǎyṳ phû̌mò̤̌ tokhlǒ bǎbǎ, ta̤gènè̤ putupatǎ tokhlǒ bǎbǎ, ta̤tô̤̌klǐ lû̌û tokhlǒ bǎbǎ, ta̤gènè̤ sǎkhwè̌ lû̌û tokhlǒ bǎbǎ, pa ma̤petô̤̌ tǎ꤮.

Rṳ̂̌me̤ 15:30

Pṳ̌wè̤̌ sî, dǒ pa Běcǎ Yeshǔ Khrǐ kû̌ Yôla Plò̌shǐ Běcǎ a ta̤mô̤ǐ akhû̌akhî he kwisǎyṳ sî kû̌ sî gǔ kwicaba wô̤̌wô̤̌ kû̌ he pě, dě sî gǔ kwicabahtò̌ padô̌ he dǒ Cǒmara a ô̌ pě dě sî gǔ kwicaba lǒ̤sû̌lǒ̤sò̌ padô̌ dǒ heya pě nî̌꤮.

Kôritu ginǐ̤bǎ tôbǎ 1:12

Ma̤titèdě pa hî̌bǎhtò̌yô̤̌ bǔ payô̤̌ hî̌dě, dǒ pa sǎphlǒkûnu pa sî̌ganǎ̤ tě̤tě̤mè̤̌mè̤̌ kû̌ pa ma̤sǔma̤plě, pa hî̌sǔhî̌plě bǎnô̌ kòyò tôpwǎ̤꤮ tô̤̌, htokhôtô̤̌ pa bè̌ cǒtè̤pwǎ pa sǎphlǒ dǒ sîkhû̌ pwǎ. Pa ma̤pô̤̌ numî̌ mî̌ dǒ Cǒmara abwǐsîrî a ta̤pô̤ta̤phǎ akhû̌akhî pwǎ, mè̤̌kû̌ kòyò hǎkhû̌phû̌ a ta̤sî̌ta̤jò̌ akhû̌akhî nu mè̤̌tô̤̌.

Phǐlǐpǐ 4:8

Pṳ̌wè̤̌sî, ganǎ̤de lô̌khô he ta̤hî̌bǎ dǒ nô̌kò gutṳ̌lǒ tokhlǒ nî̌꤮. Dǒ sî sǎphlǒkûnu sî tô gènè̤ kwè̌꤮ pô̤̌hî̌tèhî̌dě, sî tô gènè̤ pwǎ ta̤dǒ acǒatè̤ tokhlǒ, ta̤dǒ kòyò bè̌dubè̌nǎ̤ a tokhlǒ, ta̤dǒ atôabǎ tokhlǒ, ta̤dǒ a ma̤mṳ̂̌plî tokhlǒ, ta̤dǒ kòyò sǎyṳgwèbǎǐ tokhlǒ, bè̌sû̌bè̌sǎ dǒ awî̤awô̌ tokhlǒ, ta̤dǒ awô̌ tokhlǒ, ta̤dǒ kòyò tô htû̌sò̌htò̌ tokhlǒ nupwǎ nî̌꤮.

Kòlòtè̌ 4:3

Dǒwǐkha mî̌ kòyò tokhlǒ sî̌ganǎ̤ Khrǐ awe̤akè tô̤̌. Cǒmara bè̌hǔbè̌sè̌ Khrǐ awe̤akè. Bǎbǎkǎlè khònò̤̌ ta̤dǒû̌dǒshò̌nu a ô̌lṳ̌htò̌ hǒ. Pô̤̌khô Cǒmara gǔ bǔmô paklè̌ dǒ pa gǔ shôbǐǐlṳ̌ kòyò kû̌ Khrǐ awe̤akè nudě, kwicaba padô̌ lô̌khô dǒ paya nî̌꤮. Dǒwǐkha mî̌ ta̤bè̌û̌bè̌shò̌nu, a ô̌lṳ̌htò̌ khôtô̤̌, bǎbǎkǎlè khònò̤̌ a ô̌lṳ̌htò̌ hǒ. Dǒ he shôbǐǐlṳ̌ bǎ kòyò kû̌ Khrǐ awe̤akè akhû̌akhî, kòyò dǒtě̤ he dǒ apô̤kû pwǎ.

Tîsalònǐ awǐlǒ tôbǎ 4:12

Pô̤̌khô kòyò dǒ a yṳ̌nǐ̤nǎ̤nǐ̤ Cǒmara tô̤̌ tokhlǒ gǔ kè̌shǐ sî ta̤ô̌htûpwa̤ dě asî gǔ bè̌sû̌bè̌sǎ sî, htokhôtô̤̌ ta̤ dǒ sî lṳ̂ǎlṳ̂ô tokhlǒnu, pô̤̌khô sî gǔ nǎla̤ǐ kòyò tô̤̌nu, ma̤ lô̌khô pô̤̌ pa hî̌ sînu nî̌꤮.

Tîsalònǐ awǐlǒ tôbǎ 5:25

Pṳ̌wè̤̌sî, kwicaba padô̌ lô̌khô paya nî̌꤮.

Tîsalònǐ ginǐ̤bǎ tôbǎ 3:1

Pa sapṳ̌wè̤̌ sî, pa sǎyṳ shôbǐǐkè sî dǒ gutṳ̌kò kû̌, pô̤̌khô Běcǎ a ta̤sǎlě̤we̤kè gǔ lṳ̌peshecû̌ phwèphwè ayanu, kwicabanṳ̌ bǎ paya nî̌꤮. Htokhôtô̤̌ pô̤̌ sî phî̌shěshu hto ta̤sǎlě̤we̤kènu kû̌ dǒ ta̤bè̌dubè̌nǎ̤ akûnu pô̤̌khô kòyò gǔ phî̌shǐshu sô̌sô̌ pô̤̌ sî phî̌shǐshu nudě, kwicabanṳ̌ bǎ pô̤̌ lô̌khô paya nî̌꤮.

Tîmôte awǐlǒ tôbǎ 1:5

Ta̤hî̌lò̤ yô̤̌nu a ta̤yè̤lò̤nǎ kè̌shuǐ mî̌ pô̤̌khô a gǔ htû̌wṳ̂̌htò̌bǎ ta̤mô̤ǐ aya nupwǎ. Ta̤mô̤ǐ numî̌ a hǎhtò̌ dǒ kòyò sǎphlǒ mṳ̂̌plî nutokhlǒ akû. Htodě a hǎhtò̌ dǒ kòyò ô̌ kû̌ ta̤sî̌ya awô̌ kû̌ aphû̌mò̤̌ dě a rû̌htò̌ ta̤ dǒ awô̌ nutokhlǒ akû, kǎtô̤̌ a hǎhtò̌ dǒ kòyò ô̌ kû̌ ta̤yṳ̌ta̤nǎ̤ mè̤̌mî̌ca nutokhlǒ akû.

Petru awǐlǒ tabǎ 2:12

Bǎ sî ô̌htûpwa̤ dǒ khlilèphû̌ ashǔshawa̤ dě a yṳ̌ǎ kû̌ kòyò Cǒmara tô̤̌ nutokhlǒ akla, dě a bè̌ ta̤sǔ sî kû̌ sî mî̌ kòyò dǒ a ma̤ ta̤phû̌mò̤̌shǐhtô akhanu, ô̌htûpwa̤ shapwǎ̤ sî̌yawô̌ lô̌khô sînǎ̤ nî̌꤮. Asî gǔ kè̌shǐ sî ta̤ma̤wô̌ tokhlǒ pě dě htû̌꤮ Cǒmara hèlò̤ alṳmṳ̌ni̤ pě tôni̤nu, a bè̌dubè̌nǎ̤ lû̌pě.

Petru awǐlǒ tabǎ 3:16

Sî sǎphlǒ kè̌ hî̌lò̤ sî kû̌ sîta̤sǔ ô̌tô̤̌ hî̌nu, tûlû̌ ma̤ hèsělě nî̌꤮. Sî kè̌ ma̤pô̤̌nu hî̌dě kòyò dǒ a hî̌bǐhî̌ô̌, a hî̌ phû̌mò̤̌ sî ta̤ô̌shapwǎ̤ sî̌yawô̌ dǒ Khrǐ akû tokhlǒnu, a sòwò̤̌ ǐtû̌ sô̌ kû̌ a ta̤hî̌bǎhî̌shô̌ akò pě.

Petru awǐlǒ tabǎ 3:21

Sî ju sînǎ̤ kû̌ shi numî̌, a dǔlè̌lṳ̌ kè̌lû̌mò̌mṳ shi dǒ Phanṳ̂̌a htukha nukû̌, Cǒmara ma̤hǎplǎge sî khònò̤̌ nupwǎ. Sî ju sînǎ̤ kû̌ shi numî̌ a cǔbò nǎ̤glǒ akwǐakrû̌nu mè̤̌tô̤̌. Mè̤mè̤̌tôkhônu, ta̤jushi numî̌ amè̤̌ ta̤olò̤ Cǒmara kû̌ sî gǔ ma̤ ata̤ dǒ ta̤sǎphlǒ ma̤mṳ̂̌plî akû pô̤̌nupwǎ. Yeshǔ Khrǐ si dě a htûpwa̤ getîkhî akhû̌akhî, sî ju sînǎ̤ kû̌ shi numî̌ a ma̤hǎplǎge sî pwǎ.