Hebrǔ 13:16 - Kawyaw New Testament

¹⁶ Ma̤wô̌ta̤ tokhlǒ bǎbǎ, ta̤ma̤jè̌ma̤kwe kè̌khîlû̌ tôpwa̤ kû̌ tôpwa̤ tokhlǒnu bǎbǎ shôpe̤ lô̌khô tǎ̤mǎ̤ nî̌꤮, ma̤titèhî̌dě hǒtokhlǒ numî̌ ta̤lṳta̤tòhtò̌ dǒ atô Cǒmara asǎphlǒ.

Kawyaw RC

¹⁶ Ma̤ta̤wǒ toǒ bǎbǎ, ta̤ma̤shû̌ma̤jo nû̌û tapwa̤ ta tapwa̤ toǒnu bǎbǎ shope̤ lǒkho pûma̤ nî̌꤮, ma̤tè̤hî̌dě htǒotoǒ numî̌ ta̤lṳta̤tò̌ htě ato Cǒmara asò̌phlǒ.

Hebrǔ 13:16 Iomraidhean Croise

Htû̌sò̌htò̌ 37:3

Yṳ̌ǎnṳ̌ Cǒmara tûjû̌pwa̤, ma̤ lô̌khô ta̤wô̌. Nṳ̌ô̌ bǎ gǎ dǒ a ǐ na dě ô̌ kû̌ ta̤sǎphlǒ gûjû̌kabǎ nî̌.

Htû̌sò̌htò̌ 51:19

Ma̤pô̤̌nu tǒ̤ mî̌ nasǎphlǒ tôbǎ kû̌ ta̤lṳ̌tòhtò̌ dǒ acǒatè̤, ta̤shû̌u lṳhtò̌ kû̌ ta̤shû̌u lṳhtò̌ tôdobò. Htodě nakòyò tokhlǒ gǔ lṳhtò̌ pṳ̂̌phadû̌ dǒ nata̤lṳta̤tòwǎ̤khû̌ pě.

Lǔka 18:22

Bǎ Yeshǔ ganǎ̤de a hî̌ pô̤̌o akhanu, a hî̌ lû̌û kû̌, “Ta̤ dǒ na lǎ̤lṳ̂ma̤nu a ô̌ pe tocǒ, ge shaǎkèbò na ta̤kî̌ta̤krû̌ nutokhlǒ dě ǐlò̤bò kòyò hǎwǐ̤shèwè̤ nutokhlǒ. Na kè̌ ma̤pô̤̌nu hî̌dě na gǔ nǐ̤bǎ ta̤dû̌yò̤̌htò̌sa dǒ mǒkhû̌ pě. Gema̤hto pô̤̌nu dě hè gû̌kû̌ hekò.”

Pwa̤nophû̌ 10:38

Htodě Cǒmara rû̌htò̌ Wî̤̌na̤sôrè̤̌phû̌ Yeshǔ dě a ǐ lû̌û Yôla Plò̌shǐ Běcǎ kû̌ a ta̤pô̤ta̤phǎ hî̌tènu, sî sî̌ganǎ̤ hto tûû̌ hǒ. Yeshǔ cû̌lè dǒ gûlǎ̤ pṳ̂̌꤮ tûkû dě cû̌ ma̤bwǐma̤sîrî bǎ kòyò, ma̤hǎmǎkè kòyò ô̌ dǒ hǎkhû̌tana ma̤jî̌ma̤jû̌ lû̌û tokhlǒ, ma̤titè̌hî̌dě Cǒmara ô̌cu kû̌ a akhû̌akhî a ma̤ta̤ pô̤̌nu hǒ.

Pwa̤nophû̌ 9:36

Bǎ Wî̤̌yû̌pe akûnu pwa̤mǒ̤ dǒ a yṳ̌nǐ̤nǎ̤nǐ̤ Yeshǔnu a ô̌ tôpwa̤. Ami̤ kû̌ Mǒ̤tabetǎ (Grěyô̤̌ mî̌ ami̤ kû̌ Mǒ̤dòkǎ, yô̤̌mûyô̤̌sǎ mî̌ tikhi tôdo) a ta̤shěta̤khǎ lǒ̤꤮bònu a ma̤bwǐma̤sîrî bǎ kòyò htodě ma̤jè̌ bǎ kòyò pwa̤shèwè̤phû̌ tokhlǒ.

Rṳ̂̌me̤ 12:13

Cǒmara a kòyò tokhlǒ kè̌ hǎwě̤shèwè̤ hî̌dě, phǐjè̌ma̤jè̌ asî nî̌꤮. Kè̌ dǐǎdǐô lô̌khô shǐpwǎ̤shǐmè̤ nî̌꤮. Kaǎ hǎmôô̌ lô̌khô asî dǒ sî hǐdǒkû nî̌꤮.

Galatǐ 6:10

Pô̤̌nu akhû̌akhî bǎkhò̌tè꤮ bǎbǎ, bǎ pa nǐ̤bǎ ta̤shěta̤khǎ wô̌ akhanu, pa bǎ ma̤wô̌ bǎ kòyò pṳ̂̌꤮ tôpwa̤. Bǎbǎkǎlè sî ma̤ta̤ awô̌nu kè̌dû̌shǐ pû ta̤dòkûphû̌ nutokhlǒ nî̌.

Galatǐ 6:6

Kòyò dǒ a sû̌ǐtòwòǐ sî kû̌ Cǒmara alě̤ayô̤̌ tokhlǒ numî̌, sî tôbǎ ǐ asî ta̤wî̤ta̤wô̌ pṳ̂̌꤮ tocǒ.

Ěphěsu 4:28

Kòyò dǒ a htûpwa̤ ǎhǔ tôpwa̤nu, ǎhǔ sělě pe tǎ̤mǎ̤ nî̌꤮. Pô̤̌khô a gǔ yṳ̂̌ǎyṳ̂̌ô bǎ kòyò pwa̤shèwè̤phû̌ tokhlǒnu, a bǎ gôǎgôwè̤ ǐ ta̤wô̌ dǒ a cǒtè̤nu tokhlǒ.

Phǐlǐpǐ 4:14

Bǎbǎkǎlè sî tokhlǒnu, sî ma̤wô̌bǎ he. Bǎ he kè̌shǐ tṳ̌bǎ kû̌ ta̤pò̤̌ta̤sha akhanu, sî ma̤jè̌ he.

Phǐlǐpǐ 4:18

Lǒ̤bò sî sûhè bǎ he tokhlǒnu he nǐ̤bǎ lǒ̤꤮ bò hǒ, dě a lǒbe tûlû̌shû̌lě dǒ heya. Lǒ̤bò sî ǐ tokhlǒnu KhûEpaprǔdǐtǔ phî̌hè bǎ he, dě khònò̤̌ lǒ̤bò he lṳ̂bǎ tokhlǒnu a ô̌ bò hǒ. Ta̤ǐ tokhlǒnu, asô̌sô̌kû̌ ta̤nṳ̌mû̌ dǒ kòyò lṳhtò̌ dǒ Cǒmara ô̌ nuhǒ. Ta̤lṳ dǒ atô Cǒmara asǎphlǒ, dě a ma̤mô̤ lû̌û sǎphlǒ nutokhlǒ hǒ.

Tîsalònǐ awǐlǒ tôbǎ 5:15

Noma̤ geshěshu tǎ̤ kòyò dǒ kòyò ma̤sǔ lû̌û nutokhlǒ tǎ̤mǎ̤ nî̌꤮. Mè̤̌mè̤tôkhônu, jî̌pwǐ̤ ma̤wô̌ǐ kè̌khî lû̌û tôpwa̤ kû̌ tôpwa̤ pṳ̂̌꤮ tôplǎ dě jî̌pwǐ̤ ma̤wô̌ bǎpû kòyò dǒ ashǔshawa̤ tokhlǒ nî̌꤮.

Tîsalònǐ ginǐ̤bǎ tôbǎ 3:13

Bǎbǎkǎlè, pṳ̌wè̤̌ Khrǐphû̌ sî, bǎ sî ma̤ ta̤wô̌ akhanu, sǎphlǒpî̌ tǎ̤ lô̌khô tǎ̤mǎ̤ nî̌. Tûlû̌ ma̤ sělě hènè lô̌khô pô̤̌nu nî̌.

Tîmôte awǐlǒ tôbǎ 6:18

Mǎnǎ nayô̤̌ kû̌ kòyò dû̌yò̤̌ nutokhlǒ, dě hî̌ asî kû̌ nodû̌yò̤̌ lô̌khô asî dǒ ta̤ma̤wô̌nu tôkhô nî̌꤮. Dě no sǎlě̤sǎlò̤ yṳ̂̌lò̤ padô̌ kòyò, hî̌ asî kû̌ noma̤jè̌ dû̌wî̤ padô̌ kû̌ kòyò ashǔshawa̤ tokhlǒ nî̌꤮.

Philemo 1:6

Pô̤̌khô na ta̤bǒsû̌khǎkhô kû̌ ta̤dòkûphû̌ dǒ ashǔshawa̤ tokhlǒ gǔ ma̤jè̌ tutṳ̌ na dǒ na gǔ sî̌ganǎ̤ lǒbebò ta̤wô̌ pṳ̂̌꤮ tôcǒ dǒ pa nǐ̤bǎ dǒ Khrǐ akû tokhlǒ ayanu, he kwicaba bǎ dǒ naya.

Hebrǔ 6:10

Cǒmara mî̌ a ma̤ ta̤cǒ pwǎ. Ta̤ma̤wô̌ dǒ sî ma̤hto tokhlǒnu a shôpě̤ tô̤̌. Ta̤mô̤ dǒ sî dǔlè̌lṳ̌ hto dǒ aya kû̌ sî ma̤jè̌ a kòyò tokhlǒ dě sî ma̤jè̌ hè sělě asînu a shôpe̤ bǎtô̤̌.

Yṳ̂ha subǎ tôbǎ 1:11

He sû̌khô, ta̤phû̌mò̤̌shǐhtô pô̤̌nu tokhlǒnu kè̌lû̌ma̤lû̌ tǎ̤ kòyò tǎ̤mǎ̤ nî̌꤮. Kè̌lû̌mò̌mṳ kû̌ kòyò ta̤ dǒ awô̌ nutokhlǒ nî̌꤮. Kòyò tôpwa̤pwa̤ dǒ a ma̤ ta̤wô̌nu, a mî̌ Cǒmara a kòyò tôpwa̤ hǒ. Kòyò dǒ a ma̤ ta̤phû̌mò̤̌ tôpwa̤pwa̤ numî̌ kòyò dǒ a sî̌ganǎ̤ tě̤tě̤mè̤̌mè̤̌ kû̌ kòyò Cǒmara nò̌khôtô̤̌.