Hebrǔ 13:15 - Kawyaw New Testament

¹⁵ Pô̤̌nudě, dǒ pa Běcǎ Yeshǔ Khrǐ a ta̤ma̤jè̌ pa akhû̌akhî, pa gǔ lṳhtò̌ pa ta̤htû̌sò̌htò̌ a ta̤lṳhtò̌ dǒ Cǒmara a ô̌ pṳ̂̌꤮ tôplǎ dǒ a amè̤̌kû̌ Yeshǔ mî̌ pa Běcǎ, pa olò̤ pô̤̌onu tǎ꤮.

Kawyaw RC

¹⁵ Hǐnudě, pa Běcǎ Ye̤shǔkhrî̌stu a ta̤ma̤jè pa akhû̌akhî, pa lṳhtò̌ pa ta̤htû̌sò̌ǐ a ta̤lṳhtò̌htǒo dě Cǒmara a ǒ pṳ̂̌꤮ taplǎ dě Ye̤shǔ mî̌ pa Běcǎ, pa olò̤ pwǐhè̌onu hò̌꤮.

Hebrǔ 13:15 Iomraidhean Croise

Htû̌sò̌htò̌ 118:19

Bǔmô bǎ he ta̤lṳhtò̌hô atakhadû̌nu. He gǔ nṳ̌ hî̌bwǐhî̌sîrîhtò̌ Cǒmara tûjû̌pwa̤.

Htû̌sò̌htò̌ 119:108

Ǒ Cǒmara tûjû̌pwa̤, phî̌shǔ he ta̤htû̌sò̌htò̌ na kû̌ he sǎphlǒtômèbònu. Sû̌ǐtòwòǐ he kû̌ na ta̤mǎlò̤.

Htû̌sò̌htò̌ 18:49

Ǒ Cǒmara tûjû̌pwa̤, he htû̌sò̌htò̌ǐ na dǒ khlilèphû̌ tokhlǒ akla. He htû̌sò̌htò̌ǐ na kû̌ he ta̤sǎwǐ sîtokhlǒ pě.

Htû̌sò̌htò̌ 50:14

“Lṳhtò̌tòhtò̌ mò̌ ta̤hî̌bwǐsîrî ata̤lṳ dǒ Cǒmaradû̌ a ô̌. “Ma̤lǒma̤be sô̌mò̌ na ta̤olò̤ kû̌ Cǒmara dǒ adû̌ahtûlǒ nutôpwa̤.

Htû̌sò̌htò̌ 50:23

“Kòyò tôpwa̤pwa̤ dǒ a lṳhtò̌ he kû̌ ata̤hî̌bwǐhî̌sîrî ata̤lṳ nutôpwa̤ mî̌ abè̌dubè̌nǎ̤ mè̤̌caca hǒ he. “Kòyò dǒ a jû helě̤heyô̤̌ nutôpwa̤ mî̌ he dǔlṳ̌ mè̤̌caca a kû̌ he ta̤ma̤hǎplǎkè.”

Matěo 11:25

Bǎnuakha Běcǎ Yeshǔ hî̌ Cǒmara kû̌, “Ǒ꤮ mǒkhû̌ Běcǎ, hǎkhû̌ Běcǎ, hepha Cǒmara꤮, he hî̌bwǐhî̌sîrî na, ta̤ dǒ na bè̌hǔbè̌sè̌ bǎ pwa̤sî̌jò̌phû̌ tokhlǒ kû̌ pwa̤sî̌yata̤sî̌jò̌ tokhlǒnu, na dǔlè̌lṳ̌ bǎ kû̌ kòyò dǒ agènè̤pî̌tî̌ anǎ̤ sô̌sô̌kû̌ phijǎphû̌ nutokhlǒ akhû̌akhî, he hî̌bwǐhî̌sîrîhtò̌ na.

Lǔka 10:21

Bǎnukha, dǒ Yôla Plò̌shǐ Běcǎ akhû̌akhîdě Yeshǔ lǒbe kû̌ ta̤sǎlě̤sǎlò̤ dě a hî̌ kû̌, “Ǒ꤮ mǒkhû̌ Běcǎ, hǎkhû̌ Běcǎ, hepha Cǒmara꤮, he hî̌bwǐhî̌sîrî na, ta̤ dǒ na ǐ bè̌hǔbè̌sè̌ bǎ pwa̤sî̌jò̌phû̌ tokhlǒ kû̌ pwa̤sî̌yata̤sî̌jò̌ tokhlǒnu, na dǔlè̌lṳ̌ bǎ kû̌ kòyò dǒ agènè̤pî̌tî̌ anǎ̤ sô̌sô̌kû̌ phijǎphû̌ nutokhlǒ akhû̌akhî, he hî̌bwǐhî̌sîrîhtò̌ na. Ǒ꤮ pha꤮, na sǎphlǒô̌ sǎphlǒtôbǎ mè̤̌nòhǒ kû̌ a glè̌ htûhtò̌ pô̤̌o akhû̌akhî, he hî̌bwǐhî̌sîrî mè̤̌ca na.

Jowǎ̤ni̤ 10:9

He mî̌ takhakû hǒ. Kòyò lǒ̤bò dǒ a hènṳ̌ tutṳ̌ kû̌ he dǒ a mî̌ takhakû tokhlǒnu, a gǔ nǐ̤bǎ ta̤ma̤hǎplǎge pě. A gǔ hènṳ̌ hǎhtò̌ dě a gǔ kè̌shǐ a lǎ̤ǎshǎ agûlǎ̤ pě.

Jowǎ̤ni̤ 14:6

Dě Běcǎ Yeshǔ hî̌shěshu lû̌û kû̌, “He mî̌ klè̌ kû̌ ta̤tě̤ta̤mè̤̌ kû̌mî̌ ta̤htûpwa̤ hǒ. Ta̤ sûcû̌ kòyò dǒ pha aô̌mî̌ he nô̤̌pwǎ, a kè̌ cû̌ tutṳ̌ kû̌ he tô̤̌ nu, a cû̌tǒ̤ jò dǒ pha a ô̌ tôpwǎ̤꤮ tô̤̌.

Rṳ̂̌me̤ 12:1

Pô̤̌nudě, pṳ̌wè̤̌ sî꤮, Cǒmara a ta̤gwèbǎǐ panu, adû̌ayô̤̌ tûlû̌shû̌lě dǒ paya akhû̌akhî, he kwisǎyṳ sî kû̌ sî gǔ ǐlò̤ sî nǎ̤glǒnu dǒ Cǒmara a ô̌ pô̤̌ ta̤lṳ dǒ a htûpwa̤nu, pô̤̌ ta̤lṳ dǒ aplò̌shǐ kû̌ pô̤̌ ta̤lṳ dǒ atô lû̌sǎphlǒ a ta̤sǎyṳnu nî̌꤮. Sî tô cabahtò̌ Cǒmara pô̤̌numî̌ amè̤̌ klè̌ dǒ atôabǎ tôbô hǒ.

Rṳ̂̌me̤ 6:19

He hî̌bǎ sî kû̌ lṳmṳ̌shî̌ lṳmṳ̌hǎ a ta̤hî̌bǎ tokhlǒ, ma̤titèhî̌dě sî mî̌ kòyò hǎkhû̌phû̌ dě, sî sî̌yaphlôyû gû̌ kòyò Cǒmara a ta̤tokhlǒ tô̤̌ akhû̌akhî, he hî̌bǎ bǎ sî pô̤̌nu pwǎ. Dǒ awǐkha mî̌ sî nohtû sî nǎ̤glǒ ayô̤agî̌ tokhlǒ kû̌ sîběcǎ dǒ a phû̌mò̤̌shǐhtô nutokhlǒ ajû̌, sî noma̤ asî kû̌ ta̤putupatǎ phû̌mò̌shǐhtô tokhlǒ dě sî ma̤sǔma̤plě bò Cǒmara a ta̤sû̌ta̤tòwò pṳ̂̌꤮ tocǒ. Pô̤̌nudě khònò̤̌ sî nǎ̤glǒ ayô̤agî̌ tokhlǒnu nohtû a kû̌ Běcǎ dǒ awô̌ nutôpwa̤ ajû̌ nunî̌꤮. Pô̤̌khô sî gǔ htûhtò̌ kòyòplò̌shǐ ayanudě, nohtûhtò̌ mò̌ sî nǎ̤glǒ ayô̤agî̌ nutokhlǒ kû̌ ta̤tě̤ta̤mè̤̌ ajû̌ nunî̌꤮.

Ěphěsu 2:18

Dǒ Khrǐ ma̤ bǎ hto dǒ paya dě Yôla Plò̌shǐ Běcǎ tôpwa̤꤮ nô̤̌ ma̤jè̌ bǎ tutṳ̌ pa akhû̌akhî, lǒ̤bò pa Yǔdaphû̌ tokhlǒ bǎbǎ, Yǔdaphû̌ mè̤̌tô̤̌ tokhlǒ bǎbǎ, pa hènṳ̌ dǒ Cǒmara alô̤mô̤̌ hǒ.

Kòlòtè̌ 1:12

Sî hî̌bwǐhî̌sîrî pû pha Cǒmara dǒ a ǐhtûhto sî kû̌ a kòyò dě sî nǐ̤bǎ padô̌ a û̌tě̤û̌ca tokhlǒnu, kû̌ a kòyò aplò̌shǐ tokhlǒ dǒ ashiagǎ dǒ a lîtîklî̌ akûnu pû nî̌꤮.

Hebrǔ 12:28

Pô̤̌nudě, pa hî̌bwǐhî̌sîrî wô̤̌wô̤̌ lû̌û Cǒmara tǎ꤮, ma̤titèhî̌dě pa nǐ̤bǎ shigǎ dǒ a guyṳ̌ jòtô̤̌ nutôgǎ. Pa gǔ cabahtò̌ Cǒmara kû̌ ta̤caba dǒ atô kû̌ asǎphlǒ kû̌ ta̤ǐsha bè̌dubè̌nǎ̤ lû̌û akûnu tǎ꤮.

Hebrǔ 7:25

Pô̤̌nudě kòyò dǒ a hè dǒ Cǒmara a ô̌ dě a hènṳ̌ tutṳ̌ dǒ Yeshǔ a ô̌ tokhlǒnu, Yeshǔ ma̤hǎplǎgebò̌ asî khònò̤̌ tǒ̤hènè ajû̌jû̌ apwa̤pwa̤ pě, ma̤titèhî̌dě pô̤̌khô a gǔ nṳ̌ kwisǎyṳbò̌ bǎ kòyò pô̤̌nu tokhlǒ aya dǒ Cǒmara a ô̌nu, a bǎ htûpwa̤ tûjû̌pwa̤.

Petru awǐlǒ tabǎ 2:5

Sî hǒtokhlǒnu a sô̌sô̌ kû̌ lǒ̤htûpwa̤ tokhlǒ hǒ. Cǒmara noǎ lǒ̤ dǒ a amè̤̌kû̌ sî dě a gǔ ma̤htò̌ hǐ dǒsû̌dǒsò̌ tômè. Sî ma̤ta̤ dǒ hǐkûnu sô̌sô̌kû̌ pwa̤shû̌gǎ aplò̌shǐ tokhlǒnu pě. Htokhôtô̤̌ sî lṳhtò̌ ta̤lṳ dǒ Cǒmara a ô̌ dǒsû̌dǒsò̌ tôkhô tokhlǒ pě. Dǒ Yeshǔ Khrǐ akhû̌akhîdě, Cǒmara phî̌shǐshu sî ta̤lṳ nutokhlǒ pě.

Petru awǐlǒ tabǎ 4:11

Mò̌pèpè̌ bǎbǎ, a kè̌ shôbǐǐlṳ̌ bǎ kòyò hî̌nu, a bǎ shôbǐǐlṳ̌ bǎ kòyò pô̤̌ Cǒmara hî̌bǎ kòyò dě a noshôbǐǐ tutṳ̌ kû̌ nanu. Dě mò̌pèpè̌ bǎbǎ dǒ a kè̌ ma̤jû̌ ta̤ma̤ hî̌nu, a tôbǎ ma̤ kû̌ khû̌ǎ dǒ Cǒmara ǐlò̤ lû̌û nutokhlǒ. Kè̌ ma̤pô̤̌nu hî̌dě, dǒ Yeshǔ Khrǐ akhû̌akhî, kòyò gǔ htû̌sò̌htò̌ Cǒmara kû̌ lǒ̤bò ta̤ dǒ sî ma̤ nutokhlǒ akhû̌akhî pě. Cǒmara nǐ̤bǎ pû ta̤bwǐdû̌sîrîhtû kû̌ ta̤pô̤ta̤phǎ tûjû̌pwa̤ talakhǎ nî̌꤮. Ame̤.