Hebrǔ 13:14 - Kawyaw New Testament

¹⁴ Ma̤titèhî̌dě wî̤̌ dǒ paya dǒ a ô̌měô̌gle tûjû̌pwa̤ dǒ hǎkhû̌nu a ô̌ tôwî̤̌ tô̤̌. Pa kè̌lǎ wî̤̌ dǒ a glè̌ hè pěnu tôwî̤̌.

Kawyaw RC

¹⁴ Ma̤tè̤hî̌dě payanu wî̤ htě a ǒměgle tûjûpwa̤ dě hǎkhû̌ bǎonu a ǒ dǐwî̤ tò̤. Pa kè̌lǎ wî̤ htě a glè hè pě htǒonu tî̤wî̤.

Hebrǔ 13:14 Iomraidhean Croise

Kôritu awǐlǒ tôbǎ 7:29

Khôbǒsû̌ sî, he sǎyṳ hî̌ sî mî̌ pô̤̌o: lṳmṳ̌ni̤ gutṳ̌ phǔhtò̌ hǒ. Sahtò̌ khònò̤̌ hènè, kòyò dǒ ama ô̌ awṳ̂ ô̌ tokhlǒnu, a tô ô̌htûpwa̤ lô̌khô pô̤̌ kòyò dǒ ama ô̌tô̤̌ awṳ̂ ô̌tô̤̌ tokhlǒnu.

Kôritu ginǐ̤bǎ tôbǎ 4:17

Ma̤titèhî̌dě ta̤pò̤̌ta̤sha dǒ pa khòbǎ a bǎ hǎkhû̌ hǒtokhlǒ numî̌ tòshò̌phû̌ pwǎ. Pa kè̌ tûlû̌kè kû̌ ta̤tôta̤wô̌ dǒ pa gǔ nǐ̤bǎ a htǔ nô̌kòpě tôhtu pě tokhlǒ hǒnumî̌, amè̤̌ kû̌ tôcǒ hǐ tô̤̌. Bǎ hǎkhû̌nu pa khòbǎ ta̤pò̤̌ta̤sha hǒtokhlǒ bǎbǎkǎlè dǒ mǒkhû̌ pěnu ta̤bwǐdû̌sîrîhtû tûjû̌pwa̤ dǒ awî̤awô̌ khlo, dě alò̤htǒ lǒkhlo kû̌ ta̤pò̤̌ta̤sha dǒ pa khòbǎ dǒ hǎkhû̌nu, pa gǔ nǐ̤bǎ pě.

Ěphěsu 2:19

Kè̌ ma̤pô̤̌nudě, sî Yǔdaphû̌ mè̤̌tô̤̌ tokhlǒnu, sî htûpe shilǎ̤gǎkhlophû̌ tokhlǒ mè̤petô̤̌ hǒ, tô̤̌mî̌ sî htûpe shǐtèmè̤ tokhlǒ mè̤petô̤̌ hǒ. Khònò̤̌ sî htû sô̌sô̌kè kû̌ Cǒmara a shiphû̌gǎphû̌ sô̌sô̌kû̌ a kòyò nutokhlǒ hǒ. Htokhôtô̤̌ sî mî̌ Cǒmara a hǐphû̌phòphû̌ tokhlǒ hǒ.

Phǐlǐpǐ 3:20

Bǎbǎkǎlè pa tokhlǒ numî̌ mǒkhû̌ a shiphû̌gǎphû̌ dě pa sǎphlǒshû̌ ô̌pǒ̤kè̌shuǐ pa Běcǎ Yeshǔ Khrǐ dǒ a ma̤hǎplǎge panu ô̌ dǒ mǒkhû̌ hèlò̤ pěnu tôpwa̤ hǒ.

Hebrǔ 10:34

Sî gwèbǎǐ kòyò dǒ kòyò dǒlò̤tě̤ lû̌û dǒ apô̤kû nutokhlǒ. Kòyò pè̤̌ǎpè̤̌ô phî̌ cû̌kè bò sî timǐtitè bǎbǎkǎlè, sî bè̌ sǎlě̤ lô̌khô pwǎ sî sǎphlǒ, ma̤titèhî̌dě sî sî̌ganǎ̤ kû̌ sî timǐtitè dǒ awô̌khlo dě a ô̌měô̌gle tûjû̌pwa̤nu a ô̌ dû̌wî̤pe dǒ mǒkhû̌ akhû̌akhî, sî sǎlě̤sǎlò̤ lô̌khô pwǎ.

Hebrǔ 12:22

Bǎbǎkǎlè, sî dě sî hètǒ̤ dǒ Sǐûkhôlôhǒ. Khôlô hǒtômè numî̌ amè̤̌ Cǒmara dǒ a htûpwa̤ nutôpwa̤ awî̤̌ tôwî̤̌ dǒ kòyò kaǎ kû̌ Wî̤̌yarǔshôle dǒ mǒkhû̌nu tôwî̤̌ hǒ. Cǒmara amǒkhû̌ tanaphû̌ dǒ a ô̌ dǒ asî̌ kû̌ asî̌kû tokhlǒ hè̌ô̌plǒ sǎlě̤ wô̤̌wô̤̌ kû̌ bò lû̌û bǎnu. Dě sî hè ô̌plǒ kû̌ amǒkhû̌ tanaphû̌ nutokhlǒ hǒ.

Hebrǔ 12:27

A hî̌ kû̌, “Ma̤pô̤̌ sô̌ pě,” yô̤̌mûyô̤̌sǎ mî̌, a shôbǐǐlṳ̌phlô kèhto kû̌ Cǒmara ma̤ guyṳ̌htò̌ bò ta̤bô̌lò̤ nutokhlǒ pě, dě a hǎmǎkè bò pě. A guyṳ̌ jòtô̤̌ tokhlǒ gǔ ô̌kè pwǎ ayanu, Cǒmara ma̤guyṳ̌ pô̤̌nupwǎ.

Hebrǔ 2:5

Pa hî̌ bǎ sî kû̌ hǎkhû̌sa ô̌htò̌ dǒ nô̌kòpě awe̤akè numî̌, Cǒmara rû̌htò̌ mǒkhû̌ tanaphû̌ tokhlǒ dǒ a glè̌ bǎ pǒǐ ta̤ayanu mè̤̌bǎtô̤̌.

Hebrǔ 4:9

Pô̤̌nudě, asô̌sô̌kû̌ Cǒmara ma̤hto ata̤ma̤ ni̤susô̌ dě a ô̌kǔ dǒ lṳmṳ̌ni̤ susô̌tôni̤ nutôni̤ nuhǒ, Cǒmara a kòyò tokhlǒ genṳ̌ ô̌kǔ kû̌ Cǒmara pě.

Hebrǔ 9:11

Bǎbǎkǎlè khònò̤̌ Khrǐ hè htûhto pô̤̌ pwa̤shû̌gǎ ikǒdû̌ dǒ adû̌lǒkhlo kòyò tôpwa̤ nuhǒ. A phî̌hènṳ̌ bǎ pa ta̤wî̤ta̤wô̌ dǒ a ô̌ kû̌ pa khònò̤̌ tokhlǒ hǒ. A cû̌nṳ̌ hto dǒ hǐphû̌dû̌ dǒ adû̌khlo, a lǒbebò kû̌ kòyò ma̤nu tômè akûhǒ. Hǐphû̌dû̌ plò̌shǐnu, kòyò ma̤htò̌ǐ kû̌ acǔde tôpwǎ̤꤮ tô̤̌, kòyò bô̌lò̤ lû̌û mè̤̌tô̤̌tô̤̌, a ô̌ dǒ hǎkhû̌nu mè̤̌tô̤̌tô̤̌.

Petru awǐlǒ tabǎ 4:7

Ta̤lǒ̤꤮ bò a glè̌ gutṳ̌kèhǒnu a hètǒ̤ phǔhǒ. Pô̤̌nu akhû̌akhî, pô̤̌khô sî kwicababò̌ gû̌ kòyònu, ô̌sòklò kû̌ lô̌khô dě sû̌ǐtòwòǐ lò̤ ǐtû̌ lô̌khô sînǎ̤, kǎtô̤̌ ô̌htûpwa̤ shapwǎ̤ kû̌ lô̌khô nî̌꤮.

Ta̤dǔlè̌nǎ 3:12

Kòyò dǒ a ma̤pè̤̌ta̤nu, he gǔ dǐhtûhtò̌ a kû̌ he Cǒmara a ta̤lṳhtò̌hô ahǐtṳ̌, htodě a gǔ ô̌ hènè bǎnu pě. He gǔ wě̤nǎ he Cǒmara ami̤ dǒ alô̤. Htodě he wě̤nǎ he Cǒmara awî̤̌ Wî̤̌yarǔshôle sa ami̤nu dǒ alô̤ pě. Wî̤̌yarǔshôle asanu, a ô̌ bǎ mǒkhû̌ he Cǒmara a ô̌ dě a hèlò̤. Dě he gǔ wě̤pa dô̌ he mi̤sa dǒ alô̤ pě.