Hebrǔ 13:13 - Kawyaw New Testament

¹³ Pô̤̌nudě pa gǔ cû̌ khòwô̤̌wô̤̌ kû̌ ta̤pîjî̌ǐsho kû̌ a dǒ wî̤̌khlonu tǎ꤮.

Kawyaw RC

¹³ Hǐnudě pa cû̌ khòplǒdǒ ta̤pi̤jishǐcǒ ta a dě wî̤khlo htǒonu hò̌꤮.

Hebrǔ 13:13 Iomraidhean Croise

Matěo 16:24

Htodě Běcǎ Yeshǔ hî̌ akhôphijǎ tokhlǒ kû̌, “Kòyò tôpwa̤pwa̤ kè̌ sǎyṳ gû̌ hekò hî̌nu, a tôbǎ ma̤ pô̤̌ he sǎyṳnoma̤ lû̌û nutokhlǒ, a ma̤ jû̌꤮ tûû̌ asǎphlǒ mî̌ anǐ̤ tô̤̌. A bǎ ò̌htò̌ tûû̌ a nò̌dò̌htǔ dě a bǎ gû̌ hekò.

Matěo 27:32

Bǎ asî hǎhtò̌cû̌ akhanu, a kè̌shǐ Kurene wî̤̌phû̌ dǒ ami̤ kû̌ Khûshǐmṳ̂ nutôpwa̤ dě kliphû̌ tokhlǒ noò̌ kudǔdǔ lû̌û kû̌ Yeshǔ nò̌dò̌htǔ.

Matěo 5:11

“Bǎ kòyò pîjî̌ǐsho sî, kòyò ma̤jî̌ma̤jû̌ sî, kòyò pè̤̌le̤pè̤̌ge sî dě kòyò hî̌ phû̌mò̤̌ sî dǒ hekhû̌khî tokhlǒnu, sî nǐ̤bǎ ta̤ǐshowî̤.

Lǔka 6:22

Sî yṳ̌ǎ Kòyòphû̌khû mî̌ he akhû̌akhî dě kòyò sǎkhî̌ sî, kòyò kaǎmô̤shǔ sî tô̤̌, kòyò pîjî̌ǐsho sî dě kòyò hî̌ phû̌mò̤̌ sî akhû̌akhî, sî gǔ nǐ̤bǎ mè̤̌mî̌ca ta̤ǐshowî̤ hǒ.

Lǔka 9:23

Htodě Yeshǔ hî̌shěshu asî pṳ̂̌꤮ tôpwa̤ kû̌, “Kòyò tôpwa̤pwa̤ kè̌ sǎyṳ gû̌ hekò nu, a tôbǎ ma̤ pô̤̌ he sǎyṳnoma̤ yǎ nutokhlǒ, a ma̤ jû̌꤮ asǎphlǒ mî̌ anǐ̤tô̤̌. A bǎ ò̌htò̌tûû̌ a nò̌dò̌htǔ pṳ̂̌ti̤ni dě abǎ gû̌ hekò.

Pwa̤nophû̌ 5:41

Pwa̤nophû̌ tokhlǒ sǎlě̤sǎlò̤ hǎhtò̌cû̌kè dǒ Yǔdaphû̌ ikǒlǒkòdû̌ nutokhlǒ a lô̤mô̤̌, ma̤titè̤̌hǐdě agû̌ kû̌ Yeshǔ akò akhû̌akhî, dě Cǒmara bè̌ asî kû̌ agwǎagwè khòbǎ kòyò ma̤sòwò̤̌ asî pô̤̌nu pwǎ.

Kôritu ginǐ̤bǎ tôbǎ 12:10

Pô̤̌nudě he ô̌ kû̌ ta̤khû̌shiǎjǎ tokhlǒ, he kè̌shǐ tṳ̌bǎ kû̌ ta̤jî̌ta̤jû̌ tokhlǒ, kòyò pîjî̌ǐsho he tokhlǒ, kòyò ma̤jî̌ma̤jû̌ he tokhlǒ, he kè̌shǐ tṳ̌bǎ kû̌ ta̤pò̤̌ta̤sha sî tokhlǒ, lǒ̤bò ta̤ dǒ he kè̌shǐ tṳ̌bǎ tokhlǒ numî̌ Khrǐ aya pwǎ, bǎbǎkǎlè he sǎphlǒtô sǎphlǒmô̤ pwǎ. Ma̤titèhî̌dě bǎ he khû̌shiǎjǎ akhanu, he shû̌sho pwǎ.

Hebrǔ 11:26

Khûmṳ̂shě bè̌lò̤ hǒ asǎphlǒ kû̌, khòbǎ ta̤pîjî̌ǐsho dǒ Khrǐ ayanu, alě̤dû̌pwî̤htû khlope kû̌ Ijî̌gǎ a ta̤dû̌yò̤̌htò̌sa tokhlǒ ma̤titèhî̌dě a ô̌pǒ̤kè̌shǔ kû̌ Cǒmara gǔ ǐlû̌ a ta̤ma̤nǐ̤khû̌kǎ htû̌꤮ nô̌kòpě.

Hebrǔ 12:2

Asô̌sô̌kû̌ kòyò khlè̌ tokhlǒ kè̌tôtǐ hètô pwǎ ta̤ma̤pè̤̌ bò̌htò̌htǔ nuhǒ, pô̤̌nudě pa kè̌hè tôtǐ pwǎtǒ̤ Yeshǔ nô̤̌ tǎ꤮. Ma̤titèhî̌dě a mî̌ pa ta̤yṳ̌ta̤nǎ̤ a kòshî̌gutṳ̌ tôpwa̤. Htokhôtô̤̌, a mî̌ pwa̤ dǒ a ma̤lǒma̤be bǎ pa ta̤yṳ̌ta̤nǎ̤ tôpwa̤. A khòsi htopědě, a sî̌ganǎ̤ nǎ hto kû̌ a gǔ nǐ̤bǎ ta̤sǎlě̤sǎlò̤ pě akhû̌akhî, a tôbǎ khòsi dǒ nò̌dò̌htǔlô̤ bǎbǎkǎlè a sòwò̤̌ tôcǒ꤮ tô̤̌. Khònò̤̌dě a hǎnòò̌ dǒ Cǒmara a lǎ̤hǎnòò̌ htò̌yô̤̌ dǒ cǔtômû nutôkhô hǒ.

Hebrǔ 12:3

Pô̤̌khô sî ma̤ ta̤wô̌ dě sî gǔ lò̤dô̌lò̤de tô̤̌, dě sî gǔ sǎphlǒpî̌ tô̤̌ ayanu, gènè̤kè̌ lô̌khômò̌ Běcǎ Yeshǔ awe̤akènu, pwa̤ma̤sǔphû̌ tokhlǒ sǎkhěkhû̌khwè lû̌û ma̤takhû̌takǎ mî̌ca lû̌û bǎbǎkǎlè a khòsǎdô mî̌ca dǒ asîkhû̌.

Hebrǔ 12:4

Sî shěshǔ kû̌ ta̤sǔta̤phû̌mò̤̌ nutokhlǒ bǎbǎkǎlè sî khòbǎ ta̤jî̌ta̤jû̌ tǒ̤dǒ kòyò bǎma̤si sînu, a ô̌nô̌ tôpwǎ̤꤮ tô̤̌.

Petru awǐlǒ tabǎ 4:4

Pô̤̌nudě khònò̤̌ sî bǒsû̌khǎkhô ma̤mi̤pǐ̤shidô̌ pe sînǎ̤ kû̌ ta̤nutokhlǒ tô̤̌ akhû̌akhî, kòyò dǒ a sî̌ganǎ̤ Cǒmara tô̤̌ tokhlǒ ǒò̌ lô̌khô dě a pîjî̌ǐsho lǒ̤bò sî hǒ.