Hebrǔ 13:12 - Kawyaw New Testament

¹² Pô̤̌nudě pô̤̌khô Yeshǔ gǔ ma̤ plò̌shǐ kòyò hǎkhû̌phû̌ tokhlǒ kû̌ sǐ ayanu a bǎcû̌ tṳ̌sikhòsi anǎ̤ dǒ wî̤̌khlo tôkû.

Kawyaw RC

¹² Hǐnudě ma̤pûhǐ Ye̤shǔ ma̤ cahtǐ bǎ kòyòhǎkhû̌phû̌ htǒotoǒ ta asǐ ayanu, a bǎcû̌ khòsi ana̤ dě wî̤khlo tò̤glò.

Hebrǔ 13:12 Iomraidhean Croise

Lǔka 4:29

Asî ihtǒ dě cî̌hǎhtò̌kè Yeshǔ dǒ Wî̤̌khlo, dě asî cî̌hǎhtò̌ lû̌û dǒ asî lǎ̤ô̌ǐ wî̤̌ khôplò̤lô̤ tôkû. Dě asî gènè̤ cû̌ shò̌lò̤tě̤kè lû̌û dǒ shô̌lǎ̤,

Jowǎ̤ni̤ 17:19

Pô̤̌khô asî gǔ bè̌mṳ̂̌plî lô̌khô kû̌ nalě̤nayô̤̌ a ta̤tě̤ta̤mè̤̌nu dě, he ǐlò̤ bò mǔtegle hto he ta̤htûpwa̤ dǒ asî agûlǎ̤ hǒ.”

Jowǎ̤ni̤ 19:34

Bǎbǎkǎlè kliphû̌ nutokhlǒ akla tôpwa̤nu, a shu Yeshǔ wě̤lǎ̤ kû̌ sòbò dě tôplǎnô̤̌ sǐ kû̌ shi hǎhtò̌.

Pwa̤nophû̌ 7:58

Dě asî cî̌hǎhtò̌kè Khûsôtibe dǒ wî̤̌khlo dě wî lû̌û kû̌ lǒ̤. Pwa̤khòlṳ̌ sîtokhlǒ bè̌kè asî jekhlo tokhlǒ dǒ pwa̤khûphû̌sǎ dǒ ami̤ kû̌ Khûsò̌lǔ tôpwa̤ a ô̌ dě a nokè̌ǐ lû̌û.

Kôritu awǐlǒ tôbǎ 6:11

Dǒ sîkla tokhlǒkhlǒnu, dǒ awǐkha mî̌ a htû hto kòyòkhu kòyòhe sô̌sô̌kû̌ hǒonu hǒ bǎbǎkǎlè Cǒmara cǔbò hto sî ta̤sǔ hǒ. Dě khònò̤̌ sî htû Cǒmara ata hǒ. Dǒ Běcǎ Yeshǔ Khrǐ kû̌ Cǒmara a Yôla Plò̌shǐ akhû̌akhîdě khònò̤̌, Cǒmara bè̌hto sî pô̤̌ kòyòcǒkòyòtè̤ tokhlǒnu hǒ.

Ěphěsu 5:26

Pô̤̌khô a ma̤plò̌shǐ a ta̤dòkû tokhlǒnu, a sikè bǎ asîya, dě a shǔbòkè asî kû̌ shi kû̌mî̌ alě̤ayô̤̌ nuhǒ.

Hebrǔ 10:10

Yeshǔ Khrǐ ma̤ bǎ pô̤̌ Cǒmara a ta̤sǎyṳ ô̌nu, htokhôtô̤̌ dǒ a lṳhtò̌ anǎ̤glǒ tôplǎnô̤̌pwǎ dě a htophlǔ bòhǒ akhû̌akhî, a ma̤ plò̌shǐ pa hǒ.

Hebrǔ 10:29

Pô̤̌nudě sî gènè̤ kè̌mò̌ kòyò dǒ a hî̌ takǎ Cǒmara aphû̌khû hǒtokhlǒ, dě a wîkè lû̌û tokhlǒnu, Cǒmara gǔ cî̌htò̌ jî̌khlo asî pě. Htodě Khrǐ khòlṳ̌ asǎphlǒ dě a dǐ htûhtò̌ Cǒmara a ta̤olò̤ asa nuhǒ dě Khrǐ cǔbò pa kû̌ asǐ hǒ. Pô̤̌nudě kòyò dǒ a bè̌ lě̤dû̌pwî̤htû Khrǐ asǐ tô̤̌ tokhlǒnu, Cǒmara gǔ cî̌htò̌ jî̌khlo asî pě. Htokhôtô̤̌ kòyò hǒtokhlǒnu a hî̌ phû̌mò̤̌ Yôla Plò̌shǐ Běcǎ dǒ a ǐ asî ta̤bwǐta̤sîrî nutôpwa̤ akhû̌akhî, Cǒmara gǔ cî̌htò̌jî̌ khlo asî kû̌ kòyò dǒ a ma̤si Khûmṳ̂shě a ta̤sû̌ta̤tòwò nutokhlǒ pě.

Hebrǔ 2:11

Yeshǔ ma̤ mṳ̂̌plîge kòyòhǎkhû̌phû̌ tokhlǒ a ta̤ma̤sǔ tokhlǒ. Kòyòhǎkhû̌phû̌ dǒ Yeshǔ ma̤ mṳ̂̌plîkè asî ta̤sǔ nutokhlǒ kû̌ Yeshǔ numî̌, apha jû lû̌û tôpwa̤ nupwǎ akhû̌akhî, Yeshǔ kaǎ asî kû̌ pṳ̌wè̤̌nu a sòwò̤̌ tô̤̌.

Ta̤dǔlè̌nǎ 14:20

Sîpî̌sǎ hǒtokhlǒnu, kòyò wǐ̤ asî dǒ shǔtò̤̌lè sîpî̌shi agûlǎ̤ dǒ a ô̌ dǒ wî̤̌khlonu. Shǔtò̤̌lè sîpî̌shi agûlǎ̤nu, sǐtokhlǒ shǐhtò̌ ayî̤ tôya̤ kû̌ shilǐ̤sô̌ kû̌ lǐ̤mila, dě ayô̤̌lò̤nu a ô̌ yè̤̌tu.