Hebrǔ 13:1 - Kawyaw New Testament

¹ Mô̤ǐhè kè̌khî lô̌khô lû̌û tôpwa̤ kû̌ tôpwa̤ pô̤̌ khrǐphû̌ tôbǎ mô̤ǐ kè̌khî lû̌û tôpwa̤ kû̌ tôpwa̤ nunî̌꤮.

Kawyaw RC

¹ Mo̤ǐhè lǒkho nû̌û tapwa̤ ta tapwa̤ pwǐ Khrî̌stuphû̌ tobǎ mo̤ǐ nû̌û tapwa̤ ta tapwa̤nu nî̌.

Hebrǔ 13:1 Iomraidhean Croise

Htû̌sò̌htò̌ 133:1

Pṳ̌wè̤khlilè sîtokhlǒ sǎphlǒtô kè̌khîlû̌û numî̌ awî̤awô̌, amô̤꤮ mî̌ca.

Jowǎ̤ni̤ 15:17

He ta̤mǎlò̤ yô̤̌sǎ numî̌ amè̤̌kû̌ mô̤nṳ̌ lû̌û tôpwa̤ kû̌ tôpwa̤ nuhǒ.”

Pwa̤nophû̌ 2:1

Bǎ lṳmṳ̌ni̤ dǒ kòyò kaǎ kû̌ Phîtîkhò̌sîtî hètǒ̤ akhanu, asî lǒ̤bò hè ô̌plǒô̌cu wô̤̌wô̤̌ lû̌û dǒ gûlǎ̤ tôkû.

Pwa̤nophû̌ 4:32

Pwa̤ yṳ̌ǎnǎ̤ǎta̤ tokhlǒnu asî ô̌ lû̌û kû̌ sǎphlǒ tômè nô̤̌, ta̤gènè̤ tocǒ꤮ nô̤̌. Asî ta̤kî̌ta̤krû̌ tokhlǒnu asî dô̌kôǐ tûû̌ ata pwǎ ahî̌ tôpwǎ̤꤮ tô̤̌. Ta̤ dǒ a ô̌ kû̌ asî tokhlǒnu asî ǎwô̤̌wô̤̌ phî̌wô̤̌wô̤̌ kè̌khî lû̌û.

Galatǐ 5:13

He pṳ̌wè̤̌ sî, pô̤̌khô sî gǔ nǐ̤bǎ ta̤pi̤li̤ ayanudě, Cǒmara kaǎhto sî hǒ. Bǎbǎkǎlè dǒ sî nǐ̤bǎ ta̤pilinu akhû̌akhîdě, nopǒ tǎ̤ sînǎ̤ kû̌ sî sǐshiphěyî̌ a ta̤sǎyṳsǎbǎ nutokhlǒ tǎ̤mǎ̤ nî̌. Mè̤mè̤̌tôkhônu, sî tô mô̤ǐ kè̌khî lû̌û tôpwa̤ kû̌ tôpwa̤, sî tô ma̤jè kè̌khî bò lû̌û tôpwa̤ kû̌ tôpwa̤.

Galatǐ 5:22

Bǎbǎkǎlè Yôla Plò̌shǐ Běcǎ numî̌ a dǐô̌htò̌ ta̤mô̤, ta̤sǎlě̤sǎlò̤, ta̤pè̤̌ta̤dû, ta̤khòsǎdô, ta̤sǎyṳgwèbǎǐ, ta̤wî̤ta̤wô̌, ta̤jûlě̤phî̌yô̤̌,

Galatǐ 5:6

Ma̤titèhî̌dě bǎ sî htûhtò̌kè kû̌ Yeshǔ Khrǐ tôcǒ꤮ nô̤̌ akhanu, ta̤dǔtṳ̌bě bǎbǎ, ta̤dǔtṳ̌bě tô̤̌ bǎbǎ, a htûbwǐhtûsîrî nô̌ tôcǒ꤮ tô̤̌. Ta̤ dǒ a htûbwǐhtûsîrî khlo numî̌, ta̤yṳ̌ta̤nǎ̤ dǒ a dǔlè̌lṳ̌ ta̤mô̤ Cǒmara kû̌ kòyò ashǔshawa̤nu pwǎ.

Ěphěsu 4:3

Yôla Plò̌shǐ Běcǎ ma̤plǒma̤cu sî hǒ. Pô̤̌khô sî gǔ ô̌plǒô̌cu lû̌û ayanu, jî̌pwǐ̤ ô̌htûpwa̤ lô̌khô dǒ ta̤pè̤̌ta̤dû akû nî̌꤮.

Ěphěsu 5:2

Sî tô ô̌htûpwa̤ lô̌khô hî̌tè numî̌, mô̤nṳ̌ lô̌khô kòyò pṳ̂̌꤮ tôni̤ sô̌sô̌kû̌ Khrǐ mô̤ǐ pa dě a tṳ̌sikhòsi bǎ payanu nî̌꤮. Htokhôtô̤̌ Khrǐ lṳhtò̌ ata̤htûpwa̤ dǒ Cǒmara a lô̤mô̤̌ sô̌sô̌kû̌ ta̤numû̌ dǒ atô Cǒmara asǎphlǒ nuhǒ.

Tîsalònǐ ginǐ̤bǎ tôbǎ 1:3

Sapṳ̌wè̤̌ Khrǐphû̌ sî, pa gènè̤htò̌nṳ̌ bǎ sî bǎkhò̌tè꤮ bǎbǎnu, pa bǎ hî̌bwǐhî̌sîrî Cǒmara dǒ sîya pṳ̂̌꤮ taplǎ, ma̤titèhî̌dě sî ta̤yṳ̌ta̤nǎ̤ kû̌ sî ta̤mô̤ǐ lû̌û tôpwa̤ kû̌ tôpwa̤nu, sǔ sǔ adû̌htò̌ akhû̌akhî, pa tôbǎ hî̌bwǐhî̌sîrî hǒ.

Hebrǔ 10:24

Pa ta̤mô̤ ǐtû̌ lû̌û tôpwa̤ kû̌ tôpwa̤nu, pô̤̌khô sǔ sǔ a gǔ ô̌ dû̌htò̌ dě, pô̤̌khô pa gǔ ma̤ta̤ dǒ awô̌ tokhlǒ ayanu, pa gǔ gènè̤ padô̌ kòyò dǒ pa gǔ ǐkhû̌ǐǎ ǐ lû̌û tôpwa̤ kû̌ tôpwa̤ hî̌tè awe̤akè tokhlǒnu pwǎ tǎ꤮.

Petru awǐlǒ tabǎ 1:22

Khònò̤̌dě dǒ sî jûlě̤phî̌ Cǒmara a ta̤sû̌ǐ a ta̤tě̤ta̤mè̤̌ tokhlǒ akhû̌akhî, sî ma̤mṳ̂̌plî sî sǎphlǒ dě sî htû kòyò dǒ a mô̤nǐ̤ mè̤̌mî̌ca pṳ̌wè̤̌ Khrǐphû̌ nutokhlǒ hǒ. Ma̤pô̤̌nudě mô̤ lǒ̤sû̌lǒ̤sò̌ kè̌khî lû̌û tôpwa̤ kû̌ tôpwa̤ nî̌꤮.

Petru awǐlǒ tabǎ 2:17

Bè̌dubè̌nǎ̤ lô̌khô kòyò pṳ̂̌꤮ tôpwa̤ nî̌꤮. Mô̤ǐ lô̌khô sî pṳ̌wè̤̌ Khrǐphû̌ tokhlǒ nî̌꤮. Ǐsha lô̌khô Cǒmara dě bè̌dubè̌nǎ̤ lû̌û nî̌꤮. Bè̌dubè̌nǎ̤ lô̌khô khwǐdû̌ nî̌꤮.

Petru awǐlǒ tabǎ 3:8

He sǎyṳ hî̌ pô̤̌ sî dǒgutṳ̌kòlǒ kû̌, sî pṳ̂̌꤮ tôpwa̤ tôbǎ ô̌ lû̌û kû̌ ta̤gènè̤ tôcǒ꤮ nô̤̌, ta̤bè̌sû̌bè̌sǎ tôcǒ꤮ nô̤̌ nî̌꤮. Mô̤ǐ kè̌khî pû lû̌û tôpwa̤ kû̌ tôpwa̤ pô̤̌ pṳ̌wè̤̌nu nî̌꤮. Sǎyṳgwèbǎǐ pû lû̌û tôpwa̤ kû̌ tôpwa̤ dě shò̌lò̤ pû lô̌khô sî sǎphlǒ tôpwa̤ kû̌ tôpwa̤ nî̌꤮.

Petru awǐlǒ tabǎ 4:8

Dǒ ta̤lǒ̤꤮ bò aklanu, ta̤mô̤ mè̤̌mî̌ca lû̌û tôpwa̤ kû̌ tôpwa̤ numî̌ a lṳ̂dû̌lǒ hǒ, ma̤titèhî̌dě ta̤mô̤nu a plûkè dû̌wî̤ ta̤sǔ.

Petru ginǐ̤bǎ tabǎ 1:7

Dǒ ta̤ô̌htûpwa̤ tôbǎ kû̌ Cǒmara akhû̌nu, bè̌plǒ dû̌wî̤pô̤̌ ta̤mô̤ǐ pṳ̌wè̤̌, dǒ ta̤mô̤ǐ pṳ̌wè̤̌ akhû̌nu, bè̌plǒ dû̌wî̤pô̤̌ ta̤mô̤ta̤kla nî̌꤮.

Yṳ̂ha awǐlǒ tôbǎ 3:23

Cǒmara mǎnǎ ayô̤̌ dě a hî̌ kû̌, pa bǎ yṳ̌ǎ aphû̌khû Yeshǔ Khrǐ ami̤ dě pa gǔ mô̤ǐtû̌ kè̌khîlû̌û tôpwa̤ kû̌ tôpwa̤ pô̤̌ a mǎnǎ htohǒ ayô̤̌ kû̌ panu.

Yṳ̂ha awǐlǒ tôbǎ 4:20

Kòyò tôpwa̤pwa̤ kè̌ hî̌ kû̌, “He mô̤ Cǒmara,” bǎbǎkǎlè a kè̌ sǎkhěkhû̌khwè pepwǎ apṳ̌wè̤̌ Khrǐphû̌ hǒnumî̌, a mî̌ kòyò lòhô pwǎ, ma̤titèhî̌dě a kè̌shǐnô̌ apṳ̌wè̤̌ Khrǐphû̌ kû̌ amǐ̤sǎ tûû̌ bǎbǎkǎlè a kè̌ mô̤nǐ̤ tô̤̌ numî̌, Cǒmara dǒ a kè̌shǐbǎnǒ tôkhò̌ tô̤̌ hǒtôpwa̤nu, “He mô̤ Cǒmara,” a cû̌ hî̌jò hî̌tè?

Ta̤dǔlè̌nǎ 2:4

“Bǎbǎkǎlè he bè̌ ta̤sǔ dǒ nalô̤nu alǎ̤hî̌ ô̌ tôcǒ, a ô̌ pô̤̌hî̌tèhî̌dě na mô̤nṳ̌ he khònò̤̌nu a sô̌sô̌ pe kû̌ na mô̤nṳ̌ he dǒ asakhû̌lû̌kha nutô̤̌.