Hebrǔ 12:4 - Kawyaw New Testament

⁴ Sî shěshǔ kû̌ ta̤sǔta̤phû̌mò̤̌ nutokhlǒ bǎbǎkǎlè sî khòbǎ ta̤jî̌ta̤jû̌ tǒ̤dǒ kòyò bǎma̤si sînu, a ô̌nô̌ tôpwǎ̤꤮ tô̤̌.

Kawyaw RC

⁴ Sî shěshǔ ta ta̤ma̤sǔphû̌ htǒotoǒ pwǎ̤tadě sî khòbǎ ta̤jîta̤jû to̤htû̌ kò bǎma̤si sînu, a ǒ dǐpwǎ̤hǒtò̤.

Hebrǔ 12:4 Iomraidhean Croise

Matěo 24:9

“Htodě kòyò gǔpṳ̂̌gǔpo̤ bò sî pě, kòyò gǔpo̤guplè bò sî pě htokhôtô̤̌ kòyò gǔ ma̤si sî pě. Dǒ sî kû̌ he mi̤ akhû̌akhîdě kòyò pṳ̂̌꤮ tôpwa̤ gǔ tôkhôsò̌ bò sî pě.

Kôritu awǐlǒ tôbǎ 10:13

Lǒ̤bò ta̤tili̤tôlô̌ dǒ na kè̌shǐ tṳ̌bǎ tokhlǒ numî̌ a sô̌sô̌ pwǎ kû̌ kòyò hǎkhû̌phû̌ dǒ ashǔshawa̤ tokhlǒ kè̌shǐ tṳ̌bǎ nutokhlǒ pwǎ. Bǎbǎkǎlè Cǒmaranu acǒ kû̌ ayô̤̌, ma̤titèhî̌dě ta̤tili̤tôlô̌ dǒ ashû̌asho dǒ na khòbò̌ yǎ tô̤̌ tokhlǒnu, a nokhòbǎ na tô̤̌. Bǎ ta̤ma̤kè̌kè̌ lò̤bǎ na akhanu, pô̤̌khô na gǔ khòsǎphlǒhtûbò̌ yǎ, htokhôtô̤̌ pô̤̌khô na gǔ hǎplǎbò̌ kû̌ ta̤tili̤tôlô̌ ayanu, Cǒmara bǔmô bǎnǎ na klè̌ pě.

Phǐlǐpǐ 2:8

Dě a hè dǔlè̌lṳ̌ anǎ̤ pô̤̌ kòyòhǎkhû̌phû̌ nuhǒ, htodě, a shò̌lò̤ anǎ̤ dǒ kòyò lǎ̤. A ganǎ̤de Cǒmara ayô̤̌, a sikè dě a bè̌kè ta̤ tôcǒ꤮ tô̤̌. Tǒ̤dǒ a tôbǎ si dǒ nò̌dò̌htǔlô̤ dě a jûǎ pwǎ.

Hebrǔ 12:2

Asô̌sô̌kû̌ kòyò khlè̌ tokhlǒ kè̌tôtǐ hètô pwǎ ta̤ma̤pè̤̌ bò̌htò̌htǔ nuhǒ, pô̤̌nudě pa kè̌hè tôtǐ pwǎtǒ̤ Yeshǔ nô̤̌ tǎ꤮. Ma̤titèhî̌dě a mî̌ pa ta̤yṳ̌ta̤nǎ̤ a kòshî̌gutṳ̌ tôpwa̤. Htokhôtô̤̌, a mî̌ pwa̤ dǒ a ma̤lǒma̤be bǎ pa ta̤yṳ̌ta̤nǎ̤ tôpwa̤. A khòsi htopědě, a sî̌ganǎ̤ nǎ hto kû̌ a gǔ nǐ̤bǎ ta̤sǎlě̤sǎlò̤ pě akhû̌akhî, a tôbǎ khòsi dǒ nò̌dò̌htǔlô̤ bǎbǎkǎlè a sòwò̤̌ tôcǒ꤮ tô̤̌. Khònò̤̌dě a hǎnòò̌ dǒ Cǒmara a lǎ̤hǎnòò̌ htò̌yô̤̌ dǒ cǔtômû nutôkhô hǒ.

Hebrǔ 13:13

Pô̤̌nudě pa gǔ cû̌ khòwô̤̌wô̤̌ kû̌ ta̤pîjî̌ǐsho kû̌ a dǒ wî̤̌khlonu tǎ꤮.

Ta̤dǔlè̌nǎ 12:11

Pa pṳ̌wè̤̌ tokhlǒnu, dǒ sû̌phû̌ asǐ akhû̌akhî, kû̌ asî shôbǐǐlṳ̌ bǎ kòyò Cǒmara alě̤ayô̤̌ akhû̌akhîdě, asî ma̤pè̤̌kè hǎkhû̌tana hǒ. Asî kè̌shǐbǎ kû̌ ta̤si bǎbǎ, a sǎleǐtû̌ a ta̤htûpwa̤ tô̤̌.

Ta̤dǔlè̌nǎ 17:6

Dě he kè̌shǐ pwa̤mǒ̤ nutôpwa̤ ômṳ anǎ̤ kû̌ Cǒmara a kòyò dǒ acǒ kû̌ Yeshǔ dě ta̤ ma̤si yǎ nutokhlǒ asǐ. Bǎ he kè̌shǐ akhanu, he ǒò̌ kiti̤ kaa jòjî̌ tô̤̌.

Ta̤dǔlè̌nǎ 18:24

Piwi̤pèshè tokhlǒ asǐ kû̌ Cǒmara a kòyò tokhlǒ asǐnu kòyò kè̌shǐ a bǎ wî̤̌nu tôwî̤̌ akû akhû̌akhî, Cǒmara cî̌htò̌ Wî̤̌babǔlû hǒ. Kòyò lǒ̤bò dǒ kòyò ma̤si asî bǎ a ô̌ pe dǒ hǎkhû̌ tokhlǒnu, kòyò kè̌shǐ asî asǐ bǎ wî̤̌nu tôwî̤̌ akûnu.”

Ta̤dǔlè̌nǎ 2:13

Na ô̌tô kû̌ hǎkhû̌tana lǎ̤tòcò numî̌ he sî̌ganǎ̤. Bǎ kòyò ma̤si Khûatǐpa amè̤̌kû̌ pwa̤khòlṳ̌ dǒ acǒ kû̌ he nutôpwa̤ bǎ na wî̤̌kû dǒ hǎkhû̌tana lǎ̤ô̌ agûlǎ̤nu bǎbǎ na cǒ kû̌ he, na wîkè na ta̤yṳ̌ta̤nǎ̤ tô̤̌.