Hebrǔ 12:3 - Kawyaw New Testament

³ Pô̤̌khô sî ma̤ ta̤wô̌ dě sî gǔ lò̤dô̌lò̤de tô̤̌, dě sî gǔ sǎphlǒpî̌ tô̤̌ ayanu, gènè̤kè̌ lô̌khômò̌ Běcǎ Yeshǔ awe̤akènu, pwa̤ma̤sǔphû̌ tokhlǒ sǎkhěkhû̌khwè lû̌û ma̤takhû̌takǎ mî̌ca lû̌û bǎbǎkǎlè a khòsǎdô mî̌ca dǒ asîkhû̌.

Kawyaw RC

³ Ma̤pûhǐ sî ma̤ ta̤wǒ dě sî lòdǒlòde pûtò̤, dě sî sò̌phlǒpî̌kè pûtò̤ ayanu, gènè̤kè̌ lǒkhomò̌ Běcǎ Ye̤shǔ awi̤akè̌ htǒonu, ta̤ma̤sǔphû̌ toǒ sò̌khěkhû̌khwè nû̌û ma̤tukutakǎ mè̤mè̤̌ nû̌û pwǎ̤tadě a khòsò̌do mè̤mè̤̌ asîkhû̌.

Hebrǔ 12:3 Iomraidhean Croise

Matěo 11:19

Kòyòphû̌khû mî̌ he hèǎhèô tè̌ dě ‘kè̌mò̌ kòyò hǒtôpwa̤, a ǎshû̌ôshû̌, a bǒsû̌khǎkhô kû̌ pwa̤kwi ta̤kûta̤mṳ̂̌ kû̌ pwa̤ma̤sǔphû̌ nutokhlǒ,’ asî hî̌ lô̌khô pô̤̌nu. Bǎbǎkǎlè bǎ kòyò ma̤wô̌ ta̤ pô̤̌ Cǒmara a ta̤sî̌jò̌ dě aphôasǎ htò̌lṳ̌ akhapěnu, kòyò dǒ ashǔshawa̤ tokhlǒ gǔ kè̌shǐ sî̌ganǎ̤hè kû̌ Cǒmara a ta̤sî̌jò̌ numî̌ a tôpwǎ, pô̤̌nu pě.”

Matěo 12:24

Bǎbǎkǎlè bǎ Pharishè̌phû̌ tokhlǒ ganǎ̤de kòyò hî̌ pô̤̌nu akha, asî hî̌ kû̌, “A wṳ̂̌hǎhtò̌bò̌ khînǎkhîno nutokhlǒ mî̌ khînǎkhîno a ikǒlǒkòdû̌ Belǎsebulǎ ma̤jè̌ yǎ pwǎ.”

Matěo 15:2

“Nakhôphijǎ tokhlǒ numî̌ ma̤titè̌ a gû̌ma̤ gû̌ kò pô̤̌ ta̤cubucaba alǎ̤klô ô̌ nutokhlǒ tô̤̌ ma̤titè? Asî glè̌ ǎshǎ dě a cǔbò gû̌ kò acǔde tô̤̌.”

Matěo 21:23

Běcǎ Yeshǔ nṳ̌ dǒ ta̤lṳhtò̌hô we̤kû dě bǎ a sû̌ǐtòwòǐlò̤ kòyò akhanu, pwa̤shû̌gǎ ikǒlǒkòdû̌ tokhlǒ kû̌ Yǔdaphû̌ ta̤cubucaba ikǒlǒkòdû̌ tokhlǒ hè dǒ Běcǎ a ô̌ dě a gwè̌ lû̌û kû̌, “Na cû̌ma̤tǒ̤ ta̤pô̤̌o tokhlǒ numî̌ na cû̌ma̤ kû̌ mò̌pè a ta̤siwi̤sòwò̤ ya? Mò̌pè noma̤ na ya?”

Matěo 21:46

Dě asî kè̌lǎǐ lô̌khô klè̌ dǒ a glè̌ pṳ̂̌ Yeshǔ bǎbǎkǎlè Yeshǔ mî̌ piwi̤pèshè tôpwa̤, kòyò saprṳ̂ tokhlǒ lî̤̌ yṳ̌ǎ lô̌khô pô̤̌nu akhû̌akhî, asî ǐsha kòyò saprṳ̂ nutokhlǒ alǎ̤.

Matěo 22:15

Htodě pô̤̌khô Pharishè̌phû̌ tokhlǒ gǔ pṳ̂̌nǐ̤ Běcǎ Yeshǔ hî̌bǎsǔ yô̤̌sǎ tokhlǒ ayanudě, a hǎhtò̌cû̌ ô̌plǒ hî̌bǎcu ǐ lû̌û.

Lǔka 14:1

Bǎ Yṳ̌daphû̌ lṳmṳ̌dǔ bǎ akha tôni̤nu, Yeshǔ cû̌ dǒ Pharishè̌phû̌ ikǒdû̌ tôpwa̤ ahǐ. Bǎ a glè̌ ǎshǎ akhanu, kòyò bǎnu tokhlǒ kè̌jôhǔ yǎ.

Lǔka 15:2

Pharishè̌phû̌ tokhlǒ kû̌ pwa̤sû̌ǐ ta̤sû̌ta̤tòwò asara tokhlǒ tûmṳ̂̌ta̤ma̤ bò Yeshǔ yô̤ kû̌, “Kòyò hǒtôpwa̤ kaǎmô̤shǔ pwa̤ma̤sǔphû̌ tokhlǒ, dě a cû̌ ǎcuôcu tǒ̤kû̌ asî ya꤮!”

Lǔka 16:14

Pharishè̌phû̌ dǒ a mô̤ǐ ruhta nutokhlǒ ganǎ̤de yô̤̌sǎ akhanu, a sǎyǎ̤ lô̌khô Yeshǔ.

Lǔka 2:34

Phasumiû ǐshowî̤ hto asî dě a hî̌nǎkè phijǎphû̌ amǒ̤ Mǒ̤ma̤rǐ nu kû̌, “Phijǎ nî̌ Cǒmara rû̌htò̌ lû̌û dǒ a gǔ ma̤hǎplǎge Isôrělaphû̌ tokhlǒ pě, dě a gǔ bè̌dû̌bè̌htò̌yô̤̌ kòyò dǒ ashǔshawa̤ tokhlǒ pě. A mî̌ Cǒmara a ta̤ma̤mǎnǎ tocǒ, dě kòyò pṳ̂̌pwa̤ hî̌bǎ takǎshěshu lû̌û pě.

Lǔka 5:21

Pwa̤sû̌ǐ ta̤sû̌ta̤tòwò asara tokhlǒ kû̌ Pharishè̌phû̌ tokhlǒ hî̌bǎ kè̌khîlû̌û kû̌, “Kòyò hǒtôpwa̤ hî̌bǎsǔ Cǒmara hǒ. Mò̌pè tôpwa̤ gǔ plûkè jò ta̤sǔ ya? Pwa̤ plûkè jò ta̤sǔ mî̌ Cǒmara tôpwa̤pwǎ̤꤮ nô̤̌ pwǎ.”

Jowǎ̤ni̤ 10:20

Kòyò saprṳ̂ hî̌ kû̌, “A mî̌ khînǎ ma̤bǎ lû̌û dě a kimi pwǎ. Cû̌ ganǎ̤de cǎ ayô̤̌ ma̤titè?”

Jowǎ̤ni̤ 18:22

Bǎ Běcǎ Yeshǔ hî̌ pô̤̌o akhanu, kliphû̌ ô̌pǒ̤ ta̤lṳhtò̌hô dǒ a ô̌phǔ lû̌kòshǐ nutôpwa̤ plǎ̤ lû̌û nò̌shî̌ dě a hî̌ lû̌û kû̌, “Na cû̌ hî̌shěshutǒ̤ pwa̤shû̌gǎ ikǒdû̌lǒ nutôpwa̤ pô̤̌nu ma̤titè?” A hî̌ lû̌û pô̤̌nu.

Jowǎ̤ni̤ 5:16

Pô̤̌nu akhû̌akhî, Yeshǔ ma̤ ta̤ nutokhlǒ dǒ lṳmṳ̌dǔ akhû̌khî, Yǔdaphû̌ ikǒlǒkòdû̌ tokhlǒ sahtò̌ ma̤shû̌shahè yǎ.

Jowǎ̤ni̤ 7:12

Kòyò saprṳ̂saphǎ tokhlǒ hî̌hǔhî̌sè̌ dû̌wî̤ awe̤akè. Tokhlǒkhlǒnu, a hî̌ lô̌khô kû̌, “A mî̌ kòyò wô̌ pwǎ.” Akhô ashǔshawa̤ tokhlǒ hî̌shěshu kû̌, “Awô̌ bǎtô̤̌. A cû̌ tili̤tôlô̌ kòyò pwǎ,” A hî̌ lô̌khô pô̤̌nu.

Jowǎ̤ni̤ 8:13

Pharishè̌phû̌ tokhlǒ hî̌ lû̌û kû̌, “Na shôbǐǐlṳ̌ nawe̤nakè tokhlǒnu lǎ̤yṳ̌nǐ̤nǎ̤nǐ̤ agûlǎ̤ ô̌ bǎtô̤̌. Ma̤titèdě pa yṳ̌ǎnṳ̌ na ta̤hî̌bǎ tô̤̌ hî̌dě na hî̌bǎ ǐtû̌ bò pwǎ nawe̤nakè pwǎ,” Asî hî̌ lû̌û pô̤̌nu.

Jowǎ̤ni̤ 8:52

Yǔdaphû̌ tokhlǒ hî̌ lû̌û kû̌, “Khònò̤̌dě pa sî̌ganǎ̤ mè̤̌mî̌ca kû̌ khînǎ ma̤bǎ na hǒ. PhaAbraha sihǒ, piwi̤pèshè tokhlǒ꤮ mî̌ a si htohǒ. Bǎbǎkǎlè na cû̌hî̌tǒ̤ kû̌ kòyò tôpwa̤pwa̤ kè̌ ganǎ̤de jûlě̤phî̌ heyô̤̌ hî̌nu, a sipe tôkhò̌꤮ tô̤̌, na hî̌ pô̤̌nu.

Jowǎ̤ni̤ 8:59

Hǒtôplǎdě asî htû̌ lô̌khô lǒ̤ dě a glè̌ wîsi lô̌khô kû̌ Běcǎ Yeshǔ. Bǎbǎkǎlè Běcǎ Yeshǔ cû̌ tô̤̌tûdûbǐkè anǎ̤ dě a hǎhtò̌cû̌ hǎmǎkè bǎ ta̤lṳhtò̌hôkûnu.

Jowǎ̤ni̤ 9:40

Pharishè̌phû̌ dǒ a ô̌ lô̌khô bǎnu tokhlǒ ganǎ̤de a hî̌ pô̤̌o dě a gwè̌ Yeshǔ kû̌, “Na sǎyṳ hî̌ pa kû̌ pa mǐ̤sǎkhǐ pô̤̌nu ya?”

Kôritu awǐlǒ tôbǎ 15:58

Pô̤̌nudě, he khô sî, khònò̤̌dě ihtǒ tònòwô̌ lô̌khô dě ô̌měô̌gle lô̌khô dǒ sî ta̤yṳ̌ akûnu nî̌. Ma̤ shû̌shû̌ lô̌khô Cǒmara ata̤ma̤ pṳ̂̌꤮ taplǎ nî̌꤮, ma̤titèhî̌dě sî ma̤ Běcǎ ata̤ma̤nu a tônô̤ nô̌ sîya tô̤̌.

Kôritu ginǐ̤bǎ tôbǎ 4:1

Pô̤̌nudě pa sǎphlǒpî̌ tô̤̌, ma̤titèhî̌dě dǒ Cǒmara abwǐsîrî akhû̌akhî, a ǐlò̤ pa ta̤ma̤ dǒ pa gǔ shôbǐǐlṳ̌ bǎ kòyò kû̌ ta̤olò̤ asanu hǒ.

Kôritu ginǐ̤bǎ tôbǎ 4:16

Dǒ hǒtokhlǒ akhû̌akhî, dě pa sǎphlǒpî̌ tîkî̌꤮ tô̤̌. Panǎ̤glǒ akhû̌aǎ tôplǎtîkî̌, tôplǎtîkî̌ a khû̌shiǎjǎ hè bǎbǎkǎlè pa sǎphlǒnu, tôni̤ kû̌ tôni̤ a hèshû̌shohtò̌ pwǎ.

Galatǐ 6:9

Ma̤ta̤ wô̌nu nî̌ sǎphlǒpî̌ lô̌khô tǎ̤mǎ̤ nî̌꤮. Pa kè̌ sǎphlǒpî̌ tô̤̌ hî̌dě, htû̌꤮ shěkhǎ bǎ pěnu, pa gǔ kǎbǎ sô̌ ta̤sǎta̤phô pě.

Tîsalònǐ ginǐ̤bǎ tôbǎ 3:13

Bǎbǎkǎlè, pṳ̌wè̤̌ Khrǐphû̌ sî, bǎ sî ma̤ ta̤wô̌ akhanu, sǎphlǒpî̌ tǎ̤ lô̌khô tǎ̤mǎ̤ nî̌. Tûlû̌ ma̤ sělě hènè lô̌khô pô̤̌nu nî̌.

Hebrǔ 12:2

Asô̌sô̌kû̌ kòyò khlè̌ tokhlǒ kè̌tôtǐ hètô pwǎ ta̤ma̤pè̤̌ bò̌htò̌htǔ nuhǒ, pô̤̌nudě pa kè̌hè tôtǐ pwǎtǒ̤ Yeshǔ nô̤̌ tǎ꤮. Ma̤titèhî̌dě a mî̌ pa ta̤yṳ̌ta̤nǎ̤ a kòshî̌gutṳ̌ tôpwa̤. Htokhôtô̤̌, a mî̌ pwa̤ dǒ a ma̤lǒma̤be bǎ pa ta̤yṳ̌ta̤nǎ̤ tôpwa̤. A khòsi htopědě, a sî̌ganǎ̤ nǎ hto kû̌ a gǔ nǐ̤bǎ ta̤sǎlě̤sǎlò̤ pě akhû̌akhî, a tôbǎ khòsi dǒ nò̌dò̌htǔlô̤ bǎbǎkǎlè a sòwò̤̌ tôcǒ꤮ tô̤̌. Khònò̤̌dě a hǎnòò̌ dǒ Cǒmara a lǎ̤hǎnòò̌ htò̌yô̤̌ dǒ cǔtômû nutôkhô hǒ.

Hebrǔ 12:5

Cǒmara ǐkhû̌ǐǎ sî pô̤̌ aphû̌ kû̌ anǎ̤ numî̌ sî shôpe̤kè hǒ ya? A hî̌ sî kû̌, “Ǒ hephû̌ sî꤮ bǎ Běcǎ tṳ̂mṳ̂̌ sû̌ǐtòwòǐ wô̌kè sî akhanu, bè̤̌dubè̌nǎ̤ a tṳ̂mṳ̂̌ sû̌ǐwô̌ sînu nî̌꤮. Bǎ a tṳ̂mṳ̂̌ sî akhanu, sǎphlǒpî̌ tǎ̤ lô̌khô tǎ̤mǎ̤ nî̌꤮.

Hebrǔ 3:1

Pô̤̌nu akhû̌akhî, pṳ̌wè̤̌ khrǐphû̌ dǒ Cǒmara kaǎ sî nutokhlǒ gènè̤ kè̌mò̌ lô̌khô Yeshǔ dǒ Cǒmara nohè htû yǎ kû̌ pwa̤shôbǐǐ Cǒmara alě̤ayô̤̌ kû̌ pwa̤shû̌gǎ ikǒdû̌lǒ tôpwa̤nu.

Petru awǐlǒ tabǎ 2:23

Bǎ kòyò pîjî̌ǐsho a akhanu, a pîjî̌ǐsho geshěshu kòyò tô̤̌. Bǎ kòyò ma̤jî̌ma̤jû̌ a akhanu, a ma̤ǐsha geshěshu kòyò tô̤̌. Mè̤mè̤̌tôkhônu bò̌bò ta̤we̤ta̤kè tokhlǒnu, a ǐlò̤kè kû̌ Cǒmara acǔdekû. Dě a yṳ̌ǎnǐ̤ kû̌ Cǒmara cî̌htò̌ cǒcǒtè̤tè̤ pwǎ.

Ta̤dǔlè̌nǎ 2:3

Dǒ hemi̤ akhû̌akhîdě, na ma̤khòma̤bò̌ dě na khòbǎ ta̤jî̌ta̤jû̌ dě na sǎphlǒ pî̌tô̤̌ numî̌ he sî̌yaya.