Hebrǔ 12:25 - Kawyaw New Testament

²⁵ Pô̤̌nudě, pô̤̌khô sî gǔ htû kòyò dǒ a ganǎ̤de Cǒmara alě̤pwe̤htò̌ dě a htè̌shěshu Cǒmara nutokhlǒ tô̤̌nu, ô̌sè̌rè̌ lô̌khô sînǎ̤ nî̌꤮. Bǎ Isôrělaphû̌ tokhlǒ ganǎ̤de ta̤dǐsè̌rè̌ asî dǒ hǎkhû̌nu akhanu, asî ganǎ̤de lô̌khô lû̌ûyô̤̌ tô̤̌. Pô̤̌nudě a khlè̌ hǎplǎbò̌ lô̌khô kû̌ ta̤cî̌htò̌ tô̤̌. Kè̌ ma̤pô̤̌nudě kè̌ pa htè̌shěshu dǒ mǒkhû̌ nutôpwa̤ dǔlè̌lṳ̌ panu kè̌hî̌dě, gènè̤kè̌mò̌, sî khlè̌ hǎplǎ bò̌jò pe kû̌ Cǒmara a ta̤cî̌htò̌ tîkî̌꤮ nô̌tô̤̌hǒ.

Kawyaw RC

²⁵ Hǐnudě, ma̤pûhǐ sî htû pûma̤ kòyò htě a gana̤de Cǒmara ayo̤po̤htò̌ dě a la̤lò̤kè Cǒmaranu toǒ ma̤nu, sè̌rè̌ǐ lǒkho sîna̤ nî̌꤮. Bǎ Israelphû̌ toǒ gana̤de ta̤ǐsè̌rè̌sè̌so asî bǎ hǎkhû̌bǎo akhanu, asî gana̤de lǒkho nû̌ûyo̤ tò̤. Hǐnudě a khlè̌ lû̌htò̌bò̌ lǒkho ta ta̤cèrò tò̤. Dè ma̤hǐnudě pa dè la̤lò̤kè mǒkhû̌ htǒotapwa̤ ǐsè̌rè̌ pahtǒo dèhî̌dě, gènè̤kè̌mò̌, sî khlè̌ lû̌htò̌bò̌jòpe nǒta Cǒmara a ta̤cèrò dî̌kî̌꤮ tò̤.

Hebrǔ 12:25 Iomraidhean Croise

Matěo 17:5

Bǎ a hî̌bǎ pepwǎ akhanu, poǒlṳ̌ kakha tôbě lò̤plû̌ bǐkè asî dě alě̤pwe̤htò̌ tômû dǒ poǒlṳ̌ akû kû̌, “Hǒomî̌ hephû̌ dǒ he mô̤ǐ yǎ dě he sǎphlǒô̌ yǎ tôpwa̤, ganǎ̤de lô̌khô ayô̤̌ nî̌꤮.”

Matěo 8:4

Dě Běcǎ Yeshǔ hî̌ lû̌û kû̌, “Shôbǐǐlṳ̌ bǎ tǎ̤ kòyò tôpwǎ̤ tǎ̤mǎ̤ nî̌꤮, bǎbǎkǎlè cû̌ dǔlè̌lṳ̌ nanǎ̤nu dǒ pwa̤shû̌gǎ nutôpwa̤ a ô̌nu nî̌꤮. Htodě pô̤̌khô a gǔ htûhtò̌ ta̤khòlṳ̌ dǒ kòyò pṳ̂̌꤮ tôpwa̤ a lô̤mô̤̌ kû̌ na ta̤sha hǎmǎhǒ dě a ma̤mṳ̂̌plî ayanu, lṳhtò̌pû ta̤lṳta̤tòhtò̌ pô̤̌ Khûmṳ̂shě ta̤mǎlò̤ ô̌nu nî̌꤮.”

Pwa̤nophû̌ 7:35

“Khûmṳ̂shě mî̌ kòyò tôpwa̤ dǒ a Isôrěla khlilèphû̌ wîkè lû̌û kû̌mî̌ ta̤hî̌bǎ tômû dǒ a hî̌ lû̌û kû̌, ‘mò̌pè tôpwa̤ ǐ na ta̤siwi̤sòwò̤ dǒ na gǔ pǒ gǔ cî̌htò̌ pa nuya?’ A hî̌ lû̌û pô̤̌nu. Mǒkhû̌tanaphû̌ ô̌lṳ̌htò̌ bǎ lû̌û dǒ jôjǔkû akhû̌akhî, Cǒmara anǎ̤běcǎ sanǎ̤ nocû̌ lû̌û dǒ a gǔ pǒǐ a kòyò prṳ̂phǎ dě a gǔ ma̤hǎplǎge a kòyò saprṳ̂ tokhlǒ.

Tîsalònǐ awǐlǒ tôbǎ 5:15

Noma̤ geshěshu tǎ̤ kòyò dǒ kòyò ma̤sǔ lû̌û nutokhlǒ tǎ̤mǎ̤ nî̌꤮. Mè̤̌mè̤tôkhônu, jî̌pwǐ̤ ma̤wô̌ǐ kè̌khî lû̌û tôpwa̤ kû̌ tôpwa̤ pṳ̂̌꤮ tôplǎ dě jî̌pwǐ̤ ma̤wô̌ bǎpû kòyò dǒ ashǔshawa̤ tokhlǒ nî̌꤮.

Tîmôte ginǐ̤bǎ tôbǎ 4:4

Asî gǔ tiwǐ̤ cû̌khô̌kè anǎ̤ kû̌ ganǎ̤de ta̤tě̤ta̤mè̤̌ pě, dě asî sǎyṳ ganǎ̤de lô̌khô pwǎ ta̤ dǒ kòyò ma̤mô̤ma̤bǎ bǎ asî kû̌ ta̤dô̌kènè lò̤wě̤lò̤sô nutokhlǒ pě.

Hebrǔ 1:1

Cǒmara hî̌bǎlò̤ sǎla̤la̤ paphipaphu dǒwǐdǒnô̌ akha tokhlǒ kû̌ dǒ klè̌ abô̌꤮ bô. Dě a nohî̌bǎ tutṳ̌ kû̌ piwi̤pèshè tokhlǒ.

Hebrǔ 11:7

Dǒ Phanṳ̂̌a ata̤yṳ̌ akhû̌akhî, Cǒmara dǐô̌ sè̌rè̌nǎ lû̌ ta̤dǒ a kè̌shǐ sî̌ganǎ̤ khôtô̤̌ dǒ a gǔ htûhtò̌ htû̌ nô̌kòpě nutokhlǒ. A bè̌dubè̌nǎ̤ Cǒmara, a ganǎ̤de lû̌yô̤̌ dě a bô̌htò̌ sǒkhlidû̌ dǒ a gǔ ma̤hǎplǎge kû̌ a hǐphû̌phòphû̌ aya tôbǎ. Dǒ Phanṳ̂̌a ta̤yṳ̌ akhû̌akhî, a dǔlè̌lṳ̌ kû̌ Cǒmara cî̌htò̌ kòyò hǎkhû̌phû̌ tokhlǒ pě. Dě dǒ ata̤yṳ̌ akhû̌khî, Cǒmara bè̌hto a pô̤̌ kòyòcǒkòyòtè̤ tôpwa̤ hǒ.

Hebrǔ 3:12

He pṳ̌wè̤̌ sî꤮, sè̌rè̌ tûû̌ lô̌khô sînǎ̤ nî̌꤮. Bè̌ phû̌mò̤̌ lô̌khô tǎ̤ sî sǎphlǒ tǎ̤mǎ̤, sî bè̌ sî sǎphlǒ kû̌ sî yṳ̌ǎ kû̌ kòyò Cǒmara dǒ a htûpwa̤ nutôpwa̤ tô̤̌, sî cû̌ tephekè tûû̌ sîya pô̤̌nu tokhlǒnu ma̤tǎ̤ lô̌khô tôpwǎ̤꤮ tǎ̤mǎ̤ nî̌꤮.

Hebrǔ 3:17

Cǒmara sǎphlǒdû̌ asî anělǐ̤shi nutokhlǒ mî̌ mò̌pè? Kòyò dǒ a ma̤sǔ Cǒmara dě a nosikè asî dǒ lǒ̤mî̌shô̌kla nutokhlǒ mè̤̌tô̤̌ ya?

Hebrǔ 8:5

Hǐphû̌dû̌ plò̌shǐ dǒ pwa̤shû̌gǎta̤ tokhlǒ nṳ̌ma̤ ǐ lû̌û dǒ hǎkhû̌ tômè numî̌, a kè̌lû̌mò̌mṳ yǎ̤yô̤yǎ̤gî̌ Cǒmara a ta̤lṳhtò̌hô mè̤̌mî̌ca dǒ mǒkhû̌ nutômè pwǎ. Hǐphû̌dû̌ tômènu a mè̤̌mî̌ca mè̤̌tô̤̌, mè̤̌pwǎ dǒ mǒkhû̌ a mè̤̌mî̌ca nutômè a yômǔyôla pwǎ. Ma̤titèhî̌dě, bǎ Cǒmara noma̤htò̌ Khûmṳ̂shě hǐphû̌dû̌ dǒ hǎkhû̌ akhanu, a hî̌ lû̌û kû̌, “Gû̌ma̤ kè̌lû̌mò̌mṳ tě̤mè̤̌wô̌bǎ sô̌sô̌bò pô̤̌ na kè̌shǐ hto mǒkhû̌ ta̤lṳhtò̌hô ata̤yô̤ dǒ khôlôkhû̌ nunî̌,” Cǒmara hî̌ lû̌û pô̤̌nu.

Petru awǐlǒ tabǎ 1:22

Khònò̤̌dě dǒ sî jûlě̤phî̌ Cǒmara a ta̤sû̌ǐ a ta̤tě̤ta̤mè̤̌ tokhlǒ akhû̌akhî, sî ma̤mṳ̂̌plî sî sǎphlǒ dě sî htû kòyò dǒ a mô̤nǐ̤ mè̤̌mî̌ca pṳ̌wè̤̌ Khrǐphû̌ nutokhlǒ hǒ. Ma̤pô̤̌nudě mô̤ lǒ̤sû̌lǒ̤sò̌ kè̌khî lû̌û tôpwa̤ kû̌ tôpwa̤ nî̌꤮.

Ta̤dǔlè̌nǎ 19:10

He dô̌gînî̤lò̤ dǒ alô̤mô̤̌ dě he glè̌ cabahtò̌ lû̌û bǎbǎkǎlè a hî̌ he kû̌, “Caba tǎ̤ he tǎ̤mǎ̤, he kû̌ na kû̌ na pṳ̌wè̤̌ Khrǐphû̌ sî tokhlǒ numî̌ jû̌ sô̌sô̌ lû̌ pwǎ. Pa mî̌ kòyò tokhlǒ dǒ a khòlṳ̌ bǎ kòyò kû̌ Yeshǔ awe̤akè tokhlǒ dě pṳ̂̌měnǐ̤ ta̤tě̤ta̤mè̤̌ dǒ Yeshǔ Khrǐ dǔlè̌lṳ̌kè bǎ panu. Pô̤̌nudě, caba tǎ̤ kòyò tôpwǎ̤ tǎ̤mǎ̤, caba pwǎ Cǒmaranu. Ma̤titèhî̌dě ta̤tě̤ta̤mè̤̌ dǒ Yeshǔ Khrǐ dǔlè̌lṳ̌ bǎ numî̌ a sô̌sô̌ kû̌ Cǒmara nohî̌bǎ piwi̤pèshè tokhlǒnu hǒ.”

Ta̤dǔlè̌nǎ 22:9

Bǎbǎkǎlè a hî̌ he kû̌, “Caba tǎ̤ he mǎ̤, he mî̌ jû̌ tôpwa̤ dǒ asô̌sô̌ kû̌ na kû̌ na pṳ̌wè̤̌ piwi̤pèshè tokhlǒ, kû̌ kòyò lǒ̤꤮ bò dǒ a jûle̤phî̌yô̤̌ sî dǒ lî̤ nutôbǎ akû nutokhlǒ pwǎ. Cabahtò̌ dǒ Cǒmaranu.”