Hebrǔ 12:23 - Kawyaw New Testament

²³ Sî hètǒ̤ dǒ Cǒmara a phû̌wè̤̌pwǎ̤ tokhlǒ lǎ̤hè ô̌plǒcu lû̌û agûlǎ̤ nuhǒ. Kòyò wě̤nṳ̌ asîmi̤ dǒ mǒkhû̌ hǒ. Sî hètǒ̤ lô̌khô dǒ Cǒmara dǒ a gǔ cî̌htò̌ kòyò pṳ̂̌tôpwa̤ kû̌ anǎ̤ nutôpwa̤ alô̤mô̤̌ hǒ. Sî hètǒ̤ dǒ kòyòcǒkòyòtè̤ dǒwǐkha tokhlǒ a yôla htûpwa̤ dǒ Cǒmara ma̤lǒbe hto lû̌û nutokhlǒ a ô̌ hǒ.

Kawyaw RC

²³ Sî hèto̤ dě Cǒmara a phû̌wè̤pwa̤ toǒ la̤hè ǒpo̤htunû̌û agûla̤ htǒonuhǒ. Kò khwè̌nṳmǎnǎ asîmi̤ dě mǒkhû̌ hǒ. Sî hèto̤ lǒkho dě Cǒmara htě a glè cèrò kò pṳ̂̌꤮ tapwa̤ ta ana̤ htǒotapwa̤ alo̤mo̤ hǒ. Sî hèto̤ kòcǒkòtè̤ dě wǐkha toǒ a yolahtûpwa̤ htě Cǒmara ma̤lǒbehto nû̌û htǒotoǒ a ǒ hǒ.

Hebrǔ 12:23 Iomraidhean Croise

Mǒhtûlû̌hǎhtûsa 18:25

Na tô ma̤si padô̌ pwa̤cǒpwa̤tè̤ nutokhlǒ kû̌ pwa̤phû̌mò̤̌shǐhtô nutokhlǒ tô̤̌. Na kè̌ ma̤ pô̤̌o mî̌, na cî̌htò̌ sô̌sô̌kè pwa̤cǒpwa̤tè̤ nutokhlǒ kû̌ pwa̤phû̌mò̤̌shǐhtô nutokhlǒ hǒ, nama̤ pô̤̌nu tôkhò̌꤮ tô̤̌. Na mî̌ pwa̤ dǒ a cî̌htò̌cǒ cî̌htò̌tè̤ ta̤ dǒ hǎkhû̌ tôbǎ bò akhû̌akhî, na bǎ ma̤tôma̤bǎ pwǎ.”

Htû̌sò̌htò̌ 111:1

Htû̌sò̌htò̌ Cǒmara tûjû̌pwa̤. Bǎ kòyòcǒkòyòtè̤ kû̌ kòyòsaprṳ̂ cubucaba wô̤̌wô̤̌ lû̌û akhanu, he hî̌bwǐhî̌sîrîhtò̌ Cǒmara tûjû̌pwa̤ kû̌ he sǎphlǒ lǒ̤bò.

Htû̌sò̌htò̌ 69:28

Kòyò glè̌ htǔplîkè bò asîmi̤ dǒ lî̤htûpwa̤ akû. No wě̤ô̌ pa tǎ̤ asîmi̤ dǒ kòyòsǎphlǒwô̌ tokhlǒ ami̤ aklanu mǎ̤.

Htû̌sò̌htò̌ 89:27

“He no htûhtò̌ a kû̌ he phû̌wè̤̌pwǎ̤, khwǐ dǒ asîrîdû̌sîrîhtûlǒ bǎ hǎkhû̌nu.

Htû̌sò̌htò̌ 89:7

Mǒkhû̌tanaphû̌ aprṳ̂ dǒ asîrîshû̌sho tokhlǒ sǎǐsha lô̌khô Cǒmara. Lǒ̤꤮ bò mǒkhû̌phû̌ dǒ a ô̌ te̤we̤phǔ nakòshǐ tokhlǒ, ǐsha bè̌dubè̌nǎ̤ mî̌ca na.

Htû̌sò̌htò̌ 94:2

Ǒ pwa̤ dǒ acî̌htò̌ hǎkhû̌, ma̤mò̌. Ma̤lǐ̤ geshî̌shǔ mò̌ kòyò dǒ a bè̌dû̌bè̌pwǎ̤ anǎ̤ nutokhlǒ pô̤̌ asî tô khòbǎnu.

Htû̌sò̌htò̌ 96:13

Cǒmara tûjû̌pwa̤ hè akhû̌akhî, asî sǎwǐ htû̌sò̌htò̌ bò dǒ alô̤mô̤̌ pě. A glè̌ hècî̌htò̌tô cèròbǎ hǎkhû̌. A glè̌ hèlò̤ pǒ kòyò nutokhlǒ kû̌ ata̤cǒta̤tè̤ pě.

Htû̌sò̌htò̌ 98:9

Cǒmara tûjû̌pwa̤ hèlò̤ cî̌htò̌ hǎkhû̌ akhû̌akhî, no sǎwǐbò asî dǒ alô̤mô̤̌. A glè̌ cî̌htò̌cǒ cî̌htò̌tè̤ hǎkhû̌. A glè̌ cî̌htò̌tô cî̌htò̌bǎ khlilèphû̌ tokhlǒ.

Lǔka 10:20

Bǎbǎkǎlè, khînǎkhîno tokhlo jûǎ sîyô̤̌ akhû̌khîdě sǎlě̤ lô̌khô tǎ̤mǎ̤ nî̌. Sǎlě̤ lô̌khô kû̌ kòyò wě̤nǎ hto sîmi̤ dǒ mǒkhû̌ nu.”

Jowǎ̤ni̤ 5:27

Dě a mî̌ Kòyòphû̌khû akhû̌akhî, Cǒmara ǐlò̤ a ta̤siwi̤sòwò̤ dǒ a gǔ cî̌htò̌ kòyò hǒ.

Pwa̤nophû̌ 20:28

Kè̌ǐ kè̌khî tûû̌ lôkhô sînǎ̤ dě kè̌ǐ kè̌khî bò lô̌khô sû̌phû̌ dǒ Yôla Plò̌shǐ Běca ǐlò̤hto sî dǒ sî bǎ kè̌ǐ nutokhlǒ nî̌꤮. Htû lôkhô pwa̤ dǒ a kè̌ǐ asû̌phû̌sî nutokhlǒ nî̌꤮. Kè̌ǐ lôkhô Cǒmara a ta̤dòkû dǒ aphû̌khû pwî̤ge hto kû̌ asǐ sanǎ̤ nunî̌.

Kôritu awǐlǒ tôbǎ 13:12

Ma̤pô̤̌nu ta̤ dǒ pa sî̌ganǎ̤ khònò̤̌ tokhlǒ numî̌ a sô̌sô̌pwǎ kû̌ pa kè̌ mǐ̤dǔ dǒ a lṳ̌ pôlô̤̌ tôbǎnu pwǎ. Bǎbǎkǎlè dǒ nô̌kò pěnu lṳmṳ̌ni̤ lṳmṳ̌sa dǒ pa gǔ kè̌shǐ sanǎ̤ Cǒmara kû̌ panǎ̤ pěnu, a gǔ hètǒ̤ pě, dě pa gǔ sî̌yaphlôbò pṳ̂̌꤮ tôcǒ pě. Khònò̤̌dě pa sî̌yaphlôbò Cǒmara khôtô̤̌ bǎbǎkǎlè bǎnukha pěnu, pa gǔ sî̌ganǎ̤ tě̤tě̤mè̤̌mè̤̌bò pô̤̌ Cǒmara sî̌ganǎ̤ tě̤tě̤mè̤̌mè̤̌bò panu pě.

Kôritu awǐlǒ tôbǎ 15:49

Pa pṳ̂̌꤮ tôpwa̤, pa ô̌ kû̌ panǎ̤glǒ dǒ asô̌sô̌kû̌ PhaAda anǎ̤glǒ nǒ̤. Bǎbǎkǎlè dǒ nô̌kò pě panǎ̤glǒ nî̌ a gǔ sô̌sô̌kû̌ Khrǐ dǒ a hèlò̤ dǒ mǒkhû̌ nutôpwa̤ anǎ̤glǒ pě.

Kôritu awǐlǒ tôbǎ 15:54

Dǒ panǎ̤glǒ htû̌lè̌ tèplè̌kè kû̌ nǎ̤glǒ dǒ a sijòtô̤̌ pě akhanu, a gǔ lǒhtò̌behtò̌ sô̌sô̌kû̌ lî̤plò̌shǐkû hî̌ kû̌, “Ta̤si lò̤jû̌kè hǒ, kòyò ma̤pè̤̌ phlǔyǎ hǒ.”

Kôritu ginǐ̤bǎ tôbǎ 5:8

He gǔ hî̌ kû̌, pa yṳ̌ǎ Běcǎnu ashû̌asho dě pa sǎyṳ hǎhtò̌cû̌kè kû̌ panǎ̤glǒnu dě pa sǎyṳcû̌ ô̌plǒkè kû̌ Běcǎ dǒ mǒkhû̌ hǒ.

Ěphěsu 1:22

Cǒmara noô̌ bò ta̤pṳ̂̌꤮ tocǒ dǒ Khrǐ a ta̤pǒalǎ̤ hǒ. Cǒmara rû̌htò̌ lû̌û dǒ a gǔ htûhtò̌bò ta̤pṳ̂̌꤮ tocǒ a ikǒlǒkò dǒ ta̤dòkû aya hǒ.

Phǐlǐpǐ 4:3

Na mî̌ kòyò dǒ a ma̤ ta̤ kû̌ he dǒ acǒ kû̌ ayô̤̌ tôpwa̤ hǒ. Dě he sǎyṳ kwi na ta̤ma̤jè̌ tôcǒ, pô̤̌khô pwa̤mǒ̤nu sò̌ginǐ̤ gǔ kla kè̌khî lû̌û ayanu, ma̤jè̌ mò̌ asî nî̌꤮. Ma̤titèhî̌dě asî nusò̌ginǐ̤ numî̌ a jî̌pwǐ̤ htǒkhû̌htǒǎ ma̤wô̤̌wô̤̌ ta̤wǐ̤lò̤ ta̤sǎlě̤we̤kè ata̤ma̤ kû̌ he ně. Asî ma̤wô̤̌ kû̌ Khûkleme kû̌ hekhô dǒ pa ma̤wô̤̌wô̤̌lû̌ ta̤ dǒ ashǔshawa̤ nutokhlǒ, dě lǒ̤bò asî nutokhlǒ ami̤ mî̌ a ô̌ bòkè dǒ Běcǎ a lî̤htûpwa̤ akû nuhǒ.

Kòlòtè̌ 1:12

Sî hî̌bwǐhî̌sîrî pû pha Cǒmara dǒ a ǐhtûhto sî kû̌ a kòyò dě sî nǐ̤bǎ padô̌ a û̌tě̤û̌ca tokhlǒnu, kû̌ a kòyò aplò̌shǐ tokhlǒ dǒ ashiagǎ dǒ a lîtîklî̌ akûnu pû nî̌꤮.

Kòlòtè̌ 1:24

Pô̤̌khô sî nǐ̤bwǐsîrî ayanu, khònò̤̌ he khòbǎta̤ dǒ sîya pô̤̌o numî̌ he sǎlě̤ pwǎ. Pô̤̌ Khrǐ khòbǎ kòyò dǒ a yṳ̌ǎ lû̌û dǒ a sô̌sô̌ kû̌ anǎ̤glǒ tokhlǒnu, he sǎphlǒshû̌ dǒ he nǎ̤glǒphěyî̌nu khò padô̌ lǒ̤bò kòyò dǒ a yṳ̌ǎ lû̌û nutokhlǒ ayaya.

Tîmôte awǐlǒ tôbǎ 3:5

Ma̤titèhî̌dě kòyò tôpwa̤pwa̤ dǒ a bǎ pǒǐ a hǐphû̌phòphû̌ sî pô̤̌ hî̌tènu, a kè̌ sî̌ganǎ̤ tô̤̌ hî̌dě a kè̌ǐ jò Cǒmara a ta̤dòkû tô̤̌.

Hebrǔ 11:4

Dǒ ta̤yṳ̌ akhû̌akhî, KhûAbelǎ lṳhtò̌ Cǒmaranu awô̌khlo kû̌ Khûkayi̤ ata̤lṳ. Cǒmara phî̌shěshu KhûAbelǎ a ta̤lṳtòhtò̌. Pô̤̌nudě, dǒ KhûAbelǎ ata̤yṳ̌ akhû̌akhî, dě Cǒmara bè̌hto lû̌û pô̤̌ kòyòcǒkòyòtè̤ tôpwa̤ nuhǒ. Dǒ KhûAbelǎ ata̤yṳ̌ akhû̌khî, a si htohǒ bǎbǎkǎlè a hî̌bǎpe pa kû̌ ata̤yṳ̌ awe̤akè.

Hebrǔ 11:40

Ma̤titèhî̌dě ta̤ dǒ awô̌khlo kû̌ hǒtokhlǒ nî̌ Cǒmara ta̤yè̤lò̤nǎ bǎ hto dǒ paya dě a ǐ kû̌ pa pě. Cǒmara bè̌lò̤ hto asǎphlǒ kû̌ pa tôbǎnṳ̌ ô̌pe tǒ̤ kû̌ kòyò dǒnukha tokhlǒ. A ta̤yè̤lò̤nǎ numî̌ pa gǔ ma̤lǒma̤be plǒkû̌ asî nuhǒ.

Hebrǔ 2:12

Dě Yeshǔ hî̌ Cǒmara kû̌, “He hî̌lṳ̌ bǎ he pṳ̌wè̤̌ tokhlǒ kû̌ nami̤ pě. Dǒ kòyò cubucaba plǒ lû̌û aklǎmakûnu, he htû̌sò̌htò̌ na pě.”

Hebrǔ 9:27

Kòyò pṳ̂̌꤮ tôpwa̤ bǎ si pwǎ tôplǎnô̤̌pwǎ. Dě a sihto pěnu, Cǒmara cî̌htò̌ asî pě.

Jǎgomo̤ 1:18

Dǒ pa ganǎ̤de ta̤sǎlě̤we̤kè ta̤tě̤ta̤mè̤̌ akhû̌akhî, dě Cǒmara dǐhtûhtò̌ pa kû̌ aphû̌ pô̤̌ asǎphlǒ nuhǒ. Pô̤̌khô pa gǔ htûhtò̌ sǒsǎ dǒ asǎwǐ tokhlǒ dǒ ta̤bô̌lò̤ lǒ̤꤮ bò nutokhlǒ akla nudě, a dǐhtûhtò̌ pa kû̌ aphû̌ pwǎ.

Petru awǐlǒ tabǎ 2:23

Bǎ kòyò pîjî̌ǐsho a akhanu, a pîjî̌ǐsho geshěshu kòyò tô̤̌. Bǎ kòyò ma̤jî̌ma̤jû̌ a akhanu, a ma̤ǐsha geshěshu kòyò tô̤̌. Mè̤mè̤̌tôkhônu bò̌bò ta̤we̤ta̤kè tokhlǒnu, a ǐlò̤kè kû̌ Cǒmara acǔdekû. Dě a yṳ̌ǎnǐ̤ kû̌ Cǒmara cî̌htò̌ cǒcǒtè̤tè̤ pwǎ.

Ta̤dǔlè̌nǎ 13:8

Kòyò lǒ̤bò dǒ a ô̌ dǒ hǎkhû̌ pṳ̂̌tôpwa̤nu, a gǔ cubucabahtò̌ bò lû̌pě. Sahtò̌ dǒ kòyò bô̌lò̤ hǎkhû̌ akhape, kòyò dǒ a ô̌htûpwa̤ dǒ hǎkhû̌ nutokhlǒ dě kòyò wě̤padô̌ asîmi̤ dǒ sû̌phû̌ nutôdo a lî̤htûpwa̤ akû khôtô̤̌ tokhlǒnu, a gǔ cubucabahtò̌ bò lô̌khô ta̤mi̤ta̤mò̤̌ nutôdo pě. Sû̌phû̌ nutôdo mî̌ kòyò ma̤si yǎnu tôpwa̤ hǒ.

Ta̤dǔlè̌nǎ 14:4

Asî tokhlǒ numî̌ pwa̤khû dǒ asǎphlǒ mṳ̂̌plî dě a hǎmôô̌ bǎ kû̌ pwa̤mǒ̤ tô̤̌ tokhlǒ. Asî mî̌ pwa̤khûphû̌sǎ dǒ a cǒtè̤ tokhlǒ. Sû̌phû̌ nutôdo cû̌bǎtètè̌ bǎbǎ, asî gû̌ cû̌kû̌ lû̌ûkò. Asî mî̌ kòyò rû̌htò̌ge hto a dǒ hǎkhû̌phû̌ tokhlǒ akla dě asî mî̌ kòyò tokhlǒ dǒ kòyò lṳhtò̌ wǐ lû̌û dǒ Cǒmara kû̌ sû̌phû̌ nutôdo a ô̌ hǒ.

Ta̤dǔlè̌nǎ 20:15

Kòyò tôpwa̤pwa̤ ami̤ kè̌ ô̌ dǒ lî̤htûpwa̤ nutôbǎ akû tô̤̌ hî̌nu, kòyò bǎ wîtě̤kè a dǒ mî̌phǎ nutôphǎ akû pě.

Ta̤dǔlè̌nǎ 6:11

Kòyò ǐ asî jejûbû pṳ̂̌tôpwa̤, htodě kòyò hî̌ asî kû̌ asî gǔ ô̌kǔ pô̤̌ tashò̌phû̌nô̤̌. Dě asî gǔ ô̌kǔ tǒ̤dǒ kòyò ma̤si bò asî khô jû̌ tokhlǒ kû̌ apṳ̌wè̤̌ dǒ a yṳ̌nǐ̤nǎ̤nǐ̤ tokhlǒ pô̤̌ kòyò ma̤sihto asî nupě.

Ta̤dǔlè̌nǎ 6:9

Htodě sû̌phû̌ nutôdo kèè̌ môhtò̌ ta̤ma̤mǎma̤dòǐ dǒ kòyò ma̤mě a yè̤̌kǔtôkǔnu. He kè̌shǐ kòyò dǒ a shôbǐǐlṳ̌ bǎ kòyò kû̌ Cǒmara alě̤ayô̤̌, kǎtô̤̌ a khòlṳ̌ cǒcǒtè̤tè̤, dě kòyò ma̤sihto asî tokhlǒnu, he kè̌shǐ asî yôla tokhlǒ ô̌dǒ ta̤lṳhtò̌awǎ̤ alǎ̤nu.