Hebrǔ 12:22 - Kawyaw New Testament

²² Bǎbǎkǎlè, sî dě sî hètǒ̤ dǒ Sǐûkhôlôhǒ. Khôlô hǒtômè numî̌ amè̤̌ Cǒmara dǒ a htûpwa̤ nutôpwa̤ awî̤̌ tôwî̤̌ dǒ kòyò kaǎ kû̌ Wî̤̌yarǔshôle dǒ mǒkhû̌nu tôwî̤̌ hǒ. Cǒmara amǒkhû̌ tanaphû̌ dǒ a ô̌ dǒ asî̌ kû̌ asî̌kû tokhlǒ hè̌ô̌plǒ sǎlě̤ wô̤̌wô̤̌ kû̌ bò lû̌û bǎnu. Dě sî hè ô̌plǒ kû̌ amǒkhû̌ tanaphû̌ nutokhlǒ hǒ.

Kawyaw RC

²² Pò̤̌ta, sî lè̌dě sî hèto̤ dě Sǐokholo hǒ. Kholo htǒotamanu mî̌ Cǒmara htě a htûpwa̤ htǒotapwa̤ awî̤ tî̤wî̤ dě kò kaǎ nû̌ûta Ye̤rǔshèlèwî̤ dě mǒkhû̌ htǒonu tî̤wî̤ hǒ. Cǒmara atanamǒkhû̌phû̌ htě a ǒ asě ta asěkû toǒ hèǒplǒ sò̌le̤sò̌lò̤plǒbò nû̌û bǎnu. Dě sî hè ǒkû̌dǒ ta atanamǒkhû̌phû̌ htǒotoǒ hǒ.

Hebrǔ 12:22 Iomraidhean Croise

Htû̌sò̌htò̌ 2:6

A hî̌ kû̌, “Khwǐ dǒ he rû̌htò̌ a nu, he no htò̌ pǒ a dǒ Sǐû khôlô, he khôlô plò̌shǐkhû̌.”

Htû̌sò̌htò̌ 42:2

He nǎsǔ jî̌jî̌ Cǒmaradû̌. Cǒmaradû̌ dǒ a htûpwa̤ hǒtôpwa̤, he hècaba bò̌ dǒ nalô̤mô̤̌ bǎkhòtèpě?

Htû̌sò̌htò̌ 48:2

Cǒmaradû̌ akhôlô, Sǐû khôlô numî̌ adû̌ahtû, awî̤awô̌ gutṳ̌, a ma̤sǎlě̤sǎlò̤ bò hǎkhû̌ tôbǎbò. Sǐû khôlô nî̌ a sô̌sô̌kû̌ khôlôdûkhôlôhtû ô̌ dǒ cǔcôcî̌ tôkhô tokhlǒ, a mî̌ khwǐdû̌ wî̤̌dû̌ tôwî̤̌.

Htû̌sò̌htò̌ 68:17

Cǒmaradû̌ alô̤ lǎ̤htò̌shě ta̤shěnu a ô̌ dǒ asò̌ kû̌ asò̌, asî̌ kû̌ asî̌kû. Běcǎdû̌ ô̌ dǒ Sǐnǎ khôlôkhû̌ dě a hèlò̤, a hènṳ̌ dǒ agûlǎ̤ aplò̌shǐ akû.

Htû̌sò̌htò̌ 84:2

He sǎlě̤ cubucaba mî̌ca dǒ Cǒmara tûjû̌pwa̤ lǎ̤ô̌gûlǎ̤ akûnu, he sǎphlǒshû̌ mè̤mè̤̌. Henǎ̤ tôpwa̤bò kû̌ he sǎphlǒ tômèbò glè̌ sǎlě̤sǎlò̤ sǎwǐhtò̌ Cǒmaradû̌ dǒ ahtûpwa̤ nutôpwa̤.

Htû̌sò̌htò̌ 87:3

Ǒ Wî̤̌yarǔshale amè̤̌kû̌ Cǒmaradû̌ awî̤̌, kòyò hî̌ǐ nawe̤nakè dǒ awô̌ cô̌klǐcô̌sè tokhlǒ.

Matěo 16:16

Khûshǐmû Petarǔ hî̌shěshu lû̌û kû̌, “Na mî̌ Khrǐ dǒ a ma̤hǎplǎge kòyò tôpwa̤ hǒ. Na mî̌ Cǒmara dǒ a htûpwa̤ tôpwa̤ aphû̌khû.”

Matěo 5:35

Hǎkhû̌ bǎbǎ, cû̌ ǐsho tǎ̤ tîkî̌꤮ mǎ̤, ma̤titè̌hî̌dě hǎkhû̌ mî̌ Cǒmara khò̌lôpô̤̌ lǎ̤yî̤̌. Wî̤̌yarǔshôle bǎbǎ cû̌ǐsho tǎ̤ tîkî̌꤮ mǎ̤mǎ̤, ma̤titè̌hî̌dě Wî̤̌yarǔshôle mî̌ khwǐdû̌ côphǎhtû lǎ̤ô̌ agûlǎ̤.

Rṳ̂̌me̤ 11:26

Htopědě, lǒ̤bò Isôrělaphû̌ nutokhlǒ nǐ̤bǎ lǒ̤bò ta̤hǎplǎge pě. A gǔ htûhtò̌ pô̤̌ piwi̤pèshè Khûyashǎya wě̤ nǎnu pě. dě a hî̌ kû̌, “Pwa̤ ma̤hǎplǎge Cǒmara a kòyò hǒtôpwa̤nu a gǔ ô̌ dǒ wî̤̌shǐû dě a hè pě. A phî̌ tephekè lǒ̤bò Phayakû akhlialè nutokhlǒ a ta̤phû̌mò̤̌shǐhtô nutokhlǒ pě.

Rṳ̂̌me̤ 9:26

“Gûlǎ̤ dǒ he hî̌hto sî dǒ꤮ wǐkha kû̌, ‘sî mî̌ hekòyò mè̤̌tô̤̌’ nutôkûnu, khònò̤̌dě he gǔ kaǎ asî kû̌ ‘Cǒmara dǒ a htûpwa̤ tôpwa̤ a phû̌mǒ̤phû̌khû tokhlǒ’ hǒ,” piwi̤pèshè Yṳ̂ěla̤ hî̌ pô̤̌nu.

Galatǐ 4:26

Bǎbǎkǎlè jû̌pwa̤mǒ̤ mè̤̌tô̤̌ Mǒ̤sara numî̌ a sô̌sô̌ kû̌ Wî̤̌yarǔshôle dǒ mǒkhû̌ akhû̌akhî, aphû̌ tokhlǒnu a htû jû̌ tô̤̌. A mî̌ pamǒ̤ hǒ.

Ěphěsu 2:19

Kè̌ ma̤pô̤̌nudě, sî Yǔdaphû̌ mè̤̌tô̤̌ tokhlǒnu, sî htûpe shilǎ̤gǎkhlophû̌ tokhlǒ mè̤petô̤̌ hǒ, tô̤̌mî̌ sî htûpe shǐtèmè̤ tokhlǒ mè̤petô̤̌ hǒ. Khònò̤̌ sî htû sô̌sô̌kè kû̌ Cǒmara a shiphû̌gǎphû̌ sô̌sô̌kû̌ a kòyò nutokhlǒ hǒ. Htokhôtô̤̌ sî mî̌ Cǒmara a hǐphû̌phòphû̌ tokhlǒ hǒ.

Phǐlǐpǐ 3:20

Bǎbǎkǎlè pa tokhlǒ numî̌ mǒkhû̌ a shiphû̌gǎphû̌ dě pa sǎphlǒshû̌ ô̌pǒ̤kè̌shuǐ pa Běcǎ Yeshǔ Khrǐ dǒ a ma̤hǎplǎge panu ô̌ dǒ mǒkhû̌ hèlò̤ pěnu tôpwa̤ hǒ.

Tîsalònǐ awǐlǒ tôbǎ 1:9

Bǎ pa hè ô̌lè kû̌ sî akhanu, sî kaǎmô̤shǔ lô̌khô pa hî̌tènu, lǒ̤bò kòyò ô̌ bǎnu tokhlǒ shôbǐǐ bǎ bò pa hǒ. A shôbǐǐ bǎ pa kû̌ pô̤̌khô sî gǔ ma̤ Cǒmara dǒ a htûpwa̤ dě acǒatè̤ mè̤̌mî̌ca nutôpwa̤ a ta̤ma̤nu, sî wîkèbò sî ta̤caba ta̤yô̤ta̤gî̌ tokhlǒ.

Tîmôte ginǐ̤bǎ tôbǎ 4:18

Běcǎ gǔ ma̤hǎplǎ he kû̌ ta̤phû̌mò̤̌shǐhtô lǒ̤bò tokhlǒ pě, htokhôtô̤̌ a gǔ phî̌ge he pě dě a tugǔtaka ǐ he dǒ mǒkhû̌ a shilǎ̤gǎkû pě. Ta̤sîrîdû̌sîrîhtû lò̤bǎ pû Běcǎ tûjû̌pwa̤ talakhǎ nî̌. Ame̤.

Hebrǔ 10:31

Kòyò dǒ a lò̤tě̤tô dǒ Cǒmara a htûpwa̤ nutôpwa̤ ta̤cî̌htò̌ akla tôpwa̤pwa̤nu, a sǎgònò̤̌ ǐsha jî̌le.

Hebrǔ 11:10

PhaAbraha ma̤ pô̤̌ Cǒmara hî̌ lû̌nu, ma̤titèhî̌dě a ô̌pǒ̤ kè̌shuǐ wî̤̌ dǒ akòshî̌ měgle tûjû̌pwa̤nu tôwî̤̌. Wî̤̌ hǒtôwî̤̌nu, Cǒmara tîwî̌tòwò nǎ hto dě a bô̌htò̌ ǐtû̌ kû̌ anǎ̤nu.

Hebrǔ 11:16

Bǎbǎkǎlè asî kè̌shuǐ nǎsǔ jî̌ mǒkhû̌ shigǎ dǒ a mô̤khlo nutôbǎ. Pô̤̌nudě asî kaǎ Cǒmara kû̌ asî Cǒmaranu, Cǒmara sòwò̤̌tô̤̌. Dǒ Cǒmara tîwî̌tòwò nǎ hto asî wî̤̌nu akhû̌akhî, a dǔlè̌lṳ̌ hto kû̌ asî tokhlǒ gǔ kaǎ Cǒmara kû̌ asî Cǒmaranu a sòwò̤̌ lô̌khô tô̤̌.

Hebrǔ 13:14

Ma̤titèhî̌dě wî̤̌ dǒ paya dǒ a ô̌měô̌gle tûjû̌pwa̤ dǒ hǎkhû̌nu a ô̌ tôwî̤̌ tô̤̌. Pa kè̌lǎ wî̤̌ dǒ a glè̌ hè pěnu tôwî̤̌.

Hebrǔ 3:12

He pṳ̌wè̤̌ sî꤮, sè̌rè̌ tûû̌ lô̌khô sînǎ̤ nî̌꤮. Bè̌ phû̌mò̤̌ lô̌khô tǎ̤ sî sǎphlǒ tǎ̤mǎ̤, sî bè̌ sî sǎphlǒ kû̌ sî yṳ̌ǎ kû̌ kòyò Cǒmara dǒ a htûpwa̤ nutôpwa̤ tô̤̌, sî cû̌ tephekè tûû̌ sîya pô̤̌nu tokhlǒnu ma̤tǎ̤ lô̌khô tôpwǎ̤꤮ tǎ̤mǎ̤ nî̌꤮.

Hebrǔ 9:14

Pô̤̌nudě, gènè̤ kè̌mò̌ lô̌khô Khrǐ asǐnu, a ma̤ mṳ̂̌plî bûsǔlǔkhlo pa kû̌ ta̤nutokhlǒ pě dǒ Yôla Plò̌shǐ Běcǎ ô̌htûpwa̤ tûjû̌pwa̤ akhû̌akhî, Khrǐ lṳhtò̌hto anǎ̤glǒ dǒ ata̤sǔ ô̌ tôcǒ꤮ tô̤̌ dǒ Cǒmara a ô̌ hǒ. Pô̤̌khô pa gǔ ma̤ bǎ Cǒmara dǒ a htûpwa̤ tôpwa̤ ata̤ma̤ ayanu, Khrǐ cǔbò pa sǎphlǒ nutokhlǒ kû̌ pa ta̤ma̤ dǒ abwǐsîrî ô̌kû̌ kòyò tô̤̌ nutokhlǒ kû̌ asǐ pě.

Yṳ̌da 1:14

Khûěnò̌ dǒ akhlialè lò̤ dǒ PhaAda ahtukha susô̌tôhtu nutôpwa̤ shôbǐǐ nǎ yî̤̌hto hǒ kû̌ asî hǒtokhlǒ awe̤akè dě a hî̌ kû̌, “Běcǎ gǔ hèwô̤̌wô̤̌ kû̌ amǒkhû̌ tanaphû̌ plò̌shǐ tokhlǒ dǒ kò dô̌bǎpè̤̌ tô̤̌nu pě.

Ta̤dǔlè̌nǎ 14:1

Bǎnukha, he kè̌shǐ sû̌phû̌ nutôdo ihtǒô̌ dǒ Sǐû khôlôkhû̌. Dě kòyò ihtǒ ô̌plǒ kû̌ a pwa̤ tôsě kû̌ lǐ̤shò̌ kû̌ lǐ̤rǐ. Dǒ kòyò nutokhlǒ a mě̤htò̌lô̤nu, ta̤ wě̤mǎnǎ sû̌phû̌ ami̤ kû̌ apha ami̤.

Ta̤dǔlè̌nǎ 21:10

Cǒmara a yôla htûpwa̤ ô̌cu kû̌ he dě tanaphû̌ tôpwa̤ jocû̌ he dǒ khôlôdû̌htû tômè akhi. Dě a nè̌lṳ̌ he kû̌ Wî̤̌yarǔshôle aplò̌shǐ nutôwî̤̌. Wî̤̌nu a ô̌ dǒ mǒkhû̌ bǎ Běcǎ Cǒmara a ô̌ dě a hèlò̤.

Ta̤dǔlè̌nǎ 21:2

He kè̌shǐ wî̤̌plò̌shǐ amè̤̌kû̌ Yarǔshôle wî̤̌sa tôwî̤̌, dě a ô̌ dǒ mǒkhû̌ dǒ Cǒmara a ô̌ dě a hèlò̤. Kòyò tîwî̌tòwò kûsô̌ nǎ bǎ lû̌û pô̤̌ khômò̤̌ phû̌mǒ̤ tôpwa̤ dǒ a ô̌pǒ̤shěshǔ awṳ̂nu.

Ta̤dǔlè̌nǎ 22:19

Kòyò tôpwa̤pwa̤ dǒ a ma̤yû̌lò̤kè ta̤tôcǒcǒ dǒ lî̤hǒtôbǎ akû tokhlǒnu, sǒhtûpwa̤ asǎ kû̌ wî̤̌plò̌shǐ dǒ kòyò hî̌lṳ̌ dǒ lî̤hǒtôbǎ akûnu Cǒmara gǔ phî̌ tephekè kû̌ apě. A ǎbǎpe sǒhtûpwa̤ asǎ tô̤̌. A nṳ̌bǎ pe dǒ wî̤̌plò̌shǐ akû tô̤̌.

Ta̤dǔlè̌nǎ 3:12

Kòyò dǒ a ma̤pè̤̌ta̤nu, he gǔ dǐhtûhtò̌ a kû̌ he Cǒmara a ta̤lṳhtò̌hô ahǐtṳ̌, htodě a gǔ ô̌ hènè bǎnu pě. He gǔ wě̤nǎ he Cǒmara ami̤ dǒ alô̤. Htodě he wě̤nǎ he Cǒmara awî̤̌ Wî̤̌yarǔshôle sa ami̤nu dǒ alô̤ pě. Wî̤̌yarǔshôle asanu, a ô̌ bǎ mǒkhû̌ he Cǒmara a ô̌ dě a hèlò̤. Dě he gǔ wě̤pa dô̌ he mi̤sa dǒ alô̤ pě.

Ta̤dǔlè̌nǎ 7:2

He kè̌shǐ tanaphû̌ ashǔshawa̤ ô̌ dǒ lṳmṳ̌htò̌ tôkhô hè dě a phǐhèǐ Běcǎ Cǒmara dǒ a htûpwa̤ nutôpwa̤ a ta̤ma̤mǎma̤dòǐ tôkǔ. Htodě a jî̌pwǐ̤ kaǎgǔhtò̌ tanaphû̌ sò̌lǐ̤ dǒ Cǒmara ǐ asî ata̤pô̤ta̤phǎ dǒ a gǔ ma̤pî̌kè hǎkhû̌ kû̌ shidû̌te̤we̤ tokhlǒnu hǒ.