Hebrǔ 12:2 - Kawyaw New Testament

² Asô̌sô̌kû̌ kòyò khlè̌ tokhlǒ kè̌tôtǐ hètô pwǎ ta̤ma̤pè̤̌ bò̌htò̌htǔ nuhǒ, pô̤̌nudě pa kè̌hè tôtǐ pwǎtǒ̤ Yeshǔ nô̤̌ tǎ꤮. Ma̤titèhî̌dě a mî̌ pa ta̤yṳ̌ta̤nǎ̤ a kòshî̌gutṳ̌ tôpwa̤. Htokhôtô̤̌, a mî̌ pwa̤ dǒ a ma̤lǒma̤be bǎ pa ta̤yṳ̌ta̤nǎ̤ tôpwa̤. A khòsi htopědě, a sî̌ganǎ̤ nǎ hto kû̌ a gǔ nǐ̤bǎ ta̤sǎlě̤sǎlò̤ pě akhû̌akhî, a tôbǎ khòsi dǒ nò̌dò̌htǔlô̤ bǎbǎkǎlè a sòwò̤̌ tôcǒ꤮ tô̤̌. Khònò̤̌dě a hǎnòò̌ dǒ Cǒmara a lǎ̤hǎnòò̌ htò̌yô̤̌ dǒ cǔtômû nutôkhô hǒ.

Kawyaw RC

² Alò̤ta kòyò khlè̌ toǒ kè̌hètotǐ pwǎpǒ̤ ta̤ma̤pè̤ bò̌htò̌htǔ htǒonuhǒ, hǐnudě pa kè̌hètotǐ tû̌pwǎ Ye̤shǔ hò̌. Ma̤tè̤hî̌dě a mî̌ pa ta̤yṳta̤nǎ a kòshî̌kòtṳ tapwa̤. Htohǒtò̤, a mî̌ pwa̤ htě a ma̤lǒma̤be bǎ pa ta̤yṳta̤nǎ tapwa̤. A khòsihtopěmî̌, a sî̌yanǎhto ta a nî̤bǎ ta̤sò̌le̤ pě akhû̌akhî, a tobǎ khòsi nò̌dòhtǔlo̤ pwǎ̤tadě a sòwò̤ dǐcǎ꤮ tò̤. Khònò̤dě a hǎnòò̌ Cǒmara a la̤hǎnòò̌ htò̌yî̤ bǎ cǔdemûnu tokho hǒ.

Hebrǔ 12:2 Iomraidhean Croise

Htû̌sò̌htò̌ 110:1

Cǒmara tûjû̌pwa̤ hî̌lṳ̌lò̤ he Běcǎdû̌ kû̌, “Bǎ he ma̤pè̤̌ bòmǔtegle pwa̤sǎkhě na nutokhlǒ dě he bè̌bò asî dǒ na khǎlǎ khôtô̤̌nu, hǎnòò̌ dǒ he cǔtûmû nutôkhô.”

Htû̌sò̌htò̌ 138:8

Pô̤̌ Cǒmara tûjû̌pwa̤ olò̤ htohǒ nua gǔ ma̤lǒma̤be bǎ he pe. Ǒ Cǒmara tûjû̌pwa̤, nata̤mô̤ dǒ ahǎbòjò tô̤̌nu a ô̌měô̌gle̤ cǒ tûjû̌pwa̤. Wîkè tǎ̤ ta̤ma̤ dǒ na ma̤ kû̌ nacǔde nutokhlǒ mǎ̤.

Matěo 16:21

Sahtò̌ bǎnu dě Běcǎ Yeshǔ shôbǐǐlṳ̌pô̤̌ bǎ a khôphijǎ tokhlǒ kû̌ he bǎcû̌ dǒ Wî̤̌yarǔshôle dě Yǔdaphû̌ mǒ̤khumǒ̤pwǎ̤ tokhlǒ kû̌ pwa̤shû̌gǎ ikǒlǒkòdû̌ tokhlǒ kû̌ pwa̤sû̌ǐ ta̤sû̌ta̤tòwò asara tokhlǒ gǔ ma̤jî̌ma̤jû̌ he pṳ̂̌mi̤shicǒ pě. Asî gǔ ma̤si he pě htodě behtò̌ suni̤ tôni̤nu Cǒmara ma̤htûpwa̤ getîkhî he pě.

Matěo 20:28

Kè̌lû̌mò̌mṳ he amè̤̌kû̌ Kòyòphû̌khû nu, he hè dǒ kòyò gǔ ma̤ bǎ heyanu mè̤̌tô̤̌. He hè dǒ he bǎ ma̤ kòyòya pwǎ. Dě pô̤̌khô he gǔ phî̌htò̌ge asî ayanudě, he tṳ̌sikhòsi he ta̤htûpwa̤ dǒ kòyò saprṳ̂ aya.”

Mǎ̤riko 15:28

(Pô̤̌ lî̤plò̌shǐkû hî̌ kû̌, “Kòyò bè̌yǎ a pô̤̌ pwa̤ma̤sǔphû̌ nupwǎ,” ta̤hî̌bǎ nu a lǒhtò̌behtò̌ hǒ)

Mǎ̤riko 16:19

Běcǎ Yeshǔ hî̌bǎhto kû̌ akhôphijǎ tokhlǒ dě Cǒmara kaǎ gehtò̌kè yǎ dǒ mǒkhû̌ dě a htò̌hǎnòò̌ dǒ Cǒmara cǔtômû tôkhô.

Mǎ̤riko 9:12

Dě a hî̌shěshu asî kû̌, “Piwi̤pèshè Khûělǐya bǎ hè wǐlǒpě dě a bǎ hè tîwî̌tòwò ma̤wô̌ ta̤lǒ̤꤮ bò numî̌ amè̤̌na̤cè̌ kǎ, bǎbǎkǎlè lî̤plò̌shǐ hî̌ kû̌ Kòyòphû̌khû a tôbǎ tṳ̌bǎkhòbǎ dû̌wî̤ ta̤jî̌ta̤jû̌ pě dě kòyò gǔ sǒcû̌tephekè a pě a cû̌hî̌tǒ̤ pô̤̌hǒo ma̤titè?

Mǎ̤riko 9:24

Tôplǎnô̤̌ phijǎ apha kaǎgǔhtò̌ kû̌, “He yṳ̌ǎ, bǎbǎkǎlè he ta̤yṳ̌ ô̌ pî̌tî̌ akhû̌akhî, pô̤̌khô he ta̤yṳ̌ gǔměgle ayanu, ma̤jè̌ pû he!” a kaǎgǔhtò̌ pô̤̌nu.

Lǔka 17:5

Pwa̤nophû̌ tokhlǒ hî̌shěshu Běcǎ kû̌, “Ma̤shû̌htò̌ bǎ pa ta̤yṳ̌ta̤nǎ̤.”

Lǔka 23:11

Khwǐherû kû̌ akliphû̌ tokhlǒ sǎyǎ̤ Yeshǔ, hî̌takǎ lǒ̤bò Yeshǔ, dě a sô̌htò̌ bǎ lû̌û jejûtwè̤ jejûwô̌ tôpṳ, dě Khwǐherû nosû getîkhî asî dǒ Khwǐ Pǐlǎ a ô̌.

Lǔka 24:26

Khrǐ tôbǎ khò ta̤jî̌ta̤jû̌ htodě a glè̌ cû̌nṳ̌ dǒ a ta̤bwǐdû̌sîrîhtû akû pě mè̤̌tô̤̌ ya?”

Jowǎ̤ni̤ 1:29

Dǒ nô̌kò tôni̤nu, Khûyṳ̂ha kè̌shǐ Yeshǔ hè dǒ a ô̌ dě a hî̌ kû̌, “Kè̌mò̌, Cǒmara a sû̌phû̌ dǒ a phî̌kè hǎkhû̌phû̌ a ta̤sǔta̤plěsî nutôpwa̤.

Jowǎ̤ni̤ 12:24

He hî̌cǒcǒ sî, bǔjû̌ tôphlǒnu, kòyò kè̌ shǒǎlò̤ lû̌û dǒ hǎkhû̌ tô̤̌ hî̌nu, a phǎhtò̌ a sǎhtò̌ jòtô̤̌. Bǎbǎkǎlè kòyò kè̌ lǔlò̤ lû̌û hî̌nu, a gǔ phǎhtò̌ sǎhtò̌ dû̌wî̤ pě.

Jowǎ̤ni̤ 12:32

Bǎbǎkǎlè htǔ kòyò po̤sihtò̌ he dǒ nò̌dò̌htǔlô̤ akhapěnu, he gǔ kaǎ bò kòyò pṳ̂̌꤮ tôpwa̤ dǒ heô̌ pě.”

Jowǎ̤ni̤ 13:3

Běcǎ Yeshǔ sî̌ganǎ̤ kû̌ apha ǐlò̤ htobò lû̌û ta̤pô̤phǎ shû̌sho dǒ ta̤lǒ̤bò akhû̌ hǒ. A sî̌ganǎ̤ kû̌ a ô̌ dǒ Cǒmara hè ô̌ dě a gǔ getîkhî sô̌ dǒ Cǒmara a ô̌ pě.

Jowǎ̤ni̤ 6:40

Ma̤titèhî̌dě, hepha a ta̤sǎyṳ mî̌ amè̤̌kû̌ lǒ̤bò kòyò dǒ a kè̌shǐ aphû̌khû nudě a yṳ̌ǎ tokhlǒnu, a gǔ nǐ̤bǎ yôla htûpwa̤ tûjû̌pwa̤, dě he gǔ ma̤ ihtǒhtûpwa̤ getîkhî asî htû̌ lṳmṳ̌ni̤ gutṳ̌ nutini̤ pě.”

Jowǎ̤ni̤ 8:56

Sîpha PhaAbraha sǎyṳ kè̌shǐ dǒ he gǔ hè dǒ hǎkhû̌nu. A kè̌shǐ dě a sǎlě̤sǎlò̤ hǒ,” A hî̌shěshu asî pô̤̌nu.

Pwa̤nophû̌ 2:36

“Pô̤̌nu akhû̌akhî, Isôrěla akhlialè lǒ̤꤮ bò sî, sî bǎ sî̌ganǎ̤ tě̤tě̤mè̤̌mè̤̌ kû̌ Yeshǔ dǒ sî ma̤sihtò̌ a dǒ nò̌dò̌htǔlô̤ tôpwa̤nu, Cǒmara dǐhtûhtò̌kè yǎ kû̌ a mî̌ Běcǎ mî̌ amè̤̌mè̤̌, Khrǐ mî̌ amè̤̌mè̤̌ hǒ,” Khûpetarǔ hî̌ pô̤̌nu.

Pwa̤nophû̌ 3:15

Sî ma̤sikèhto kòyò dǒ a ǐ kòyò ta̤htûpwa̤nu tôpwa̤ hǒ, bǎbǎkǎlè Cǒmara ma̤htûpwa̤ getîkhî sô̌ a dǒ ta̤si hǒ. Dě ta̤htûhtò̌ anǎ̤ pô̤̌o numî̌ pa kè̌shǐ hto kû̌ panǎ̤ hǒ.

Pwa̤nophû̌ 5:31

Pô̤̌khô Cǒmara gǔ ǐ bǎ Isôrělaphû̌ tokhlǒ ta̤yò̤lǎ̤plǎdî̌ asǎphlǒ kû̌ plûkè ta̤sǔ tokhlǒ ayanu, a dǐô̌hto Yeshǔ dǒ acǔtômû tôkhô pô̤̌ kòyò htûdû̌htûpwǎ̤ tôpwa̤ kû̌ pwa̤ma̤hǎplǎge kòyò tôpwa̤nu hǒ.

Pwa̤nophû̌ 5:41

Pwa̤nophû̌ tokhlǒ sǎlě̤sǎlò̤ hǎhtò̌cû̌kè dǒ Yǔdaphû̌ ikǒlǒkòdû̌ nutokhlǒ a lô̤mô̤̌, ma̤titè̤̌hǐdě agû̌ kû̌ Yeshǔ akò akhû̌akhî, dě Cǒmara bè̌ asî kû̌ agwǎagwè khòbǎ kòyò ma̤sòwò̤̌ asî pô̤̌nu pwǎ.

Kôritu awǐlǒ tôbǎ 1:18

Kòyò tokhlǒkhlǒ yṳ̌ǎ ta̤ tô̤̌ akhû̌akhî, Cǒmara gǔ cî̌htò̌ asî pě. Kòyò pô̤̌nu tokhlǒnu, a gènè̤ lô̌khô kû̌ Khrǐ si dǒ nò̌dò̌htǔlô̤ awe̤akè numî̌ a tṳ̌dè pwǎ. Bǎbǎkǎlè pa dǒ a nǐ̤bǎ ta̤ma̤hǎplǎge tokhlǒ ayanu, ta̤we̤ta̤kè mî̌ Cǒmara a ta̤pô̤ta̤phǎ dǒ paya hǒ.

Kôritu awǐlǒ tôbǎ 1:23

Pô̤̌nudě bǎ pa shôbǐǐlṳ̌ Khrǐ si dǒ nò̌dò̌htǔlô̤ akhanu, Yǔdaphû̌ tokhlǒ gènè̤ sǎphlǒsha mî̌ca. Yǔdaphû̌ mè̤̌tô̤̌ tokhlǒ dě a hî̌ kû̌ yô̤̌mûyô̤̌sǎ ô̌ dǒ asîya tôcǒ tô̤̌.

Ěphěsu 2:16

A tṳ̌sikhòsi anǎ̤ dǒ nò̌dò̌htǔlô̤ akhû̌akhî, kòyònu ginǐ̤mṳ̌ a ma̤cu getîkhî sô̌lû̌ tômṳ̌ nô̤̌, dě a ma̤klaǐ getîkhî sô̌ asî kû̌ Cǒmara hǒ. Pô̤̌nudě asî tôpwa̤ kû̌ tôpwa̤ sǎkhěkhû̌khwè pe lû̌û tô̤̌.

Ěphěsu 5:2

Sî tô ô̌htûpwa̤ lô̌khô hî̌tè numî̌, mô̤nṳ̌ lô̌khô kòyò pṳ̂̌꤮ tôni̤ sô̌sô̌kû̌ Khrǐ mô̤ǐ pa dě a tṳ̌sikhòsi bǎ payanu nî̌꤮. Htokhôtô̤̌ Khrǐ lṳhtò̌ ata̤htûpwa̤ dǒ Cǒmara a lô̤mô̤̌ sô̌sô̌kû̌ ta̤numû̌ dǒ atô Cǒmara asǎphlǒ nuhǒ.

Phǐlǐpǐ 1:6

Cǒmara dǒ a sahtò̌ htû̌lè̌ tèplè̌ wô̌ge hto sî sǎphlǒ tôpwa̤nu, he yṳ̌ǎ tě̤tě̤mè̤̌mè̤̌ kû̌ a ma̤wô̌ hènè tǒ̤dǒ Yeshǔkhrǐ alṳmṳ̌ni̤ hètǒ̤ nupě tôplǎ pě.

Phǐlǐpǐ 3:20

Bǎbǎkǎlè pa tokhlǒ numî̌ mǒkhû̌ a shiphû̌gǎphû̌ dě pa sǎphlǒshû̌ ô̌pǒ̤kè̌shuǐ pa Běcǎ Yeshǔ Khrǐ dǒ a ma̤hǎplǎge panu ô̌ dǒ mǒkhû̌ hèlò̤ pěnu tôpwa̤ hǒ.

Tîmôte ginǐ̤bǎ tôbǎ 4:8

Khònò̤̌dě Cǒmara bè̌wô̌ hto he ta̤tě̤ta̤mè̤̌ a khû̌glû̌hta dǒ amè̤̌kû̌ ta̤ma̤nǐ̤ khû̌kǎ tômè nuhǒ. Htodě htû̌꤮ lṳmṳ̌ni̤ gutṳ̌ pěnu, pwa̤cî̌htò̌cǒta̤ a Běcǎ nutôpwa̤ gǔ ǐlò̤ he pě bǎbǎkǎlè hǒo numî̌ heya nô̤̌ mè̤̌bǎtô̤̌. Lǒ̤꤮ bò kòyò dǒ a ô̌pǒ̤kè̌shuǐ Běcǎ gǔ hè ô̌lṳ̌htò̌ sô̌ pě nutokhlǒ ayamî̌ a ô̌padô̌ pěpě.

Hebrǔ 1:13

“Hǎnòò̌ô̌ dǒ he cǔde cǔtômû nutôkhô, dě hǎnòò̌ tǒ̤dǒ he nopǒ na kû̌ pwa̤dǔdǎ na nutokhlǒ hè cabahtò̌ na dǒ na khò̌lôpô̤̌ kòshî̌ pě,” Cǒmara hî̌bǎnǒ amǒkhû̌ tanaphû̌ tokhlǒ pô̤̌onu tômṳ̂̌꤮ tô̤̌.

Hebrǔ 1:3

Kòyò gǔ kè̌shǐ tutṳ̌ Cǒmara a ta̤bwǐdû̌sîrîhtû dǒ akû pě. A mî̌ a sô̌sô̌ bòmǔtegle kû̌ Cǒmara. Pô̤̌khô hǎkhû̌ kû̌ mǒkhû̌ kû̌mî̌ ta̤bô̌lò̤ lǒ̤꤮ bò tokhlǒ gǔ ô̌ gutṳ̌ hènè pô̤̌ pěnu, a pṳ̂̌mějè̌ kû̌ ta̤bô̌lò̤ lǒ̤bònu kû̌ ayô̤̌ dǒ apô̤phǎ shû̌sho nutokhlǒ. Bǎ a ma̤phlǔma̤hto ta̤plûkè kòyòhǎkhû̌phû̌ ata̤sǔ sîtokhlǒ akhanu, a gehtò̌ dǒ mǒkhû̌ dě a htò̌hǎnòò̌ bǎ Cǒmara dǒ apô̤aphǎ adû̌htû gutṳ̌ nutôpwa̤ acǔde cǔtômû tôkhô pě.

Hebrǔ 10:14

Dǒ Khrǐ lṳhtò̌ pwǎ anǎ̤ tôplǎ akhû̌akhî, kòyò dǒ a ma̤mṳ̂̌plîhto asî ta̤sǔ tokhlǒnu, a ma̤cǒma̤tè̤ asî tûjû̌pwa̤ hǒ.

Hebrǔ 10:33

Tôplǎplǎnu kòyò ma̤ takhû̌takǎ sî, kòyò ma̤jî̌ma̤jû̌ sî dǒ kòyò tôprṳ̂tôphǎ alô̤mô̤̌, tôplǎplǎnu sî cû̌ ma̤jè tṳ̌bǎ gû̌ kòyò dǒ kòyò ma̤jî̌ma̤jû̌ asî pô̤̌nu tokhlǒ.

Hebrǔ 11:36

Tokhlǒkhlǒnu, kòyò ma̤ sòwò̤̌ bò asî, kòyò pîjî̌ǐsho bò asî, dě kòyò po̤ asî kû̌ sǒpli̤lǎ̤plè, tokhlǒkhlǒnu kòyò comě asî kû̌ sǒpli̤tè̤glè, dě kòyò dǒnṳ̌ asî dǒ apô̤kû.

Hebrǔ 12:3

Pô̤̌khô sî ma̤ ta̤wô̌ dě sî gǔ lò̤dô̌lò̤de tô̤̌, dě sî gǔ sǎphlǒpî̌ tô̤̌ ayanu, gènè̤kè̌ lô̌khômò̌ Běcǎ Yeshǔ awe̤akènu, pwa̤ma̤sǔphû̌ tokhlǒ sǎkhěkhû̌khwè lû̌û ma̤takhû̌takǎ mî̌ca lû̌û bǎbǎkǎlè a khòsǎdô mî̌ca dǒ asîkhû̌.

Hebrǔ 13:13

Pô̤̌nudě pa gǔ cû̌ khòwô̤̌wô̤̌ kû̌ ta̤pîjî̌ǐsho kû̌ a dǒ wî̤̌khlonu tǎ꤮.

Hebrǔ 5:9

Bǎ Khrǐ ganǎ̤de htobò Cǒmara ayô̤̌ pṳ̂̌꤮ tocǒ akhanu, a htûhtò̌ bǎbò kòyò dǒ a ganǎ̤de lû̌yô̤̌ nutokhlǒ a ta̤ma̤hǎplǎge ajû̌jû̌ apwa̤pwa̤ a kòshî̌gutṳ̌ hǒ.

Hebrǔ 7:19

Khûmṳ̂shě a ta̤sû̌ta̤tòwònu a ma̤cǒma̤tè̤ jò kòyò tôpwǎ̤꤮ tô̤̌. Bǎbǎkǎlè khònò̤̌ pa ta̤kè̌shuǐ klè̌ asa tôbô dǒ awô̌khlo pe kû̌ ta̤sû̌ta̤tòwònu a ô̌ hǒ. Dě pa hènṳ̌phǔ dǒ Cǒmara a ô̌ kû̌ klè̌ asa nutôbô mî̌ anǐ̤ hǒ.

Hebrǔ 8:1

Khònò̤̌, ta̤ dǒ a lṳ̂dû̌lǒ tôcǒ dǒ he sǎyṳ nosî̌yaphlô sî numî̌ amè̤̌kû̌ pa pwa̤shû̌gǎ ikǒdû̌lǒ nutôpwa̤ hǒ. A mî̌ Yeshǔ hǒ. Khònò̤̌ a hǎnòò̌ô̌ dǒ mǒkhû̌ dě a hǎnòò̌ô̌ dǒ Cǒmara dǒ alîata̤kakha, apô̤aphǎ nutôpwa̤ lǎ̤nòò̌ acǔde cǔtômû nutôkhô hǒ.

Hebrǔ 9:28

Pô̤̌nudě pô̤̌khô Khrǐ phî̌cû̌ tephekè bò kòyò saprṳ̂ ata̤sǔ tokhlǒnu dě a khòlṳ̌ pwǎ tôplǎ pwǎ. A hè sô̌ pě bǎbǎkǎlè a hè phî̌cû̌ tephekè bǎ pa ta̤sǔ pěnu mè̤̌tô̤̌. A hè ma̤hǎplǎge kòyò dǒ a ô̌pǒ̤kè̌shǔ lû̌û nutokhlǒ pě pwǎ.

Jǎgomo̤ 2:1

He pṳ̌wè̤̌ sî꤮, sî mî̌ kòyò dǒ a yṳ̌nǐ̤nǎ̤nǐ̤ Běcǎ Yeshǔ Khrǐ dǒ a ô̌ kû̌ ta̤bwǐdû̌sîrîhtû tôpwa̤ nutokhlǒ. Pô̤̌nu akhû̌akhî, sî tôbǎ kè̌dû̌kè̌pî̌tî̌ kòyò tôpwǎ̤꤮ tô̤̌.

Petru awǐlǒ tabǎ 1:11

Khrǐ a Yôla Plò̌shǐ ô̌ dǒ piwi̤pèshè tokhlǒ a sǎphlǒkû dě a hî̌pô̤̌nǎ wǐ Khrǐ awe̤akè kû̌ a khòbǎwǐ ta̤jî̌ta̤jû̌ tokhlǒ pě. Htodě ta̤bwǐdû̌sîrîhtû tokhlǒ gǔ hè dǒ nô̌kò pě, asî kè̌lǎ sî̌ganǎ̤ lô̌khô kû̌ ashěakhǎ gǔ bǎ bǎkhò̌tè pě, htodě a gǔ ma̤ anǎ̤ hî̌tè pě pô̤̌nu.

Petru awǐlǒ tabǎ 3:18

Ma̤titèhî̌dě Khrǐ tṳ̌sikhòsi bǎ pwǎ anǎ̤ dǒ kòyò ta̤sǔ aya tôplǎnô̤̌pwǎ dě ahtoaphlǔ bò hǒ, a lǎ̤lṳ̂ tṳ̌sikhòsi petô̤̌. Pô̤̌khô a gǔ sûcû̌ sî dǒ Cǒmara a ô̌ dě kòyò cǒtè̤ hǒtôpwa̤nu a hè tṳ̌sikhòsi hto kòyò ta̤sǔphû̌ tokhlǒ agûlǎ̤ hǒ. Kòyò ma̤si anǎ̤glǒ bǎbǎkǎlè Cǒmara ma̤htûpwa̤ getîkhîsô̌ a dǒ Yôla Plò̌shǐ Běcǎ akû.

Petru awǐlǒ tabǎ 3:22

Yeshǔ Khrǐ ge ihtǒ dǒ mǒkhû̌ dě a ge hǎnòò̌ô̌ dǒ Cǒmara acǔde cǔtômû tôkhô hǒ. Dě a pǒǐ lǒ̤bò tanaphû̌ tokhlǒ kû̌ ta̤shû̌ta̤sho tokhlǒ, kû̌ ta̤pô̤ta̤phǎ tokhlǒ hǒ.

Yṳ̌da 1:21

Bǎ sî ô̌pǒ̤kè̌shuǐ Běcǎ Yeshǔ Khrǐ a ta̤gwèbǎǐ dǒ a gǔ ǐ pa yôla htûpwa̤ tûjû̌pwa̤ hǒtôpwa̤ hè akhapěnu, ô̌htûpwa̤ sělě lô̌khô dǒ Cǒmara ata̤mô̤ akû nî̌.

Ta̤dǔlè̌nǎ 1:11

Alě̤pwe̤htò̌ dě a hî̌ kû̌, “Wě̤mǎnǎ ta̤dǒ na kè̌shǐ nutokhlǒ. Htodě sûcû̌bǎ lî̤nu dǒ ta̤dòkû susô̌tômṳ̌ dǒ a mî̌ Ěphěsu, Sômǔranǎ, Pekamǔ, Shatǐra, Shadǐ, Philadǐlaphǐ, Lò̤dǐkǐ dǒ a ô̌ lô̌khô bǎ wî̤̌ susô̌tôwî̤̌ tokhlǒ akûnu.”

Ta̤dǔlè̌nǎ 1:17

Bǎ he kè̌shǐ yǎ akhanu, he lò̤khǔpo̤ siyṳ̌ sô̌sô̌kû̌ kòyòsi tôpwa̤ dǒ a khò̌lôpô̤̌ kòshǐnu, htodě a bè̌htò̌ acǔde cǔtômû dǒ helô̤ dě a hî̌ kû̌, “Ǐsha tǎ̤mǎ̤, he mî̌ ta̤kòshî̌ kû̌ ta̤gutṳ̌ tôpwa̤hǒ.

Ta̤dǔlè̌nǎ 1:8

Běcǎ Cǒmara hî̌ kû̌, “He mî̌ akòshî̌ kû̌ agutṳ̌ hǒ” dě a hî̌ kû̌, “He mî̌ Cǒmara dǒ a htûpwa̤ dǒ něhǎlau tôpwa̤, khònò̤̌kha mî̌ he htûpwa̤pwa̤, nô̌kòpěmî̌ he htûpwa̤pwa̤. He mî̌ Cǒmara dǒ a jò̌ ta̤lǒ̤꤮ bò tôpwa̤hǒ.”

Ta̤dǔlè̌nǎ 2:8

“Wě̤cû̌ lî̤nu dǒ Sômǔranǎ ta̤dòkû a tanaphû̌ aô̌nu,” a hî̌ he pô̤̌o. Dě a hî̌ kû̌, “Ta̤we̤ta̤kè nî̌, a hè dǒ pwa̤ dǒ a si htohǒ dě a htûpwa̤ getîkhî sô̌ nutôpwa̤ a ô̌. A mî̌ ta̤kòshî̌ kû̌ ta̤gutṳ̌ tôpwa̤hǒ.