Hebrǔ 12:18 - Kawyaw New Testament

^18-19 Sî hèphǔ dǒ Cǒmara a ô̌ numî̌, asô̌sô̌kû̌ Isôrělaphû̌ dǒwǐkha tokhlǒ hè dǒ Tǐnǎkhôlô a ô̌nu mè̤̌tô̤̌. Asî hètǒ̤ dǒ Tǐnǎkhôlô dǒ kòyò kè̌shǐjò lû̌û, kòyò pṳ̂̌bǎ jò lû̌û nutômè a ô̌, mî̌gè̌htò̌ dǒ khôlô nutômè alô̤, poǒlṳ̌ khǐsiwi̤ lò̤jobǐ, gili̤sǎ dû̌hè, kǐlû pwe̤htò̌ dě Cǒmara alě̤pwe̤htò̌ dǒ khôlô nutômè akû. Isôrělaphû̌ tokhlǒ ganǎ̤de alě̤pwe̤htò̌ dě a ǐsha tûlû̌shû̌lě akhû̌akhî, asî kwisǎyṳ Cǒmara kû̌ a gǔ hî̌bǎ pǒhǒ.

Kawyaw RC

^18-19 Sî hèphǔ dě Cǒmara a ǒ htǒonumî̌, alò̤ta Israelphû̌ dě wǐkha toǒ hè Sǐnǎkholo a ǒnu mè̤tò̤. Asî hè Sǐnǎkholo dě kò kè̌shǐjò yǎ, kò pṳ̂bǎjò yǎ htǒǒnutama a ǒ, mî̌gèhtò̌ dě kholohtǒotama alo̤, poǒlṳ khǐsuwu jobǐ, gili̤sǎpla̤hèdû̌, tèhtè po̤htò̌ ta Cǒmara ayo̤po̤htò̌ dě kholohtǒonu tama akû. Israelphû̌ toǒ gana̤de yo̤po̤htò̌ dě a ǐsha tûlû̌shû̌ akhû̌akhî, asî kwigwèbǎǐ Cǒmara ta a glè hî̌bǎ pǒhǒ.

Hebrǔ 12:18 Iomraidhean Croise

Rṳ̂̌me̤ 6:14

Sî ô̌htûpwa̤ dǒ ta̤sû̌ta̤tòwò alǎ̤ mè̤̌petô̤̌, sî ô̌htûpwa̤ dǒ Cǒmara abwǐsîrî alǎ̤ hǒ. Pô̤̌nudě ta̤sǔnu a htû pe bǎ sîběcǎ tô̤̌.

Rṳ̂̌me̤ 8:15

Ma̤titèhî̌dě Yôla Plò̌shǐ Běcǎ dǒ Cǒmara ǐ sînu, a noǐshǔǐsha sô̌ sî pô̤̌ jû̌nu mè̤̌tô̤̌. Bǎbǎkǎlè, Yôla Plò̌shǐ Běcǎ ma̤htûhtò̌ hto sî kû̌ sî htûhto Cǒmara a phû̌mǒ̤phû̌khû akhû̌akhî, a bè̌ kèhto sî pô̤̌ a phû̌mǒ̤phû̌khû tokhlǒnu hǒ. Dǒ Yôla Plò̌shǐ Běcǎ akhû̌akhîdě, pa kaǎ Cǒmara kû̌, “Abǎ, pha” pô̤̌ sîpha sanǎ̤ tôpwa̤ numî̌ anǐ̤ hǒ.

Kôritu ginǐ̤bǎ tôbǎ 3:7

Dǒ awǐkha bǎ Cǒmara wě̤ ta̤mǎlò̤ hǒtokhlǒ dǒ lǒ̤belô̤ dě a ǐlò̤ kû̌ Khûmṳ̂shě akhanu, Cǒmara a ta̤bwǐdû̌sîrîhtûnu a lîtîklî̌ htò̌lṳ̌. Dě ta̤lîkakha lò̤tě̤ dǒ Khûmṳ̂shě amǐ̤sǎlô̤nu, a kakhashû̌ bǎ mî̌ca dǒ Isôrělaphû̌ tokhlǒ aya akhû̌akhî, asî kè̌bǔ lû̌ mi̤sǎ tô̤̌. Bǎbǎkǎlè ta̤kakhanu a lîtûû̌ tô̤̌, a hǎmǎ nô̌kò pwǎ.

Kôritu ginǐ̤bǎ tôbǎ 3:9

Ta̤olò̤ ali̤ dǒ a phî̌hè pwǎ ta̤sinu, a gǔ ô̌ kû̌ ta̤bwǐdû̌sîrîhtû shû̌sho kè̌hî̌dě, ta̤olò̤ asa dǒ a ma̤cǒma̤tè̤ hǒ pa dǒ Cǒmara alô̤mô̤̌nu, a ta̤bwǐdû̌sîrîhtû shû̌sho gǔ dû̌lǒkhlo kû̌nu hǒ.

Tîmôte ginǐ̤bǎ tôbǎ 1:7

Ma̤titèhî̌dě, Yôla Plò̌shǐ Běcǎ dǒ Cǒmara ǐlò̤ hto panu, a nohtûhtò̌ pe pa kû̌ kòyò dǒ a ǐsha ta̤ tokhlǒnu mè̤̌petô̤̌. Mè̤mè̤̌tôkhônu Yôla Plò̌shǐ Běcǎ ma̤benṳ̌ hto pa sǎphlǒ kû̌ ta̤shû̌ta̤sho kû̌ ta̤mô̤ǐ kû̌ ta̤pǒǐlò̤jò panǎ̤ nuhǒ.