Hebrǔ 12:11 - Kawyaw New Testament

¹¹ Bǎ Cǒmara tṳ̂mṳ̂̌ sû̌ǐ wô̌ gesô̌ pa akhanu, a sô̌sô̌ kû̌ sǎplǎ̤sǎyṳ lû̌ûnu, a sô̌sô̌ kû̌ ta̤sǎlě̤sǎlò̤ ô̌ tôcǒ tô̤̌. Bǎbǎkǎlè kòyò dǒ a khòbǎ nô̌ kòyò tṳ̂mṳ̂̌ sû̌ǐtòwòǐ wô̌ gesô̌ lû̌û tokhlǒnu, dǒ nô̌kòpě dě a gǔ nǐ̤bǎ khû̌kǎ pěnumî̌ amè̤̌ ta̤ô̌htûpwa̤ dǒ acǒatè̤ dě a nǐ̤bǎ sǎphlǒ gûjû̌kabǎ pě.

Kawyaw RC

¹¹ Bǎ Cǒmara sǎhtǎ sû̌ǐ wǒge pa akhanu, alò̤ta sǎpla̤sǎyṳnu, alò̤ta ta̤sò̌le̤sò̌lò̤ ǒ dǐcǎ꤮ tò̤. Pwǎ̤tadě kòyò htě a khòbǎnǒ kò sǎhtǎ sû̌ǐtòwòǐ wǒge nû̌û htǒotoǒnu, nǒkòpě dě a nî̤bǎlè̌ khû̌kǎ pěnumî̌ mî̌pwǎ ta̤ǒhtûpwa̤ acǒatè̤ dě a nî̤bǎ sò̌phlǒ gûjûkabǎ pě.

Hebrǔ 12:11 Iomraidhean Croise

Mǒhtûlû̌hǎhtûsa 21:11

Mǒ̤sara hî̌ ta̤nu asha mî̌ca PhaAbraha sǎphlǒ, ma̤titèhî̌dě Khûǐshômelǎ mî̌ aphû̌pwa̤khû tôpwa̤ mî̌ amè̤̌mè̤̌.

Htû̌sò̌htò̌ 118:18

Cǒmara tûjû̌pwa̤ sû̌ǐwô̌ge shû̌shû̌ he bǎbǎkǎlè a nosibǎ he khôtô̤̌.

Htû̌sò̌htò̌ 119:165

Kòyò dǒ a mô̤nṳ̌ na ta̤sû̌ta̤tòwònu, a nǐ̤bǎ mè̤̌mî̌ca ta̤ô̌mô̤ô̌bǎ. Ta̤tôcǒ sûcû̌jò asî dǒ klè̌sǔklè̌bǎ akû tô̤̌.

Htû̌sò̌htò̌ 89:32

Dǒ a cû̌tûlû̌khatili̤, ma̤ta̤sǔta̤plě akhû̌akhî, he glè̌ po̤ asî kû̌ nò̌po̤, he glè̌ plè asî kû̌ wě̤.

Rṳ̂̌me̤ 14:17

Ma̤titèhî̌dě, Cǒmara ashiagǎkûnu, shǎǎshǎô mî̌ ta̤ dǒ a lûdû̌lǒ mè̤̌tô̤̌. Ta̤ dǒ a lṳ̂dû̌lǒ mî̌, ta̤tě̤ta̤mè̤̌, ta̤ô̌mô̤ô̌bǎ, kû̌ sǎlě̤sǎlò̤ dǒ Yôla Plò̌shǐ Běcǎ ǐ pa tokhlǒ nupwǎ.

Kôritu ginǐ̤bǎ tôbǎ 4:17

Ma̤titèhî̌dě ta̤pò̤̌ta̤sha dǒ pa khòbǎ a bǎ hǎkhû̌ hǒtokhlǒ numî̌ tòshò̌phû̌ pwǎ. Pa kè̌ tûlû̌kè kû̌ ta̤tôta̤wô̌ dǒ pa gǔ nǐ̤bǎ a htǔ nô̌kòpě tôhtu pě tokhlǒ hǒnumî̌, amè̤̌ kû̌ tôcǒ hǐ tô̤̌. Bǎ hǎkhû̌nu pa khòbǎ ta̤pò̤̌ta̤sha hǒtokhlǒ bǎbǎkǎlè dǒ mǒkhû̌ pěnu ta̤bwǐdû̌sîrîhtû tûjû̌pwa̤ dǒ awî̤awô̌ khlo, dě alò̤htǒ lǒkhlo kû̌ ta̤pò̤̌ta̤sha dǒ pa khòbǎ dǒ hǎkhû̌nu, pa gǔ nǐ̤bǎ pě.

Tîmôte ginǐ̤bǎ tôbǎ 4:8

Khònò̤̌dě Cǒmara bè̌wô̌ hto he ta̤tě̤ta̤mè̤̌ a khû̌glû̌hta dǒ amè̤̌kû̌ ta̤ma̤nǐ̤ khû̌kǎ tômè nuhǒ. Htodě htû̌꤮ lṳmṳ̌ni̤ gutṳ̌ pěnu, pwa̤cî̌htò̌cǒta̤ a Běcǎ nutôpwa̤ gǔ ǐlò̤ he pě bǎbǎkǎlè hǒo numî̌ heya nô̤̌ mè̤̌bǎtô̤̌. Lǒ̤꤮ bò kòyò dǒ a ô̌pǒ̤kè̌shuǐ Běcǎ gǔ hè ô̌lṳ̌htò̌ sô̌ pě nutokhlǒ ayamî̌ a ô̌padô̌ pěpě.

Hebrǔ 12:10

Papha dǒ hǎkhû̌ nutokhlǒ tṳ̂mṳ̂̌ sû̌ǐtòwòǐ wô̌ gesô̌ pa aněala alṳmṳ̌ni̤ lṳmṳ̌sa sî tokhlǒnu, a yî̤tô̤̌, tòshò̌phû̌pwǎ dě a bè̌ lô̌khô kû̌ a ma̤ ta̤ numî̌ awô̌ pwǎ a gènè̤ dě a sû̌ǐ pa pwǎ. Pô̤̌khô pa gǔ plò̌shǐ sô̌sô̌kû̌ pô̤̌ papha Cǒmara nudě, a tṳ̂mṳ̂̌ sû̌ǐtòwòǐ wô̌ gesô̌ pa ta̤ dǒ a gǔ htûbwǐhtûsîrî dǒ paya nutokhlǒ pwǎ.

Hebrǔ 5:14

Bǎbǎkǎlè, shǎǎ a pwǐ̤ numî̌ kòyò dû̌to̤yobǎ sî̌ya dǒ a sû̌ǐ sî̌ganǎ̤hè bǎ hto anǎ̤ dǒ a gǔ běphò̌ sî̌ganǎ̤jò ta̤wô̌ kû̌ ta̤phû̌mò̤̌ nutokhlǒ aya pwǎ.

Petru awǐlǒ tabǎ 1:6

Pô̤̌nudě sǎlě̤sǎlò̤ lô̌khô kû̌ lǒ̤꤮ bò ta̤nutokhlǒ nî̌, bǎbǎkǎlè khònò̤̌ tòshò̌phû̌ akûnu ta̤pò̤̌ta̤sha acǒcǒ ma̤gû̌ma̤gè̌ sî.

Petru ginǐ̤bǎ tabǎ 2:14

Asî kè̌ pwa̤mǒ̤ tôpwa̤pwa̤ hî̌dě a sǎyṳ hǎmôô̌ kû̌ lû̌ còcè̌pwǎ. Asî ma̤ta̤sǔnu a ô̌kǔ pe tô̤̌ hǒ. Asî lô̌ǐ pî̌jò kòyò dǒ ata̤yṳ̌ sho khôtô̤̌ tokhlǒ gû̌ ma̤kû̌ ta̤sǔta̤phû̌mò̤̌ tokhlǒ. Dě asî sû̌ǐlò̤ nṳ̌wô̌ ǐ lô̌khô anǎ̤ kû̌ ta̤phǐsîgwǐ ǎnṳ̌tû̌aya. Asî ô̌ lô̌khô dǒ Cǒmara a ta̤ǐsho alǎ̤ hǒ.