Hebrǔ 12:1 - Kawyaw New Testament

¹ Pô̤̌nudě, kòyò dǒ a dǔlè̌lṳ̌ bǎ pa kû̌ a ta̤yṳ̌ta̤nǎ̤ tokhlǒnu, a ô̌ te̤we̤plṳ̂te̤we̤phǎ kû̌ pa. Pô̤̌nu akhû̌akhî, pa wîkè ta̤pṳ̂̌꤮ tocǒ dǒ a ma̤ dǐdò tě̤tṳ pa tokhlǒ kû̌ ta̤sǔ dǒ a ma̤ topho lòkhǔkè pa hǒtokhlǒ tǎ꤮! Dě pa kè̌wô̤̌wô̤̌ lû̌û kòyò ǐ pa ta̤bò̌htò̌htǔ dǒ palô̤mô̤̌nu dě pa gǔ sǎphlǒhtû khlè̌hètǒ̤ dǒ a ô̌nu tǎ꤮.

Kawyaw RC

¹ Hǐnudě, kòyò htě a dǔlṳ bǎ pa ta a ta̤yṳta̤nǎ htǒotoǒnu, a ǒ te̤we̤plṳ̂te̤we̤phǎ ta pa. Hǐnu akhû̌akhî, pa wîkè ta̤pṳ̂̌ tacǎ htě a ma̤ dǐdò pa toǒ ta ta̤sǔ htě a ma̤ topho lòkhǔkè pa htǒotoǒ hò̌! Dě pa kè̌plǒnû̌û kòyò ǐ pa ta̤bò̌htò̌htǔ palo̤mo̤ htǒo dě pa khòsò̌do khlè̌hèto̤ a ǒnu hò̌.

Hebrǔ 12:1 Iomraidhean Croise

Htû̌sò̌htò̌ 18:23

Dǒ Cǒmara tûjû̌pwa̤ alô̤mô̤̌nu he hǎplǎkè kû̌ ta̤sǔ. He sè̌rè̌ henǎ̤ kû̌ ma̤ta̤sǔta̤plǎ.

Matěo 10:22

Dǒ hekhû̌khî dě, kòyò pṳ̂̌꤮ tôpwa̤ sǎkhě bò sî pě. Bǎbǎkǎlè kòyò dǒ a ihtǒ tònò ô̌měô̌gle dǒ a ta̤yṳ̌ta̤nǎ̤ akû tǒ̤dǒ agutṳ̌ tokhlǒnu Cǒmara ma̤hǎplǎge asî pě.”

Matěo 24:13

Bǎbǎkǎlè kòyò dǒ a ihtǒ ô̌měô̌gle dǒ a ta̤yṳ̌ta̤nǎ̤ akû tǒ̤dǒ agutṳ̌ tokhlǒnu Cǒmara gǔ ma̤hǎplǎge asî pě.

Mǎ̤riko 10:50

Dě a plû̌htò̌ ajekhlo dě a pǎ̤lò̤kè lû̌û. Htodě a pě̤ihtǒ dě a hè dǒ Yeshǔ a ô̌.

Lǔka 12:15

Htodě a hî̌ pô̤̌ asî kû̌, “Ô̌sè̌rè lô̌khô, cû̌we̤khawe̤ lô̌khô pwa̤sǎyṳnǐ̤bǎdû̌ tûû̌ ayanutokhlǒ nî̌꤮, ma̤titè̌hî̌dě kòyò tôpwa̤nu, adû̌yò̤̌htò̌sa jòpwî̌tè꤮ bǎbǎ, a ta̤dû̌yò̤̌htò̌sa nu a ma̤wô̌ jè̌jò lû̌û ta̤ô̌htûpwa̤ tocǒ tô̤̌.”

Lǔka 16:28

He pṳ̌ pwa̤khûsî ô̌kè pe sò̌yè̤̌, pô̤̌khô asî glè̌ hètǒ̤ tǎ̤ bǎ ta̤jî̌ta̤jû̌ agûlǎ̤ hǒtôkû tǎ̤mǎ̤ nu, plûge bǎ he Khûlasarǔ nudě asî gǔ yò̤lǎ̤plǎdî̌ ayanu noge dǐ ô̌ sè̌rè̌ asî nî̌.’

Lǔka 21:34

“Sè̌rè̌ lô̌khô sînǎ̤ nî̌. Bǎ sî ǎmuômu akha sî ma̤bǐma̤ô̌ tǎ̤ nutokhlǒ bǎbǎ, sî gènè̤ lô̌khô kû̌ sî ta̤ô̌htûpwa̤ dǒ hǎkhû̌hǒo tôhtu tokhlǒnu bǎbǎ, Ma̤hǎbòkè tǎ̤ sî ta̤shěta̤khǎ kû nutokhlǒ tǎ̤mǎ̤ nî̌. Hî̌pěmî̌ Kòyòphû̌khû mî̌ he glè̌ hètǒ̤tîkhî dǒ sî ô bǎ sî gènè̤htò̌tǒ̤ tô̤̌ nutôni̤ nutôsa pě.

Jowǎ̤ni̤ 3:32

A shôbǐǐlṳ̌ bǎ kòyò kû̌ lǒ̤bò a kè̌shǐ nutokhlǒ kû̌ lǒ̤bò a ganǎ̤de nutokhlǒ. Bǎbǎkǎlè a shôbǐǐlṳ̌ bǎ kòyònu kòyò ganǎ̤de phî̌shǐshu lû̌ûta tôpwa̤ tô̤̌.

Jowǎ̤ni̤ 4:39

Dǒ wî̤̌nu tôwî̤̌ akûnu Shamarǐphû̌ yṳ̌nǐ̤nǎ̤nǐ̤ ge jûgrû Yeshǔ, ma̤titèhî̌dě dǒ pwa̤mǒ̤ nutôpwa̤ khòlṳ̌ dě a hî̌ kû̌, “A hî̌pô̤nǎ lǒ̤bò ta̤ dǒ he ma̤hto tokhlǒnu,” Akhû̌akhî asî yṳ̌nǐ̤nǎ̤nǐ̤ ge dû̌wî̤.

Jowǎ̤ni̤ 4:44

Yeshǔ hî̌hto kû̌, “Piwi̤pèshènu adokûphû̌ bè̌dubè̌nǎ̤ǐ yǎ tô̤̌.”

Rṳ̂̌me̤ 12:12

Sî ta̤kè̌shuǐ dǒ Cǒmara tîwî̌tòwò bǎ sîya hǒtokhlǒnu, sǎlě̤sǎlò̤ lô̌khô nî̌꤮. Bǎ ta̤pò̤̌ta̤sha hèbǎ sî akhanu, khòsǎdô lô̌khô, kwicaba lô̌khô pṳ̂̌꤮ tôplǎ nî̌꤮.

Rṳ̂̌me̤ 2:7

Kòyò dǒ ama̤ hènè ta̤wô̌ dě a kè̌lǎ Cǒmara ǐ ta̤bwǐdû̌sîrîhtû, ta̤bè̌dubè̌nǎ̤ kû̌ ta̤htûpwa̤ dǒ asijò tô̤̌ tokhlǒnu Cǒmara ǐ yôla htûpwa̤ tûjû̌pwa̤ pě.

Kôritu ginǐ̤bǎ tôbǎ 7:1

Khôbǒsû̌ sî lǒ̤bò Cǒmara olò̤ tokhlǒ numî̌ paya lǒ̤bò hǒ. Pô̤̌nudě, pa gǔ cû̌ tephekè kû̌ panǎ̤glǒ a ta̤sǎyṳ phû̌mò̤̌ tokhlǒ kû̌ pa sǎphlǒ a ta̤gènè̤ phû̌mò̤̌nu tokhlǒ tǎ. Dě dǒ pa ǐsha bè̌dubè̌nǎ̤ Cǒmaranu akhû̌akhîdě pa gǔ htûhtò̌ lô̌khô kòyò dǒ a aplò̌shǐ tokhlǒ tǎ.

Galatǐ 2:2

Cǒmara dǐlè̌lṳ̌htò̌ he kû̌ he tôbǎ cû̌ bǎnu akhû̌akhîdě, he cû̌ pwǎ. Bǎ he ô̌ bǎnu akha, he kè̌shǐ kû̌ ta̤ dǒ kòyò bè̌ asî kû̌ ta̤dòkû ikǒlǒkòdû̌ tokhlǒ dě he shôbǐǐphlô bǎ asî kû̌ ta̤sǎlě̤we̤kè pô̤̌ he shôbǐǐlṳ̌ bǎ kòyò pṳ̂̌꤮ plǎ dǒ Yǔdaphû̌ mè̤̌tô̤̌ tokhlǒ akla nupwǎ. He ta̤shôbǐǐlṳ̌ dǒ a tûlû̌kè htonu tokhlǒ bǎbǎ, khònò̤̌ tokhlǒnu bǎbǎ, he sǎyṳ nohtûhtò̌ tṳ̌dè yǎtô̤̌.

Galatǐ 5:7

Sî khlè̌ wô̌wô̌bǎbǎ htohǒ bǎbǎkǎlè mò̌pè tôpwa̤ noô̌kǔ sî dǒ sî gǔ ganǎ̤de ta̤tě̤ta̤mè̤̌ tô̤̌nu ya?

Ěphěsu 4:25

Pô̤̌nudě lòhô pe tǎ̤ kòyò tôpwǎ̤꤮ tǎ̤mǎ̤ nî̌꤮. Hî̌bǎcǒhî̌bǎtè̤ lô̌khô kòyò pṳ̂̌tôpwa̤ nî̌꤮, ma̤titèhî̌dě pa mî̌ asô̌sô̌kû̌ nǎ̤glǒ tôpwa̤ nô̤̌, bǎbǎkǎlè ayô̤agî̌ khô̌ lû̌û pô̤̌nupwǎ.

Phǐlǐpǐ 1:30

Ta̤shě dǒ sî shěpě̤ numî̌ asô̌sô̌kû̌ he shěpě̤ hto nutokhlǒ pwǎ. He khòbǎ ta̤ dǒ awǐanô̌ nutokhlǒmî̌ sî kè̌shǐ hto tûû̌ hǒ. Htodě pô̤̌ sî ganǎ̤de hto, he shěpě̤ pe tǒ̤lò̤ khònò̤̌.

Phǐlǐpǐ 2:16

Shôbǐǐlṳ̌ padô̌ lô̌khô kòyò ta̤htûpwa̤ awe̤akènu nî̌꤮. Sî kè̌ ma̤pô̤̌nu hî̌dě bǎ Khrǐ hèlò̤ sô̌ alṳmṳ̌ni̤ pě tôni̤nu, lǒ̤bò he jî̌pwǐ̤ tokhlǒ kû̌ he ta̤phǐta̤ma̤ nutokhlǒ a htûhtò̌ nòdû̌pe tô̤̌ akhû̌akhî, dǒ sîkhû̌sîkhî dě he gǔ phî̌htò̌lǒǐ henǎ̤ pě.

Tîmôte ginǐ̤bǎ tôbǎ 2:4

Kliphû̌ dǒ a ô̌ bǎ ta̤phǐta̤ma̤ akû tôpwa̤nu, a sǎyṳ ma̤tôma̤mô̤ a khli ikǒdû̌ asǎphlǒ akhû̌akhî, a tô ma̤ dǐkhû̌dǐdò anǎ̤ kû̌ ta̤phǐta̤ma̤ dǒ ashǔshawa̤ tokhlǒ tô̤̌.

Tîmôte ginǐ̤bǎ tôbǎ 4:7

Ta̤shěpě̤ dǒ awô̌lǒnu he shěhtohǒ. Ta̤ bèkhlè̌tǎ̤nu he khlè̌ htohǒ. He pṳ̂̌měǐ wô̌ he ta̤yṳ̌ tǒ̤dǒ agutṳ̌hǒ.

Hebrǔ 6:15

PhaAbraha ô̌pǒ̤ khòsǎdôǐ, dě dǒnô̌kònu a nǐ̤bǎ Cǒmara olò̤ lû̌yô̤̌ nutômû.

Jǎgomo̤ 1:3

Ma̤titèhî̌dě, bǎ sî kè̌shǐ tṳ̌bǎ kû̌ ta̤pò̤̌ta̤sha ta̤tili̤tôlô̌ ma̤kè̌kè̌ sî ta̤yṳ̌ta̤nǎ̤ akhanu, a dǐô̌ dû̌htò̌ pô̤̌ sî ta̤sǎphlǒhtû tokhlǒ pwǎnu sî sî̌ganǎ̤ tûû̌ hǒ.

Petru awǐlǒ tabǎ 2:1

Pô̤̌nudě, sǎkhěkhû̌khwè pe tǎ̤ kòyò tǎ̤mǎ̤. Lǒ̤bò ta̤lòhô, ta̤jî̌cǒjî̌tè̤, ta̤sǎkhwè̌, ta̤dô̌mi̤dô̌yô̤ sî tokhlǒnu tôbǎ ô̌ petô̤̌.

Petru awǐlǒ tabǎ 4:2

Pô̤̌nudě sahtò̌ khònò̤̌ tǒ̤hènu dě, sî lṳmṳ̌ni̤ lṳmṳ̌sa dǒ a ô̌kèpe dǒ hǎkhû̌ tokhlǒnu sî bǎ ô̌htûpwa̤ pô̤̌ Cǒmara a ta̤sǎyṳnu. Sî bǎ ô̌htûpwa̤ nǐ̤ pe pô̤̌ kòyòhǎkhû̌phû̌ a ta̤sǎyṳ phû̌mò̤̌ nutokhlǒ tô̤̌.

Petru awǐlǒ tabǎ 5:1

He mî̌ ta̤dòkû mǒ̤pwǎ̤ ikǒdû̌ tôpwa̤, htodě he mî̌ pwa̤khòlṳ̌ bǎ Khrǐ a ta̤khò̌jî̌jû̌ awe̤akè tôpwa̤. Htokhôtô̤̌ htû̌꤮ Cǒmara dǔlè̌lṳ̌ hǒ kòyò kû̌ a ta̤bwǐdû̌sîrîhtû akhapěnu, he bǎbǎ, he ô̌plǒ kû̌ a ta̤sîrîdû̌sîrîhtû nupě. Khònò̤̌dě he kwisǎyṳ sî ta̤dòkû mǒ̤khumǒ̤pwǎ̤ dǒ a htû ikǒlǒkòdû̌ tokhlǒ kû̌,

Petru awǐlǒ tabǎ 5:12

He wě̤pǔtǔ bǎ pwǎ sî lî̤nu pwǎ. He ǐkhû̌ǐǎ sî, htodě he khòlṳ̌ hesǎphlǒ kû̌ ta̤numî̌ Cǒmara abwǐsîrî mè̤̌mî̌ca. Ô̌měô̌gle lô̌khô dǒ ta̤nu akû nî̌꤮. Khûshǐla dǒ he bè̌ a pô̤̌ he pṳ̌wè̤̌ dǒ acǒ kû̌ ayô̤̌ tôpwa̤nu, a wě̤jè̌ padô̌ he lî̤hǒtôbǎ.

Petru ginǐ̤bǎ tabǎ 1:6

Dǒ ta̤sî̌khû̌sî̌ya akhû̌nu, bè̌plǒ dû̌wî̤pô̤̌ ta̤khòbò̌ ǐtû̌ nǎ̤, dǒ ta̤khòbò̌ ǐtûû̌ nǎ̤ akhû̌nu, bè̌plǒ dû̌wî̤pô̤̌ ta̤khòsǎdô sǎphlǒhtû, dǒ ta̤khòsǎdô sǎphlǒhtû akhû̌nu, bè̌plǒ dû̌wî̤pô̤̌ ta̤ô̌htûpwa̤ tôbǎ kû̌ Cǒmara,

Ta̤dǔlè̌nǎ 1:9

He mî̌ sî pṳ̌wè̤̌ Khûyṳ̂ha dǒ a yṳ̌ǎ Khrǐ sô̌sô̌kû̌ kû̌ sînu tôpwa̤. He mî̌ sî khô dǒ a khòjî̌khòjû̌ plǒta̤ kû̌ sînu tôpwa̤. He mî̌ Cǒmara a shiphû̌gǎphû̌ sô̌sô̌kû̌ kû̌ sîsî, dě he sǎphlǒhtû plǒta̤ kû̌ sînu tôpwa̤ pwǎ. Dǒ he shôbǐǐlṳ̌ bǎ kòyò kû̌ Běcǎ Cǒmara awe̤akè kû̌ ta̤dǒ Yeshǔ Khrǐ tṳ̌sikhòsi bǎ he tokhlǒ akhû̌akhî, kòyò cû̌ dǐô̌kè he dǒ Pamǔ klǔkhû̌ hǒ.

Ta̤dǔlè̌nǎ 13:10

Kòyò tôpwa̤pwa̤ dǒ kòyò ta̤yè̤lò̤nǎ hto lû̌û dǒ kòyò gǔ pṳ̂̌ dǒlò̤tě̤ a dǒ apô̤kû hî̌nu, kòyò bǎ pṳ̂̌ dǒlò̤tě̤nò a pě. Kòyò tôpwa̤pwa̤ dǒ kòyò ta̤yè̤lò̤nǎ hto lû̌û dǒ kòyò bǎma̤si a kû̌ nò̌she pě dě, kòyò bǎ ma̤sinò a kû̌ nò̌she pě pwǎ. Cǒmara kaǎ a kòyò dǒ a gǔ bǎsǎphlǒhtû ta̤jî̌ta̤jû̌ dě bǎ jûǎyṳ̌ǎ ta̤ ayapwǎ.

Ta̤dǔlè̌nǎ 22:16

“He mî̌ Yeshǔ. Pô̤̌khô he gǔ shôbǐǐ lṳ̌bǎ ta̤dòkû tokhlǒ kû̌ ta̤we̤ta̤kè tokhlǒ ayanu, he sûlò̤ bǎ sî he mǒkhû̌ tanaphû̌ hǒ. He pṳ̌wè̤̌ khlilè mî̌ amè̤̌ Khûdawi̤ akhlialè gelò̤nu tômṳ̌tôcǒ hǒ. He mî̌ shǎtǒ̤wô̤ dǒ a lîkakha nutômè hǒ.”

Ta̤dǔlè̌nǎ 3:10

He ta̤mǎlò̤ dǒ na gǔ sǎphlǒhtû ayanu, na to̤ǐ phǐmě akhû̌akhî, ta̤pò̤̌ta̤sha dǒ a glè̌ hè dǒ hǎkhû̌nu dě a gǔ ma̤kè̌kè̌bò kòyò ô̌dǒ hǎkhû̌ nutôbě bò̌bòpě akhanu, he gǔ tugǔtaka ǐ na pě.