Hebrǔ 11:9 - Kawyaw New Testament

⁹ Dǒ ta̤yṳ̌ akhû̌akhî, a cû̌ô̌ dǒ kòyòshi kòyògǎ dǒ Cǒmara olò̤ kû̌ a gǔ ǐ lû̌û nutôbǎ. A cû̌ô̌ sô̌sô̌kû̌ khlilèphû̌ ashǔshawa̤ tôpwa̤ dě a cû̌ ma̤ hǐphû̌ dǒ to̤hǔbǐ tûû̌ kû̌ hugò̌pwǐ tokhlǒ dě a cû̌ô̌ pwǎ dǒ hǐphû̌kû. Dě a phû̌pwa̤khû KhûIsè̌ kû̌ ali̤ Khûya̤kò dǒ a nǐ̤bǎ sô̌sô̌kû̌ ta̤olò̤ dǒ Cǒmara a ô̌nu sò̌ginǐ̤nu, a shǒlò̤ sô̌sô̌dô̌ hǐphû̌ bǎnu.

Kawyaw RC

⁹ Ta̤yṳ akhû̌akhî, a cû̌ǒ bǎ kòhǔwa̤shi kòhǔwa̤ga htě Cǒmara olò̤ ta a glè ǐ nû̌ûnu tebě. A cû̌ǒ sǒsǒta khlilèhǔwa̤phû̌ tapwa̤ dě a cû̌ ma̤htò̌nṳ ahǐphû̌ ato̤hǔbǐ nû̌ûta hǔgòpwî̌ toǒ dě a cû̌ǒ pwǎ hǐphû̌kû. Dě a phû̌makhû Isǎko ta ali̤ Yǎ̤kò htě a nî̤bǎ sǒsǒdǒ ta̤olò̤ dě Cǒmara a ǒ htǒo sò̌gini̤nu, a ma̤ sǒsǒkû̌ ahǐphû̌ bǎnunu.

Hebrǔ 11:9 Iomraidhean Croise

Mǒhtûlû̌hǎhtûsa 12:8

Htodě a lò̤tòlò̤ dǒ gǎcôcǐ bǎ Wî̤̌betelǎ lṳmṳ̌htò̌ nutôkhô shô̌kla nudě a cû̌ma̤htò̌ lô̌khô ahǐphû̌ bǎ Wî̤̌betelǎ kû̌ Wî̤̌aǐ aplǎkûnu. Wî̤̌betelǎ dě a ô̌ dǒ alṳmṳ̌nṳ̌, Wî̤̌aǐ dě a ô̌ dǒ lṳmṳ̌htò̌ tôkhô. Dě a tèhtò̌ bǎ Cǒmara tûjû̌pwa̤ aya ta̤lṳhtò̌wǎ̤ kû̌ lǒ̤ bǎnu tôwǎ̤ dě a cabahtò̌ ǐ Cǒmara tûjû̌pwa̤ bǎnu.

Mǒhtûlû̌hǎhtûsa 13:18

Pô̤̌nukhû̌khî, Khûabra htěpò̌cû̌ ahǐphû̌ dě a sǒcû̌ ahǐphû̌ tokhlǒ dě a cû̌ ma̤htò̌phǔ dǒ Khûmè̤mare asǒmṳ̌dû̌ plò̌shǐ gûlǎ̤ bǎ Wî̤̌hebrû nutôkû, dě a tèhtò̌ma̤htò̌ ǐ bǎ Cǒmara tûjû̌pwa̤ aya ta̤lṳhtò̌wǎ̤ kû̌ lǒ̤ bǎnu tôwǎ̤.

Mǒhtûlû̌hǎhtûsa 13:3

A ô̌ dǒ Khanagǎ lô̤̌kò nutôkhô dě a cû̌ô̌ tôkû hto tôkû, dě a getîkhî sô̌ dǒ Wî̤̌betelǎ, dǒ awǐkha a cû̌ma̤htò̌ hǐphû̌ bǎ Wî̤̌betelǎ kû̌ Wî̤̌aǐ aplǎkûnu,

Mǒhtûlû̌hǎhtûsa 17:8

Khanagǎ tôgǎ lǒ̤bò dǒ na ô̌ ǐ a sô̌sô̌kû̌ shilǎ̤gǎkhlophû̌ tôpwa̤ khònò̤̌nu, he gǔ ǐlò̤ kû̌ na kû̌ nakhlinalè lò̤tutṳ̌ dǒ nô̌kò tokhlǒ tûjû̌pwa̤ pě dě he gǔ htû asî Cǒmaradû̌ pě.”

Mǒhtûlû̌hǎhtûsa 18:6

Hǒtôplǎ dě PhaAbraha tuplṳ̌tewě̤ khlè̌nṳ̌tô dǒ ahǐphû̌kû dě a hî̌ Mǒ̤sara kû̌, “Phî̌hè phwèmò̌ bǔkû̌lǎmǔ acè̌nu bǒo shǐginǐ̤ jwè̌. Cîmǔmò̌, ma̤mò̌ mû̌ dě shû̌ǎ mò̌ yǎ.”

Mǒhtûlû̌hǎhtûsa 18:9

Asî gwè̌ lô̌khô lû̌û kû̌, “Na ma Mǒ̤sara lè?” Dě a hî̌shǔ asî kû̌, “A ô̌ dǒ hǐphû̌kûnu.”

Mǒhtûlû̌hǎhtûsa 21:34

Dě a ô̌ yî̤ bǎ Phǐlǐsôtǐgǎkûnu.

Mǒhtûlû̌hǎhtûsa 23:4

“He mî̌ shilǎ̤gǎkhlophû̌ tôpwa̤ dǒ a hèô̌ kû̌ sî, dě shaǎ pè̤̌mò̌ he sîlṳ̌khû̌ dě he lǔǐjò nô̌ hema pwǎ.”

Mǒhtûlû̌hǎhtûsa 25:27

Bǎ phijǎphû̌nu sò̌ginǐ̤ dû̌htò̌ akhanu, Khûětò̌ dě ahtû pwa̤lṳ̂ta̤mi̤ta̤mò̤̌ dǒ a khǎjò wô̌ta̤ tôpwa̤, dě a sǎlě̤ hǎhtò̌cû̌gǎ pwǎ dǒ mi̤kla, bǎbǎkǎlè Khûya̤kò nî̌, a bè̌shapwǎ̤ anǎ̤dě a ô̌ pwǎ dǒ hǐphû̌kû pwǎ.

Mǒhtûlû̌hǎhtûsa 28:4

Pô̤̌khô na gǔ nǐ̤bǎ shigǎ dǒ Cǒmaradû̌ ǐ kû̌ napha PhaAbraha dǒ na ô̌ ǐtûû̌ a pô̤̌ shǐtèmè̤ nutôgǎ ayanu, ta̤ǐshowî̤ dǒ Cǒmaradû̌ ǐ PhaAbrahanu a ǐ kû̌ na kû̌ nakhlinalè hǒtokhlǒ nî̌꤮.”

Mǒhtûlû̌hǎhtûsa 31:25

Bǎ Phalaba lṳ̂lǎ lû̌û akhanu, Phaya̤kò ma̤htò̌ htolǎkè hǐphû̌ dǒ kòyò ma̤ kû̌ hugò̌pwǐ bǎ Kǐlè̌gǎ khôlôkla nutokhlǒ hǒ, dě Phalaba kû̌ akhlialè tokhlǒ a ma̤dô̌ lô̌khô hǐphû̌ tokhlǒ bǎ nunu.

Mǒhtûlû̌hǎhtûsa 35:27

Phaya̤kò getǒ̤sô̌ dǒ apha PhaIsè̌ lǎ̤ô̌ǐ Mè̤mare gûlǎ̤, dǒ a ô̌phǔ kû̌ Wî̤̌kǐriya Araba dǒ kòyò kaǎ pô̤̌ lû̌û kû̌ Wî̤̌hebrû nutôwî̤̌. Wî̤̌ nutôwî̤̌ mî̌ PhaAbraha kû̌ PhaIsè̌ cû̌ô̌ ma̤pô̤̌ shǐtèmè̤ wî̤̌ nuhǒ.

Mǒhtûlû̌hǎhtûsa 36:7

Asî ta̤phû̌ta̤li̤ tokhlǒ nî̌ a ô̌dû̌wî̤ tûlû̌ shû̌lě dě a ô̌cujò pe lû̌û tô̤̌. Asî ta̤mi̤ta̤mò̤̌ tokhlǒ mî̌ a ô̌wô̤̌ô̌dû̌ shû̌lě akhû̌akhî, asî sò̌ginǐ̤ a lǎ̤kè̌pô̤̌ ta̤mi̤ta̤mò̤̌ gûlǎ̤ ayanu a dô̌nṳ̌ pe tô̤̌.

Mǒhtûlû̌hǎhtûsa 47:9

Phaya̤kò hî̌shǔ lû̌û kû̌, “He htûshǐtèmè̤ dě cû̌ô̌ tûkû hto tûkû bǎ hǎkhû̌nu dǒ aněně alalakû dě, he ô̌ hto aně tôya̤ kû̌ sushi hǒ. Heně htû kû̌ jî̌ kò tô̤̌, htodě apò̤̌asha lîlè. Ma̤hî̌nudě heně htû gunò̤lǎ kû̌ hephihephu sî dǒ a htûshǐtèmè̤ dě cû̌ô̌ tûkû hto tûkû bǎ hǎkhû̌nu tokhlǒ aně tô̤̌.”

Htû̌sò̌htò̌ 105:12

Bǎ a hî̌ ayô̤̌ pô̤̌o akhanu, asî ô̌tîkî̌phû̌ nô̤̌ pe pwǎ. Asî htû shǐpwǎ̤shǐmè̤ dǒ Khana̤gǎkû pî̌tî̌phû̌nô̤̌ pwǎ.

Hebrǔ 6:17

Kòyò dǒ a nǐ̤bǎ Cǒmara a ta̤olò̤ tokhlǒnu, Cǒmara sǎyṳ nosî̌ganǎ̤ tě̤tě̤mè̤̌mè̤̌ asî kû̌ pô̤̌ Cǒmara olò̤ hto asînu, a gǔ ma̤ lǒbe pô̤̌nu pě, a htû̌lè̌ tèplè̌ petô̤̌ akhû̌akhî, dǒ a ta̤olò̤ akûnu, a wṳ̂̌dò nṳ̌pa ayô̤̌ bǎnu.