Hebrǔ 11:7 - Kawyaw New Testament

⁷ Dǒ Phanṳ̂̌a ata̤yṳ̌ akhû̌akhî, Cǒmara dǐô̌ sè̌rè̌nǎ lû̌ ta̤dǒ a kè̌shǐ sî̌ganǎ̤ khôtô̤̌ dǒ a gǔ htûhtò̌ htû̌ nô̌kòpě nutokhlǒ. A bè̌dubè̌nǎ̤ Cǒmara, a ganǎ̤de lû̌yô̤̌ dě a bô̌htò̌ sǒkhlidû̌ dǒ a gǔ ma̤hǎplǎge kû̌ a hǐphû̌phòphû̌ aya tôbǎ. Dǒ Phanṳ̂̌a ta̤yṳ̌ akhû̌akhî, a dǔlè̌lṳ̌ kû̌ Cǒmara cî̌htò̌ kòyò hǎkhû̌phû̌ tokhlǒ pě. Dě dǒ ata̤yṳ̌ akhû̌khî, Cǒmara bè̌hto a pô̤̌ kòyòcǒkòyòtè̤ tôpwa̤ hǒ.

Kawyaw RC

⁷ Nǒa ata̤yṳ akhû̌akhî, Cǒmara ǐsè̌rè̌nǎ nû̌û ta̤htě a kè̌shǐ sî̌ya hǒtò̤ dě a glè htûhtò̌ htû̌꤮ anǒkòpěnu toǒ. A bè̌dubè̌na̤ Cǒmara, a gana̤de nû̌ûyo̤ dě a ma̤htò̌ sǒkhlidû̌ htě a glè ma̤lû̌htò̌ge nû̌ûta a hǐphû̌phòphû̌ aya tabǎ. Nǒa ta̤yṳ akhû̌akhî, a dǔlṳ ta Cǒmara cèrò kòyòhǎkhû̌phû̌ toǒ pě. Ata̤yṳ khû̌khî, Cǒmara bè̌ yǎ pwǐ kòcǒkòtè̤ tapwa̤ hǒ.

Hebrǔ 11:7 Iomraidhean Croise

Mǒhtûlû̌hǎhtûsa 19:14

Pô̤̌nudě Phalòtǎ hǎhtò̌cû̌ shôbǐǐlṳ̌ bǎ amasî dǒ a hè ǎmě hto kû̌ aphû̌pwa̤mǒ̤sî tokhlǒ kû̌, “Ma̤phwèmò̌ dě hǎhtò̌cû̌ tephe phwèkèmò̌ lô̌khô kû̌ wî̤̌ hǒtîwî̤̌. Ma̤titèhî̌dě Cǒmara tûjû̌pwa̤ glè̌ cî̌htò̌ ma̤pî̌kè bò wî̤̌ hǒtîwî̤̌ hǒ,” Bǎbǎkǎlè amasî tokhlǒ shò̌tò̤̌pwǎ kû̌ a hî̌bǎ lò̤wě̤ asî pwǎ.

Mǒhtûlû̌hǎhtûsa 6:13

Cǒmaradû̌ hî̌ Phanṳ̂̌a kû̌, “He bè̌lò̤ he sǎphlǒ kû̌ he gǔ cî̌htò̌ ma̤pî̌kè bò kòyòhǎkhû̌phû̌ pṳ̂̌ tôpwa̤ pě. Ma̤titèhî̌dě hǎkhû̌nu alǒbebò kè kû̌ ta̤phû̌mò̤̌shǐhtô hǒ. Ma̤titèhî̌dě dǒ asî akhû̌akhî, he gǔ ma̤pî̌kè bò asî sadakû̌ hǎkhû̌ pě.

Mǒhtûlû̌hǎhtûsa 6:22

Htodě Phanṳ̂̌a gû̌ma̤ pô̤̌ Cǒmaradû̌ mǎnǎnu pṳ̂̌tocǒ.

Mǒhtûlû̌hǎhtûsa 6:9

Hǒomî̌ ta̤wě̤mǎnǎ Phanṳ̂̌a akhlialè gelò̤ tutṳ̌sî awe̤akè. Bǎ Phanṳ̂̌a ahtukhanu, a mî̌ kòyòcǒkòyòtè̤ tôpwa̤, a ta̤ô̌htûpwa̤ nî̌ kòyò lǎ̤bè̌ ata̤sǔ ô̌tô̤̌. Htokhôtô̤̌ abǒsû̌khǎkhô cû̌cukhacu ta̤ kû̌ Cǒmaradû̌.

Mǒhtûlû̌hǎhtûsa 7:23

Lǒ̤bò ta̤ dǒ a ô̌ htûpwa̤ wṳ̌wè̤ dǒ hǎkhû̌ tokhlǒnu a sikè bò hǒ, kòyòhǎkhû̌phû̌ bǎbǎ, lǒ̤bò ta̤mi̤ta̤mò̤̌ dǒ a ô̌ dǒ mi̤kla nutokhlǒ bǎbǎ, lǒ̤bò ta̤phû̌ta̤wè̤ dǒ kòyò bǔ dǒ hǐ nutokhlǒ bǎbǎ, htû̌phû̌yṳ̌phû̌ wi̤ dǒ mǒlǎ̤ sîtokhlǒ bǎbǎ Cǒmara tûjû̌pwa̤ ma̤sikè bò hǒ. A ô̌ htûpwa̤ pwǎtǒ̤ Phanṳ̂̌a kû̌ kòyò dǒ a ô̌ kû̌ lû̌û nutokhlǒ pwǎ.

Mǒhtûlû̌hǎhtûsa 7:5

Dě Phanṳ̂̌a ma̤bò pô̤̌ Cǒmara tûjû̌pwa̤ hî̌bǎlò̤ lû̌û nutokhlǒ.

Mǒhtûlû̌hǎhtûsa 8:16

“Ǒ nṳ̂̌a, kaǎnṳ̌ nama, naphû̌pwa̤khûsî kû̌ nadè̌sî nutokhlǒ dě hǎhtò̌bò mò̌ dǒ sǒkhlidû̌ akhlonu,

Matěo 2:12

Dě Cǒmara dǐsè̌rè̌ pwa̤sî̌jò̌phû̌ tokhlǒ dǒ a ta̤hǎmimò̤̌ akû kû̌ asî gǔ getô pe dǒ Khwǐherû a ô̌ tô̤̌. Dě asî gekhô̌kè klè̌ dǒ ashǔshawa̤ tôbô dǒ asîgǎ.

Matěo 24:15

Pô̤̌nudě, “Sî gǔ kè̌shǐ kû̌ ta̤ma̤yǒ̤sipi̤wô̤̌ tô ô̌ ihtǒ dǒ ta̤plò̌shǐ agûlǎ̤ tô̤̌ bǎbǎkǎlè a ihtǒô̌ bǎnu pě. Dě dǒ hǒo akhû̌akhî, kòyò gǔ dǐô̌khwè̌kè ta̤plò̌shǐ agûlǎ̤ pě. Piwi̤pèshè Khûdani̤ěla shôbǐǐ htohǒ ta̤phǔmò̤̌shǐhtô awe̤akè hǒ. Bǎ sî kè̌shǐ a htûhtò̌kè pô̤̌o akha pěnu, kòyò dǒ a dô̌ lî̤ tokhlǒ tôbǎ sî̌yaphlô lô̌khô,

Matěo 24:25

Ta̤ma̤anǎ̤ hǒtokhlǒ hètǒ̤ khôtô̤̌ akhanu, he dǐsè̌rè̌ nǎ sî hǒ.

Matěo 24:38

Ma̤titèhî̌dě bǎ shidû̌bǐ hètǒ̤ khôtô̤̌ akhanu, kòǎkòô, khòmò̤̌ lû̌û tǒ̤dǒ bǎ Phanṳ̂̌a nṳ̌ dǒ sǒkhlidû̌kû nutôni̤.

Matěo 3:7

Bǎbǎkǎlè bǎ Khûyṳ̂ha kè̌shǐ Pharishè̌phû̌ kû̌ Sadukè̌phû̌ tokhlǒ hèprṳ̂ hèphǎ dǒ a gǔ hèju anǎ̤ kû̌ shi akhanu, a hî̌ asî kû̌, “Wṳ̂̌sasî꤮! mò̌pè tôpwa̤ dǐsè̌rè̌ sî kû̌ sî gǔ hǎplǎbò̌ kû̌ Cǒmara a ta̤cî̌htò̌ dǒ a hèlò̤pě nuya?

Lǔka 17:26

“Kòyòphû̌khû mî̌ he glè̌ hèpě akhanu, a glè̌ htûhtò̌ sô̌sô̌kû̌ pô̤̌ Phanṳ̂̌a htukha nu pě.

Rṳ̂̌me̤ 1:17

Cǒmara bè̌cǒbè̌tè̤ kòyò tokhlǒ kû̌ anǎ̤ hî̌tènu mî̌ ta̤sǎlě̤we̤kè nî̌ dǔlè̌lṳ̌htò̌ hǒ. Ta̤cǒta̤tè̤ numî̌ a sahtò̌ kû̌ ta̤yṳ̌ dě a gutṳ̌ kû̌ ta̤yṳ̌. Lî̤plò̌shǐ hî̌ kû̌, “Kòyò dǒ Cǒmara bè̌cǒbè̌tè̤ ata̤yṳ̌ tokhlǒnu, asî nǐ̤bǎ ta̤ô̌htûpwa̤ asa mè̤̌mî̌ca pě.”

Rṳ̂̌me̤ 10:6

Bǎbǎkǎlè kòyò dǒ Cǒmara bè̌cǒbè̌tè̤ a kû̌ a ta̤yṳ̌ta̤nǎ̤ akhû̌akhî tokhlǒnu, a tôbǎ gwè̌ kû̌, “Mò̌pè glè̌ htò̌ (kaǎlò̤tě̤ Khrǐ) dǒ mǒkhû̌?” Pô̤̌nutô̤̌.

Rṳ̂̌me̤ 3:22

Kòyò dǒ a yṳ̌ǎ kû̌ Yeshǔ Khrǐ ma̤hto bǎ aya tokhlǒ hǒnu, Cǒmara ǐ yǎ pô̤̌ kòyòcǒkòyòtè̤ nuhǒ. Hǒomî̌ klè̌ dǒ Comara ma̤ bǎ bò kòyò dǒ a yṳ̌ǎ Yeshǔ Khrǐ nutokhlǒ aya hǒ. Dǒ Cǒmara a lô̤mô̤̌nu akhô̌ nô̌ tôpwa̤꤮ tô̤̌.

Rṳ̂̌me̤ 4:11

A dǔtṳ̌aphě numî̌ dǒ nô̌kò pwǎ. Bǎ a dǔtṳ̌bě nò̌khôtô̤̌ akhanu, dǒ ata̤yṳ̌ akhû̌akhî Cǒmara bè̌ a pô̤̌ kòyòcǒkòyòtè̤ tôpwa̤hǒ, pô̤̌nudě a ma̤mǎma̤dòǐ lû̌û kû̌ ta̤dǔsilǐbě pô̤̌nu tôcǒ pwǎ. Pô̤̌nudě kòyò dǒ a dǔtṳ̌ gû̌ kòyò phě tô̤̌ bǎbǎkǎlè, a yṳ̌ǎ Cǒmara tokhlǒnu, PhaAbraha htû bǎbò kòyò pô̤̌nu tokhlǒ apha hǒ. Pô̤̌nu akhû̌akhî Cǒmara bè̌cǒbè̌tè̤ asî hǒ.

Rṳ̂̌me̤ 4:13

Cǒmara olò̤ PhaAbraha kû̌ akhlialè tokhlǒ dǒ awǐkha kû̌mî̌ hǎkhû̌ tôběbònu, a htûhtò̌ asîta pě. Bǎbǎkǎlè dǒ asî jûǎ gû̌ma̤ ta̤sû̌ta̤tòwò akhû̌khî dě a htûhtò̌ asîta pě, a olò̤ lû̌û pô̤̌nu mè̤̌tô̤̌. Cǒmara bè̌cǒbè̌tè̤ asî kû̌ a ta̤yṳ̌ta̤nǎ̤ akhû̌akhî, a olò̤ kû̌ a ǐ asî pě pwǎ.

Rṳ̂̌me̤ 9:30

Kè̌ ma̤pô̤̌nudě, pa gǔ hî̌ hî̌tè? Yǔdaphû̌ mè̤̌tô̤̌ tokhlǒnu, a kè̌lǎǐ kû̌ kòyò klè̌ dǒ Cǒmara bè̌cǒbè̌tè̤ kòyò nutôbô tô̤̌ bǎbǎkǎlè asî nǐ̤bǎ hǒ. Dǒ asî ta̤yṳ̌ta̤nǎ̤ akhû̌akhîdě Cǒmara bè̌cǒbè̌tè̤ asî hǒ.

Galatǐ 5:5

Bǎbǎkǎlè dǒ Yôla Plò̌shǐ Běcǎ akhû̌akhîdě, pa yṳ̌ǎ panǎ̤ kû̌ Cǒmara bè̌cǒbè̌tè̤ pa, ma̤titèhî̌dě pa yṳ̌ǎ Yeshǔ Khrǐ. Pa ô̌pǒ̤kè̌shuǐ mè̤̌mî̌ca ta̤nuhǒ.

Phǐlǐpǐ 3:9

He ta̤tě̤ta̤mè̤̌nu, he nǎla̤ǐ pe dǒ he ganǎ̤de gû̌ma̤kû̌ ta̤sû̌ta̤tòwò akhû̌nu mè̤̌petô̤̌. Mè̤mè̤̌tôkhônu, he yṳ̌ǎ Khrǐ hǒ akhû̌akhîdě, he nǐ̤bǎ ta̤tě̤ta̤mè̤̌ hǒ. Ta̤cǒta̤tè̤ dǒ Cǒmara ǐ numî̌ a nǎla̤ǐ dǒ ta̤yṳ̌ta̤nǎ̤ alô̤ pwǎ.

Hebrǔ 11:1

Ta̤yṳ̌ta̤nǎ̤ yô̤̌mûyô̤̌sǎ mî̌ ta̤ dǒ pa kè̌shuǐ lû̌û tokhlǒ, pa yṳ̌ǎ měgle kû̌ pa gǔ nǐ̤bǎ hǒ. Htokhôtô̤̌ ta̤yṳ̌ta̤nǎ̤ yô̤̌mûyô̤̌sǎ mî̌ ta̤dǒ pa kè̌shǐjò khôtô̤̌ tokhlǒnu, pa yṳ̌ǎ měgle gutṳ̌ pe kû̌ pa gǔ nǐ̤bǎ pěnuhǒ.

Hebrǔ 12:25

Pô̤̌nudě, pô̤̌khô sî gǔ htû kòyò dǒ a ganǎ̤de Cǒmara alě̤pwe̤htò̌ dě a htè̌shěshu Cǒmara nutokhlǒ tô̤̌nu, ô̌sè̌rè̌ lô̌khô sînǎ̤ nî̌꤮. Bǎ Isôrělaphû̌ tokhlǒ ganǎ̤de ta̤dǐsè̌rè̌ asî dǒ hǎkhû̌nu akhanu, asî ganǎ̤de lô̌khô lû̌ûyô̤̌ tô̤̌. Pô̤̌nudě a khlè̌ hǎplǎbò̌ lô̌khô kû̌ ta̤cî̌htò̌ tô̤̌. Kè̌ ma̤pô̤̌nudě kè̌ pa htè̌shěshu dǒ mǒkhû̌ nutôpwa̤ dǔlè̌lṳ̌ panu kè̌hî̌dě, gènè̤kè̌mò̌, sî khlè̌ hǎplǎ bò̌jò pe kû̌ Cǒmara a ta̤cî̌htò̌ tîkî̌꤮ nô̌tô̤̌hǒ.

Hebrǔ 5:7

Bǎ Yeshǔ ô̌htûpwa̤ bǎ hǎkhû̌ akhanu, a kwicaba lǒ̤sû̌lǒ̤sò̌ htò̌ Cǒmara dǒ a ma̤hǎplǎjò lû̌û dǒ ta̤sinu tôpwa̤, dě a yî̤̌kǒhtò̌ mǐ̤sǎshilò̤ kè. A shò̌lò̤ asǎphlǒ dě a sǎphlǒshû̌ ganǎ̤de Cǒmara ayô̤̌ akhû̌akhî, Cǒmara ganǎ̤de a ta̤kwicaba.

Hebrǔ 8:5

Hǐphû̌dû̌ plò̌shǐ dǒ pwa̤shû̌gǎta̤ tokhlǒ nṳ̌ma̤ ǐ lû̌û dǒ hǎkhû̌ tômè numî̌, a kè̌lû̌mò̌mṳ yǎ̤yô̤yǎ̤gî̌ Cǒmara a ta̤lṳhtò̌hô mè̤̌mî̌ca dǒ mǒkhû̌ nutômè pwǎ. Hǐphû̌dû̌ tômènu a mè̤̌mî̌ca mè̤̌tô̤̌, mè̤̌pwǎ dǒ mǒkhû̌ a mè̤̌mî̌ca nutômè a yômǔyôla pwǎ. Ma̤titèhî̌dě, bǎ Cǒmara noma̤htò̌ Khûmṳ̂shě hǐphû̌dû̌ dǒ hǎkhû̌ akhanu, a hî̌ lû̌û kû̌, “Gû̌ma̤ kè̌lû̌mò̌mṳ tě̤mè̤̌wô̌bǎ sô̌sô̌bò pô̤̌ na kè̌shǐ hto mǒkhû̌ ta̤lṳhtò̌hô ata̤yô̤ dǒ khôlôkhû̌ nunî̌,” Cǒmara hî̌ lû̌û pô̤̌nu.

Petru awǐlǒ tabǎ 3:20

Ta̤ô̌htûpwa̤ hǒtokhlǒ numî̌ amè̤̌kû̌ bǎ Phanṳ̂̌a ma̤htò̌ sǒkhlidû̌ dǒ wǐkha dě bǎ Cǒmara ô̌pǒ̤ sǎphlǒhtû bǎ asî akha bǎbǎkǎlè a jûlě̤phî̌yô̤̌ kû̌ lû̌yô̤̌ tô̤̌ nutokhlǒ hǒ. Dǒ sǒkhlidû̌ akûnu kòyò nṳ̌nî̌ pî̌tî̌ pwǎ. Lǒ̤꤮ bò Cǒmara ma̤hǎplǎge asî kû̌ shi numî̌ a ô̌ pwǎ pwa̤lǐ̤sô̌ pwǎ.

Petru ginǐ̤bǎ tabǎ 1:1

Pa Cǒmara kû̌ pwa̤ma̤hǎplǎge pa Běcǎ Yeshǔ Khrǐ hǒtôpwa̤ a ta̤tě̤ta̤mè̤̌ akhû̌akhî, sî mî̌ kòyò tokhlǒ dǒ a nṳ̌bǎtû̌ ta̤yṳ̌ta̤nǎ̤ dǒ asô̌sô̌kû̌ pa hǒtokhlǒ hǒ. Dě he wě̤cû̌bǎ sî lî̤nu. He mî̌ Khûshǐmû Petarǔ, dě he htûtû̌ Yeshǔ Khrǐ jû̌ kû̌ a pwa̤nophû̌ tôpwa̤.

Petru ginǐ̤bǎ tabǎ 2:5

Kòyò hǎkhû̌phû̌ dǒ a bè̌dubè̌nǎ̤ kû̌ Cǒmara tô̤̌ dǒnô̌dǒhǎ nutokhlǒnu, Cǒmara bè̌lû̌kè asî tô̤̌tô̤̌, a nodû̌bǐ sikè lǒ̤꤮ bò asî kû̌ shi. A ma̤hǎplǎkè pwǎtǒ̤ Phanṳ̂̌a dǒ a shôbǐǐlṳ̌ bǎ kòyò kû̌ ta̤tě̤ta̤mè̤̌nu tôpwa̤ kû̌ dǒ ashǔshawa̤ susô̌tôpwa̤ pwǎ.

Petru ginǐ̤bǎ tabǎ 3:6

Bǎ a nodû̌shi dě a ma̤pî̌kè hǎkhû̌li̤ nutôbǎ akhanu bǎbǎ, a noǎpwǎ shi nuhǒ.