Hebrǔ 11:6 - Kawyaw New Testament

⁶ Ta̤yṳ̌ kè̌ ô̌tô̤̌nu, tôpwa̤꤮ mî̌ kòyò ma̤tôbǎ Cǒmara asǎphlǒ tô̤̌, ma̤titèhî̌dě, kòyò lǒ̤bò dǒ a hè dǒ Cǒmara a ô̌ tokhlǒnu, a bǎ yṳ̌ǎ kû̌ Cǒmaranu a ô̌htûpwa̤ dě kòyò dǒ a sǎphlǒshû̌ kè̌lǎ lû̌û tokhlǒnu, a bǎ yṳ̌ǎ kû̌ Cǒmara ǐ asî ta̤ma̤nǐ̤khû̌kǎ pě pô̤̌nu.

Kawyaw RC

⁶ Ta̤yṳ dè ǒtò̤nu, tapwǎ̤꤮ mî̌ kò ma̤tobò̌ Cǒmara asò̌phlǒ tò̤, ma̤tè̤hî̌dě, kòyò lǒ̤bò htě a hè Cǒmara a ǒ toǒnu, a bǎ yṳǎ ta Cǒmaranu a ǒhtûpwa̤ dě kòyò htě a sò̌phlǒsho kè̌lǎ nû̌û toǒnu, a bǎ yṳǎ ta Cǒmara ǐ asî ta̤ma̤nî̤khû̌kǎ pě hǐnu.

Hebrǔ 11:6 Iomraidhean Croise

Mǒhtûlû̌hǎhtûsa 15:1

Bǎ Khûabra ma̤hǎplǎ hto Khûlòtǎ akhanu, a kè̌shǐ ta̤ tôcǒ dě Cǒmara tûjû̌pwa̤ hî̌bǎlò̤ lû̌û kû̌, “Ǒ KhûAbra, ǐsha tǎ̤ tôcǒ tǎ̤mǎ̤ nî̌. He tugǔtaka tûû̌ na pě, htokhôtô̤̌ he ǐpô̤̌ na ta̤ma̤nǐ̤ khû̌kǎ dǒ awô̌nu pě.”

Htû̌sò̌htò̌ 106:24

Asî yṳ̌ǎnṳ̌ Cǒmaradû̌ ata̤olò̤ nutô̤̌ akhû̌akhî, a gènè̤ pî̌tî̌ gǎmô̤gǎwô̌ nutôgǎ.

Htû̌sò̌htò̌ 119:10

He kè̌lǎ cǒ na kû̌ he sǎphlǒ lǒ̤bò. No cû̌sǔ cû̌tepheyî̤kè tǎ̤ he kû̌ na ta̤mǎlò̤ tǎ̤mǎ̤.

Htû̌sò̌htò̌ 58:11

“Kòyòcǒtè̤ tokhlǒ nǐ̤bǎ mè̤̌caca ta̤ma̤nǐ̤khû̌kǎ pě.” “Cǒmaradû̌ dǒ a cî̌htò̌cǒ cî̌htò̌tô bǎ hǎkhû̌ hǒtôpwa̤nu a ô̌ mè̤̌caca kòyò hî̌ lô̌khô pô̤̌nu pě.”

Htû̌sò̌htò̌ 73:28

Dǒ he dě he ô̌phǔ kû̌ Cǒmaradû̌ dě a nǐ̤bwǐsîrî mî̌ca dǒ heya. Běcǎ tûjû̌pwa̤ mî̌ amè̤̌kû̌ he lǎ̤ô̌tûdû. He glè̌ shôbǐǐlṳ̌ bǎ bò kòyò kû̌ na ma̤ ta̤cô̌klǐcô̌sè nupě.

Htû̌sò̌htò̌ 78:22

Asî yṳ̌ǎ Cǒmaradû̌ tô̤̌, asî nǎla̤ǐ ata̤ma̤hǎplǎge dǒ apô̤aphǎ nutô̤̌ ya akhû̌akhî, a sǎphlǒdû̌ mî̌ca.

Htû̌sò̌htò̌ 78:32

Asî kè̌shǐtṳ̌bǎ ta̤ma̤anǎ̤ pô̤̌o bǎbǎkǎlè a ma̤sǔma̤plě hènè pepe. Asî yṳ̌ǎnṳ̌ lô̌khô Cǒmara ata̤ma̤cô̌klǐcô̌sè tô̤̌tô̤̌.

Matěo 11:26

Ǒ꤮ pha꤮, na sǎphlǒô̌ sǎphlǒtôbǎ mè̤̌nòhǒ kû̌ a glè̌ htûhtò̌ pô̤̌o akhû̌akhî, he hî̌bwǐhî̌sîrî mè̤̌ca na.

Matěo 5:12

Sǎlě̤sǎlò̤ lô̌khô, mô̤ lô̌khô nî̌꤮, sî ta̤ma̤nǐ̤khû̌kǎ dǒ mǒkhû̌nu adû̌môti̤ hǒ. Piwi̤pèshè dǒ awǐnu tokhlǒnu, kòyò ma̤jî̌ma̤jû̌ hto asî pô̤̌nuhǒ.”

Matěo 6:16

“Bǎ sî dǔǎshǎ akhanu, jî̌nôjî̌jǎ tǎ̤ sîmǐ̤sǎ pô̤̌ kòyò jî̌cǒjî̌tè̤ anǎ̤ nutokhlǒ tǎ̤mǎ̤ nî̌꤮. Pô̤̌khô kòyò gǔ sî̌ganǎ̤ kû̌ asî dǔǎshǎ nudě a jî̌nôjî̌jǎ amǐ̤sǎ. He hî̌cǒcǒ sî, dǒ kòyò htû̌sò̌ asî akhû̌akhî, asî nǐ̤bǎ lǒlǒbebe bò akhû̌akǎ hǒ. Khû̌kǎ dǒ ashǔshawa̤nu a nǐ̤bǎ petô̤̌.

Matěo 6:33

Kè̌lǎ wǐ lô̌khô Cǒmara ashiagǎ kû̌ a ta̤tě̤ta̤mè̤̌ tokhlǒnu, dě lǒ̤bò ta̤dǒ sî lǎ̤lṳ̂ tokhlǒnu, Cǒmara gǔ ǐ pô̤̌ sî pě.

Matěo 6:5

“Dě bǎ sî kwicaba akhanu, ma̤ tǎ̤ pô̤̌ kòyò jî̌cǒjî̌tè̤ anǎ̤ tokhlǒ ma̤nu tǎ̤mǎ̤, ma̤titè̌hî̌dě, pô̤̌khô kòyò gǔ kè̌shǐ asînu, asî sǎyṳ cû̌ ihtǒ kwicaba lô̌khô dǒ Yǔdaphû̌ ta̤cabahǐkû htodě a sǎyṳ cû̌ ihtǒ ô̌ dǒ klè̌htuklè̌tǎ̤ pô̤̌nu. He hî̌cǒcǒ sî, asî nǐ̤bǎ lǒlǒbebe htobò ta̤ma̤nǐ̤khû̌kǎ tokhlǒhǒ.

Mǎ̤riko 16:17

Kòyò dǒ a yṳ̌ǎ tokhlǒnu he gǔ ǐ asî ta̤siwi̤sòwò̤ dǒ a gǔ ma̤jò lô̌khô ta̤cô̌klǐcô̌sè tokhlǒ pě. Asî gǔ wṳ̂̌htò̌bò̌ lô̌khô khînǎkhîno tokhlǒ kû̌ hemi̤ pě, asî gǔ hî̌bǎ jò yô̤̌sǎ dǒ asî hî̌bǎ jò nô̌꤮ tô̤̌ nutokhlǒ pě.

Lǔka 12:31

Bǎgû̌bǎgè̌ tǎ̤ lô̌khô pô̤̌nu tǎ̤mǎ̤! kè̌lǎ lô̌khô ta̤ dǒ a lṳ̂dû̌ dǒ Cǒmara ashiagǎkû nutokhlǒ dě lǒ̤꤮ bò ta̤dǒ sî lṳ̂ tokhlǒnu, Cǒmara gǔ ǐ pô̤̌ sî pě.

Lǔka 6:35

Tôbǎ ma̤ pô̤̌nu tô̤̌! Mô̤nǐ̤ lô̌khô kòyò sǎkhě sî nutokhlǒ dě ma̤wô̌bǎ asî nu. Dǐbǒ ta̤ dě kè̌shuǐ kû̌ nǐ̤bǎ gesô̌ tǎ̤ ta̤tocǒ tǎ̤mǎ̤. Sî kè̌ ma̤pô̤̌nu kè̌hî̌dě Cǒmara gǔ ǐshowî̤shôwô̌ sî pě, sî kè̌ dǐbǒ kòyò dě sî gǔ kè̌shuǐ kû̌ nǐ̤bǎ gesô̌ ta̤ tocǒ tô̤̌ numî̌ kòyò gǔ kè̌shǐ sî kû̌ ta̤dû̌ta̤htû Cǒmara phû̌mǒ̤phû̌khû sîtokhlǒ pě, ma̤titè̌hî̌dě Cǒmara ma̤wô̌shǔ kòyò dǒ a sî̌ganǎ̤ ge kòyòbwǐsîrî tô̤̌ nutokhlǒ kû̌ kòyò dǒ ajî̌phǔmò̤̌ tûû̌ nutokhlǒ.

Jowǎ̤ni̤ 14:6

Dě Běcǎ Yeshǔ hî̌shěshu lû̌û kû̌, “He mî̌ klè̌ kû̌ ta̤tě̤ta̤mè̤̌ kû̌mî̌ ta̤htûpwa̤ hǒ. Ta̤ sûcû̌ kòyò dǒ pha aô̌mî̌ he nô̤̌pwǎ, a kè̌ cû̌ tutṳ̌ kû̌ he tô̤̌ nu, a cû̌tǒ̤ jò dǒ pha a ô̌ tôpwǎ̤꤮ tô̤̌.

Jowǎ̤ni̤ 8:24

He hî̌ hto sî kû̌ sî gǔ si pě bǎbǎkǎlè Cǒmara plûkè sî ta̤sǔ nutokhlǒ tô̤̌. Ma̤titèhî̌dě he mî̌ mò̌pènu he shôbǐǐ hto sî hǒ dě, sî kè̌ yṳ̌tô̤̌ hî̌nu, sî si pěnu Cǒmara plûkè nô̌ sî ta̤sǔ tokhlǒ tô̤̌.”

Rṳ̂̌me̤ 10:14

Kè̌ ma̤pô̤̌nudě, asî ta̤yṳ̌ kè̌ ô̌tô̤̌ hî̌dě a cû̌ kwihtò̌jò ta̤ma̤jè̌ dǒ Běcǎ Yeshǔ a ô̌ hî̌tè? Kè̌ asî ganǎ̤de tô̤̌ hî̌dě a cû̌ yṳ̌ǎjò Běcǎ Yeshǔ hî̌tè? Pwa̤shôbǐǐ bǎ asî kè̌ ô̌tô̤̌ hî̌dě asî cû̌ganǎ̤dejò hî̌tè?

Galatǐ 5:6

Ma̤titèhî̌dě bǎ sî htûhtò̌kè kû̌ Yeshǔ Khrǐ tôcǒ꤮ nô̤̌ akhanu, ta̤dǔtṳ̌bě bǎbǎ, ta̤dǔtṳ̌bě tô̤̌ bǎbǎ, a htûbwǐhtûsîrî nô̌ tôcǒ꤮ tô̤̌. Ta̤ dǒ a htûbwǐhtûsîrî khlo numî̌, ta̤yṳ̌ta̤nǎ̤ dǒ a dǔlè̌lṳ̌ ta̤mô̤ Cǒmara kû̌ kòyò ashǔshawa̤nu pwǎ.

Hebrǔ 11:26

Khûmṳ̂shě bè̌lò̤ hǒ asǎphlǒ kû̌, khòbǎ ta̤pîjî̌ǐsho dǒ Khrǐ ayanu, alě̤dû̌pwî̤htû khlope kû̌ Ijî̌gǎ a ta̤dû̌yò̤̌htò̌sa tokhlǒ ma̤titèhî̌dě a ô̌pǒ̤kè̌shǔ kû̌ Cǒmara gǔ ǐlû̌ a ta̤ma̤nǐ̤khû̌kǎ htû̌꤮ nô̌kòpě.

Hebrǔ 3:12

He pṳ̌wè̤̌ sî꤮, sè̌rè̌ tûû̌ lô̌khô sînǎ̤ nî̌꤮. Bè̌ phû̌mò̤̌ lô̌khô tǎ̤ sî sǎphlǒ tǎ̤mǎ̤, sî bè̌ sî sǎphlǒ kû̌ sî yṳ̌ǎ kû̌ kòyò Cǒmara dǒ a htûpwa̤ nutôpwa̤ tô̤̌, sî cû̌ tephekè tûû̌ sîya pô̤̌nu tokhlǒnu ma̤tǎ̤ lô̌khô tôpwǎ̤꤮ tǎ̤mǎ̤ nî̌꤮.

Hebrǔ 4:2

Ma̤titèhî̌dě pa ganǎ̤de kû̌ ta̤sǎlě̤we̤kè pô̤̌ paphipaphu tokhlǒ ganǎ̤de hto nuhǒ. Ma̤titèhî̌dě asî ganǎ̤de bǎbǎkǎlè, a phî̌shěshunò lô̌khô ta̤sǎlě̤we̤kènu kû̌ ta̤yṳ̌ tô̤̌ akhû̌akhî, a htûbwǐhtûsîrî dǒ asîya tô̤̌.

Hebrǔ 4:6

Kòyò dǒ a nṳ̌bǎpe dǒ Cǒmara a lǎ̤ô̌kǔnu, a ô̌kèpe tokhlǒkhlǒ. Bǎbǎkǎlè kòyò dǒnukha tokhlǒ dǒ a ganǎ̤de hto ta̤sǎlě̤we̤kè tokhlǒnu, a ganǎ̤de lô̌khô Cǒmara ayô̤̌ tô̤̌ akhû̌akhî, a nǐ̤bǎ gû̌pe kòyò lǎ̤ô̌kǔnu tô̤̌ hǒ.

Hebrǔ 7:19

Khûmṳ̂shě a ta̤sû̌ta̤tòwònu a ma̤cǒma̤tè̤ jò kòyò tôpwǎ̤꤮ tô̤̌. Bǎbǎkǎlè khònò̤̌ pa ta̤kè̌shuǐ klè̌ asa tôbô dǒ awô̌khlo pe kû̌ ta̤sû̌ta̤tòwònu a ô̌ hǒ. Dě pa hènṳ̌phǔ dǒ Cǒmara a ô̌ kû̌ klè̌ asa nutôbô mî̌ anǐ̤ hǒ.

Hebrǔ 7:25

Pô̤̌nudě kòyò dǒ a hè dǒ Cǒmara a ô̌ dě a hènṳ̌ tutṳ̌ dǒ Yeshǔ a ô̌ tokhlǒnu, Yeshǔ ma̤hǎplǎgebò̌ asî khònò̤̌ tǒ̤hènè ajû̌jû̌ apwa̤pwa̤ pě, ma̤titèhî̌dě pô̤̌khô a gǔ nṳ̌ kwisǎyṳbò̌ bǎ kòyò pô̤̌nu tokhlǒ aya dǒ Cǒmara a ô̌nu, a bǎ htûpwa̤ tûjû̌pwa̤.

Petru ginǐ̤bǎ tabǎ 1:10

Pô̤̌nudě pṳ̌wè̤̌ sî꤮, pô̤̌khô Cǒmara ata̤kaǎ sînu kû̌ a ta̤rû̌htò̌ sînu gǔ htûhtò̌ hènè mè̤̌mî̌ca ayanu, jî̌pwǐ̤jî̌li̤ dû̌wî̤pô̤̌ lô̌khô dǒ alô̤mô̤̌ tôkhô nî̌꤮. Sî kè̌ ma̤pô̤̌nu hî̌dě sî htò̌tukhu lò̤khǔpo̤ pe tôkhò̌꤮ tô̤̌ hǒ.

Petru ginǐ̤bǎ tabǎ 1:5

Dǒ ta̤we̤ta̤kènu akhû̌akhî, jî̌pwǐ̤ hèsělě wô̌pô̤̌ lô̌khô dǒ alô̤mô̤̌ nî̌꤮. Dǒ sî ta̤yṳ̌ta̤nǎ̤ akhû̌nu, bè̌plǒ dû̌wî̤pô̤̌ ta̤bè̌ sǎphlǒsǔshi dǒ awô̌, dǒ ta̤bè̌ sǎphlǒsǔshi dǒ awô̌ akhû̌nu, bè̌plǒ dû̌wî̤pô̤̌ ta̤sî̌ta̤jò̌,

Petru ginǐ̤bǎ tabǎ 3:14

Pô̤̌nudě sû̌khô sî, dǒ sî ô̌pǒ̤kè̌shuǐ ta̤nu akhû̌akhî, pô̤̌khô Cǒmara gǔ kè̌shǐ sî kû̌ kòyò dǒ awǐ kû̌ ta̤sǔ tǎ̤mǎ̤, htodě pô̤̌khô alǎ̤bè̌ ta̤sǔ dǒ sîlô̤ gǔ ô̌ tǎ̤mǎ̤, htokhôtô̤̌ pô̤̌khô sî gǔ ô̌pè̤̌dû tǒ̤ kû̌ a pěnu, jî̌pwǐ̤jî̌li̤ gutṳ̌ lô̌khô nî̌꤮.

Ta̤dǔlè̌nǎ 21:8

Bǎbǎkǎlè kòyò dǒ a ǐsha sî, acǒ kû̌ a ta̤yṳ̌ta̤nǎ̤ tô̤̌ sî, asǎphlǒ phû̌mò̤̌ sî, a ma̤si kòyò sî, a cû̌sǔnṳ̌plěnṳ̌ pwa̤mǒ̤pwa̤khû sî, pwa̤běkhû̌ ta̤ma̤ sî, a caba ta̤yô̤ta̤gî̌ sî, dě a lòhô kòyò sî tokhlǒnu agûlǎ̤gûbò̌ mî̌ mî̌phǎ dǒ amè̤̌ ta̤si ginǐ̤plǎtôplǎ dǒ kòyò shû̌gè̌ a kû̌ kabò tôphǎnu hǒ.”