Hebrǔ 11:3 - Kawyaw New Testament

³ Dǒ ta̤yṳ̌ta̤nǎ̤ akhû̌akhî, pa sî̌ganǎ̤ kû̌ Cǒmara bô̌lò̤ mǒlǎ̤ ayô̤agî̌ kû̌ ayô̤̌ pwǎ. Pô̤̌nudě ta̤ dǒ pa kè̌shǐjò khònò̤̌kha tokhlǒ numî̌ a ô̌ bǎ ta̤dǒ pa kè̌shǐ jòtô̤̌ tokhlǒ a ô̌ hè pwǎ.

Kawyaw RC

³ Ta̤yṳ akhû̌akhî, pa sî̌yapwǎ ta Cǒmara bǒlò̤ mǒla̤ aphwǐaphrû̌ ta ayo̤ pwǎ. Hǐnudě ta̤ htě pa kè̌shǐjò khònò̤kha htǒotoǒ numî̌ a ǒ bǎ ta̤htě pa kè̌shǐjòtò̤ toǒ a ǒ hè pwǎ.

Hebrǔ 11:3 Iomraidhean Croise

Mǒhtûlû̌hǎhtûsa 1:1

Bǎ Cǒmaradû̌ bô̌lò̤ ta̤ dǒ asakhû̌lû̌ nukha a bô̌lò̤ mǒkhû̌ kû̌ hǎkhû̌.

Htû̌sò̌htò̌ 33:6

Cǒmara tûjû̌pwa̤ bô̌lò̤ mǒkhû̌ kû̌ alě̤. A tèlò̤ lṳmṳ̌, la, shǎ kû̌ ayô̤̌.

Htû̌sò̌htò̌ 33:9

Bǎ a hî̌bǎ pwǎ ayô̤̌ akhanu, hǎkhû̌ ô̌htûhtò̌. Bǎ a hî̌lò̤ pwǎ ayô̤̌ akhanu, ta̤ pṳ̂̌tôcǒ ô̌lṳ̌htò̌.

Jowǎ̤ni̤ 1:3

Cǒmara nobô̌lò̤ tutṳ̌ lû̌û ta̤pṳ̂̌tocǒ. Ta̤ dǒ a bô̌lò̤ tô̤̌nu a ô̌ tôcǒ tô̤̌.

Pwa̤nophû̌ 14:15

“Sî cû̌ma̤ pô̤̌o ma̤titè? Pa mî̌ kòyò sô̌sô̌kû̌ sî pwǎ. Pa hè shôbǐǐ bǎ sî ta̤sǎlě̤we̤kè pwǎ. Pa sǎyṳ shôbǐǐlṳ̌ bǎ sî kû̌ cabape tǎ̤ lô̌khô ta̤ dǒ yô̤̌mûyô̤̌sǎ ô̌tô̤̌ nutokhlǒ tǎ̤mǎ̤. Pa sǎyṳ nocaba sî kû̌ Cǒmara dǒ a htûpwa̤ nutôpwa̤. A mî̌ Cǒmara dǒ a bô̌lò̤ mǒkhû̌hǎkhû̌, shidû̌te̤we̤ kû̌ ta̤ dǒ a ô̌ dǒ ta̤nutokhlǒ akû lǒ̤꤮bò tôpwa̤ pwǎ.

Pwa̤nophû̌ 17:24

“Cǒmara dǒ a bô̌lò̤tèlò̤ lṳmṳ̌, shǎ, la, hǎkhû̌ kû̌ ta̤pṳ̂̌꤮ tocǒ tôpwa̤ numî̌ mǒkhû̌ kû̌ hǎkhû̌ a Běcǎ hǒ. Dě ta̤lṳ̌htò̌hô dǒ kòyò ma̤ a kû̌ acǔde tokhlǒnu, Cǒmara ô̌ bǎnutokhlǒ akû tô̤̌.

Rṳ̂̌me̤ 4:17

Lî̤plò̌shǐkû hî̌nǎ kû̌, “He nohtûhtò̌ na kû̌ kòyò khlilèphû̌ tôprṳ̂tôphǎ apha hǒ.” A htû bǎ papha dǒ Cǒmara alô̤mô̤̌. Cǒmara hǒtôpwa̤ numî̌ papha PhaAbraha yṳ̌ǎ nutôpwa̤ hǒ. A mî̌ Cǒmara dǒ a ma̤htûpwa̤ getîkhî kòyòsi, htokhôtô̤̌ a hî̌bǎhtò̌ pwǎ ayô̤̌ tômû pwǎ dě ta̤ dǒ a ô̌ tô̤̌ tokhlǒnu a htûhtò̌ bò pwǎ.

Kôritu awǐlǒ tôbǎ 2:7

He shôbǐǐlṳ̌ bǎ kòyò kû̌ Cǒmara a ta̤sî̌ta̤jò̌ dǒ adû̌ayô̤̌ tokhlǒ. Dǒnô̌dǒhǎ akhanu, Cǒmara dǔlè̌lṳ̌ bǎ kòyò kû̌ ta̤sî̌ta̤jò̌ hǒtokhlǒ nò̌khôtô̤̌. Dǒ Cǒmara bô̌lò̤ hǎkhû̌ khôtô̤̌ akhanu, a ta̤yè̤lò̤nǎ bǎ hto dǒ a gǔ ma̤ bǎ pa ta̤bwǐdû̌sîrîhtû tokhlǒnu hǒ.

Tîmôte awǐlǒ tôbǎ 4:5

Ma̤titèhî̌dě dǒ Cǒmara alě̤ayô̤̌ kû̌ pa ta̤kwicaba akhû̌akhî, Cǒmara jû dǒ a gǔ phî̌shǐshu ta̤nutokhlǒ.

Hebrǔ 1:2

Bǎbǎkǎlè lṳmṳ̌ni̤ gutṳ̌kò tokhlǒnu, a hî̌bǎlò̤ tutṳ̌ kû̌ a phû̌pwa̤khû. Cǒmara nobô̌lò̤ tutṳ̌ aphû̌khû kû̌ hǎkhû̌ mǒkhû̌ kû̌ ta̤lǒ̤꤮ bò. Dǒ gutṳ̌kò pěnu, lǒ̤꤮ bò ta̤nutokhlǒ pô̤̌khô a gǔ htûbò ata pě nudě Cǒmara rû̌htò̌ yǎ hǒ.

Hebrǔ 6:5

Cǒmara alě̤ayô̤̌nu, awô̌ mî̌ca numî̌ asî sî̌ganǎ̤hè htohǒ. Asî kè̌shǐhèbǎ hto kû̌ Cǒmara a ta̤pô̤ta̤phǎ shû̌sho dǒ a gǔ ô̌lṳ̌htò̌ bǎ kòyò dǒ nô̌kòpě tôhtu nutokhlǒ hǒ.

Petru ginǐ̤bǎ tabǎ 3:5

Dǒ awǐkhanu, Cǒmara hî̌ pwǎ ayô̤̌ tômṳ̂ dě mǒlǎ̤ kû̌ hǎkhû̌ htûhtò̌, dě a phî̌htò̌ shi tokhlǒ dǒ shikla dě a ma̤ htûhtò̌ kû̌ hǎkhû̌, asî jî̌ shôpe̤ takǎkè lô̌khô pwǎ.

Ta̤dǔlè̌nǎ 4:11

“Ǒ pa Běcǎ Cǒmara, na gwǎgwè nǐ̤bǎ ta̤bwǐdû̌sîrîhtû, bè̌dû̌bè̌htû kû̌ ta̤pô̤ta̤pwǎ̤ hǒ, ma̤titèhî̌dě na bô̌lò̤ ta̤ lǒ̤꤮ bò dě na bô̌lò̤ asî dě na bè̌ htûpwa̤ asî jû̌ tûû̌ na sǎphlǒnu.”