Hebrǔ 11:26 - Kawyaw New Testament

²⁶ Khûmṳ̂shě bè̌lò̤ hǒ asǎphlǒ kû̌, khòbǎ ta̤pîjî̌ǐsho dǒ Khrǐ ayanu, alě̤dû̌pwî̤htû khlope kû̌ Ijî̌gǎ a ta̤dû̌yò̤̌htò̌sa tokhlǒ ma̤titèhî̌dě a ô̌pǒ̤kè̌shǔ kû̌ Cǒmara gǔ ǐlû̌ a ta̤ma̤nǐ̤khû̌kǎ htû̌꤮ nô̌kòpě.

Kawyaw RC

²⁶ Mǒ̤jè bè̌lò̤ asò̌phlǒ ta, khòbǎ ta̤pi̤jishǐcǒ ta Khrî̌stu ayanu, ale̤dû̌pwî̤htû khlope ta Egyptga a ta̤dû̌yò̤htò̌sa toǒ, ma̤tè̤hî̌dě a ǒpo̤kè̌shuǐ ta Cǒmara ǐ nû̌û a ta̤ma̤nî̤khû̌kǎ htû̌꤮ anǒkòpě.

Hebrǔ 11:26 Iomraidhean Croise

Htû̌sò̌htò̌ 37:16

Kòyò sǎphlǒwô̌ ata̤dû̌yò̤̌htò̌sa tîkî̌ phû̌pwǎnu, awô̌ khlo pe kû̌ kòyòphû̌mò̤̌ ǎpwa̤ ata̤dû̌yò̤̌htò̌sa.

Htû̌sò̌htò̌ 69:20

Dǒ kòyò pî̤jî̌ǐsho he akhû̌akhî, a bǎsha jî̌ he sǎphlǒ, a shèwè̤ jî̌ he. He kè̌lǎ pwa̤gwèbǎǐ he bǎbǎkǎlè he kè̌shǐ tôpwǎ̤ tô̤̌. He kè̌shuǐ pwa̤ma̤mô̤ma̤bǎ he bǎbǎkǎlè he kè̌shǐ tôpwǎ̤ tô̤̌tô̤̌.

Htû̌sò̌htò̌ 69:7

Dǒ na khû̌nakhî kòyò pî̤jî̌ǐsho bò he. He shòwò̤̌ mǐ̤sǎphû̌mò̤̌ jî̌jî̌.

Matěo 10:41

Kòyò tôpwa̤pwa̤ htû Cǒmara apô̤phǎ dě kòyò tôpwa̤pwa̤ gǔ kaǎmô̤ shěshǔ piwi̤pèshè tôpwa̤nu, Cǒmara gǔ ǐ a ta̤ma̤nǐ̤khû̌kǎ pô̤̌ a ǐ piwi̤pèshè tokhlǒnu pě. Kòyò tôpwa̤pwa̤ htû kòyòcǒkòyòtè̤ dě kòyò tôpwa̤pwa̤ kaǎmô̤shǔ kòyòcǒkòyòtè̤ tôpwa̤nu, Cǒmara ǐ a ta̤ma̤nǐ̤khû̌kǎ pô̤̌ a ǐ kòyòcǒkòyòtè̤ tokhlǒnu pě.

Matěo 5:12

Sǎlě̤sǎlò̤ lô̌khô, mô̤ lô̌khô nî̌꤮, sî ta̤ma̤nǐ̤khû̌kǎ dǒ mǒkhû̌nu adû̌môti̤ hǒ. Piwi̤pèshè dǒ awǐnu tokhlǒnu, kòyò ma̤jî̌ma̤jû̌ hto asî pô̤̌nuhǒ.”

Matěo 6:1

“Pô̤̌khô kòyò gǔ kè̌shǐ sî dě kòyò gǔ htû̌sò̌htò̌ǐ sî ayanu, pṳ̂̌měwô̌ pwǎ ta̤ dǒ kòyò lô̤mô̤̌ numî̌ a tôtô̤̌. Sî kè̌ ma̤pô̤̌nu mî̌, pha Cǒmara dǒ mǒkhû̌ tôpwa̤ ǐ nô̌ sî ta̤ma̤nǐ̤ khû̌kǎ tô̤̌.

Lǔka 14:14

Dě na kè̌ kaǎ ǎ kòyò pô̤̌o tokhlǒ hî̌nu, na glè̌ nǐ̤bǎ ta̤ǐshowî̤ pě, ma̤titè̌hî̌dě asî kaǎ ǎ gebò̌sô̌ na tocǒ꤮ tô̤̌. Bǎ kòyòcǒtè̤ tokhlǒ ihtǒhtûpwa̤ gesô̌ dǒ ta̤si akha pěnu, Cǒmara gǔ ǐsô̌ na ta̤bwǐta̤sîrî pě.”

Lǔka 14:33

Pô̤̌nu akhû̌akhî, lǒ̤꤮ bò ta̤ dǒ a ô̌ kû̌ sî bò̌꤮ bò tokhlǒnu, sî kè̌ bè̌kè tô̤̌ kè̌hî̌dě, sî htûhtò̌ jò he khôphijǎ tôpwǎ̤꤮ tô̤̌.

Pwa̤nophû̌ 5:41

Pwa̤nophû̌ tokhlǒ sǎlě̤sǎlò̤ hǎhtò̌cû̌kè dǒ Yǔdaphû̌ ikǒlǒkòdû̌ nutokhlǒ a lô̤mô̤̌, ma̤titè̤̌hǐdě agû̌ kû̌ Yeshǔ akò akhû̌akhî, dě Cǒmara bè̌ asî kû̌ agwǎagwè khòbǎ kòyò ma̤sòwò̤̌ asî pô̤̌nu pwǎ.

Kôritu ginǐ̤bǎ tôbǎ 12:10

Pô̤̌nudě he ô̌ kû̌ ta̤khû̌shiǎjǎ tokhlǒ, he kè̌shǐ tṳ̌bǎ kû̌ ta̤jî̌ta̤jû̌ tokhlǒ, kòyò pîjî̌ǐsho he tokhlǒ, kòyò ma̤jî̌ma̤jû̌ he tokhlǒ, he kè̌shǐ tṳ̌bǎ kû̌ ta̤pò̤̌ta̤sha sî tokhlǒ, lǒ̤bò ta̤ dǒ he kè̌shǐ tṳ̌bǎ tokhlǒ numî̌ Khrǐ aya pwǎ, bǎbǎkǎlè he sǎphlǒtô sǎphlǒmô̤ pwǎ. Ma̤titèhî̌dě bǎ he khû̌shiǎjǎ akhanu, he shû̌sho pwǎ.

Kôritu ginǐ̤bǎ tôbǎ 6:10

Pa kè̌shǐ dû̌wî̤ ta̤pò̤̌ta̤sha bǎbǎkǎlè pa sǎlě̤ pṳ̂̌꤮ taplǎ. A sô̌sô̌ kû̌ pa shuphǔshèwè̤ mî̌ca bǎbǎkǎlè dǒ pa sû̌ǐtòwòǐ bǎ kòyò akhû̌akhî, dě kòyò dû̌yò̤̌htò̌sa dǒsû̌dǒsò̌ tôkhônu a ô̌ dû̌wî̤ hǒ. A sô̌sô̌ kû̌ pata ô̌ gû̌ kòyò tôcǒ꤮ tô̤̌ bǎbǎkǎlè pa nǐ̤bǎ bòkè ta̤pṳ̂̌꤮ tocǒ hǒ.

Ěphěsu 1:18

Pô̤̌khô sî gǔ sî̌yaphlôwô̌ kû̌ kòyò ta̤ma̤ cô̌klǐcô̌sè dǒ a olò̤ bǎhto a kòyò dǒ a kaǎ ǐ lû̌û nutokhlǒ ayanu, he kwicaba dǒ a gǔ dǐsî̌nǎ̤phlô bǎ sî pwǎ. Cǒmara ǐ kwè̌ a kòyò tokhlǒ û̌tě̤û̌ca dǒ alě̤dû̌pwî̤htû, awî̤awô̌ tokhlǒ kwè̌ titènu, he sǎyṳ nosî̌ganǎ̤ tě̤tě̤mè̤̌mè̤̌ sî.

Ěphěsu 3:8

Dǒ Cǒmara kòyò tokhlǒ aklanu, he mî̌ kòyò dǒ atôagwǎ gû̌ kòyò tîkî̌꤮ tô̤̌ tôpwa̤. Pô̤̌nu bǎbǎkǎlè Cǒmara ǐlò̤ he ta̤bwǐta̤sîrînu kû̌ he gǔ shôbǐǐlṳ̌ bǎ Yǔdaphû̌ mè̤̌tô̤̌ tokhlǒ kû̌ Khrǐ a ta̤lě̤dû̌pwî̤htû dǒ kè̌lǎsî̌ya bò̌ awe̤akè tô̤̌ nutokhlǒ.

Phǐlǐpǐ 3:7

Tôplǎnu, ta̤ dǒ he bè̌ yǎ kû̌ alě̤dû̌pwî̤htû dǒ heya tokhlǒnu, khònò̤̌dě dǒ he yṳ̌ǎ Khrǐ akhû̌akhî, lǒ̤bò ta̤ hǒtokhlǒnu he bè̌kè a pô̤̌ ta̤ô̌lǒô̌khlo dǒ heya nupwǎ.

Hebrǔ 10:33

Tôplǎplǎnu kòyò ma̤ takhû̌takǎ sî, kòyò ma̤jî̌ma̤jû̌ sî dǒ kòyò tôprṳ̂tôphǎ alô̤mô̤̌, tôplǎplǎnu sî cû̌ ma̤jè tṳ̌bǎ gû̌ kòyò dǒ kòyò ma̤jî̌ma̤jû̌ asî pô̤̌nu tokhlǒ.

Hebrǔ 10:35

Pô̤̌nudě bè̌shû̌ lô̌khô sî sǎphlǒ. Sî nǐ̤bǎ ta̤ma̤nǐ̤khû̌kǎ dǒ adû̌ayô̤̌ tokhlǒ pě.

Hebrǔ 11:6

Ta̤yṳ̌ kè̌ ô̌tô̤̌nu, tôpwa̤꤮ mî̌ kòyò ma̤tôbǎ Cǒmara asǎphlǒ tô̤̌, ma̤titèhî̌dě, kòyò lǒ̤bò dǒ a hè dǒ Cǒmara a ô̌ tokhlǒnu, a bǎ yṳ̌ǎ kû̌ Cǒmaranu a ô̌htûpwa̤ dě kòyò dǒ a sǎphlǒshû̌ kè̌lǎ lû̌û tokhlǒnu, a bǎ yṳ̌ǎ kû̌ Cǒmara ǐ asî ta̤ma̤nǐ̤khû̌kǎ pě pô̤̌nu.

Hebrǔ 13:13

Pô̤̌nudě pa gǔ cû̌ khòwô̤̌wô̤̌ kû̌ ta̤pîjî̌ǐsho kû̌ a dǒ wî̤̌khlonu tǎ꤮.

Hebrǔ 2:2

Cǒmara ǐlò̤ paphipaphu dǒ awǐkha tokhlǒ ta̤we̤ta̤kè tôcǒ. Dě a hî̌bǎlò̤ tutṳ̌ kû̌ mǒkhû̌ tanaphû̌ tokhlǒ. Dě kòyò dǒ a ganǎ̤de ta̤we̤ta̤kè hǒtokhlǒnu, a bǎ ganǎ̤de gû̌ma̤ yǎ. Kòyò dǒ a ganǎ̤de gû̌ma̤ kû̌ kòyò tô̤̌ tokhlǒnu, Cǒmara cî̌htò̌ hto asî pô̤̌ a gwǎ kû̌ asî nuhǒ.

Petru awǐlǒ tabǎ 1:11

Khrǐ a Yôla Plò̌shǐ ô̌ dǒ piwi̤pèshè tokhlǒ a sǎphlǒkû dě a hî̌pô̤̌nǎ wǐ Khrǐ awe̤akè kû̌ a khòbǎwǐ ta̤jî̌ta̤jû̌ tokhlǒ pě. Htodě ta̤bwǐdû̌sîrîhtû tokhlǒ gǔ hè dǒ nô̌kò pě, asî kè̌lǎ sî̌ganǎ̤ lô̌khô kû̌ ashěakhǎ gǔ bǎ bǎkhò̌tè pě, htodě a gǔ ma̤ anǎ̤ hî̌tè pě pô̤̌nu.

Petru awǐlǒ tabǎ 4:14

Kè̌ sî khòbǎ ta̤pîjî̌ǐsho dǒ sî gû̌kû̌ Khrǐ akò kè̌hî̌dě sî nǐ̤bǎ ta̤ǐshowî̤, ma̤titèhî̌dě Cǒmara a Yôla Plò̌shǐ dǒ ata̤bwǐdû̌sîrîhtû, a ô̌plǒ kû̌ sî hǒ.

Ta̤dǔlè̌nǎ 2:9

Napò̤̌nasha, na hǎwǐ̤shèwè̤ numî̌ he sî̌ganǎ̤. Bǎbǎkǎlè dǒsû̌dǒsò̌ tôkhônu, na dû̌yò̤̌htò̌sa. Kòyò dǒ a hî̌lò̤ tû̌ anǎ̤ kû̌ pa mî̌ Yǔdaphû̌ tokhlǒ mè̤̌mî̌ca bǎbǎkǎlè a mè̤̌mî̌ca bǎtô̤̌ tokhlǒ dô̌ sîyô̤ numî̌ he sî̌ganǎ̤. Asî nutokhlǒ mî̌ hǎkhû̌tana a ta̤cabahǐ saprṳ̂phû̌ tokhlǒ pwǎ.

Ta̤dǔlè̌nǎ 3:18

Ma̤pô̤̌nudě he dǐsî̌ganǎ̤ htûbǎ na kû̌ pô̤̌khô na gǔ dû̌yò̤̌htò̌sa gû̌ kòyònu, hè pwî̤ hta dǒ heô̌nu. Hta numî̌ kòyò lî̌bòhto kû̌ mî̌ hǒ. Kǎtô̤̌ hè pwî̤ jebû lǎ̤kûlǎ̤sô̌ dǒ heô̌nu dě kûbǐsô̌bǐ na ta̤ô̌kôgle lǎ̤sòwò̤̌ alǎ̤nu. Pô̤̌khô na gǔ kè̌shǐ lîphlôwô̌ ayanu, hè pwî̤ǎ ta̤khû̌ mǐ̤sǎsha dǒ heô̌nu dě cînṳ̌ a dǒ na mǐ̤sǎphlǒkûnu.