Hebrǔ 11:19 - Kawyaw New Testament

¹⁹ PhaAbraha gènè̤ kû̌ Cǒmara gǔ ma̤htûpwa̤ getîkhî bò̌ pwǎ KhûIsè̌ pô̤̌nu. Kè̌ hî̌ mè̤mè̤̌ mî̌ a sô̌sô̌ kû̌ a nǐ̤bǎ getîkhî aphû̌khû dǒ ta̤si akû hǒ, ma̤titèhî̌dě Cǒmara kè̌ hî̌ tě̤tṳ lû̌tô̤̌ hî̌nu, a gǔ ma̤si mè̤mè̤̌ pwǎ aphû̌khû pwǎ.

Kawyaw RC

¹⁹ Abraham gènè̤hto ta Cǒmara glè ma̤htûpwa̤gebò̌sǒ pwǎ Isǎko hǐnu. Dè hî̌ mè̤mè̤̌ mî̌ asǒsǒta a nî̤bǎ gesǒ aphû̌khûhtǒo dě ta̤si akû hǒ, ma̤tè̤hî̌dě Cǒmara dè hî̌ dǐdò nû̌û tò̤ hî̌nu, a glè ma̤si mè̤mè̤̌pwǎ aphû̌khû pwǎ.

Hebrǔ 11:19 Iomraidhean Croise

Mǒhtûlû̌hǎhtûsa 22:13

PhaAbraha kè̌htôkè̌lò̤ dě a kè̌shǐ sû̌phû̌pha tôdo bîmě ano̤ kû̌ jôjǔ. Dě a cû̌cǐhè sû̌phû̌ nutôdo dě a ma̤si shû̌u lṳtòhtò̌kè lû̌û kû̌ aphû̌pwa̤khû gûlǎ̤.

Matěo 12:36

Bǎbǎkǎlè he hî̌ sî, htû̌ Cǒmara cî̌htò̌ kòyò akhapěnu, a cî̌htò̌ bò kòyò dǒ a hî̌bǎ gènè̤ kòyòya tô̤̌ dě a hî̌bǎ pwǎ yô̤̌ dǒ abwǐsîrî ô̌tô̤̌ nutokhlǒ pṳ̂̌꤮ tômû pě.

Matěo 9:28

Bǎ Běcǎ Yeshǔ cû̌nṳ̌ dǒ hǐ tômèkû akhanu, kòyò nusò̌ginǐ̤ gû̌ genṳ̌ kû̌ yǎ dě Běcǎ Yeshǔ gwè̌ asî kû̌, “He ma̤lî jò sî mǐ̤sǎnu sî yṳ̌ ya?” Asî hî̌shěshu kû̌, “O, pa yṳ̌nǐ̤nǎ̤nǐ̤, Běcǎ.”

Rṳ̂̌me̤ 5:14

Sahtò̌ bǎ PhaAda ganǎ̤de Cǒmara ayô̤̌ tô̤̌ ahtukhanu, dě a tǒ̤dǒ Khûmṳ̂shě ahtukha nu, kòyò lǒ̤꤮ bò bǎsibò. Kòyò nutokhlǒ mî̌, a ma̤sǔ pô̤̌ PhaAda ma̤sǔnu mè̤̌tô̤̌ bǎbǎkǎlè asî bǎsi bò pwǎ. PhaAda mî̌ asô̌sô̌kû̌ Khrǐ dǒ a glè̌ hèlò̤pě nutôpwa̤ hǒ.

Ěphěsu 3:20

Htû̌sò̌htò̌ lô̌khô Cǒmara. Dǒ a ta̤pô̤ta̤phǎ adû̌ayô̤̌nu ma̤ta̤ dǒ pakû akhû̌akhî, a gǔ ma̤bò̌ khlo bǎ pa kû̌ pa kwihtò̌ a nutokhlǒ pě. Tô̤̌mî̌, a ma̤bò̌ khlo bǎ pa kû̌ pa gènè̤ nǎpe pwǎ nutokhlǒ pě.

Hebrǔ 9:24

Ma̤titèhî̌dě hǐphû̌dû̌ plò̌shǐ dǒ kòyò ma̤ kû̌ kòyò cǔde dě kòyò kè̌lû̌mò̌mṳ gû̌ma̤ pwǎ amǒ̤glǒ mè̤̌mî̌ca tômè akûnu, Khrǐ cû̌nṳ̌ bǎnu mè̤̌tô̤̌. A cû̌nṳ̌ tûû̌ dǒ mǒkhû̌ dě khònò̤̌ a kwisǎyṳ bǎ pa dǒ Cǒmara alô̤mô̤̌.

Hebrǔ 9:9

Ta̤nutokhlǒ mî̌ a sǎyṳ dǔlè̌lṳ̌khô̌ pa ta̤ma̤mǎnǎ dǒ pa htukha khònò̤̌kha tokhlǒ hǒ. A sǎyṳ nè̌lṳ̌hto pa kû̌ ta̤lṳta̤tòhtò̌ nutokhlǒ kû̌ ta̤phû̌ta̤wè̤ dǒ kòyò lṳhtò̌ a tokhlǒnu, a ma̤ mṳ̂̌plîphǔjò bǎ pwa̤ hè cubucabahtò̌ ta̤nutokhlǒ asǎphlǒ tô̤̌.