Hebrǔ 11:16 - Kawyaw New Testament

¹⁶ Bǎbǎkǎlè asî kè̌shuǐ nǎsǔ jî̌ mǒkhû̌ shigǎ dǒ a mô̤khlo nutôbǎ. Pô̤̌nudě asî kaǎ Cǒmara kû̌ asî Cǒmaranu, Cǒmara sòwò̤̌tô̤̌. Dǒ Cǒmara tîwî̌tòwò nǎ hto asî wî̤̌nu akhû̌akhî, a dǔlè̌lṳ̌ hto kû̌ asî tokhlǒ gǔ kaǎ Cǒmara kû̌ asî Cǒmaranu a sòwò̤̌ lô̌khô tô̤̌.

Kawyaw RC

¹⁶ Pwǎ̤tadě asî nǎsǔ kè̌shuǐ mè̤mè̤̌ mǒkhû̌ shiga htě a mo̤khlo htǒonu tebě. Hǐnudě asî kaǎ Cǒmara ta asî Cǒmaranu, Cǒmara sòwò̤tò̤. Dě Cǒmara ma̤wǒnǎ bǎ asî wî̤htǒo akhû̌akhî, a dǔlṳ ta asî toǒ glè kaǎ Cǒmara ta asî Cǒmaranu a sòwò̤ lǒkho tò̤.

Hebrǔ 11:16 Iomraidhean Croise

Mǒhtûlû̌hǎhtûsa 26:24

Bǎnu tôsa dě Cǒmara tûjû̌pwa̤ ô̌lṳ̌htò̌ bǎ KhûIsè̌ dě a hî̌ lû̌û kû̌, “He mî̌ napha PhaAbraha a Cǒmaradû̌, ǐsha tǎ̤mǎ̤ nî̌, ma̤titèhî̌dě he ô̌ kû̌ na, he gǔ ǐshowî̤ na pě, dě he gǔ no ô̌wô̤̌ô̌dû̌ htò̌ nakhlinalè tokhlǒ pô̤̌ he olò̤nǎ hto kû̌ hejû̌ KhûAbrahanu pě.”

Mǒhtûlû̌hǎhtûsa 28:13

Dě Cǒmara tûjû̌pwa̤ ihtǒ ô̌ dǒ khǔbôkhî dě a hî̌ kû̌, “He mî̌ Cǒmara tûjû̌pwa̤ dǒ a amè̤̌ naphu PhaAbraha a Cǒmaradû̌ kû̌ napha PhaIsè̌ a Cǒmaradû̌ tôpwa̤hǒ. Gǎ dǒ na hǎmôô̌ ǐ a khònò̤̌ tôgǎnu, he gǔ ǐ kû̌ na kû̌ nakhlinalè tokhlǒ pě.

Matěo 25:34

“Bǎnuakha pěnu, khwǐ nutôpwa̤ gǔ hî̌ kòyò dǒ a cǔtômû tokhlǒ pě kû̌, ‘hèmò̌ lô̌khô, sî mî̌ kòyò dǒ a nǐ̤bǎ hepha a ta̤ǐshowî̤ tokhlǒ, hènṳ̌ phî̌wô̌ lô̌khô mǒkhû̌ shilǎ̤gǎkû dǒ amè̤̌kû̌ na û̌tě̤û̌ca dǒ kòyò tîwî̌tòwò nǎ bǎ sî dǒ mǒhtûlû̌ hǎhtûsa pě akhanu.

Mǎ̤riko 12:26

Khûmṳ̂shě wě̤mǎnǎ ta̤htûpwa̤ gesô̌ awe̤akè dǒ a lî̤běkû bǎ mî̌gè̌ jôjǔ ta̤dô̌nè nu tôshǒ, he gènè̤ kû̌ sî dô̌ bǎ hto hǒ. Bǎ lî̤kûnu, Cǒmara hî̌ Khûmṳ̂shě hî̌tè dě, ‘he mî̌ PhaAbraha a Cǒmara, PhaIsè̌ a Cǒmara, kû̌ Phaya̤kò a Cǒmara,’ Khûmṳ̂shě wě̤nǎ pô̤̌nu.

Mǎ̤riko 8:38

Htukha dǒ a ma̤shû̌pwǎtǒ̤ ta̤sǔta̤plě khònò̤̌htukhanu, kòyò dǒ a gû̌ma̤ tô Cǒmara asǎphlǒ ô̌pe tô̤̌ hǒtôhtu akûnu, kòyò tôpwa̤pwa̤ dǒ a sòwò̤̌ he htokhôtô̤̌ a sòwò̤̌ he kû̌ helě̤heyô̤̌ tokhlǒ tôpwa̤pwa̤ nu, htû̌ Kòyòphû̌khû mî̌ he hè kû̌ hepha a ta̤bwǐdû̌sîrîhtû pě, dě he hè kû̌ mǒkhû̌ tanaphû̌ plò̌shǐ tokhlǒ pěhǒ akhanu, he gǔ sòwò̤̌ a pě.”

Lǔka 12:32

“Ǒ꤮ sû̌phû̌ mṳ̌ pî̌tî̌phû̌ sî꤮,ǐsha tǎ̤mǎ̤ nî̌꤮, ma̤titè̌hî̌dě sîpha sǎphlǒô̌ kû̌ a gǔ ǐ sî kû̌ ashiagǎ hǒ.

Lǔka 20:37

Dě Khûmṳ̂shě khò lîtîklî̌ hto asǎphlǒ kû̌ kòyò dǒ a sihto tokhlǒnu, a glè̌ ihtǒ htûpwa̤ge sô̌ pě, ma̤titè̌dě pha Abraha kû̌ PhaIsè̌ kû̌ Phaya̤kû nu, a sihto yî̤̌kèhǒ, bǎbǎkǎlè lî̤plò̌shǐkû hî̌ nǎ tôtô̤̌ kû̌ bǎ mî̌gè̌htò̌ jôjǔ tôkû akhanu, Khûmûshě kaǎ Běcǎ nu kû̌, ‘PhaAbraha a Cǒmara, phaIsè̌ a Cǒmara, kû̌ Phaya̤kò a Cǒmara,’ pô̤̌nu.

Jowǎ̤ni̤ 14:2

Dǒ hepha ahǐkûnu, hǐdǒkû lǎ̤ô̌ agûlǎ̤ ô̌ dû̌wî̤. A kè̌ ô̌tô̤̌ hî̌dě, he cû̌ hî̌ tǒ̤ sî ma̤titè? He glè̌ cû̌ tîwî̌tòwò nǎ bǎ sî gûlǎ̤ tûkû hǒ.

Pwa̤nophû̌ 7:32

‘He mî̌ na mǒ̤pha phiphu dǒ awǐnu tokhlǒ a Cǒmara. He mî̌ PhaAbraha, PhaIsè̌, Phaya̤kò tokhlǒ a Cǒmara.’ Khûmṳ̂shě ǐsha gònò̤̌gòglè dě a kè̌bǔ pe tô̤̌.

Phǐlǐpǐ 3:20

Bǎbǎkǎlè pa tokhlǒ numî̌ mǒkhû̌ a shiphû̌gǎphû̌ dě pa sǎphlǒshû̌ ô̌pǒ̤kè̌shuǐ pa Běcǎ Yeshǔ Khrǐ dǒ a ma̤hǎplǎge panu ô̌ dǒ mǒkhû̌ hèlò̤ pěnu tôpwa̤ hǒ.

Tîmôte ginǐ̤bǎ tôbǎ 4:18

Běcǎ gǔ ma̤hǎplǎ he kû̌ ta̤phû̌mò̤̌shǐhtô lǒ̤bò tokhlǒ pě, htokhôtô̤̌ a gǔ phî̌ge he pě dě a tugǔtaka ǐ he dǒ mǒkhû̌ a shilǎ̤gǎkû pě. Ta̤sîrîdû̌sîrîhtû lò̤bǎ pû Běcǎ tûjû̌pwa̤ talakhǎ nî̌. Ame̤.

Hebrǔ 10:34

Sî gwèbǎǐ kòyò dǒ kòyò dǒlò̤tě̤ lû̌û dǒ apô̤kû nutokhlǒ. Kòyò pè̤̌ǎpè̤̌ô phî̌ cû̌kè bò sî timǐtitè bǎbǎkǎlè, sî bè̌ sǎlě̤ lô̌khô pwǎ sî sǎphlǒ, ma̤titèhî̌dě sî sî̌ganǎ̤ kû̌ sî timǐtitè dǒ awô̌khlo dě a ô̌měô̌gle tûjû̌pwa̤nu a ô̌ dû̌wî̤pe dǒ mǒkhû̌ akhû̌akhî, sî sǎlě̤sǎlò̤ lô̌khô pwǎ.

Hebrǔ 11:10

PhaAbraha ma̤ pô̤̌ Cǒmara hî̌ lû̌nu, ma̤titèhî̌dě a ô̌pǒ̤ kè̌shuǐ wî̤̌ dǒ akòshî̌ měgle tûjû̌pwa̤nu tôwî̤̌. Wî̤̌ hǒtôwî̤̌nu, Cǒmara tîwî̌tòwò nǎ hto dě a bô̌htò̌ ǐtû̌ kû̌ anǎ̤nu.

Hebrǔ 11:14

Kòyò dǒ a hî̌ lô̌khô pô̤̌o tokhlǒnu a dǔlè̌lṳ̌ lîtîklî̌ kû̌ asî kè̌shuǐ tû̌ lô̌khô tû̌hǒ ashigǎ tû̌hǒ.

Hebrǔ 11:40

Ma̤titèhî̌dě ta̤ dǒ awô̌khlo kû̌ hǒtokhlǒ nî̌ Cǒmara ta̤yè̤lò̤nǎ bǎ hto dǒ paya dě a ǐ kû̌ pa pě. Cǒmara bè̌lò̤ hto asǎphlǒ kû̌ pa tôbǎnṳ̌ ô̌pe tǒ̤ kû̌ kòyò dǒnukha tokhlǒ. A ta̤yè̤lò̤nǎ numî̌ pa gǔ ma̤lǒma̤be plǒkû̌ asî nuhǒ.

Hebrǔ 12:22

Bǎbǎkǎlè, sî dě sî hètǒ̤ dǒ Sǐûkhôlôhǒ. Khôlô hǒtômè numî̌ amè̤̌ Cǒmara dǒ a htûpwa̤ nutôpwa̤ awî̤̌ tôwî̤̌ dǒ kòyò kaǎ kû̌ Wî̤̌yarǔshôle dǒ mǒkhû̌nu tôwî̤̌ hǒ. Cǒmara amǒkhû̌ tanaphû̌ dǒ a ô̌ dǒ asî̌ kû̌ asî̌kû tokhlǒ hè̌ô̌plǒ sǎlě̤ wô̤̌wô̤̌ kû̌ bò lû̌û bǎnu. Dě sî hè ô̌plǒ kû̌ amǒkhû̌ tanaphû̌ nutokhlǒ hǒ.

Hebrǔ 13:14

Ma̤titèhî̌dě wî̤̌ dǒ paya dǒ a ô̌měô̌gle tûjû̌pwa̤ dǒ hǎkhû̌nu a ô̌ tôwî̤̌ tô̤̌. Pa kè̌lǎ wî̤̌ dǒ a glè̌ hè pěnu tôwî̤̌.

Hebrǔ 2:11

Yeshǔ ma̤ mṳ̂̌plîge kòyòhǎkhû̌phû̌ tokhlǒ a ta̤ma̤sǔ tokhlǒ. Kòyòhǎkhû̌phû̌ dǒ Yeshǔ ma̤ mṳ̂̌plîkè asî ta̤sǔ nutokhlǒ kû̌ Yeshǔ numî̌, apha jû lû̌û tôpwa̤ nupwǎ akhû̌akhî, Yeshǔ kaǎ asî kû̌ pṳ̌wè̤̌nu a sòwò̤̌ tô̤̌.

Ta̤dǔlè̌nǎ 21:2

He kè̌shǐ wî̤̌plò̌shǐ amè̤̌kû̌ Yarǔshôle wî̤̌sa tôwî̤̌, dě a ô̌ dǒ mǒkhû̌ dǒ Cǒmara a ô̌ dě a hèlò̤. Kòyò tîwî̌tòwò kûsô̌ nǎ bǎ lû̌û pô̤̌ khômò̤̌ phû̌mǒ̤ tôpwa̤ dǒ a ô̌pǒ̤shěshǔ awṳ̂nu.