Hebrǔ 11:13 - Kawyaw New Testament

¹³ Kòyò lǒ̤bò dǒ Cǒmara olò̤ dǒ a gǔ ǐ lû̌û hǒtokhlǒ nî̌ a yṳ̌ǎ gutṳ̌ Cǒmara tǒ̤dǒ a si lô̌khô nutôni̤. Ta̤ dǒ Cǒmara olò̤kè lû̌û dǒ a gǔ ǐ asî hǒtokhlǒ nî̌ a nǐ̤bǎ khôtô̤̌, bǎbǎkǎlè asî kè̌shǐnǎ wǐ yî̤̌ kèhǒ dě a sǎlě̤ phî̌shěshu nǎ wǐ ta̤olò̤ nutokhlǒ hǒ. Asî olò̤ lô̌khô kû̌ asî mî̌ a cû̌ htû shǐtè̤mè̤ dǒ kòshikògǎ pwǎ, dě asî hè ô̌kǔlǎ bǎ hǎkhû̌nu tòshò̌phû̌ pwǎ, a hî̌ lô̌khô pô̤̌nu.

Kawyaw RC

¹³ Kòyò lǒ̤bò htě Cǒmara olò̤ nû̌ûta a glè ǐ nû̌û htǒotoǒnu a yṳǎ gutṳ Cǒmara to̤ bǎ a si lǒkhonu ti̤ni̤. Ta̤ htě Cǒmara olò̤kè nû̌û dě a glè ǐ asî htǒotoǒnu, a nî̤bǎ hǒtò̤, pwǎ̤ta asî kè̌shǐnǎwǐ yî̤hǒ dě a sò̌le̤ phî̌shǔnǎwǐ ta̤olò̤ htǒotoǒ hǒ. Asî olò̤ lǒkho ta asî mî̌ a cû̌htû shǐtè̤mè̤ dě kòshikòga pwǎ, dě asî hè ǒkǔpwǎ bǎ hǎkhû̌bǎo teděsǎphû̌ pwǎ, a hî̌ lǒkho hǐnu.

Hebrǔ 11:13 Iomraidhean Croise

Mǒhtûlû̌hǎhtûsa 21:34

Dě a ô̌ yî̤ bǎ Phǐlǐsôtǐgǎkûnu.

Mǒhtûlû̌hǎhtûsa 23:4

“He mî̌ shilǎ̤gǎkhlophû̌ tôpwa̤ dǒ a hèô̌ kû̌ sî, dě shaǎ pè̤̌mò̌ he sîlṳ̌khû̌ dě he lǔǐjò nô̌ hema pwǎ.”

Mǒhtûlû̌hǎhtûsa 25:8

A ô̌htûpwa̤ tǒ̤ dǒ amǒ̤pwǎ̤ nědû̌lahtû, něbelabe dě a sǎlò̤tě̤kè, dě kòyò lǔǐ a kû̌ aphiaphu sîtokhlǒ.

Mǒhtûlû̌hǎhtûsa 47:9

Phaya̤kò hî̌shǔ lû̌û kû̌, “He htûshǐtèmè̤ dě cû̌ô̌ tûkû hto tûkû bǎ hǎkhû̌nu dǒ aněně alalakû dě, he ô̌ hto aně tôya̤ kû̌ sushi hǒ. Heně htû kû̌ jî̌ kò tô̤̌, htodě apò̤̌asha lîlè. Ma̤hî̌nudě heně htû gunò̤lǎ kû̌ hephihephu sî dǒ a htûshǐtèmè̤ dě cû̌ô̌ tûkû hto tûkû bǎ hǎkhû̌nu tokhlǒ aně tô̤̌.”

Mǒhtûlû̌hǎhtûsa 48:21

Htodě Phaya̤kò hî̌ Khûyṳ̂tǎ kû̌, “Pô̤̌ na kè̌shǐ tû̌ hǒ, helṳmṳ̌ni̤ phǔ tǒ̤hǒ, bǎbǎkǎlè Cǒmaradû̌ glè̌ ô̌pakû̌ na pě dě a glè̌ kaǎge tîkhîsô̌tû̌ na dǒ naphinaphusî tokhlǒ agǎnu pě.

Mǒhtûlû̌hǎhtûsa 49:10

Kò glè̌ phǐtephekè jò Khûyǔda ata̤shû̌ta̤sho tôpwa̤ tô̤̌, Htokhôtô̤̌ khwǐnò̌htô̌nu a glè̌ ô̌měô̌gle dǒ akhlialè tokhlǒ acǔdekû pě. Khûyǔda glè̌ pǒ tǒ̤dǒ khlilèphû̌ tokhlǒ phǐhè mò̌ lû̌û sû pě. Dě khlilèphû̌ tokhlǒ glè̌ bè̌dubè̌nǎ̤ bò lû̌û pě.

Mǒhtûlû̌hǎhtûsa 49:18

Htodě Phaya̤kò cabahtò̌ Cǒmara kû̌, “Ǒ Cǒmara tûjû̌pwa̤, he ô̌pǒ̤kè̌shuǐ na ta̤ma̤hǎplǎge.”

Mǒhtûlû̌hǎhtûsa 49:28

Lǒ̤bò hǒtokhlǒ mî̌ Isôrěla khlilè shǐginǐ̤mṳ̌ tokhlǒ hǒ, dě hǒnumî̌ ta̤hî̌bǎ dǒ apha ǐshowî̤ kè asî pô̤̌ atôabǎ kû̌ asî tôpwa̤ kû̌ tôpwa̤ nutokhlǒ.

Mǒhtûlû̌hǎhtûsa 49:33

Bǎ Phaya̤kò mǎkè hto aphû̌sî yô̤̌ akhanu, a hǎmôô̌lò̤ tîkhî dǒ lǎ̤dakhû̌. Dě a sǎlò̤tě̤ kè dě a cû̌ô̌tǒ̤kè kû̌ amǒ̤phaphiphu sî tokhlǒ.

Mǒhtûlû̌hǎhtûsa 50:24

Htodě a hî̌ apṳ̌wè̤̌ tokhlǒ kû̌, “He ô̌htûpwa̤ yî̤ petô̤̌, Cǒmaradû̌ glè̌ hèlò̤ ma̤jè̌ mè̤̌mǐca sî pě dě a glè̌ kaǎhtò̌kè sî kû̌ gǎ bǒo tôgǎ dě a glè̌ sûge sî gǎ dǒ a olò̤ hto ayô̤̌ kû̌ PhaAbraha, PhaIsè̌, Phaya̤kò nutôgǎ pě.”

Htû̌sò̌htò̌ 119:19

Bǎ hǎkhû̌ nî̌ he htûpwǎ shǐtèmè̤ pwǎ. Dǐsî̌ganǎ̤ he kû̌ na ta̤mǎlò̤ tokhlǒ nî̌.

Htû̌sò̌htò̌ 39:12

Ǒ Cǒmara tûjû̌pwa̤, ganǎ̤de bǎ mò̌ he ta̤kwicaba na, ganǎ̤de bǎ mò̌ he kwisǎyṳhtò̌ na ta̤ma̤jè̌nu. Bǎ hehǎhewô akhanu, jî̌koo tǎ̤ mǎ̤. Dǒwǐkha pô̤̌ hephihephu lǒ̤bò htû shǐpwǎ̤shǐmè̤nu, he htû na shǐtômè̤ sô̌sô̌ pô̤̌ asînu.

Matěo 13:17

Ma̤titèhî̌dě, he hî̌cǒcǒ sî, piwi̤pèshè kû̌ kòyòcǒkòyòtè̤ saprṳ̂ sîtokhlǒ sǎyṳ kè̌shǐ lô̌khô ta̤ dǒ sî kè̌shǐ nutokhlǒ bǎbǎkǎlè asî kè̌shǐ gû̌ kòyò tô̤̌. Htokhôtô̤̌ asî sǎyṳ ganǎ̤de lô̌khô ta̤ dǒ sî ganǎ̤de nutokhlǒ bǎbǎkǎlè asî ganǎ̤de gû̌ kòyò tô̤̌.

Jowǎ̤ni̤ 12:41

Piwi̤pèshè Khûyashǎya hî̌pô̤̌o ma̤titèhî̌dě a kè̌shǐ bǎ Běcǎ Yeshǔ a ta̤bwǐdû̌sîrîhtû htodě a hî̌ ta̤we̤ta̤kè pô̤̌o pwǎ.

Jowǎ̤ni̤ 8:56

Sîpha PhaAbraha sǎyṳ kè̌shǐ dǒ he gǔ hè dǒ hǎkhû̌nu. A kè̌shǐ dě a sǎlě̤sǎlò̤ hǒ,” A hî̌shěshu asî pô̤̌nu.

Rṳ̂̌me̤ 4:21

Cǒmara ma̤ pô̤̌ a olò̤ nupě, a yṳ̌ǎ lǒ̤sû̌lǒ̤sò̌.

Rṳ̂̌me̤ 8:24

Sahtò̌ bǎ Cǒmara ma̤hǎplǎge panu, pa kè̌shuǐ dǒ a gǔ ma̤ bǎ pa nutokhlǒ pěnu. Bǎbǎkǎlè kòyò tôpwa̤pwa̤ kè̌ nǐ̤bǎ hto ta̤ dǒ a kè̌shuǐnu, a lǎ̤lṳ̂ ô̌pǒ̤kè̌shuǐ pe bǎ tô̤̌. Kòyò ô̌pǒ̤kè̌shuǐ ta̤ dǒ kòyò nǐ̤bǎ htohǒnu a ô̌ tôpwǎ̤꤮ tô̤̌.

Kôritu ginǐ̤bǎ tôbǎ 4:18

Pô̤̌nudě, ta̤pò̤̌ta̤sha dǒ he kè̌shǐbǎ hǒtokhlǒnu, he bè̌dubè̌nǎ̤ nô̌ a tôcǒ꤮ tô̤̌. Ta̤ dǒ a ô̌ icumě dǒ he sǎphlǒkû tôcǒnu amè̤̌hǒ ta̤tôta̤wô̌ dǒ Cǒmara gǔ ǐ he pěnu pwǎ. Ta̤ dǒ pa kè̌shǐjò tokhlǒnu, a gǔ ô̌lṳ̌yî̤ pwǎ tashò̌phû̌nô̤̌ pwǎ, bǎbǎkǎlè ta̤ dǒ pa kè̌shǐjòtô̤̌ tokhlǒnu, a gǔ ô̌yî̤ tûjû̌pwa̤ pě.

Kôritu ginǐ̤bǎ tôbǎ 5:6

Pô̤̌nu akhû̌akhî pa yṳ̌ǎ tě̤tě̤mè̤̌mè̤̌ ta̤nutokhlǒ hǒ. Pa nǎ̤glǒ kè̌ ô̌ pepwǎ dǒ hǎkhû̌ akû pwǎ numî̌, pa cû̌ ô̌ bǎ Běcǎ Yeshǔ lǎ̤ô̌ gûlǎ̤nu mè̤̌khôtô̤̌.

Ěphěsu 2:19

Kè̌ ma̤pô̤̌nudě, sî Yǔdaphû̌ mè̤̌tô̤̌ tokhlǒnu, sî htûpe shilǎ̤gǎkhlophû̌ tokhlǒ mè̤petô̤̌ hǒ, tô̤̌mî̌ sî htûpe shǐtèmè̤ tokhlǒ mè̤petô̤̌ hǒ. Khònò̤̌ sî htû sô̌sô̌kè kû̌ Cǒmara a shiphû̌gǎphû̌ sô̌sô̌kû̌ a kòyò nutokhlǒ hǒ. Htokhôtô̤̌ sî mî̌ Cǒmara a hǐphû̌phòphû̌ tokhlǒ hǒ.

Hebrǔ 11:14

Kòyò dǒ a hî̌ lô̌khô pô̤̌o tokhlǒnu a dǔlè̌lṳ̌ lîtîklî̌ kû̌ asî kè̌shuǐ tû̌ lô̌khô tû̌hǒ ashigǎ tû̌hǒ.

Hebrǔ 11:17

Bǎ Cǒmara ma̤kè̌kè̌ PhaAbraha akhanu, dǒ ata̤yṳ̌ akhû̌akhî, a lṳhtò̌ aphû̌khû KhûIsè̌. A nǐ̤bǎ Cǒmara a ta̤olò̤ bǎbǎ a ô̌ tîwî̌tòwònǎ dǒ a gǔ lṳhtò̌ aphû̌khû dǒ a ô̌pwǎ tôpwa̤ nô̤̌nu tôpwa̤.

Hebrǔ 11:27

Dǒ ta̤yṳ̌ akhû̌akhîdě, a hǎhtò̌cû̌ dǒ Ijî̌gǎkû. Khwǐ sǎphlǒdû̌ lû̌û bǎbǎkǎlè a ǐsha tô̤̌. Ma̤titèhî̌dě a kè̌shǐ Cǒmara dǒ kòyò kè̌shǐjò lû̌û tô̤̌ nutôpwa̤ akhû̌akhî, a khòsǎphlǒhtû sělě hèpô̤̌.

Hebrǔ 11:39

Dǒ asî ta̤yṳ̌ akhû̌akhîdě, kòyò lǒ̤bò tokhlǒnu, Cǒmara kè̌mô̤ǐ mî̌ca asî. Bǎbǎkǎlè lǒ̤bò Cǒmara olò̤ tokhlǒnu, asî nǐ̤bǎ kû̌ kòyò tô̤̌.

Petru awǐlǒ tabǎ 1:1

He wě̤cû̌bǎ lî̤nu dǒ Cǒmara rû̌htò̌ lû̌û dě a cû̌ ô̌kǔ tòshò̌phû̌, a cû̌ htû shǐpwǎ̤ dǒ kòshikògǎ, dě a ô̌ peshecû̌ bò dǒ agûlǎ̤ pṳ̂̌꤮ tûkû dǒ Pòtǔgǎ, Galatǐgǎ, Kapadakǐgǎ, Ashǎgǎ kû̌ Bisûnǐgǎkû nutokhlǒ a ô̌. He mî̌ Khûpetarǔ, he mî̌ Yeshǔ Khrǐ a pwa̤lǎ̤nophû̌ tôpwa̤.

Petru awǐlǒ tabǎ 1:17

Bǎ sî kwicabahtò̌ Cǒmara akhanu, “Pha” sî kaǎ lô̌khô lû̌û pô̤̌nu. Kòyò pṳ̂̌꤮ tôpwa̤ ma̤hto ta̤titètè̌꤮ bǎbǎnu, Cǒmara cî̌htò̌ cǒcǒtè̤tè̤ pwǎ, a kè̌dû̌kè̌pî̌tî̌ tô̤̌. Pô̤̌nudě bǎ sî ô̌htûpwa̤ pepô̤̌ shǐpwǎ̤shǐmè̤ dǒ hǎkhû̌ akhanu, ô̌htûpwa̤ lô̌khô dǒ ta̤ǐsha bè̌dubè̌nǎ̤ Cǒmara akû nî̌.

Petru awǐlǒ tabǎ 2:11

He khô sî꤮, dǒ hǎkhû̌nu sî mî̌ asô̌sô̌kû̌ kòyò cû̌htû shilǎ̤gǎkhlophû̌ kû̌ shǐpwǎ̤shǐmè̤ tokhlǒ pwǎ. He kwisǎyṳ sî kû̌ sî gǔ cû̌ tephekè lô̌khô kû̌ sî nǎ̤glǒ a ta̤sǎyṳsǎbǎ phû̌mò̤̌ dǒ ashěapě̤ sǎla̤la̤ ǐ sî sǎphlǒ nutokhlǒ nî̌꤮.

Yṳ̂ha awǐlǒ tôbǎ 3:19

Pa kè̌ mô̤ ǐtû̌ lû̌û tôpwa̤ kû̌ tôpwa̤ pô̤̌nu hî̌dě pa sî̌ganǎ̤ kû̌ pa ô̌gû̌ dǒ ta̤tě̤ta̤mè̤̌ tôkhô hǒ. Dě pa gǔ sǎphlǒmô̤, sǎphlǒ gûjû̌kabǎ hǒ dǒ Cǒmara a lô̤mô̤̌ hǒ.