Hebrǔ 11:10 - Kawyaw New Testament

¹⁰ PhaAbraha ma̤ pô̤̌ Cǒmara hî̌ lû̌nu, ma̤titèhî̌dě a ô̌pǒ̤ kè̌shuǐ wî̤̌ dǒ akòshî̌ měgle tûjû̌pwa̤nu tôwî̤̌. Wî̤̌ hǒtôwî̤̌nu, Cǒmara tîwî̌tòwò nǎ hto dě a bô̌htò̌ ǐtû̌ kû̌ anǎ̤nu.

Kawyaw RC

¹⁰ Abraham ma̤ pwǐ Cǒmara hî̌ nû̌ûnu, ma̤tè̤hî̌dě a ǒpo̤ kè̌shuǐ wî̤ htě akòshî̌ měgle tûjûpwa̤ htǒonu tî̤wî̤. Wî̤ htǒotî̤wî̤nu, Cǒmara tîwî̌tòwònǎhto dě a ma̤htò̌htotû̌ ta ana̤.

Hebrǔ 11:10 Iomraidhean Croise

Jowǎ̤ni̤ 14:2

Dǒ hepha ahǐkûnu, hǐdǒkû lǎ̤ô̌ agûlǎ̤ ô̌ dû̌wî̤. A kè̌ ô̌tô̤̌ hî̌dě, he cû̌ hî̌ tǒ̤ sî ma̤titè? He glè̌ cû̌ tîwî̌tòwò nǎ bǎ sî gûlǎ̤ tûkû hǒ.

Kôritu ginǐ̤bǎ tôbǎ 5:1

Pa nǎ̤glǒ dǒ asô̌sô̌kû̌ hǐ dǒ pa ô̌ ǐ a dǒ hǎkhû̌ hǒtômènu, htû̌꤮ kòyò ma̤pò̌kè a pěnu, a sǎyṳ hî̌ kû̌ htû̌꤮ pa si pěmî̌, pa sî̌ganǎ̤ kû̌ Cǒmara gǔ ma̤bǎ pa hǐsa amè̤̌kû̌ panǎ̤glǒ asa dǒ mǒkhû̌nu hǒ. A gǔ ma̤ kû̌ anǎ̤ dě hǐsa amè̤̌kû̌ panǎ̤glǒ asanu, a sijò pe tô̤̌, a gǔ ô̌měô̌gle̤ tûjû̌pwa̤ pě.

Phǐlǐpǐ 3:20

Bǎbǎkǎlè pa tokhlǒ numî̌ mǒkhû̌ a shiphû̌gǎphû̌ dě pa sǎphlǒshû̌ ô̌pǒ̤kè̌shuǐ pa Běcǎ Yeshǔ Khrǐ dǒ a ma̤hǎplǎge panu ô̌ dǒ mǒkhû̌ hèlò̤ pěnu tôpwa̤ hǒ.

Hebrǔ 11:16

Bǎbǎkǎlè asî kè̌shuǐ nǎsǔ jî̌ mǒkhû̌ shigǎ dǒ a mô̤khlo nutôbǎ. Pô̤̌nudě asî kaǎ Cǒmara kû̌ asî Cǒmaranu, Cǒmara sòwò̤̌tô̤̌. Dǒ Cǒmara tîwî̌tòwò nǎ hto asî wî̤̌nu akhû̌akhî, a dǔlè̌lṳ̌ hto kû̌ asî tokhlǒ gǔ kaǎ Cǒmara kû̌ asî Cǒmaranu a sòwò̤̌ lô̌khô tô̤̌.

Hebrǔ 12:22

Bǎbǎkǎlè, sî dě sî hètǒ̤ dǒ Sǐûkhôlôhǒ. Khôlô hǒtômè numî̌ amè̤̌ Cǒmara dǒ a htûpwa̤ nutôpwa̤ awî̤̌ tôwî̤̌ dǒ kòyò kaǎ kû̌ Wî̤̌yarǔshôle dǒ mǒkhû̌nu tôwî̤̌ hǒ. Cǒmara amǒkhû̌ tanaphû̌ dǒ a ô̌ dǒ asî̌ kû̌ asî̌kû tokhlǒ hè̌ô̌plǒ sǎlě̤ wô̤̌wô̤̌ kû̌ bò lû̌û bǎnu. Dě sî hè ô̌plǒ kû̌ amǒkhû̌ tanaphû̌ nutokhlǒ hǒ.

Hebrǔ 12:28

Pô̤̌nudě, pa hî̌bwǐhî̌sîrî wô̤̌wô̤̌ lû̌û Cǒmara tǎ꤮, ma̤titèhî̌dě pa nǐ̤bǎ shigǎ dǒ a guyṳ̌ jòtô̤̌ nutôgǎ. Pa gǔ cabahtò̌ Cǒmara kû̌ ta̤caba dǒ atô kû̌ asǎphlǒ kû̌ ta̤ǐsha bè̌dubè̌nǎ̤ lû̌û akûnu tǎ꤮.

Hebrǔ 13:14

Ma̤titèhî̌dě wî̤̌ dǒ paya dǒ a ô̌měô̌gle tûjû̌pwa̤ dǒ hǎkhû̌nu a ô̌ tôwî̤̌ tô̤̌. Pa kè̌lǎ wî̤̌ dǒ a glè̌ hè pěnu tôwî̤̌.

Hebrǔ 3:4

Hǐ pṳ̂̌꤮ tèmènu kòyò pwa̤ma̤htò̌ yǎ, a ô̌nò tôpwa̤pwa̤nu amè̤̌kǎ. Bǎbǎkǎlè pwa̤ dǒ a bô̌htò̌ ta̤pṳ̂̌꤮ tocǒ numî̌ Cǒmara pwǎ.

Ta̤dǔlè̌nǎ 21:2

He kè̌shǐ wî̤̌plò̌shǐ amè̤̌kû̌ Yarǔshôle wî̤̌sa tôwî̤̌, dě a ô̌ dǒ mǒkhû̌ dǒ Cǒmara a ô̌ dě a hèlò̤. Kòyò tîwî̌tòwò kûsô̌ nǎ bǎ lû̌û pô̤̌ khômò̤̌ phû̌mǒ̤ tôpwa̤ dǒ a ô̌pǒ̤shěshǔ awṳ̂nu.