Hebrǔ 11:1 - Kawyaw New Testament

¹ Ta̤yṳ̌ta̤nǎ̤ yô̤̌mûyô̤̌sǎ mî̌ ta̤ dǒ pa kè̌shuǐ lû̌û tokhlǒ, pa yṳ̌ǎ měgle kû̌ pa gǔ nǐ̤bǎ hǒ. Htokhôtô̤̌ ta̤yṳ̌ta̤nǎ̤ yô̤̌mûyô̤̌sǎ mî̌ ta̤dǒ pa kè̌shǐjò khôtô̤̌ tokhlǒnu, pa yṳ̌ǎ měgle gutṳ̌ pe kû̌ pa gǔ nǐ̤bǎ pěnuhǒ.

Kawyaw RC

¹ Ta̤yṳ amûasǎ mî̌ ta̤ htě pa kè̌shuǐ yǎ toǒnu, pa yṳǎ měgle ta pa nî̤bǎ hǒ. Htohǒtò̤ ta̤yṳ amûasǎ mî̌ ta̤htě pa kè̌shǐjò hǒtò̤ toǒnu, pa yṳǎ měgle sayè̤pe ta pa glè nî̤bǎpěnu hǒ.

Hebrǔ 11:1 Iomraidhean Croise

Htû̌sò̌htò̌ 27:13

He yṳǎ mî̌ca kû̌ he gǔ kè̌shǐ Cǒmara tûjû̌pwa̤ ata̤mô̤ta̤wô̌ dǒ he ta̤ô̌htûpwa̤ khònò̤̌khanu pě.

Htû̌sò̌htò̌ 42:11

Ǒ he cû̌ sǎplǎ̤nǎbǎ jî̌jî̌ ma̤titè? He cû̌ gû̌gè̌ jî̌jî̌ ma̤titè? Tûlû̌ kè̌shuǐ Cǒmaradû̌ nu, he gǔ htû̌sò̌htò̌ sô̌ Cǒmaradû̌ dǒ a ma̤hǎplǎkè he, a mî̌ he Cǒmaradû̌ nutôpwa̤.

Pwa̤nophû̌ 20:21

Yǔdaphû̌ tokhlǒ bǎbǎ, Yǔdaphû̌ mè̤̌tô̤̌ tokhlǒ bǎbǎ, he hî̌lò̤shû̌ shû̌lě asî ginǐ̤prṳ̂ kû̌, yò̤lǎ̤plǎdî̌ lôkhô sî sǎphlǒ dě yṳ̌ǎnǎ̤ǎ lôkhô Běcǎ Yeshǔ, he hî̌ bǎ asî pô̤̌nu nu.

Kôritu awǐlǒ tôbǎ 13:13

Bǎbǎkǎlè khònò̤̌nu, ta̤yṳ̌nǐ̤nǎ̤nǐ̤, ta̤kè̌shuǐ kû̌ ta̤mô̤ǐ ô̌ pe sucǒ. Hǒo sucǒ aklanu adû̌lǒ mî̌ ta̤mô̤ǐ hǒ.

Kôritu ginǐ̤bǎ tôbǎ 11:17

He shôbǐ htû̌sò̌ǐ khònò̤̌ numî̌ he hî̌bǎ pô̤̌ Běcǎ sǎyṳ no hî̌bǎ henu mè̤̌tô̤̌. He hî̌bǎ pô̤̌ kòyò kimwi tôpwa̤ nupwǎ.

Kôritu ginǐ̤bǎ tôbǎ 4:18

Pô̤̌nudě, ta̤pò̤̌ta̤sha dǒ he kè̌shǐbǎ hǒtokhlǒnu, he bè̌dubè̌nǎ̤ nô̌ a tôcǒ꤮ tô̤̌. Ta̤ dǒ a ô̌ icumě dǒ he sǎphlǒkû tôcǒnu amè̤̌hǒ ta̤tôta̤wô̌ dǒ Cǒmara gǔ ǐ he pěnu pwǎ. Ta̤ dǒ pa kè̌shǐjò tokhlǒnu, a gǔ ô̌lṳ̌yî̤ pwǎ tashò̌phû̌nô̤̌ pwǎ, bǎbǎkǎlè ta̤ dǒ pa kè̌shǐjòtô̤̌ tokhlǒnu, a gǔ ô̌yî̤ tûjû̌pwa̤ pě.

Kôritu ginǐ̤bǎ tôbǎ 5:17

Kòyò tôpwa̤pwa̤ dǒ a htûhtò̌ kû̌ Khrǐ tôcǒ꤮ nô̤̌nu, a htûhtò̌ kòyò tôpwa̤ dǒ Cǒmara bô̌lò̤ tèplè̌sa lû̌û hǒ. A wîkè a ta̤ô̌htûpwa̤ ali̤ tokhlǒ dě a ô̌htûpwa̤ tèplè̌kè dǒ asa hǒ.

Kôritu ginǐ̤bǎ tôbǎ 5:7

Ma̤titèhî̌dě pa ô̌htûpwa̤ kû̌ ta̤ dǒ pa yṳ̌ǎnṳ̌ a tokhlǒ pwǎ, pa ô̌htûpwa̤ kû̌ ta̤ dǒ pa kè̌shǐ a nutokhlǒ mè̤̌tô̤̌.

Kôritu ginǐ̤bǎ tôbǎ 9:4

Pô̤̌nudě bǎ he hè pě akhanu, pa pṳ̌wè̤̌ Khrǐphû̌ dǒ Mèsidûnǐ̤yagǎ tokhlǒ gû̌hè kû̌ he pě kǎlè. He sǎyṳ nokè̌shǐ asî kû̌ sî tîwî̌tòwò nǎ htobò ru ta̤ma̤lṳ nutokhlǒ. Sî kè̌ tîwî̌tòwò nǎ tôcǒ꤮ tô̤̌ hî̌nu, ta̤ dǒ he yṳ̌ǎnṳ̌ sî tokhlǒnu a gǔ htûhtò̌ ta̤sòwò̤̌ dǒ heya kû̌ sîya pě.

Galatǐ 5:6

Ma̤titèhî̌dě bǎ sî htûhtò̌kè kû̌ Yeshǔ Khrǐ tôcǒ꤮ nô̤̌ akhanu, ta̤dǔtṳ̌bě bǎbǎ, ta̤dǔtṳ̌bě tô̤̌ bǎbǎ, a htûbwǐhtûsîrî nô̌ tôcǒ꤮ tô̤̌. Ta̤ dǒ a htûbwǐhtûsîrî khlo numî̌, ta̤yṳ̌ta̤nǎ̤ dǒ a dǔlè̌lṳ̌ ta̤mô̤ Cǒmara kû̌ kòyò ashǔshawa̤nu pwǎ.

Tǐtǔ 1:1

He mî̌ Khûpò̌lǔ, he wě̤cû̌ bǎ na lî̤ hǒtôbǎ. He mî̌ Cǒmara ajû̌ kû̌ Yeshǔ Khrǐ a pwa̤nophû̌ tôpwa̤. Cǒmara rû̌htò̌ he dě a nocû̌ ma̤jè̌ he kû̌ kòyò dǒ a rû̌htò̌ lû̌û nutokhlǒ a ta̤yṳ̌ta̤nǎ̤, dě a gǔ sî̌ganǎ̤ lô̌khô ta̤tě̤ta̤mè̤̌. Ta̤cǒta̤tè̤ numî̌ a ma̤jè̌ asî dǒ a gǔ ô̌htûpwa̤ tô kû̌ Cǒmara asǎphlǒ nutokhlǒ hǒ.

Hebrǔ 10:22

Pô̤̌nudě pa hèphǔ lô̌khô dǒ Cǒmara a ô̌ tǎ꤮. Pa gǔ hè kû̌ pa sǎphlǒ dǒ acǒatè̤, kû̌ pa ta̤yṳ̌ dǒ atě̤amè̤̌ nutokhlǒ tǎ꤮. Ma̤titèhî̌dě, pa sǎphlǒ a ta̤gènè̤ phû̌mò̤̌, pô̤̌khô a gǔ ma̤mṳ̂̌plî ayanu, kòyò cǔbò hto pa kû̌ Khrǐ asǐ hǒ. Htokhôtô̤̌ panǎ̤glǒ nî̌ kòyò cǔbò hto kû̌ shiplò̌shǐ hǒ.

Hebrǔ 10:39

Pa mî̌ kòyò dǒ a cû̌ tephekhô̌kè tokhlǒ, dě a cû̌tǒ̤ dǒ ta̤pî̌ta̤lṳ̂̌ pě nutokhlǒ mè̤̌tô̤̌. Pa mî̌ kòyò dǒ a yṳ̌ǎ ta̤ tokhlǒ dě a nǐ̤bǎ ta̤ma̤hǎplǎge tokhlǒ pě hǒ.

Hebrǔ 11:13

Kòyò lǒ̤bò dǒ Cǒmara olò̤ dǒ a gǔ ǐ lû̌û hǒtokhlǒ nî̌ a yṳ̌ǎ gutṳ̌ Cǒmara tǒ̤dǒ a si lô̌khô nutôni̤. Ta̤ dǒ Cǒmara olò̤kè lû̌û dǒ a gǔ ǐ asî hǒtokhlǒ nî̌ a nǐ̤bǎ khôtô̤̌, bǎbǎkǎlè asî kè̌shǐnǎ wǐ yî̤̌ kèhǒ dě a sǎlě̤ phî̌shěshu nǎ wǐ ta̤olò̤ nutokhlǒ hǒ. Asî olò̤ lô̌khô kû̌ asî mî̌ a cû̌ htû shǐtè̤mè̤ dǒ kòshikògǎ pwǎ, dě asî hè ô̌kǔlǎ bǎ hǎkhû̌nu tòshò̌phû̌ pwǎ, a hî̌ lô̌khô pô̤̌nu.

Hebrǔ 11:27

Dǒ ta̤yṳ̌ akhû̌akhîdě, a hǎhtò̌cû̌ dǒ Ijî̌gǎkû. Khwǐ sǎphlǒdû̌ lû̌û bǎbǎkǎlè a ǐsha tô̤̌. Ma̤titèhî̌dě a kè̌shǐ Cǒmara dǒ kòyò kè̌shǐjò lû̌û tô̤̌ nutôpwa̤ akhû̌akhî, a khòsǎphlǒhtû sělě hèpô̤̌.

Hebrǔ 11:7

Dǒ Phanṳ̂̌a ata̤yṳ̌ akhû̌akhî, Cǒmara dǐô̌ sè̌rè̌nǎ lû̌ ta̤dǒ a kè̌shǐ sî̌ganǎ̤ khôtô̤̌ dǒ a gǔ htûhtò̌ htû̌ nô̌kòpě nutokhlǒ. A bè̌dubè̌nǎ̤ Cǒmara, a ganǎ̤de lû̌yô̤̌ dě a bô̌htò̌ sǒkhlidû̌ dǒ a gǔ ma̤hǎplǎge kû̌ a hǐphû̌phòphû̌ aya tôbǎ. Dǒ Phanṳ̂̌a ta̤yṳ̌ akhû̌akhî, a dǔlè̌lṳ̌ kû̌ Cǒmara cî̌htò̌ kòyò hǎkhû̌phû̌ tokhlǒ pě. Dě dǒ ata̤yṳ̌ akhû̌khî, Cǒmara bè̌hto a pô̤̌ kòyòcǒkòyòtè̤ tôpwa̤ hǒ.

Hebrǔ 2:3

Pô̤̌nudě, khònò̤̌ pa kè̌ bè̤̌dubè̌nǎ̤ kû̌ kòyò ta̤ma̤hǎplǎge adû̌ayô̤̌nu tô̤̌ hî̌dě Cǒmara gǔ cî̌htò̌ mè̤̌mî̌ca pa pě. Cǒmara a ta̤ma̤hǎplǎge aklè̌aklònu, Běcǎ anǎ̤glǒ shôbǐǐlṳ̌ wǐ bǎ kòyò hǒ. Dě kòyò dǒ a ganǎ̤de lû̌û hî̌nu tokhlǒnu a shôbǐǐlṳ̌pô̤̌ bǎ tutṳ̌ pa kû̌ ta̤ma̤hǎplǎge ta̤we̤ta̤kè tokhlǒ numî̌ a mè̤̌mî̌ca pô̤̌nu.

Hebrǔ 3:14

Ma̤titèhî̌dě, pa ta̤yṳ̌ǎ Cǒmara dǒ asakhû̌lû̌khanu, pa kè̌ pṳ̂̌měwô̌bǎ a tǒ̤dǒ agutṳ̌ hî̌dě, pa htûhto pwa̤ma̤plǒta̤ kû̌ Khrǐ hǒ.

Hebrǔ 3:6

Bǎbǎkǎlè, Khrǐ nî̌ asô̌sô̌kû̌ Khûmṳ̂shě dǒ a htû pwa̤ma̤ta̤phû̌ dǒ Cǒmara ahǐkû nutôpwa̤ mè̤̌tô̤̌. A mî̌ Cǒmara aphû̌khû tôpwa̤. A mî̌ acǒ kû̌ ata̤ma̤ dě a kè̌khwè̌ǐ apha Cǒmara a hǐphû̌phòphû̌ tokhlǒ. Pa kè̌ gû̌ khukhuhehe hè sělě kû̌ Khrǐ tǒ̤dǒ agutṳ̌ htokhôtô̤̌ ta̤ dǒ Cǒmara gǔ ǐ panu, pa kè̌ kè̌shuǐ hènè tǒ̤dǒ agutṳ̌ numî̌, pa mî̌ Cǒmara ahǐphû̌phòphû̌ hǒ.

Hebrǔ 6:12

Pa sǎyṳ nohtû sî kòyò cè̌klè tô̤̌. Mè̤mè̤̌tôkhô pa sǎyṳ no sô̌sô̌ sî pô̤̌ kòyò dǒ a yṳ̌ǎ dě a khòsǎdô ta̤ khònò̤̌ nutokhlǒ pwǎ. Dě dǒ kòyò nutokhlǒ ma̤pô̤̌nu akhû̌akhî, asî nǐ̤bǎ lô̌khô Cǒmara a ta̤olò̤ nutokhlǒ pě.

Petru ginǐ̤bǎ tabǎ 1:1

Pa Cǒmara kû̌ pwa̤ma̤hǎplǎge pa Běcǎ Yeshǔ Khrǐ hǒtôpwa̤ a ta̤tě̤ta̤mè̤̌ akhû̌akhî, sî mî̌ kòyò tokhlǒ dǒ a nṳ̌bǎtû̌ ta̤yṳ̌ta̤nǎ̤ dǒ asô̌sô̌kû̌ pa hǒtokhlǒ hǒ. Dě he wě̤cû̌bǎ sî lî̤nu. He mî̌ Khûshǐmû Petarǔ, dě he htûtû̌ Yeshǔ Khrǐ jû̌ kû̌ a pwa̤nophû̌ tôpwa̤.