Hebrǔ 10:5 - Kawyaw New Testament

⁵ Pô̤̌nu akhû̌akhî, bǎ Khrǐ hèlò̤ dǒ hǎkhû̌ akhanu, a hî̌ Cǒmara kû̌, “Kòyò lṳhtò̌ bǎ na ta̤phû̌ta̤wè̤ sîtokhlǒ kû̌ ta̤lṳta̤tòhtò̌ sî tokhlǒnu, na sǎyṳ tô̤̌. Bǎbǎkǎlè na tîwî̌tòwò nǎhto he nǎ̤glǒ dǒ he glè̌ bǎ lṳhtò̌ ayahǒ.

Kawyaw RC

⁵ Hǐnu akhû̌akhî, bǎ Khrî̌stu hèlò̤ hǎkhû̌bǎo akhanu, a hî̌ Cǒmara, “Kò lṳhtò̌ǐ bǎ na ta̤phû̌ta̤li̤ sîtoǒ ta ta̤lṳta̤tò̌ sî toǒnu, na sò̌yṳ tò̤. Pwǎ̤tadě na ma̤wǒnǎ he na̤klû htě he glè bǎ lṳhtò̌ yǎ ayahǒ.

Hebrǔ 10:5 Iomraidhean Croise

Mǒhtûlû̌hǎhtûsa 3:15

He no htûhtò̌ na kû̌ pwa̤mǒ̤ nutôpwa̤ khuwè̤ pě, nakhli tôpwa̤ kû̌ pwa̤mǒ̤ akhli tôpwa̤ gǔ shěpě̤ lû̌û pě, dě pwa̤mǒ̤ akhli tôpwa̤ gǔ yî̤̌mǔ naikǒ pě, dě na gǔ ě pwa̤mǒ̤ akhli pwa̤khû nutôpwa̤ khò̌teněkò pě.”

Matěo 11:3

“Na mî̌ Me̤shǐya dǒ piwi̤pèshè tokhlǒ hî̌nǎ kû̌ a gǔ hè pě nutôpwa̤ hǒ ya? Mè̤̌tô̤̌dě pa tôbǎ ô̌pǒ̤kè̌shuǐ pe dǒ ashǔshawa̤ hè pě ya?”

Lǔka 1:35

Dě mǒkhû̌ tanaphû̌ hî̌shěshu a kû̌, “Yôla Plò̌shǐ Běcǎ gǔ hèlò̤ tûû̌ dǒ nalô̤ pě dě dǒ ta̤dû̌ta̤htû Cǒmara a ta̤pô̤ta̤phǎ akhû̌akhî, dě phijǎphû̌ tôpwa̤ gǔ hè ô̌lò̤ pě. Dǒ ta̤we̤ta̤kè hǒo akhû̌akhîdě phijǎ plò̌shǐ nutôpwa̤ nî̌ kòyò gǔ kaǎ yǎ kû̌ Cǒmara aphû̌khû pě.

Lǔka 7:19

Dě Khûyṳ̂ha kaǎhè dǒ akhôphijǎ akla nutokhlǒ sò̌ginǐ̤ dě anocû̌ asî dǒ Yeshǔ a ô̌ dě a nocû̌gwè̌ lû̌û kû̌, “Na mî̌ Me̤shǐya dǒ piwi̤pèshè tokhlǒ hî̌nǎ kû̌ a gǔ hè pě nutôpwa̤ hǒ ya? Mè̤̌tô̤̌mî̌ pa tôbǎ ô̌pǒ̤kè̌shuǐ dǒ ashǔshawa̤ tôpwa̤ gǔ hè pě ya? Cû̌gwè̌ pû pô̤̌nu nî̌,” ahî̌ cû̌ asî pô̤̌nu.

Jowǎ̤ni̤ 1:14

Kòyò dǒ kòyò kaǎ a kû̌ ta̤lě̤ta̤yô̤̌ tôpwa̤nu, a hèhtû ma̤pô̤̌ kòyòhǎkhû̌phû̌nu dě a hè ô̌htûpwa̤ dǒ pakla hǒ. Dě pa kè̌shǐ a ta̤bwǐdû̌sîrîhtû. Cǒmara aphû̌khû ô̌pwǎ tôpwa̤nô̤̌ akhû̌akhî, a nǐ̤bǎ bò ta̤bwǐdû̌sîrîhtû dǒ aphaô̌ a mî̌ kòyò dǒ a lǒbe kû̌ ta̤bwǐta̤sîrî kû̌ ta̤tě̤ta̤mè̤̌ tôpwa̤.

Galatǐ 4:4

Bǎbǎkǎlè bǎ shěkǎtô shěkhǎbǎ hètǒ̤hǒ akhanu, Cǒmara nohèlò̤ aphû̌khû dě a hè ô̌phijǎlò̤ dǒ pwa̤mǒ̤ tôpwa̤ a ô̌, dě a hè ô̌phijǎlò̤ dǒ Yǔda a ta̤sû̌ta̤tòwò alǎ̤.

Tîmôte awǐlǒ tôbǎ 3:16

Pa ta̤cubucaba adû̌ayô̤̌ pwǐtènu kòyò ma̤bǐjòǐ a tôpwǎ̤꤮ tô̤̌. Khrǐ ô̌lṳ̌htò̌ pô̤̌ kòyòhǎkhû̌phû̌ tôpwa̤, dě Yôla Plò̌shǐ Běcǎ khòlṳ̌ kû̌ Khrǐ nî̌ a ma̤tô Cǒmara asǎphlǒ, dě mǒkhû̌ tanaphû̌ tokhlǒ kè̌shǐbǎ a hǒ. Htodě awe̤akè nî̌, kòyò shôbǐǐlṳ̌ a dǒ kòyò ashǔshawa̤ tokhlǒ aklahǒ. Kòyò ô̌ dǒ hǎkhû̌ tokhlǒkhlǒ nî̌ a yṳ̌nǐ̤nǎ̤nǐ̤ lû̌û hǒ. Cǒmara johtò̌ a dǒ mǒkhû̌ bǎ ta̤bwǐdû̌sîrîhtû akûhǒ.

Hebrǔ 1:6

Bǎ Cǒmara nohèlò̤ aphû̌khû wè̤̌pwǎ̤ dǒ hǎkhû̌ akhanu, a hî̌ kû̌, “Cǒmara a tanaphû̌ lǒ̤꤮ bò bǎ cabahtò̌ phû̌khûnu,” a hî̌ pô̤̌nu.

Hebrǔ 10:10

Yeshǔ Khrǐ ma̤ bǎ pô̤̌ Cǒmara a ta̤sǎyṳ ô̌nu, htokhôtô̤̌ dǒ a lṳhtò̌ anǎ̤glǒ tôplǎnô̤̌pwǎ dě a htophlǔ bòhǒ akhû̌akhî, a ma̤ plò̌shǐ pa hǒ.

Hebrǔ 10:7

Pô̤̌nudě, he hî̌ kû̌, ‘pô̤̌ kòyò wě̤ hewe̤hekè dǒ lî̤plò̌shǐ akûnu, he hî̌ Cǒmara kû̌, he ô̌ pwǎ, ǒ Cǒmara, pô̤̌khô he glè̌ hè ma̤ bǎ na pô̤̌ na sǎyṳ noma̤ he nutokhlǒ ayanudě, he hètǒ̤hǒ,’” Khrǐ hî̌ Cǒmara pô̤̌nu.

Hebrǔ 10:8

Běcǎ Khrǐ hî̌wǐ kû̌, “Lṳhtò̌ ta̤phû̌ta̤wè̤nu bǎbǎ, lṳhtò̌ sǒsǎ wû̌phô sî bǎbǎ, shû̌u lṳhtò̌ ta̤phû̌ta̤wè̤ sî bǎbǎ, lṳhtò̌ ta̤lṳ dǒ a gǔ plûkè pa ta̤sǔ sînu bǎbǎ na sǎphlǒô̌tô̤̌,” (Asî lṳhtò̌ ta̤lṳta̤tòhtò̌ hǒtokhlǒ pô̤̌ Khûmṳ̂shě a ta̤sû̌ta̤tòwò ô̌nu bǎbǎkǎlè Běcǎ Khrǐ hî̌ pô̤̌nu.)

Hebrǔ 2:14

Phû̌mǒ̤phû̌khû a kaǎ lû̌û tokhlǒnu, a ô̌ kû̌ anǎ̤glǒ sǐshi dǒ a sijònu akhû̌akhî, Běcǎ Yeshǔ hèlò̤ phî̌nṳ̌ kû̌ kòyò hǎkhû̌phû̌ anǎ̤glǒ dǒ a sô̌sô̌kû̌ kû̌ asînu. A htûhtò̌ sô̌sô̌kû̌ kòyòhǎkhû̌phû̌ akhû̌akhî, a si jò. Pô̤̌khô Yeshǔ gǔ ma̤pî̌kè hǎkhû̌tana dǒ kòyò kaǎ kû̌ Sehtô dǒ a ô̌ kû̌ a ta̤pô̤ta̤phǎ shû̌sho dǒ a pǒǐ ta̤si nutôdo ayanu, a tṳ̌sikhòsikè anǎ̤ hǒ.

Hebrǔ 5:7

Bǎ Yeshǔ ô̌htûpwa̤ bǎ hǎkhû̌ akhanu, a kwicaba lǒ̤sû̌lǒ̤sò̌ htò̌ Cǒmara dǒ a ma̤hǎplǎjò lû̌û dǒ ta̤sinu tôpwa̤, dě a yî̤̌kǒhtò̌ mǐ̤sǎshilò̤ kè. A shò̌lò̤ asǎphlǒ dě a sǎphlǒshû̌ ganǎ̤de Cǒmara ayô̤̌ akhû̌akhî, Cǒmara ganǎ̤de a ta̤kwicaba.

Hebrǔ 8:3

Pwa̤shû̌gǎ ikǒdû̌lǒ pṳ̂̌꤮ tôpwa̤nu, kòyò bè̌htò̌ a kû̌ a bǎ lṳhtò̌ta̤ htodě a bǎ lṳhtò̌ kû̌ ta̤phû̌ta̤wè̤ tokhlǒ dǒ Cǒmara a ô̌. Pô̤̌nudě, pa pwa̤shû̌gǎ dǒ adû̌lǒkhlo tôpwa̤nu, a bǎ lṳhtò̌ ta̤ tôcǒcǒ.

Petru awǐlǒ tabǎ 2:24

Pô̤̌khô pa gǔ icupe kû̌ ta̤sǔta̤phû̌mò̤̌ tokhlǒ tô̤̌, kǎtô̤̌ pô̤̌khô pa gǔ ô̌htûpwa̤bò̌ kû̌ dǒ ta̤tě̤ta̤mè̤̌ pě ayanudě, bǎ kòyò ma̤sihtò̌ Khrǐ dǒ nò̌dò̌htǔlô̤ akhanu, a phǐhtò̌kè pa ta̤sǔta̤phû̌mò̤̌ nutokhlǒ dǒ anǎ̤lô̤ hǒ. Dǒ a khòbǎ ta̤jî̌ta̤jû̌ nutokhlǒ akhû̌akhî, a ma̤hǎmǎkè bòkè sî hǒ.

Yṳ̂ha ginǐ̤bǎ tôbǎ 1:7

Pwa̤tili̤tôlô̌ kòyò ô̌lṳ̌htò̌ dû̌wî̤ dǒ hǎkhû̌nu hǒ. Yeshǔ Khrǐ hèlò̤ dǒ hǎkhû̌nu, a hè kû̌ kòyòhǎkhû̌phû̌ a sǐshiphěyî̌nu, asî nutokhlǒ mî̌ a olò̤ gû̌ kòyò tô̤̌. Kòyò dǒ a olò̤ kû̌ kòyò pô̤̌nu tô̤̌ tôpwa̤pwa̤ numî̌ a tili̤tôlô̌ kòyò hǒ, dě a mî̌ kòyò dǒ a sǎkhě Khrǐ nutôpwa̤ hǒ.